Төгсөх ангийн сурагчдын улсын шалгалтын товыг гаргалаа
Тэгвэл суурь боловсрол эзэмших есдүгээр ангийн сурагчид ирэх сарын 5-8-нд монгол хэл, математик, гадаад хэл болон сонгосон нэг хичээлээрээ шалгалт өгнө. Бүрэн дунд боловсрол эзэмших төгсөх ангийн сурагчид, мэргэжлийн сургалт, үйлдвэрлэлийн төвд суралцагчдаас дээр дурдсантай адил хугацаанд шалгалт авах хуваарь гаргасан байна. Шалгалтыг орон даяар зэрэг эхлүүлэх бөгөөд тавдугаар ангийнх 60, ес, 12 дугаар ангийнх нь 80 минутын хугацаатай байх гэнэ.
2023-05-15
Зуслангийн гурван чиглэлд 15 автобус нэмэлтээр явуулна
Нийслэлийн удирдах ажилтнуудын шуурхай зөвлөгөөн болж, нийслэлийн Засаг дарга бөгөөд Улаанбаатар хотын захирагч Д.Сумъяабазар Хан-Уул дүүргээс цахимаар удирдан явуулав. Өнгөрсөн шуурхай зөвлөгөөнөөр Хотын дарга 15 чиглэлээр үүрэг, даалгавар өгсөн. Тухайлбал, Газрын зөрчил арилгах талаар авах зарим арга хэмжээний тухай захирамжийн хэрэгжилтийг хангаж, гарааш чөлөөлсөн талбайг тохижуулах ажлыг эрчимжүүлэхийг үүрэг болгосон. Үүний хүрээнд энэ сарын 5-ны байдлаар 21 байршилд 282 гарааш чөлөөлжээ. Нийт 132 байршилд 2355 гарааш чөлөөлөх бөгөөд нийт талбайн хэмжээ 5251 ам метр юм.
2023-05-12
“Өсвөр үеийнхэн, байгаль орчин ба хууль” төсөлд 3000 сурагч хамруулав
МУИС-ийн Экологийн боловсролын төв, ХБНГУ-ын Ханнс Зайделийн сан хамтран “Өсвөр үеийнхэн, байгаль орчин ба хууль” төслийг хоёр дахь жилдээ хэрэгжүүлж буй. Үүний хүрээнд зохион байгуулсан хаврын сургалт, танин мэдэхүйн аялалд Чингэлтэй, Сонгинохайрхан дүүргийн ерөнхий боловсролын сургуулийн 3000 сурагчийг хамруулж, байгаль орчин, хууль, эрх зүйн мэдлэг олгожээ. Дараагийн сургалт, аяллыг арваннэгдүгээр сард зохион байгуулж, Сонгинохайрхан дүүргийн өсвөр үеийн 2000 орчим хүүхдийг хамруулахаар төлөвлөсөн байна. Сурагчдад экологийн боловсрол олгох зорилготой танин мэдэхүйн аяллыг Экологийн боловсролын төвийн судлаач, мэргэжилтнүүд хариуцсан бол хууль, эрх зүйн хүрээний мэдлэг, мэдээлэл өгөх сургалтыг Экологийн цагдаагийн албаны Урьдчилан сэргийлэх, хамтын ажиллагааны хэлтэс, Гэмт хэргээс урьдчилан сэргийлэх ажлыг зохицуулах зөвлөлийнхөн орсон аж.
2023-05-12
Унци алтны ханш 2030 ам.долларт хүрэв
Зах зээлд оролцогчид АНУ-ын инфляцын түвшнийг танилцуулахыг хүлээж буй энэ үед алтны ханш өссөн тухай “Reuters” дамжуулав. Эл үзүүлэлтийг тус улсын Төвбанк бодлогын хүүгээ ирэх сард нэмэх, эсвэл хэвээр үлдээх шийдвэр гаргахдаа харгалзан үзэх юм. АНУ өрийн таазтай холбоотой асуудлаа хэрхэн шийдэх нь хөрөнгө оруулагчдын анхаарлыг мөн татаж байгааг мэргэжилтнүүд дурджээ. Тус орны өрийн тааз 31.4 их наяд ам.долларт хүрээд байгаа гэнэ. Улс орнуудын эдийн засгийн нөхцөл байдал, эрэлт, нийлүүлэлтийн харьцаа зэрэг нь хөрөнгө оруулалтын найдвартай хэрэгсэлд тооцогддог алтны ханшид ойрын хугацаанд нөлөөлөх аж. Өчигдрийн байдлаар унци алтны ханш 2030 ам.долларт хүрсэн нь өнгөрсөн баасан гаргийнхтай харьцуулахад 1.45 хувьбуюу 30 “ногоон”-оор дээшилсэн үзүүлэлт юм.
