Бэлтгэл бүлгийн багш нарыг цахимаар сургаж байна
Сургуульд элсэн суралцах хүүхдийн цогц хөгжлийг дэмжих арга зүйг тэд цахим хэлбэрээр судлан, өдөр тутмын сургалт, үйл ажиллагаандаа хэрэгжүүлэх аж. Хүүхдүүдийг сургуульд элсэн суралцахад нь бэлтгэх зорилгоор дээрх яамнаас санаачлан “Миний анхны сурах бичиг” дасгал ажлын ном гаргажээ. Боловсролын салбарын эрдэмтдийн судалгааны ажлын үр дүн болон өнөөгийн нийгмийн хэрэгцээ шаардлагад тулгуурлан уг номыг боловсруулсан гэнэ. Мөн бэлтгэл бүлгийн хүүхдийг сургах багшид дэмжлэг үзүүлэх, сургалтын арга зүйн хувилбаруудыг багтаасан “Багшийн хөтөч” зөвлөмж гаргаад байгаа аж. Эдгээр ном, зөвлөмжийн дагуу бэлтгэл бүлгийн багш нарт цахим сургалт явуулж байгаа юм.
2023-10-25
Цэргийн хувцасны болон хүнсний хангалтын төсвийг нэмсэн гэв
Ингэснээр ирэх онд нийт офицер, ахлагчийн хувцасны 60, хугацаат цэргийн алба хаагчдынхыг 100 хувь хангах боломж бүрдэнэ. Хүнсний хангалтыг ч 35 орчим хувиар өсгөхөөр тусгасан. Зэвсэглэл, техникийн шинэчлэлийн хувьд 2020 оноос нэлээд анхаарч, жил бүр тодорхой санхүүжилт суулгаж ирсний үр дүнд Монгол Улс үндэсний зэвсэг, галт хэрэгслийн үйлдвэртэй болсон. Энэ жил сум, галт хэрэгслийн үйлдвэрийг ашиглалтад оруулна. Одоогоор үйлдвэрийн тоног төхөөрөмжийг эхнээс нь татан аваад байна. Ирэх жилээс дотоодынхоо хэрэгцээг хангахуйц үйлдвэрлэл явуулах боломжтой” гэв.
2023-10-25
Хоёр түр хороо байгуулаад ч хоосон хоцрох нь
УИХ-ын тогтоол ёсоор бол өмнөх түр хороо нь хүний эмийн чанар, стандарт, үйлдвэрлэл, нийлүүлэлт, хяналт шалгалтыг сайжруулах, үр дүнтэй болгох үүрэгтэй байв. Тэгвэл энэ удаагийн түр хороо нь зайлшгүй шаардлагатай эмийн чанар, аюулгүй байдал, чанарын баталгаажуулалт, үнийн өсөлтийн бодит шалтгаан, нөхцөл, хүртээмж, хяналт шалгалтын тогтолцоог сайжруулах, үр дүнтэй болгох аж. Гишүүний тоо өмнө дурдсанаар долоо бөгөөд дарга Ж.Чинбүрэнгээс гадна олонхыг төлөөлөн Д.Батлут, Б.Жаргалмаа, М.Оюунчимэг, Ц.Сандаг-Очир, цөөнхөөс Б.Бейсен, Ц.Туваан нар багтжээ. Тэдний олонх нь өмнөх түр хорооны гишүүн. Тэгэхээр танин мэдэхүйн чанартай зүйлд цаг зарцуулалгүйгээр зорьсон ажлуудаа шууд эхлүүлэх шаардлага байна.
