Цахимжилт, шилэн, ил тод байдал олон улсад үнэлэгдлээ
Тус зөвлөх үйлчилгээний хүрээнд УИХ-аас цахим хөгжлийг дэмжих дөрвөн хууль баталж, “Хур” болон “Дан” системийг шинэчлэн, “И-Монголиа” төрийн үйлчилгээний нэгдсэн системийг ашиглалтад оруулсан юм. Эл системийн хамгийн сүүлд танилцуулсан 3.0 хувилбарт төрийн 1000 гаруй үйлчилгээг нэгтгэн, НҮБ-аас гаргадаг цахим засаглалын индексээр Монгол Улс 18 байраар урагшилсан. Мөн Засгийн газраас хэрэгжүүлж буй “Шил” ажиллагааны үр дүнд Нийтийн мэдээллийн ил, тод байдлын хуульд заасан 68 төрлийн мэдээллээс 750 мянга гаруй мөр өгөгдөл shilen.gov.mn-д нээлттэй болоод байна.
2023-09-08
“Шивээ-Овоо” ХК-ийн санхүүгийн алдагдлыг бууруулахыг даалгав
Ерөнхий сайд дараа нь Говьсүмбэр аймаг дахь политехникийн коллежийн үйл ажиллагаатай танилцлаа. Боловсролын багц хуулийн өөрчлөлтийн дагуу энэ хичээлийн жилээс МСҮТ-өөс коллеж болон өөрчлөгджээ. Барилга, уул уурхай, хөдөө аж ахуйн үйлдвэрлэл, үйлчилгээний чиглэлээр 1-3 жилээр сургалт явуулж буй тус коллежийг жилд 250 гаруй суралцагч төгсөж, 70-80 хувь нь ажлын байртай болдог аж.
2023-09-08
Хөвсгөл нуурт далайн шилэн кабель суурилуулав
Түүнчлэн уг ажил нь Монгол Улсад анх удаа шилэн кабелийг усан доогуур суурилуулснаараа онцлогтой аж. ОБЕГ, “Монголын цахилгаан холбоо”, БОАЖЯ-ны Тусгай хамгаалалтын газар, Монгол Улсын Далайн захиргаа болон Японы KDDI сан, OCC компанийнхантай хамтран энэхүү ажлыг гүйцэтгэжээ. Шилэн кабель суурилуулах санхүүжилтийг ЦХХХЯ- -наас Ази, Номхон далайн цахилгаан холбооны байгууллагатай хамтран хэрэгжүүлж буй “FM өргөн нэвтрүүлгийн сүлжээ ашиглан гамшгийн үеийн мэдээ, мэдээлэл дамжуулах EWBS систем нэвтрүүлэх” төслийн хүрээнд шийдвэрлэжээ. Төслийн ерөнхий санхүүжүүлэгч нь Япон Улсын KDDI сан юм байна.
2023-09-08
Иргэд цалин, тэтгэвэр, хадгаламж барьцаалсан зээл түлхүү авчээ
Монголын банкны холбооноос гаргадаг “Банкны салбарын тойм” судалгааны энэ оны эхний хагас жилийн үзүүлэлтүүдийг өчигдөр танилцуулав. Банкны салбарын үзүүлэлт эхний хагас жилд өсөлттэй, нийт актив нь өмнөх оны мөн үеийнхээс 11 хувиар нэмэгдсэнийг дурдлаа. Эл хугацаанд иргэд цалин, тэтгэвэр болон хадгаламж барьцаалсан зээл түлхүү авсан аж. Уул уурхай, худалдааны салбарт олгосон зээлийн хэмжээ буурч, үйлчилгээнийхэд өгсөн нь нэмэгджээ. Барилга болон худалдааны салбарын зээлийн чанарт анхаарал хандуулах шаардлагатайг дээрх тоймд тэмдэглэсэн байв.
