Монголын тамирчид Бишкект медалийн хур буулгав
Киргиз улсын Бишкек хотод эхэлсэн мас-рестлингийн өсвөр үе, насанд хүрэгчдийн VI ДАШТ-д Монголын тамирчид улсаа төлөөлөн хүч сорьж байна. Тус тэмцээний эхний өдөр эрэгтэйчүүдийн ангиллаас 90 кг-ын жинд И.Буяндалай, -125 кг-д Б.Мөнхтүшиг, +125 кг-д М.Төрбат хүрэл медаль хүртэв. Эмэгтэйчүүдийн -85 кг-д Б.Дашням, +85 кг-д Б.Эрдэнэтуяа III байр эзэллээ.
2024-12-03
Астанагийн дэвжээнд амжилтаа бататгасан аварга
Казахстаны Астана хотод өнгөрсөн сард зохион байгуулсан самбо бөхийн ДАШТ-ээс манай тамирчид зургаан медальтай эх орондоо ирсэн. Монголын самбо бөхийн спортод Г.Баяндүүрэн хэмээх нэр тодоос тод сонсогдож, гал гарсан барилдаан, тулаанаараа дэлхийн дэвжээнд цойлж, шилдгүүдийн эгнээнд жагсах болов. Хөдөөгийн эгэл жирийн амьдралаар өсөж, хүмүүжсэн түүнийг спортоор замнахад гэр бүл, өссөн орчин нь багагүй нөлөөлжээ.
2024-12-02
С.Мягмарсүрэн “Ice drift-2024” цувралд түрүүлж, О.Өсөхбаяр улсын аварга болов
Монголд өнгөрсөн нэгдүгээр сараас эхлэн авто спортын “Ice drift-2024” дөрвөн цуврал тэмцээн болсон. Тус тэмцээнд оролцсон тамирчдаас нийт цуглуулсан оноогоор тэргүүн байрт “Дархан дрифт” клубийн 77 дугаартай С.Мягмарсүрэн (600 оноо) шалгарав. Түүний ард 570 оноогоор “I drift” клубийн тамирчин, 11 дугаартай А.Наранбаатар бичигджээ. 512 оноогоор мөн “Дархан дрифт” клубийн тамирчин, хоёр дугаартай Г.Очирлхагва III байр эзэллээ.
2024-11-28
Л.Ариунболд аваргын цом гардлаа
Монголын авто спортын ОУХМ, Гавьяат тамирчин Д.Болдбаатар аваргын нэрэмжит “GT hub” мастер кросс уралдаанд 74 тамирчин хурд сорив. Тэднээс “Батжин транс” ХХК, “VX motors racing” клубийн тамирчин, 36 дугаартай, спортын мастер Л.Ариунболд түрүүлж, аваргын цом гардлаа.
2024-11-27
“Стейниц” академийн шатарчид “Цодгор хүү-2025”-д тэргүүлэв
Улсын аварга, шатрын спортын мастер, Монголын хүүхдийн ордны багш Н.Төрбат агсны нэрэмжит сурагчдын Улаанбаатар хотын аварга шалгаруулах “Цодгор хүү-2025” тэмцээнд 6-7, 10-11 насны ангилалд 335 оролцогч өрсөлдсөн. 6-7 насны охидын ангилалд Ү.Баянлхам (“Chess mind”), хөвгүүдийнхэд М.Үлэмж (“Стейниц” академи) түрүүллээ.
2024-11-27
Чансааны оноо олгох тэмцээний аваргууд тодорчээ
Соёл, спорт, аялал жуулчлал, залуучуудын яамнаас зарласан “Соёлын бүтээлч сар” аяны хүрээнд Монголын сонгодог дартсын холбооноос “Target classic open-10” чансааны оноо олгох тэмцээн зохион байгууллаа. Энэ удаа эрэгтэйчүүдийн дан хосын төрөлд 53 хос өрсөлдсөнөөс спортын мастер Ө.Жаргалсайхан, Б.Давааням нар түрүүлж, шилдгээр тодров.
2024-11-25
Г.Тэнгүүндалай: Шатрын бодлогуудыг маш хурдан бодож, дэлхийн аварга болсон
Баянгол дүүргийн “Эрдмийн өргөө” сургуулийн есдүгээр ангийн сурагч, Дэлхийн шатрын холбооны мастер Г.Тэнгүүндалайг зочноор урьж ярилцахаар “Босоо ноён” клубийг зорив. Тэрбээр Э.Энхнар дасгалжуулагчийн удирдлагад бэлтгэлээ базааж байлаа. Тэд багш, шавийн барилдлага тогтоогоод гурван жил болжээ.
2024-11-25
Б.Ганболд хүрэл медаль хүртэв
Канад улсад энэ сарын 22 хүртэл үргэлжлэх пара гүйлтийн цанын Америк тивийн цомын аварга шалгаруулах тэмцээнд Монголын пара цанын үндэсний шигшээ багийн дасгалжуулагч Ж.Дашдондогийн удирдлагад Б.Ганболд хүрэл медаль хүртлээ.
