Өнөөдөр нийслэлд 1 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдугаар сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 313 дахь өдөр бөгөөд он дуусахад 52 хоног үлдлээ.
- Цаг агаар өдөртөө 1 хэмийн хүйтэн бол шөнөдөө -5 градус хүйтэн байх нь ээ.
- Билгийн тооллын 5. Ангараг гараг. Суулга одтой, цагаагчин өдөр. Өдрийн наран 7 цаг 49 минутад мандан, 17 цаг 23 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй. Үс шинээр үргээлгэх буюу засуулахад эд, мал арвидна.
- Валют арилжааны төвд ам.долларын авах ханш 2,850.00 төгрөг, зарах нь 2853.00 төгрөг байна. Харин рублийн авах ханш 40.40, зарах ханш 41.00, юанийн авах ханш 445.50, зарах ханш 446.50, вонийн авах ханш 2.39, зарах ханш 2.40 төгрөг байна.
Өнөөдөр болох онцлох үйл явдлууд:
- 09.00 цагт Монгол Улсын Ерөнхийлөгчийн ивээл дор зохион байгуулагдаж байгаа "Ойн үндэсний чуулган" хоёрдугаар салбар хуралдаан "ОЙЖУУЛАЛТ,НӨХӨН СЭРГЭЭЛТ" сэдвийн хүрээнд Яармаг дах шинэ хотын захиргааны баруун талд, Байгаль орчны судалгаа шинжилгээний төвд болно.
- 10.00 цагт Монгол Улсын Их Хурлын хяналт шалгалтын тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаантай. “Үндсэн хууль” танхимд болно.
- 11.30 цагт Ажиллах хүчний шилжилт хөдөлгөөний тухай хуулийн төслийг хэлэлцүүлэгт бэлтгэх үүрэг бүхий Нийгмийн бодлогын байнгын хорооны ажлын хэсгийн хуралдаантай. "Их засаг" танхимд болно.
- 14.00 цагт Кибер аюулгүй байдлын тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын болон Инновац, цахим бодлогын байнгын хорооны хамтарсан ажлын дэд хэсгийн хуралдаантай. "Үндсэн хууль" танхимд болно.
- 14.00 цагт Боловсролын багц хуулийн төслийг хэлэлцүүлэгт бэлтгэх үүрэг бүхий Боловсрол, соёл, шинжлэх ухаан, спортын байнгын хорооны ажлын дэд хэсгийн хуралдаантай. Их засаг танхимд болно.
- 14.00 цагт Зайсангийн эцсийн зүүн талд хүчингүй болгосон газарт улс төрийн бүлэглэлд хамаарал бүхий ХХК-тай холбоотой хууль бусаар дархан цаазат газрыг ухаж буй талаар Хан-Уул дүүргийн ИХТ Б.Жагар мэдээлэл өгнө.
Энэ өдөр дэлхийн түүхэнд:
- Өнөөдөр Дэлхийн эрх чөлөөний өдөр тохиож байна.
- Мөн өнөөдөр Азербайжан улсын Үндэсний далбааны өдөр тохиож байгаа юм байна.
- 1984 оны энэ өдөр БНСУ-ын алдарт дуучин Seven мэндэлжээ.
- 2012 онд Мьянмарын хойд хэсэгт нэгэн галт тэрэг осолдож, 27 хүн амь насаа алдаж, 80 орчим хүн шархаджээ.
- 2005 онд Иорданд амь золиослогч нар гурван зочид буудалд зэрэг бөмбөг тэсэлснээж болж 60 гаруй хүн амь насаа алджээ.