2023-09-08
Он гарснаас хойш 15 хүн ДОХ-оор өвчилснийг илрүүллээ
Улсын хэмжээнд энэ он гарснаас хойш 15 хүн ХДХВ/ДОХ-оор өвчилснийг тогтоожээ. Үүнээс гурав нь өнгөрсөн сард бүртгэгдсэн аж. Энэ онд илрүүлсэн тохиолдлуудыг өнгөрсөн жилийнхтэй харьцуулахад дөрвөөр нэмэгдсэн юм байна. Тэдгээрийн хоёрыг нь Баян-Өлгий аймагт, 13-ыг нь Улаанбаатар хотод илрүүлсэн гэнэ. Харин эл халдварын улмаас нас барсан тохиолдол энэ онд гараагүй аж. Манай улсад анх 1992 онд ХДХВ/ДОХ бүртгэгдэж байв. Түүнээс хойш халдвар авсан хүний тоо одоогоор 361-т хүрсэн бөгөөд тэднээс 51 нь нас баржээ. Манайд илрүүлсэн бүх тохиолдол нь бэлгийн замаар дамжсан халдвар юм байна.
2023-09-08
Ховдын “Халзан Бүрэгтэй”-д хэрэгжсэн хууль Сүхбаатарын “Эрээн толгой”-д үйлчлэх үү
Ганцхан жишээ дурдахад тухайн орд оршдог Эрдэнэцагаан сумын IV багийн ИНХ-ын 2019 оны арваннэгдүгээр сарын 1-ний өдрийн хурлаар Байгаль орчны нөлөөллийн нарийвчилсан үнэлгээний тухай 15 тоот тогтоолыг гаргасан. Гэтэл тэр өдрийн хурлаар ийм асуудал хэлэлцээгүй байгаа юм. Хуралд оролцсон гэх 97 хүний бүртгэл байдаггүй аж. Тиймээс тус багийн ИНХ нь 2023 оны тавдугаар сарын 29-нд хуралдаад Эрээн толгойн нүүрсний уурхайн үйл ажиллагааг зогсоох, лицензийг цуцлуулах талаар хэлэлцэж, 100 хувийн саналаар дэмжиж гарын үсгээ зурцгаажээ. Үүнийгээ төрийн захиргааны бүх байгууллагад илгээсэн байна.
2023-09-08
Төвбанк 10.3 тонн үнэт металл худалдан авчээ
Төвбанк өнгөрсөн сард 1805.6 кг үнэт металл худалдан авчээ. Улмаар энэ он гарснаас хойш 10.3 тонн үнэт металл худалдан авсан дүн гарсныг өчигдөр мэдээлэв. 2023 он гарснаас хойш Дархан-Уул аймаг дахь хэлтэс нь 1079.6, Баянхонгор дахь нь 661.2 кг үнэт металл худалдан авсныг мөн дурдлаа. Тус банк үнэт металл худалдан авах үнийг дэлхийн зах зээл дэх ханшаар тогтоодог. Наймдугаар сард грамм алтыг дунджаар 214 043 төгрөгөөр авсан байна. Эргэн сануулахад, Төвбанк 2018 онд 21.87, дараа жил нь 15.2, 2020 онд 23.56, 2021 онд 20.8, өмнөх жил 22.9 тонн үнэт металл худалдан авсан дүн бий.
2023-09-07
Т.Бөхчулуун аварга болов
Тэрбээр гурван жилийн өмнө Чиба мужийн “Кашива Ниттай” ахлах сургуулийн сурагч байхдаа тус хотод болсон ахлах сургуулиудын чөлөөт бөхийн эрэгтэйчүүдийн аварга шалгаруулах тэмцээнд оролцож, 92 кг-ын жинд түрүүлсэн юм. Багануур дүүргийн “Хөх эрчис” клубийн дасгалжуулагч Х.Магвандоржийн удирдлагад чөлөөт бөхөөр анх хичээллэж, Гавьяат тамирчин З.Дүвчингийн удирдлагад бэлтгэлээ үргэлжлүүлсэн түүнийг “Ичиши” залуучуудын клубт багшаар ажилладаг Р.Баяраа 2018 онд дээрх ахлах сургуульд суралцуулахаар урьсан гэдэг.