2023-05-11
Туялзуур сэлмийг хичээлийн хөтөлбөрт оруулах уу
Тэрбээр АНУ-ын “Делаваре” их сургуулийн цахим, танхимын сургалтад хамрагдсан юм. Сертификат гардуулах арга хэмжээнд ОУОХ-ны ерөнхийлөгч Томас Бах уригдаж, төгсөгчдөд амжилт хүсэн, сурч мэдсэн зүйлээ эх орондоо хэрэгжүүлэхийг зөвлөсөн байна. Г.Халиунаа “Туялзуур сэлмийн спортыг хувийн болон ерөнхий боловсролын биеийн тамирын хичээлийн хөтөлбөрт оруулах нь” сэдвээр диплом хамгаалж, есдүгээр сараас “Оюунлаг” сургуульд хэрэгжүүлэхээр болжээ. Тэрбээр 2015-2019 онд Азийн АШТ болон Азийн наадамд туялзуур сэлмээр оролцож, гадаадад дасгалжуулагчаар ажиллаж байв.
2023-05-11
Монголын багийнхан Бишкект медалийн хур буулгав
Тус тэмцээний мэргэжлийн төрөлд өрсөлдсөн оролцогчдоос 78 кг-д ахмад Г.Цолмонхүү (029) түлхэлттэйд хүрэл, багийнхад мөнгөн медаль зүүсэн байна. Насан хүрэгчдийн 35-39 насныхны эмэгтэйчүүдийн ангилалд 68 кг-д сургагч ахлагч П.Ганзаяа (232), 68 кг-д ахлах дэслэгч С.Ууганцэнгэл нар (330) түлхэлтэйд тус бүр алтан медалийн эзэн болж, аваргуудын тоог ахиулав. Монголын тамирчид Бишкекээс алт, мөнгө тус бүр 11, дөрвөн хүрэл, нийт 26 медаль хүртсэн байна.
2023-05-11
Тамирчид амжилтынхаа чансаагаар эрэмбэлэгдэнэ
Монголын спорт өрөлтийн холбооноос “Оюуны спортын менежмент” байгууллагатай хамтран улаан бугуйвчтай шилдэг 50 тамирчны дунд “Одтой тамирчин” тэмцээнийг ганцаарчилсан, хос, багийн буухиа төрөлд зохион байгуулав. Хос болон багийн төрөлд өрсөлдөж, эхний гурван байрт шалгарсан нь Дэлхийн спорт өрөлтийн холбоонд албан ёсоор бүртгэгдэн, амжилтынхаа чансаагаар эрэмбэлэгдэж байгаа. Тус тэмцээний II шатанд ганцаарчилсан төрөлд 10 тамирчин шалгарснаас Дархан-Уул аймгийн “Mindful” клубийн оролцогч Д.Гоомарал аварга боллоо. Тэгвэл хосын төрөлд Н.Буянжаргал, С.Ивээл нар (“Язгуур”) түрүүлж, багийн буухиад Хэнтий аймгийн “Чингис” клубийн Л.Тэргэл, Д.Мөнгөнтогос, М.Цэцэйхэн, Э.Сод-Эрдэм нар тэргүүн байр эзэлсэн байна.
