Химийн олон улсын олимпиадаас хос хүрэл медаль хүртлээ
Ташрамд дурдахад, өнгөрсөн жил БНХАУ-ын Тянжинь хотод болсон химийн олон улсын 54 дүгээр олимпиадад манай улсаас дөрвөн сурагч оролцож, бүрэн бүрэлдэхүүнээрээ буюу тус бүр хоёр мөнгө, хүрэл медаль авч байв. Мөн Японы Хигашиосака хотноо 2021 онд зохион байгуулсан олимпиадад “Орчлон” сургуулийн сурагч О.Тэмүжин мөнгөн медалийн эзэн болсон билээ.
2023-07-26
Ядарсан үедээ жолоо барьснаас үүдэн осолдох явдал гарсаар байна
Ховд аймгийн Манхан сумын Ботгон багийн нутаг, Ботгоны хавцал гэдэг газарт хүнд даацын автомашин онхолдож, жолооч нь амиа алджээ. Онцгой байдлын байгууллагад уг ослын талаарх дуудлага ирсний дагуу Манхан сум дахь аврах бүлгийн аврагчид газар дээр нь ажиллахад тус аймгийн Булган сумаас аймгийн төв рүү явж байсан “Норд бенз” загварын ачааны автомашин замын зорчих хэсгийн хажуу руу онхолдсон байсан гэнэ. Уг автомашины бүхээгт жолоочоос гадна гурван хүн сууж явсан бөгөөд тэдний биеийн байдал хэвийн гэж орон нутгийн эх сурвалжууд мэдээлэв.
2023-07-26
20 жилийн завхралаа хоёрхон барилгад тохоод өнгөрөх вий
Үертэй холбоотой сэдэв“халуун” хэвээр, эрсдэл буураагүй, цаашид ч үргэлжлэх магадлалтай энэ үед хувийн хэвшлийн “Престиж инженеринг” болон “Хайдродизайн прожект” компанийнхан хамтран Улаанбаатар хотын инженерийн бэлтгэл арга хэмжээний мастер төлөвлөгөө боловсруулснаа нийслэлийн удирдлагуудад танилцуулсан нь анхаарал татлаа. Уг төлөвлөгөөг 70 орчим инженер, зөвлөх мэргэжилтний бүрэлдэхүүнтэй боловсруулсан бөгөөд тэд цаашид болзошгүй эрсдэлээс сэргийлэхийн тулд “S’outlet” дэлгүүр, “Авлига хороолол”-ыг зайлшгүй нурааж, усан замыг чөлөөлөх шаардлагатай хэмээн “оношилжээ”. Эдгээрээс гадна голуудад саад болсон барилга дахиад 27 бийг ч тогтоосон гэнэ.
2023-07-26
Замын ажил удааширснаас байгаль орчинд хохирол учирсан гэв
Аялал жуулчлалын гол бүс нутаг болсон Хөвсгөлийн тусгай хамгаалалттай газрыг дэд бүтэцтэй болгох төслийг 2018 онд эхлүүлсэн ч цар тахал, хүйтний улирал, жуулчлалын оргил үе зэргээр шалтаглан цалгардуулсаар дуусгахаар төлөвлөсөн хугацаанаас нь гурван жил хэтрүүлээд буйг нутгийн иргэд хэлэв. Ингэснээр тогтвортой аялал жуулчлалыг хөгжүүлэх төслийн зорилгыг алдагдуулж, олон жил дуншсан Дархан-Уулын замынхтай ижил нөхцөл үүсгэж байгааг ч хөндлөө.
2023-07-25
Ирвэст зориулж хөв байгуулна
Төслийн хүрээнд ерөнхий боловсролын сургуулийн сурагчдад экологийн боловсрол олгоход чиглэсэн ажлууд голдуу хэрэгжүүлдэг бол энэ онд “уулын эзэн”-д зориулж, Говь-Алтай аймгийн Дарви сумын Мараатын эх хэмээх газарт хөв байгуулахаар болжээ. Тус цэгт ус хуримтлуулах хөв байгуулснаар цоохор ирвэс, түүний идэш тэжээл бологч амьтдын амьдрах орчин сайжирна гэж үзэж байгаа аж. Хөв барих аж ахуйн нэгжийг ирэх сарын 3-ны дотор шалгаруулж, ажлыг нь 20-нд эхлүүлэн, аравдугаар сарын сүүлчээр ашиглалтад оруулахаар төлөвлөжээ.