2023-09-07
Идлэг шонхрын хамгаалал эзэнгүй хэвээр байна
Байгаль орчин болон эрчим хүчний салбарынхантай ойр ажиллалаа, хэдэн мянган км үргэлжлэх шонд тусламжийн хөрөнгөөр хамгаалах хэрэгсэл суурилууллаа, шувууны “алуурчин” шугамын бүтцийг ээлтэй болгох стандарттай болголоо. Гэвч ЭХЯ-ныхан нь хуучин шон (стандартын бус)-гоо үргэлжлүүлэн барьсаар, БОАЖЯ нь тодорхой бодлогогүй явсаар. БОАЖ-ын сайд аа, ирэх оны хаварт багтаад идлэг шонхрыг хамгаалах, ашиглах үндэсний хөтөлбөртэй болгох, түүнийг бүх нийтээр дагаж мөрддөг байх тал дээр анхаарч өгнө үү. Салбарын сайдын хувьд энэ чиглэлээр дорвитой арга хэмжээ авч, судлаачдаа сонсоосой гэж хүсье” хэмээн өгүүлснийг энд онцолъё. Түүний үг эздэдээ хүрч, биеллээ олж, идлэг шонхрын хамгаалал эзэнтэй болоосой.
2023-09-07
“Их хуралдай” цогцолборыг Улсын комисс хүлээн авлаа
Цогцолборын загвар зургийг Урлагийн гавьяат зүтгэлтэн, зураач, сийлбэрч Д.Төртогтох гаргасан бол гаднах тохижилт, зоорийн давхар, шугам сүлжээний ажлыг “Нутгийн баруун мод”, “Мөнх өргөө” ХХК-ийнхан гүйцэтгэжээ. Түүхэн байгууламжийн эх загварыг гаргасан зураач “Их хуралдай” Монгол Улс дахь хамгийн их угалз, сийлбэртэй бүтээн байгуулалт болно” хэмээн тодотгож байжээ.
2023-09-07
“Цусны даралт ихсэлтийн эсрэг аян”-д хамрагдсан нийт иргэдийн 25 хувь нь өндөр эрсдэлтэй байна
ХААН Банк сангийн санхүүжилт дэмжлэгтэйгээр П.Н.Шастины нэрэмжит Улсын гуравдугаар төв эмнэлэг (ШУГТЭ)-ийн санаачилга, Нийгмийн эрүүл мэндийн үндэсний төв (НЭМҮТ), Монголын үндэсний олон нийтийн радио телевиз (МҮОНРТ) хамтран энэхүү аяныг 2017 оноос уламжлал болгон хэрэгжүүлж буй. Энэ жилийн хувьд Дундговь, Өвөрхангай, Завхан, Говь-Алтай аймагт “Цусны даралт ихсэлтийн эсрэг аян”-ыг амжилттай хэрэгжүүлж, аяны багийнхан 3700 гаруй км зам туулан, нийт 16,553 хүнд эрүүл мэндийн зөвлөгөө өгч, үзлэг оношилгоо хийсний дээр орон нутгийн 370 эмч, мэргэжилтэнд сургалт зохион байгуулсан байна.
2023-09-07
Б.Ариунцэцэг, А.Дөлгөөн нар Монголын багийн тугчаар сонгогдлоо
МҮОХ-ны ерөнхийлөгч Б.Баттүшиг, Монгол Улсын сайд, Олимп, нийтийн биеийн тамир, спортын үндэсний хорооны дарга Б.Бат-Эрдэнэ нар Азийн наадамд оролцох тамирчдад өчигдөр амжилт хүслээ. Мөн Монгол Улсын Төрийн далбаа, МҮОХ-ны тугийг Монголын багийн ахлагч, МҮОХ-ны Гүйцэтгэх зөвлөлийн гишүүн А.Ганбаатар болон багийн тугчдад гардуулав. Монголын багийн тугчаар 3х3 сагсан бөмбөгийн тамирчин Б.Ариунцэцэг, хөлбөмбөгийн тамирчин А.Дөлгөөн нарыг сонгосон байна. Ёслолын үеэр Ханжоуг зорих тамирчдад БНХАУ-д ашиглаж болох олон улсын “UnionPay сlassic” картыг гардуулсан.