2023-10-25
Орон нутгийн хүүхдүүд нийслэлчүүдэд бүтээлээ толилуулав
Авьяаслаг сурагчид “Мандах нарны хүүхдүүд” сэдвийн хүрээнд Хүүхэлдэйн театрын үзэсгэлэнгийн танхимд 20 гаруй бүтээлээ дэлгэж, олон нийтэд танилцуулсныг гурав хоногийн хугацаанд цөөнгүй хүн үзэж, сонирхсон гэнэ. Улаанбаатарчуудад уран бүтээлээ дээжлэн толилуулсан авьяаслаг сурагчид ч Монголын урчуудын эвлэл, “Монументаль арт” галерейд зочилж, дүрслэх урлагийн бүтээлүүдтэй танилцсан байна. “Мандах нарны хүүхдүүд” үзэсгэлэнгийн ерөнхий зохион байгуулагчаар Сүхбаатар аймгийн ЗДТГ, Соёл урлагийн газар ажилласан бол ивээн тэтгэгчээр Соёлын яам, Хүүхэлдэйн театр, дэмжигчээр Монголын урчуудын эвлэл, “Амгалан ертөнц” сан, “Талын түрлэг” бүлгэм оролцжээ.
2023-10-25
Либертари болон ИМЗУН-ыг Дээд шүүх бүртгэсэнгүй
Улсын дээд шүүхийн Захиргааны хэргийн танхимын нийт шүүгчийн өчигдөр болсон хуралдаанаас Либертари нам үүсгэн байгуулсныг улсын бүртгэлд бүртгүүлэхээр ирүүлсэн иргэн Д.Амартүвшингийн өргөдлийг буцаалаа. Түүний дээд шүүхэд гаргасан бичиг баримт зөрчилтэй байсан аж. Тодруулбал, хуулийн этгээдийн нэр баталгаажуулалтын хуудасны хүчинтэй байх хугацаа дууссан, гишүүдийн тоо Улс төрийн намын бүртгэл хөтлөх журмын 3.6-д заасан шаардлага хангаагүй учраас Дээд шүүх бүртгээгүй аж.
2023-10-25
Ерөнхийлөгчийн ахлах зөвлөхийг гүтгэсэн хэмээн хоёр иргэнд торгох ял шийтгэв
Монгол Улсын Ерөнхийлөгчийн ахлах зөвлөх С.Лүндэг өөрийг нь гүтгэсэн хэмээн хоёр иргэнийг шалгуулахаар цагдаагийн байгууллагад хандсаны дагуу мөрдөн шалгах ажиллагаа явуулжээ. Улмаар НПГ-аас иргэн Б.Пүрэвдоржид Эрүүгийн хуулийн 13.14-1-ийн “Хүний нэр төр, алдар хүнд, ажил хэргийн нэр хүндэд халдсан илт худал мэдээллийг олон нийтэд тараасан”, О.Лхагвадолгорт эл зүйл заалтаас гадна мөн хуулийн 13.5-2.1-ийн “Бүлэглэж бусдыг тодорхой үйлдэл хийх, хийхгүй байхыг шаардаж заналхийлж сүрдүүлсэн” хэмээн яллах дүгнэлт үйлдсэн аж.
2023-10-25
Сэтгүүл зүйн шүүмжийн VII уралдааныг зарлав
Сэтгүүл зүй, хэл шинжлэл, утга зохиол, урлаг судлалын чиглэлийн багш, судлаач, сонирхогчид үүнд оролцох боломжтой. Ингэхдээ 2019 оноос хойш гарсан сэтгүүл зүйн бүтээлүүдийг шинжлэх ухааны үндэслэлтэйгээр, мэргэжлийн түвшинд судалж шинжилсэн шүүмж бичих шаардлагатай аж. Түүнчлэн эрдэм шинжилгээний хэл найруулгаар бичсэн, судалгаа шинжилгээний тодорхой аргачлал ашигласан байх шаардлагыг зохион байгуулагчид тавьжээ. Судлаачдын бүтээлийг ирэх арванхоёрдугаар сарын 1-ний 17.00 цаг хүртэл msuac.sbma@gmail.com цахим хаягаар хүлээн авах нь. Судлаач CV-гээ шүүмжийн хамт илгээх ёстой юм байна.
2023-10-24
Газын зурвас, ХАМАС хийгээд бусад асуудал
Газа гэдэг нь Газрын дундад тэнгисийн эрэг дээр байх Палестины эртний хот юм. Түүний түүх 5000 жилийн тэртээгээс эхтэй. Одоо тус хот автономит Палестины нийслэл, Израилын арми, тэмцлийн алан хядах аргыг урьтал болгодог орон нутгийн партизанууд, ХАМАС бүлэглэл, түүний холбоотон “Исламын жихад” мэтийн тэмцлийн төв болж байна. Зурвас (сектор) гэдэг нь Палестины энэ нутгийн хүн ам болох палестинчууд хийгээд Израилын нутаг болсон газраас аргагүйн эрхэнд дүрвэсэн палестин хүмүүсийн аж төрөх орчин нь болгож тасалж өгсөн дэвсгэр газар юм.