2023-07-25
Номын сангийн цахим систем нэвтрүүлэх нь
Улсын хэмжээний бүх номын санг хамруулсан нэгдсэн цахим системийг Соёлын яамнаас хөгжүүлж байгаа гэнэ. Одоогоор уг системийг нэвтрүүлэх туршилтын ажлуудыг гүйцэтгэж буй аж. Тухайлбал, системийг хэрэглээнд нэвтрүүлэхийн тулд юуны түрүүнд хүний нөөцийг чадавхжуулах шаардлагатай юм байна. Үүнтэй холбоотойгоор дээрх яамнаас нийтийн номын сангуудын мэдээллийн ажилтан, номын санчдыг үе шаттайгаар сургалтад хамруулж эхэлсэн аж. Өөрөөр хэлбэл, цахим системийг номын сандаа нэвтрүүлэх, ашиглах, түүний дагуу ном, уншигчдыг бүртгэх зэрэг ойлголтыг номын санчдад өгөх богино хэмжээний сургалтууд явуулж байгаа гэнэ.
2023-07-25
Аргалантад морьтой циркчид тоглож байна
Морьтой циркчдийн “Чүрэ андури” тоглолт “Сэртэн морьтон” цогцолборт энэ сарын 31 хүртэл өдөр бүр 14.00, 17.00 цагт болж буй аж. Уг цогцолбор нь Төв аймгийн Аргалант сумын I багийн нутагт, Хустайн нуруу, Молцог элсний ард, Сэртэн уулын баруун талд байрладаг юм байна. Тэд монголчуудын ахуй, амьдралын хэв маяг, хүн, байгалийн шүтэлцээ, ан ав, дайтах ур чадвар, урлаг, урлахуйн соёлын талаар циркчилсэн тоглолтоор үзүүлдгээрээ онцлогтой. Уран бүтээлчид энэзун “Чүрэандури” хэмээх домогчилсон зохиолын хүрээнд алтай ятгаас сэдэвчилсэн үзүүлбэр толилуулж байгаа гэнэ. Суудлын тоо 2500, тасалбарын үнэ49-150 мянган төгрөг аж. Харин 0-8 насны хүүхдэд үнэ төлбөргүй үйлчилдэг юм билээ.
2023-07-25
Манай сонины гэрэл зурагчин Э.Харцага “Чэндү-2021” наадмыг сурвалжилна
“Өнөөдөр” сонины гэрэл зурагчин Э.Харцага БНХАУ-ын Чэндү хотноо зохион байгуулах дэлхийн оюутны зуны универсиад наадмын гэрэл зургийн сурвалжлагчаар ажиллана. Монголын оюутны спортын холбооноос түүнийг дээрх наадмыг сурвалжлуулахаар сонгосон юм. Манай гэрэл зурагчнаас гадна “Eagle” телевизийн сэтгүүлч, зураглаач нардээрх наадмыг сурвалжлах юм байна. Э.Харцага өмнө нь “Гуанжоу-2010”, “Инчон-2014”, “Жакарта-2018” Азийн наадам, “Пёнчан-2018” өвлийн, “Токио-2020” зуны олимпод гэрэл зургийн сурвалжлагчаар ажилласан туршлагатай.
2023-07-25
Аялал жуулчлалын мэргэжлийн холбоог Ц.Баатарсайхан удирдах нь
Шинэчлэн найруулж баталсан Аялал жуулчлалын хуульд тур оператор, аяллын агентлаг, үйлчилгээний байгууллагуудыг бүртгэж, мэргэжил, арга зүйгээр хангах нийтийн эрх зүйн хуулийн этгээд буюу аялал жуулчлалын мэргэжлийн холбоо байгуулахаар тусгасан билээ. Үүний дагуу тус холбооны удирдлага сонгох, ёс зүйн дүрэм батлах зорилготой бүх нийтийн хурлыг өнгөрсөн баасан гарагт зохион байгууллаа. Хурлаар аялал жуулчлалын мэргэжлийн холбооны удирдах зөвлөлийн 15, хяналтын зөвлөлийн есөн гишүүнийг томилж, ерөнхийлөгчөөр нь “Таванбогд групп”-ийн Ц.Баатарсайханыг сонгосон байна.
2023-07-24
ХЭҮК-ын үр дүнтэй ажиллах чадавхыг бэхжүүлэх шаардлагатай гэв
Өмнөх яриа хэлэлцээнээс хойш гаргасан ахиц дэвшил, Монгол Улсын хүний эрхийн төлөв байдлын илтгэлийг хэлэлцүүлсний мөрөөр НҮБ-ын Хүний эрхийн зөвлөлөөс өгсөн зөвлөмжийн хэрэгжилтийн талаар тэд ярилцжээ. Мөн НҮБ-ын хүрээн дэх хоёр талын хамтын ажиллагаа, Хүний эрхийн суурь конвенциудын хорооноос өгсөн зөвлөмж, Европын Холбооны хөнгөлөлтийн ерөнхий систем (GSP+) хөтөлбөрт хамрагдах үндсэн шалгуурын тухай мэдээлэл, санал солилцсон аж.