2023-09-07
Баррель газрын тосны ханш 90 ам.долларт хүрэв
UBS банкны шинжээч Гиованни Стауново “Энэ оны дөрөвдүгээр улиралд өдөрт 1.5 сая гаруй баррель газрын тосны хомсдол үүсэж болзошгүй гэж бид таамагласан” хэмээн өгүүлжээ. Тус банкныхан “Brent” маркийн баррель газрын тосны үнэ 2023 оны эцэст 95 ам.долларт хүрнэ гэж таамагласан аж. Ташрамд дурдахад, “Brent”, WTI төрлийн бүтээгдэхүүний фьючерс ханш өнгөрсөн зургадугаар сарын эцсээс хойш 20 гаруй хувиар өсжээ. Хойд хөршөөс манайд нийлүүлэх шатахууны хэмжээнд ямар нэгэн өөрчлөлт орох, эсэхийг АМГТГ-аас тодруулахад “ОХУ-аас нийлүүлэх бүтээгдэхүүнийг гэрээний дагуу авна, хэмжээнд өөрчлөлт орохгүй” гэв.
2023-09-07
Хортон шавж устгах бүсээс жимс түүхгүй байхыг анхаарууллаа
Үүнд Баянтэс, Баянхайрхан, Их-Уул, Сонгино, Тосонцэнгэл, Түдэвтэй, Тэлмэн, Нөмрөг, Цэцэн-Уул гэсэн есөн сумын ой бүхий нутаг дэвсгэр хамрагджээ. Ойтой бүс нутгуудад судалгаа хийснээр дээрх хэмжээний талбайн хортон шавжийг устгах шаардлагатай гэсэн дүн гарсан аж. Иймд дээрх сумуудын нутаг дахь ой бүхий газруудад иргэд зорчихгүй байх, ялангуяа жимс, мөөг, самар зэргийг түүхгүй байхыг анхааруулжээ.
2023-09-07
Азийн наадамд 15 жүдоч өрсөлдөнө
Жүдо бөхийн төрөлд Монголын үндэсний шигшээ багийн ахлах дасгалжуулагч Х.Болдбаатар, мөн дасгалжуулагч П.Нямлхагва, Д.Цэрэнханд, Ч.Болдбаатар, Г.Болдбаатар, М.Бундмаа нарын удирдлагад 15 тамирчин өрсөлдөхөөр болж, бэлтгэлээ базааж буй гэнэ. Энэ удаа түрүүлсэн тамирчдад “Парис 2024” олимпын наадамд оролцох эрх олгож эхлэх тул манай тамирчдын хувьд хариуцлагатай тэмцээн байх нь. Жүдо бөхтэй холбоотой өөр нэг мэдээ дуулгахад, АНЭУ-ын Абу-Даби хотод ирэх сарын 28-нд эхлэх жүдо бөхийн мастеруудын ДАШТ-д манай улсын тамирчид зодоглохоор болжээ. Өнгөрсөн жил Польшийн Краков хотод тус тэмцээн болоход эмэгтэйчүүдээс О.Алтантүлхүүр, Ж.Дорждулам нар хүрэл медалийн эзэн болсон юм.
2023-09-06
“Асаж буй толгод” нийслэлд “ирэх” нь
Орхон аймгийн Хүүхэд, залуучуудын театрын хамт олон “Асаж буй толгод” хүүхдийн жүжгийг Улаанбаатар хотод энэ сарын 13-нд тоглохоор болжээ. “Corporate event hall”-д тоглох уг жүжигт Монголын говиос олдсон 12 үлэг гүрвэлийн амьдралын тухай өгүүлэх аж. Түүнчлэн Монголын анхны ЗD буюу гурван хэмжээст жүжиг гэдгээрээ онцлогтой. Өөрөөр хэлбэл, кварц гэрэл, гурван талт дэлгэц ашиглан бүх дүрийг хүүхэд багачуудад зориулан багт хэлбэрээр бүтээсэн юм байна. Эл бүтээлээр дамжуулан хүүхэд багачуудад гэр бүлийн үнэ цэн, найз нөхдийн итгэлцэл, байгаль, эх дэлхийгээ хайрлан хамгаалахын ач холбогдлыг танин мэдүүлэхийг зорьжээ. Дээрх театрын уран бүтээлчид жүжгээс олсон орлогоо хандивын аянд зориулахаар төлөвлөсөн байна.
