Tүүхэндээ анх удаа Huawei брэнд жагсаалтын эхний шилдэг 10-т оржээ.
Их Британид төвтэй брэнд үнэлгээ, стратеги зөвлөгөөний тэргүүлэгч БРЭНД ФАЙНАНС олон улсын байгууллагаас Huawei брэндийг анх удаа хамгийн үнэ цэнэтэй топ 10 брэндийн нэгээр нэрлэснийг энэ даваа гарагт Huawei компани зарлав. Саяхан нийтлэгдсэн Brand Finance Global 500 2020 тайланд Huawei нь 65.084 тэрбум америк долларын брэндийн үнэлэмжээр жагсаалтад байгаа Хятадын гурав дахь компани болж байгаа бөгөөд тус брэндийн үнэ цэнэ жил бүр 4.5%-иар өсөж байгаа аж.
"Олон нийтийн магтаал маргаан дунд байнгын анхаарлын төвд байдаг Хятадын аварга компани хөгжин урагшилсаар байгаа ба 65.1 тэрбум америк долларын брэндийн үнэлэмжээр анх удаа дэлхийн хамгийн үнэ цэнэтэй топ 10 брэндийн жагсаалтад багтлаа" гэж Бренд Финанс тайландаа цохон тэмдэглэжээ.
Шилдэг 500 брэндийн 45.4%-ийг бүрдүүлж буй 205 компани нь АНУ-ын компаниуд бөгөөд тэдний нийт брэндийн үнэлгээ 320.4 тэрбум америк доллар болсноор эдийн засгийн хувьд хамгийн хүчирхэг улсаар тодорсон. Хятад улс удаалж тус жагсаалтын 18.9%-ийг эзэлж байгаа тус улсын 70 компанийн нийт брэндийн үнэ цэнэ 133.4 тэрбум америк доллар болсон байна.
Технологийн салбар нь хамгийн үнэ цэнэтэй салбар хэвээрээ байгаа ба хамгийн үнэтэй 500 брэндийн 46 нь буюу 14% нь технологийн салбараас гаралтай. Тэдгээр технологийн салбарын компаниудын нийт үнэ цэнэ 986.5 тэрбум америк доллараар үнэлэгдэж байна. Huawei нь Хятадын цорын ганц технологийн брэнд болж хамгийн үнэ цэнэтэй топ 10 брэндийн жагсаалтад багтсан.
2019 онд Huawei компанийг 240 сая ширхэг ухаалаг гар утас үйлдвэрлэж, дэлхийн хоёр дахь том ухаалаг утас үйлдвэрлэгч гэсэн байр сууриа хадгална гэж таамаглалыг бодит болгож чадсан. Тус компани 44 сая гаруй ширхэг HUAWEI Mate цуврал, HUAWEI P цувралын утас борлуулсан бөгөөд энэ нь өнгөрсөн оны мөн үетэй харьцуулахад 50%-иар өссөн үзүүлэлт байсан. Чухал, дэвшилтэт технологийг амжилттай нэвтрүүлсний үр дүнд 2019 оны 12-р сарын байдлаар Huawei компанийн 5G ухаалаг гар утасны борлуулалт 6,9 сая ширхэгт хүрсэн.
Мөн онд Huawei компани нь тодорхой хэмжээгээр олонд танигдсан HiLink экосистемийн таблет, хувийн компьютер, IoT төхөөрөмж зэрэг олон төрлийн шинэ бүтээгдэхүүнийг нэвтрүүлж зах зээлд танилцуулсан байдаг.
Website: https://consumer.huawei.com/mn
Facebook: https://www.facebook.com/huawe...
Instagram: https://www.instagram.com/huaw...