2023-10-24
ЖАТА-2023 үзэсгэлэнд монгол уран бүтээлчид оролцоно
Токио хотод жил бүр зохион байгуулдаг ЖАТА олон улсын аялал жуулчлалын үзэсгэлэн нь Ази тив рүү чиглэсэн аялагчдын урсгалыг нэмэгдүүлэхэд, бизнесийн салбарын хамтын ажиллагаа, түншлэлийг бэхжүүлэхэд чухал хувь нэмэр оруулдаг гэнэ. Энэ сарын 26-29-нд болох 46 дахь удаагийн арга хэмжээнд манай улсын төрийн байгууллага, тур оператор компаниудын төлөөллөөс гадна Японы TBS телевизийн “Vivant” олон ангит кинонд тоглосон Б.Барслхагва тэргүүтэй монгол уран бүтээлчид оролцож, эх орноо сурталчлах нь.
2023-10-24
888 мянга гаруй иргэн тоон гарын үсэг авчээ
Улсын бүртгэлийн ерөнхий газар (УБЕГ)-аас 16-гаас дээш насны иргэдэд 2022 оны тавдугаар сарын 2-ноос эхлэн тоон гарын үсэг олгож эхэлсэн билээ. Иргэд тоон гарын үсгээ улсын бүртгэлийн салбар нэгж, тус байгууллагын болон ХААН банкны өөртөө үйлчлэх машинаас авах боломжтой. Тоон гарын үсэг хэрэглээнд нэвтрүүлснээр цаг хугацаа, орон зайнаас үл хамааран хоорондоо цахим хэлбэрээр гэрээ хэлцэл хийх, албан байгууллагад өргөдөл, гомдол гаргах, банк санхүү, даатгалын байгууллагуудтай цахимаар харилцах гэх мэт боломж нээгдэж, зардал хэмнэх болсон.
2023-10-24
Аутизмтай хүүхдийг тэгш хамруулан сургаж буй багш нарыг дэмжих нь
Монголын аутизмын холбоо, Боловсролын ерөнхий газар хамтран “Аутизмтай сурагчийг боловсролд тэгш хамруулан сургаж буй багшийг дэмжин туслах нь” төсөл хэрэгжүүлэхээр болжээ. Уг төсөлд есөн сургууль хамруулах бөгөөд тэдгээрийг сонгон шалгаруулах ажлыг эхлүүлээд буй юм байна. Төслийг ирэх арванхоёрдугаар сарын 1-нээс эхлэн нэг сар гаруйн хугацаанд хэрэгжүүлэх нь. Үүний хүрээнд АНУ-ын “Фулбрайт” хөтөлбөрийн мэргэжилтэн багш Монголд ирж, сонгогдсон сургуулиудын багш нарыг ажлын байранд нь чадавхжуулах гэнэ. Төсөлд хамрагдах сургуулиудын хүсэлтийг өдгөө Боловсролын ерөнхий газраас авч байгаа аж. Ингэхдээ дүүрэг бүрээс зөвхөн нэг сургуулийг сонгох юм байна. Хамгийн гол нь тухайн сургууль аутизмтай хүүхдийг тэгш хамруулан сургадаг байх ёстой.
2023-10-24
Тамхи татдаггүй ажилтандаа цалинтай чөлөө олгоно
Байгууллага, аж ахуйн нэгжүүд хүний нөөцөө тогтвортой байлгах, бас нийгмийн асуудалд нь анхаарах чиглэлд олон шинэлэг санаачилгыг нэвтрүүлэх болжээ. Тухайлбал, “Юнигаз” компанийнхан тамхи татдаггүй ажилтандаа цалинтай чөлөө олгодог болсон аж. Хорт зуршлаас ангид байдаг ажилтнууд нь жилд хоёр удаа ийм чөлөө авах эрхтэй юм байна. Мөн ажилтныхаа төрсөн өдрөөр, бас өвдсөн, эсвэл 16 нас хүрээгүй хүүхдээ эмнэлэгт үзүүлэхэд нь цалинтай чөлөө олгодог гэнэ.