2023-05-11
УИХ-ын гишүүд Үндсэн хуульд оруулах өөрчлөлтийн төслийг танилцуулж байна
УИХ-ын энэ хаврын ээлжит чуулганы тавдугаар сарын 5-ны нэгдсэн хуралдаанаар Үндсэн хуульд оруулах өөрчлөлтийн төслийн нэг дэх хэлэлцүүлгийг хийсэн. Үндсэн хуульд нэмэлт, өөрчлөлт оруулах журмын тухай хуулиар хэлэлцүүлэг хоорондын хугацаа хэлэлцэж буй асуудлын шинж байдал, цар хэмжээнээс хамааран долоогоос доошгүй ажлын өдөр байх ёстой. Энэ хугацаанд УИХ-ын гишүүд тойрогтоо шууд болон өөрийн бие төлөөлөгчөөр дамжуулан уг үйл ажиллагааны үр дүнг мэдээлж, иргэдийн санаа бодлыг судалж, харгалзан үзэх ажлыг гүйцэтгэх зохицуулалттай. Үүний дагуу УИХ-ын дарга Г.Занданшатар 2023 оны 85 дугаар захирамжаар гишүүдийг тойрогт нь ажиллуулахаар томилсон юм.
2023-05-11
Г.ЗАНДАНШАТАР: Авлигатай тэмцэх хөрс суурь төрийн албан хаагчийн ёс зүйн тухай хуулиас эхэлнэ
Төрийн 4337, төрийн оролцоотой байгууллагын 234 251 албан хаагчид энэ хууль үйлчилнэ. “Ёс зүй гэдэг бол хуулийн амин сүнс. Ёс зүйгүй бол мянган хууль гаргаад ч дагаж мөрдөхгүй” гэсэн эртний дорно дахины зүйр цэцэн үг бий. Ийм учраас ёс зүйн хэм хэмжээг бүх шатанд мөрдөж байж, нийгмийн шударга ёс тогтож сэргэдэг” гэж онцлоод, төрийн бүх байгууллагын дэргэд байгуулагдах Ёс зүйн зөвлөл, Төрийн албаны зөвлөлийн дэргэд ажиллах Ёс зүйн хороо хуулийг хэрэгжүүлж ажиллахад чухал үүрэг, оролцоотой болох талаар оролцогчдод дэлгэрэнгүй танилцууллаа. Түүнчлэн нийслэлийн хороодод тулгамдаж буй нийтлэг асуудал, түүний цар хүрээний талаар байр сууриа илэрхийлж, оролцогчдын асуултад дэлгэрэнгүй хариулт өгөв. Оролцогчид цаг үеийн асуудал болох Үндсэн хуульд оруулах өөрчлөлтийн талаар УИХ-ын даргаас асуулт асууж, байр суурийг нь тодруулж байлаа.
2023-05-11
Сонгуулийн сурталчилгааны зардлыг далайцтай бууруулах шаардлагатай гэв
“Шударга сонгуулийн төлөө иргэний нийгмийн хяналт”-ыг 2008 онд байгуулсан бөгөөд сонгуулийн үйл явцын ил тод байдлыг сайжруулахад иргэний нийгмийн хяналт, оролцоог хангах зорилготой төрийн бус байгууллагуудын сүлжээ юм. Гишүүн байгууллагууд нь сонгуулийн ажиглалт, зардлын тайлан, сонгогчийн нэрийн жагсаалт, нийгмийн сүлжээн дэх сурталчилгаа гэх мэт өргөн хүрээнд хяналт, шинжилгээ хийж ирсэн туршлагатай.
2023-05-11
“Макбет”-аас үүдсэн хэлхээ бодлууд
Аливаа дуурийг амилуулж, амьдруулж байдаг хэсэг бол яах аргагүй хөгжимчид юм. Италиас ирсэн Стефано Торболийн удирдсан жүжгийн тоглолт болоод ялангуяа симфони найрлын тоглолт, найрал хөгжмийн дуугаралт гайхамшигтай байсныг хэлэх хэрэгтэй. Баярлалаа хөгжимчид өө. Та нар байхгүй бол тайз яах билээ. Харамсалтай нь, доор байгаа хөгжимчдийг тоож талархах хүн байсангүй. Мөн жүжгийн эхлэл, төгсгөлийн ёсолгоо, элдэв зүйлд шүүмжлэлтэй хандах нь театрын ёс зүйд шууд нөлөөлөх юм.