2024-11-22
Б.Норовсүрэн өврөөр даллах, мэлхий сэлэлтийн төрөлд түрүүлэв
Монгол Улсад биеийн тамир, спортын салбар үүсэж хөгжсөний 100, Говьсүмбэр аймаг байгуулагдсаны 30 жил, Биеийн тамир, спортын бүтээлч сарын хүрээнд зохион байгуулсан Говьсүмбэр аймгийн аварга шалгаруулах усанд сэлэлтийн тэмцээнд 35-аас доош, 36-гаас дээш эрэгтэй, эмэгтэйчүүдийн ангилалд 60 гаруй тамирчин таван төрөлд өрсөлдлөө. 35- аас доош насны эрэгтэйчүүдийн өврөөр даллах сэлэлтийн төрөлд Г.Нямжаргал, эмэгтэйчүүдээс Б.Норовсүрэн түрүүлсэн.
2024-11-21
Монголын дуатлончид дэлхийн чансаанд эрэмбэлэгдлээ
Дэлхийн триатлоны холбооноос дуатлоны тамирчдын амжилтын чансааг шинэчилснээ албан ёсоор зарласан. Уг чансааг эмэгтэйчүүдээс Францын тамирчин Мариан Легран (871.46) ХБНГУ-ын Мерл Брунни (841.66), Жанна Дюпон (653.08 оноо) нар тэргүүлж, эхний гурван байрт жагслаа. Монгол Улсаас долоон тамирчин багтсанаас энэ удаа эмэгтэйчүүдээс А.Оюун-Эрдэнэ 100 оноогоор 96, Ц.Аяс 92.5 оноогоор 103 дугаар байрт эрэмбэлэгдэв.
2024-11-21
Хошёорюү С.Бямбасүрэн Кюүшюү башёг тэргүүлж байна
Японы Фүкүока хотод болж буй мэргэжлийн сүмогийн энэ оны сүүлчийн Кюүшюү башёд зодоглосон Монголын бөхчүүдээс Хошёорюү С.Бямбасүрэн маэгаширагийн тав дахь бөх Котошохог унагаснаар есөн даваа, нэг унаатай тэргүүлж явна. Японы сүмочдоос Озэки Котозакүра түүнтэй адил даваа, унаатай башёг үргэлжлүүлж буй.
2024-11-21
Шүүгч, дасгалжуулагчид сургалтад хамрагдана
Азийн олимпын зөвлөлөөс дасгалжуулагч, шүүгчдийн спортод оруулж буй хувь нэмрийг үнэлэх, ур чадвар, хүний нөөцийг нэмэгдүүлэх зорилгоор хөгжлийн хөтөлбөр хэрэгжүүлж байгаа. Малайзын Куала-Лумпур хотод энэ сарын 25-наас арванхоёрдугаар сарын 1 хүртэл зохион байгуулах сургалтад Монголоос дөрвөн төрлийн спортын найман шүүгч, дасгалжуулагч хамрагдах нь.
2024-11-21
Монголын шигшээ Австралийн багтай тоглоно
Хөл бөмбөгийн “Панда кап-2024” тэмцээнд оролцож буй Монголын 19 хүртэлх насныхны шигшээгийн тамирчид Австрали улсын багтай тоглоно. Эл улсын шигшээ энэ жил долоон тоглолтод оролцохдоо тав хожин, нэг тэнцэж, ялагджээ. Тэд дээрх тэмцээнд одоогийн байдлаар Киргизийн тоглогчдыг 4:2-оор буулган авч, өмнөд хөршийн тамирчидтай 1:1-ээр тэнцэн, хүснэгтийн хоёрдугаар байрт бичигдэж буй. Тус багийн онцлох тоглогч нь Нидерландын “PSV Eindhoven” багийн Маркус Юниc.
2024-11-20
Б.АЛТАНЧИМЭГ: Хэцүү санагдсан үед анх хэрхэн эхэлснээ боддог
Тулааны спортын олон улс, тив, дэлхийн тэмцээний дэвжээнд амжилттай оролцож, улсынхаа нэрийг гаргасаар байгаа тамирчин манайд цөөнгүй бий. Тэдний нэг бол “Их засаг” их сургуулийн оюутан, “One team” клубийн тамирчин Б.Алтанчимэг. Тэрбээр Узбекистаны Ташкент хотод зохион байгуулсан холимог тулааны 10 дахь удаагийн ДАШТ-ий залуучуудын ангиллын-61.2 кг-ын жинд хүрэл медаль хүртсэн билээ. Түүний амжилт Монголын холимог тулааны спортын түүхэнд нэгэн шинэ хуудас нээж, үүгээр сонирхож хичээллэдэг хүүхэд, залууст урам зориг өгсөн юм.
2024-11-19