2023-10-24
Гурван аймагт ой, хээрийн түймэр гарчээ
Үүнд 0.5 га талбай өртсөн бөгөөд орон нутгийн онцгой байдлын албаныхан өнгөрсөн ням гаргийн 20.59 цагт галыг бүрэн унтраажээ. Мөн Сэлэнгэ аймгийн Ерөө сумын Буурагчин багийн нутагт тухайн өдрийн 13.20 цагт ойн түймэр гарсан байна. Тус аймгийн Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчид, төрийн болон хувийн хэвшлийн аж ахуйн нэгж, байгууллагын ажилтнуудтай хамтран галыг унтраахаар өчигдөр газар дээр нь ажиллаж байлаа. Түймэрт 15 га ой шатсаныг урьдчилсан байдлаар тогтоожээ. Ташрамд дурдахад, жил бүрийн есдүгээр сарын 20-ноос арваннэгдүгээр сарын 10 хүртэлх хугацаа нь хуурайшилтын буюу ой, хээрийн түймрийн өндөр эрсдэлтэй үед тооцогддог. Тиймээс энэ үед ой, хээрийн түймрээс сэргийлэхийг онцгой байдлын байгууллагаас анхаарууллаа.
2023-10-24
Ж.Сандагсүрэнг “Ногоон автобус”-ны хэрэгт шалгаж эхэлжээ
Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогчоор ажиллаж байсан Ж.Сандагсүрэнг “Ногоон автобус”-ны гэх хэрэгт холбогдуулан хэрэг бүртгэлтийн хэрэг нээн шалгаж эхэллээ. Нийтийн тээвэрт шинэ автобус худалдан авах ажлын хэсгийг ахалж байсан түүнээс АТГ-ын Мөрдөн шалгах хэлтсийнхэн нэг бус удаа тайлбар, мэдүүлэг авч мөрдөн шалгах ажиллагаагаа үргэлжлүүлж буй аж.
2023-10-24
Ам.доллар 1352 вонтой тэнцэв
Тус улсад бодлогын хүү тийм ч өндөр биш байгаа хэмээн үзэж буйгаа тэрбээр мөн дурджээ. Түүний мэдэгдлээс харвал бодлогын хүүгээ удаан хугацаанд хэвээр хадгалах төлөвтэй гэж шинжээчид дүгнэсэн байна. АНУ-ын инфляцын түвшин өсөхөд нөлөөлж болзошгүй хэд хэдэн хүчин зүйл бий гэдгийг “Reuters” мэдээлэв. Эргэн сануулахад, АНУ 2022 оны гуравдугаар сараас хойш бодлогын хүүгээ 11 удаа, нийт 5.25 хувиар нэмжээ. Дээрх мэдэгдлийн дараа зарим валютын эсрэг ам.долларын ханш суларлаа. Баасан гарагт ам.доллар 7.32 юань, 95.7 рубль, 1352 вонтой тэнцэв.
2023-10-23
“Олон улсын робот контест-2023” тэмцээнд анх удаа оролцлоо
Тус тэмцээн нь ирээдүйн үйлдвэрлэл, үйлчилгээнд зориулсан роботын шинэ технологийг хөгжүүлэх, бизнесийн шинэ загваруудыг нээн илрүүлэх, үнэлэх зорилготой аж. Энэ үеэр ерөнхий боловсролын сургуулийн сурагчид болон их, дээд сургуулийн оюутнууд робот ашиглан, 10 төрлийн 44 сэдвийн хүрээнд өрсөлджээ. “Олон улсын робот контест” нь БНСУ-ын томоохон тэмцээнүүдийн нэг бөгөөд тус улсын Худалдаа, үйлдвэрлэлийн яамнаас санаачилж, Роботын үйлдвэрлэлийг дэмжигч агентлаг, Робот үйлдвэрлэгчдийн холбооноос зохион байгуулдаг аж.