2023-05-10
Километр бүрт 100 евро төлнө
М.Мунецигийн сайхан сэтгэл үүгээр хязгаарлагдахгүй. Тэрбээр 2021 оны нэгдүгээр сард Зимбабвегийн нийслэл Хараре хотоос холгүй орших Горомонзи тосгон дахь дунд сургуульд багийнхаа нэрэмжит сангаар дамжуулж хөлбөмбөгийн хувцас хэрэгсэл, найман бөмбөг хандивлажээ. Тэрбээр зуны амралтаараа эх орноороо аялж байгаад уг сургуулиар оржээ. Сургуулийн удирдлагатай уулзсаны дараа тэдэнд бэлэг өгөх гэнэтийн шийдвэр гаргасан аж. Үүнээс гадна Хараре хотын захын Мабвуку дүүргийн хоёр ч сургуулийн ядуу айлын 60 хүүхдийн сургалтын хэрэгслийг М.Мунеци даадаг байна.
2023-05-10
Премьер лигийн “аймшигтай” үзүүлэлт
Хэдий амжилт тааруу байгаа ч дасгалжуулагчааавч үлдэхээр шийдсэн хоёр баг бол “Вестхэм”, “Форест”. Хоёул доод лиг рүү унах бүсэд яваа баг. Харин “Челси”, “Лидс” баг энэ улиралд дөрвөн ч дасгалжуулагчийн нүүр үзлээ. Тэднээс хоёр нь дасгалжуулагчийн үүргийг түр орлон гүйцэтгэсэн юм. Харин “Астон вилла”, “Кристал палас”, “Лестер”, “Саутхэмптон”, “Тоттенхэм”, “Вулверхэмптон” баг тус бүр гурван ч дасгалжуулагчтай ажиллаж үзсэн байна.
2023-05-10
Үндсэн хуульд оруулах өөрчлөлтийн төсөлд саналаа өгөөрэй
Үндсэн хуульд нэмэлт, өөрчлөлт оруулах журмын тухай хуулийн 5.4.5-д “Төслийн талаарх иргэдийн болон тэдгээрийн хамт олон, байгууллагын саналыг УИХ-ын олон нийттэй харилцах бүх сувгаар хүлээн авч, төсөлд хэрхэн тусгасан тухай мэдээлж байх”-аар тусгасан. Үүний дагуу УИХ-ын Тамгын газраас Үндсэн хуульд оруулах өөрчлөлтийн төсөлд иргэдээс санал авч эхэлжээ. Тодруулбал, sanal@parliament.mn цахим шуудан, “УИХ-ын Тамгын газар, Монгол Улс, 14201, Улаанбаатар хот, Сүхбаатар дүүрэг, жанжин Д.Сүхбаатарын талбай 1, Төрийн ордон” шуудангийн хаяг, d.parliament цахим хуудас, 51-267302 дугаарын утсаар холбогдож саналаа өгөх боломжтой аж.
2023-05-10
Инфляцын түвшин 11.3 хувь болжээ
Улсын хэмжээнд хэрэглээний бараа, үйлчилгээний үнэ өнгөрсөн сард өмнөх жилийн мөн үеэс 11.3, 2022 оны эцсээс 4.7, өнгөрсөн сарынхаасаа 1.3 хувиар өссөнийг Үндэсний статистикийн хорооноос мэдээлэв. Инфляц өмнөх оны мөн үеэс 11.3 хувиар өсөхөд хүнсний бараа, ундаа, усны бүлгийн үнэ дүнгээрээ 17, согтууруулах ундаа, тамхиных 8.1, хувцас, бөс бараа, гутлынх 13.2, орон сууц, ус, цахилгаан, хийн болон бусад түлшнийх 6.7 хувиар дээшилсэн нь голлон нөлөөлжээ.