2023-07-24
Олон улсын физикийн олимпиадын хорооны гишүүнээр монгол багш нар сонгогдлоо
Үүний дараа Олон улсын физикийн олимпиадын албан ёсны хурал болж, Монгол Улсын багийг ахалсан МУИС-ийн багш, доктор, дэд профессор Г.Мөнхбаяр, ШУТИС-ийн багш, доктор, дэд профессор Г.Зоригт нарыг дараа жилийн олимпиад болох хүртэл нэг жилийн хугацаанд гишүүнээр ажиллуулахаар сонгосон байна. Уг хорооны гишүүн нь олон улсын физикийн олимпиадын дүрэмд өөрчлөлт оруулах, санал гаргах эрхтэй. Мөн санал хураалтад улсаа төлөөлөн оролцох эрхтэй юм байна. Түүнчлэн олимпиадын хорооны мэдээ мэдээллийг шуурхай хүлээн авах боломжтойгоороо давуу талтай аж.
2023-07-24
Богд хааны ордон музейг сэргээн засварлах ажлын явц 50 хувьтай байна
Найдан сүмийн дээврийн ваарыг хуулж, шинээр тавихаар бэлдэж байгаа гэнэ. Музейг сэргээн засварлахын тулд Энэтхэг болон БНСУ-ын соёлын өв, уран барилга, архитектурын дурсгалыг засварладаг, олон улсын туршлагатай мэргэжилтнүүдийг урьж ажиллуулж байна. Түүнчлэн Монголын мэргэжилтнүүд ч хамтарсан аж. 120 гаруй жилийн настай энэхүү музей нь Монголын ууган бөгөөд хамгийн баялаг сан хөмрөг бүхий түүх, соёлын үл хөдлөх дурсгалт байгууламж юм. 1893-1903 оны хооронд барьсан тус музейд XVII-XX зууны үеийн Монголын хаант төр, шашин түүх, урлаг соёлын давтагдашгүй, хосгүй үнэт дурсгалуудыг хадгалж байна.
2023-07-24
Хандив, тусламжийн талаарх мэдээллийг нээлттэй, ил тод байлгана
Улаанбаатарт үүссэн үерийн нөхцөлд үүрэг гүйцэтгэсэн алба хаагч, ажилтнуудад зориулан иргэд, аж ахуйн нэгжүүд бэлэн мөнгө, шатахуун, хоол хүнс, бараа материалаар Нийслэлийн онцгой комисс (НОК)-т хандив өгсөн билээ. Тодруулбал, өнөөдрийн байдлаар БНСУ-ын Элчин сайдын яам, байгууллагууд 18, “Ви Эс ойл”, “Лекс ойл” 200, нийслэлийн ИТХ-ын 20 төлөөлөгч нар тав, нийслэлийн харьяа агентлагууд 6.8 сая төгрөг хандивласан. Мөн “Улаанбаатар шинэ бүтээн байгуулалт” ХХК 0.6, “Ачит” 100, Төрийн тусгай хамгаалалтын газар хоёр, ЦЭМОБИ ХХК 11, “Ариг” банк 10 сая төгрөгийн хандив өгсөн байна. Үүнээс гадна “Хүдэр-Эрдэнэ” ХХК тав, “Экоконстракшн” 10, иргэн Д.Батмөнх тав, н.Бадамханд 10 сая төгрөг зэргээр нийт 436 401 320 төгрөгийн мөнгөн тусламж үзүүлжээ.
2023-07-21
“Япон фестиваль Монголд” арга хэмжээг цуцлав
Япон орны соёл, орчин цагийн хөгжлийг сурталчлах зорилгоор Үндэсний соёл, амралтын хүрээлэнд жил бүрийн наймдугаар сард зохион байгуулж ирсэн “Япон фестиваль Монголд” арга хэмжээг цаг үеийн нөхцөл байдалтай холбогдуулан хойшлуулснаа “Нарны наадам” НҮТББ-аас мэдэгдлээ. Энэ сарын эхээр нийслэлд бороо элбэг орсноос парк усанд автаж, наадмын үндсэн талбай болох “White rock center”-ийн хэсэг сүйдсэн тул ийм шийдвэр гаргажээ. Мөн бохирдсон газруудыг гүйцэд ариутгаж, цэвэрлээгүй байхад нийтийг хамруулсан үйл ажиллагаа явуулах нь эрсдэлтэй гэж үзсэн байна.