2023-10-23
Монгол, Хятадын хил орчмын прокурорууд хууль бус хөрөнгийг шилжүүлэн авахад дэмжлэг үзүүлнэ
Улсын ерөнхий прокурорын газар (УЕПГ), БНХАУ-ын Ардын дээд прокурорын газар хооронд 2019 онд хамтын ажиллагааны гэрээ байгуулж, хил орчмын нутагт үйлдэгдсэн гэмт хэрэг, зөрчилтэй тэмцэх, энэ чиглэлээр хоёр улсын хил залгаа аймаг, мужийн Прокурорын газрууд хамтран ажиллах асуудлыг харилцан тохирч шийдвэрлэсэн юм. Үүний хүрээнд зохион байгуулдаг Монгол Улс, БНХАУ-ын хил орчмын прокурорын газруудын 10 дахь удаагийн уулзалт Дорноговь, Сүхбаатар аймагт болжээ.
2023-10-23
Амь сорил, био аюулгүйн лаборатори нээв
Дэлхийн банкны санхүүжилтээр НҮБ-ын Хүнс, хөдөө аж ахуйн байгууллагын хэрэгжүүлж буй “Мал аж ахуйн эдийн засгийн эргэлтийг нэмэгдүүлэх” төслийн хүрээнд тусгасан хөрөнгө оруулалтын төслийг хэрэгжүүлэх зорилгоор Мал эмнэлгийн эмийн сорилт, баталгаажуулалтын улсын лабораторийн гоц халдварт, халдварт өвчний хэвшил омгийг сэргээх, зарим ийм өвчнөөс сэргийлэх вакцины идэвхт чанарын сорилт гүйцэтгэх зориулалт бүхий мал, амьтны туршилт, шинжилгээний Амь сорил, био аюулгүйн туршилтын лабораторийг улсын комисс хүлээн авч, ашиглалтад оруулжээ. Тэдгээр амь сорил, био аюулгүйн, туршилт шинжилгээний лаборатори нь био аюулгүйн хоёрдугаар зэрэглэл хангасан онцгой объект бөгөөд малын гоц халдварт өвчний сорилт туршилтын ажлыг мал, амьтанд хийж гүйцэтгэх аж. Туршилт шинжилгээний лабораторид мал эмнэлгийн зориулалттай эм, бэлдмэлийн аюулгүй байдал, пироген болон хорон, идэвхт чанарын туршилтыг мал, амьтанд хийхийг ХХААХҮЯ-наас мэдээлэв.
2023-10-23
УИХ-ын гишүүд хуралдаа суухаа больжээ
УИХ-ын чуулганы өнгөрсөн баасан гаргийн нэгдсэн хуралдаанаар ирэх оны улсын төсвийн төслийн нэг дэх хэлэлцүүлгийг үргэлжлүүлэв. Ингэхдээ УИХ-ын хяналт шалгалтын тухай хуулийн 22.1-т заасны дагуу Төсвийн тогтвортой байдлын тухай хуулийн шалгуурыг хангасан, эсэх талаар санал хураахад хуралдаанд оролцсон гишүүдийн 87.5 хувь нь дэмжсэнээр дээрх төслийг хоёр дахь хэлэлцүүлэгт бэлтгүүлэхээр Төсвийн байнгын хороо болон Төсвийн зарлагын хяналтын дэд хороонд шилжүүлсэн юм.
2023-10-23
Иргэний боловсролын хичээлийн агуулга хүний эрхийг зөрчиж байна
Тухайлбал, сурах бичгийн зураг дүрслэлийн 70 хувь нь эрэгтэй, үлдсэн 30 хувь нь эмэгтэй дүр байжээ. Ингэхдээ эрэгтэй хүнийг баатар, хаан, компанийн захирал гэх мэтээр дүрсэлсэн аж. Харин эмэгтэйчүүдийг хадам ээж, ээж, эгч зэргээр дүрсэлжээ. Энэ бүхнээс үзэхэд өдгөө ашиглаж буй сурах бичгийн агуулга нь охидын өөртөө итгэх итгэлийг бууруулахаар шинжтэй гэж судлаачид үзсэн байна.
2023-10-23