2023-09-06
“Үдшийн музей”-г өнөөдөр зохион байгуулна
Чойжин ламын сүм музейгээс өнөөдөр 19.00- 23.00 цагт уламжлалт “Үдшийн музей” арга хэмжээгээ зохион байгуулна. Соёлын биет болон биет бус өвийг олон нийтэд сонирхолтой хэлбэрээр сурталчлан таниулах зорилготой уг арга хэмжээг тус музейнхэн 2011 оноос хойш жил бүр зохион байгуулж буй юм. Энэ удаад “Хүрээ цам”, “Музей ба керамик урлаг”, зураач Т.Соёл-Эрдэнийн “Аниргүйн дунд” үзэсгэлэнг толилуулах нь. Мөн бясалгалын тухай ойлголтыг олон нийтэд таниулах арга хэмжээ, уран бичлэгийн үзүүлбэр зэргийг зохион байгуулахаар төлөвлөжээ. Басүзэгчид монголчуудын уламжлалт тойрон бүжгийн талаарх мэдээлэл, ойлголт авахын зэрэгцээ үүнд оролцох ч боломжтой юм билээ.
2023-09-06
Л.Оюун-Эрдэнэ: Халзан бүргэтэйн ордыг ашиглах, эсэхийг иргэдийн саналаар шийднэ
Бодлого, зорилтоо хэрэгжүүлэхэд иргэд идэвхтэй оролцож, хөгжлийг боомилж буй хязгаарлагч хүчин зүйлс, тухайлбал, авлигатай хамтран тэмцэхийг Ерөнхий сайд уриалав. Ховд аймгийн иргэд шударга ёсны тэмцлээ тууштай үргэлжлүүлэх, хууль тэгш үйлчлэх зарчмыг баримтлах, баруун бүс нутагт шатахуун, бараа, бүтээгдэхүүний үнэ ханшийг бууруулах, сурагчдын автобус, сургууль, цэцэрлэгийн засвар, аймгийн төвийн цэвэрлэх байгууламж зэрэгтэй холбоотой олон асуудлыг хөндсөн юм.
2023-09-06
“Цахим Монгол”-д аудит хийж эхэлжээ
Тус аудитыг энэ оны арванхоёрдугаар сард багтаан гүйцэтгэж, дүгнэлт, зөвлөмжөө УИХ-ын Төсвийн болон Инновац, цахим бодлогын байнгын хороонд танилцуулж, тайланг нь Засгийн газар, холбогдох байгууллага, албан тушаалтанд хүргүүлэхээр төлөвлөжээ. Сануулахад, 2005 онд Засгийн газрын 216 дугаар тогтоолоор “Цахим Монгол” үндэсний хөтөлбөрийг баталсан бөгөөд “Алсын хараа-2050” урт хугацааны бодлогын баримт бичигт дээрх зорилтыг хэрэгжүүлэхээр тусгасан юм.
2023-09-06
НҮБ-ын Цөлжилттэй тэмцэх конвенцын талуудын бага хурлыг зохион байгуулахад туршлага солилцохыг хүсэв
Дараа нь тэрбээр Гадаад харилцааны сайд Б.Батцэцэгтэй уулзсан юм. Саудын Арабын Хаант Улсаас Монгол Улсад хийж буй анхны албан ёсны энэхүү айлчлал нь манай хоёр орны харилцааг шинэ шатанд гаргахад чухал үүрэг гүйцэтгэнэ гэдэгт итгэлтэй буйгаа Гадаад харилцааны сайд тэмдэглэв. Мөн хоёр улсын хамтын ажиллагааны эрх зүйн үндсийг бэхжүүлэх, иргэд хоорондын зорчих нөхцөлийг хөнгөвчлөхийн чухлыг онцоллоо.
2023-09-06