2023-07-21
Халдашгүй байдлын хил хязгаар алдагдсан орчин
Бүгдээрээ хэлэлцвэл буруугүй, бүлээн усаар угаавал хиргүй гэх үг орчин цагт бүгдээрээ хэлэлцвэл буруутай болж хувирчээ. Олон нийтийн сүлжээнд оруулж буй мэдээ, мэдээлэлд шүүлтүүргүй хандаж, бусдыг “ялладаг” гэмтнүүдийн орон зай улам тэлсээр байна. Нийгмийн сүлжээн дэх аливаа мэдээллийг хүн юуны түрүүнд таалах болон эс таалах нүдээр харж, хүлээж авдаг гэдгийг санууштай. Мөн хүн төрөхөөсөө л өөнтөгч, хэрэгт дурлагч, хошуурагч зан чанартай байдаг.
Сошиал хэрэглээ орчин цагт хүний энэхүү чанарыг улам “өрдөж”, улмаар хэн нэгний эрх, орон зайд хайр найргүй халдах болсныг зайлшгүй “хазаарлах” шаардлагатай болжээ. Цахим орчинд “амьдардаг” хүмүүс нийгмийн сүлжээг хэн нэгний хувийн орон зайд халдах, эрхийг нь бүдүүлгээр зөрчих “дархан эрх”, хувийн эрх ашгаа хамгаалах хэрэгсэл гэж харах болсонд гол асуудал байна. Эцэстээ тэд бусдын орон байрт хүртэл халддаг боллоо. Үүнийг нотлох хамгийн сүүлийн жишээ нь “Jet sharing Mongolia” компанийн ажилтнууд байлаа.
2023-07-21
Хүүхдийн номын сан, театр байгуулах газраа ашиглахгүй байтал хогийн цэг болгох нь
Гэтэл өдгөө тухайн газарт төмөр сараалжин хашаа босгосноос өөр юу ч хийгээгүй байна. Холбогдох байгууллагынхан ч ийм газар бий гэдгийг мартаж орхисон бололтой. Олон нийт ч Хүүхдийн төлөө сангийн хөрөнгө хаачив гэж үе үе эзэнгүй асуулт тавьдгаас биш, энэ газар яав ийв гэж төдийлөн анхааралгүй өнөөдрийг хүрчээ. Тиймээс бид тус санд хуримтлагдсан мөнгөөр хүүхдэд зориулсан бүтээн байгуулалт хийхийг холбогдох байгууллагуудад уриалж, сануулахын зэрэгцээ фонд сэргээн байгуулах шийдвэрээс улбаатайгаар шилжүүлэн олгосон уг газрыг зориулалтынх нь дагуу ашиглах асуудлыг ч давхар хөндөж буй юм.
2023-07-21
“Чэндү-2021” наадамд оролцох сагсан бөмбөгийн тамирчдад өмсгөл гардууллаа
Уг наадмыг 2021 онд зохион байгуулахаар товлосон ч цар тахлын улмаас хойшлуулсан юм. Оюутны универсиад хоёр жил тутамд өвөл, зуны спортын төрлүүдээр болдог. Зуны универсиад наадам анх 1959 онд Италийн Турин хотноо явагджээ. Монголын тамирчид 1965 оны Унгарын Будапештийн наадмаас оролцож эхэлсэн байна. Дэлхийн спортын түүхэнд универсиад наадмыг спортын төрөл, тамирчны тоо, зохион байгуулалтын хэлбэр, далайцаар нь “бага олимп” хэмээн нэрлэдэг.
2023-07-21
“Галерей аялж байна” хөтөлбөрийг Хөвсгөлд хэрэгжүүлэхээр болов
Тухайлбал, “Хөгжимтэй уран зураг”, “Агуу уран зураг” сэдэвт урлагийн боловсрол олгох хөтөлбөртэй. Үүний хүрээнд Монголын дүрслэх урлагийн бүтээлүүдийг таниулан сурталчлахаар төлөвлөжээ. Мөн урлагийн сэтгэл заслын талаар таниулан сурталчлах “Хандлагаар анагаахуй” арга хэмжээтэй юм байна. “Галерей аялж байна” хөтөлбөрийг өмнө нь Төв, Дархан-Уул, Орхон аймагт зохион байгуулж байв. Энэ удаад Хөвсгөлийг сонгосон нь жуулчдад хүрч ажиллах зорилго тавьсных гэнэ.
2023-07-20
Баруун аймгуудад ландшафт, геоморфологийн судалгаа хийжээ
Судлаачид Говь-Алтай, Завхан, Увс, Ховд аймгийн 30 орчим сумын нутагт 7000 км зам туулан ажиллахдаа өндөрлөг уулс, нуруудын хоорондох хөндий, томоохон хотгоруудыг зураг болон дүрс бичлэгээр баримтжуулж, танин мэдэхүйн каталог, мэдээллийн сангийн эх үүсвэр бүрдүүлжээ.
2023-07-20