2023-05-10
Улстөрчийн нэр барьж өмгөөллийн үйлчилгээ үзүүлэх ёсгүй л байлтай
“Эрдэнэс Тавантолгой” ХК-д онцгой дэглэм тогтоож, гүйцэтгэх захирал Б.Ганхуяг тэргүүтэй хүмүүсийг хууль сахиулах байгууллагад шалгаад багагүй хугацаа өнгөрч байна. Гэтэл Б.Ганхуягтай хамт тус компанийн удирдлагын багт ажиллаж байсан, Монголын оюутны холбооноос гаралтай нөхөд нь бүгд шахам хэргээс зугтаж, түүнд л бүх бурууг тохож буй гэх яриа эл компанийн хуучин ажилтнуудын дунд яригдах болов. Тухайлбал, “Бүрэн эрхт төлөөлөгч томилогдохоос өмнө сард 10 гаруй сая төгрөгийн цалин авдаг байсан эрхмүүд одоо ганц хүнд бүх бурууг тохоод хариуцлагаас мултарч байгаа нь шударга явдал гэж үү. Гүйцэтгэх захирал болон түүнийг дэмжиж томилуулсан улстөрчид хариуцлагад татагдан шалгуулж байхад түүний багт багтсан МОХ-ны гаралтай нөхөд буцаад ажилдаа орно гэж явааг ойлгохгүй байна” хэмээн ярилцаж байх юм.
2023-05-10
Монгол залууг алхаар цохиж хөнөөсөн орос эрийн ялыг хэвээр үлдээв
ОХУ-ын иргэн Д.В.Тушемилов болон түүний өмгөөлөгч нар Эрүүгийн хуулийн 6.7- 1.5 дахь хэсгийн “Энэ хуулийн тусгай ангид хорих ялын дээд хэмжээг 20 жил хүртэл хугацаагаар тогтоосон ба бүх насаар хорих ял оногдуулахаар заагаагүй гэмт хэрэг үйлдсэн хүн тухайн гэмт хэргийн улмаас учруулсан хохирлоо нөхөн төлсөн бол тухайн зүйл, хэсэг, заалтад заасан ялын дээд хэмжээний дөрөвний гурваас хэтрүүлэхгүйгээр, ялын доод хэмжээний дөрөвний гурваас багагүй ял оногдуулах” гэж заасныг үндэслэл болгон давж заалдах гомдол гаргасан аж. Нийслэлийн Эрүүгийн хэргийн давж заалдах шатны шүүх уг гомдлыг нь хянаад анхан шатны шүүхийн шийтгэх тогтоолыг хэвээр нь үлдээлээ.
2023-05-10
“Зэвсэгт хүчний үлгэр жишээ үлээвэр найрал хөгжимчид жагсаалд оролцоогүй”
Тэрбээр “Олон нийтийн байгууллагын төлөөлөл энэ сарын 4-нд БХЯ-нд хандаж, амь үрэгдсэн дайчдын дурсгалыг хүндэтгэх жагсаал зохион байгуулахад дэмжлэг үзүүлэн, хөгжим, хүн хүч “гаргаж” өгөхийг хүссэн. Дэлхий нийт, бүс нутгийн цэрэг, улс төрийн байдал амаргүй энэ үед тэдэнтэй хамтарч арга хэмжээ зохион байгуулах нь зохисгүй гэж бид үзсэн.
2023-05-09
Экспортолсон нүүрсний хэмжээ 20 сая тоннд дөхөв
Манай улс 2023 он гарснаас хойш өнгөрсөн пүрэв гаргийн байдлаар 19.77 сая тонн нүүрс экспортолсон дүн гарсныг УУХҮЯ-наас танилцууллаа. Энэ нь өмнөх жилийн мөн үеийнхээс 15.74 сая тонн буюу дөрөв дахин илүү үзүүлэлт гэнэ. Манай улс энэ онд 36.5 сая тонн нүүрс экспортолно хэмээн өмнө нь төсөөлсөн билээ. Мөн дээрх хугацаанд 495.1 мянган тонн зэсийн баяжмал нийлүүлсэн нь 2022 оныхтой ойролцоо буюу хоёр хувиар өсжээ. Бас 1.78 сая тонн төмрийн хүдэр, баяжмал худалдсан нь 70 хувиар нэмэгдсэн гэсэн үг. Төвбанк 3.27 тонн алт худалдан авсан байна. Монгол Улсын эрдэс бүтээгдэхүүний экспорт өдгөө дунджаар 41 хувьд хүрчээ. Тодруулбал, нүүрснийх 54.2, зэсийн баяжмалынх 35.4, төмрийнх 21.2, алтных 16.3, газрын тосных 24.9, цайрынх хамгийн өндөр буюу 69.4, хайлуур жоншных 64.3 хувьд хүрсэн аж.
2023-05-09
