ОХУ-д тэмдэглэж буй эх орноо хамгаалагчдын өдөртэй холбогдуулан Монгол улс дахь ОХУ-ын Элчин сайдын яаманд өчигдөр хүндэтгэлийн хүлээн авалт боллоо. Хүндэтгэн урьсан ирсэн зочдын дунд Монгол Улсын янз бүрийн яам, агентлаг, газар болон Дипломат корпус, эрдэмтэд, соёлын зүтгэлтнүүд, уран бүтээлчид, түүнчлэн Монголд амьдарч буй оросын эх орончид, иргэний нийгмийн идэвхтнүүд, 20-р зууны дунд үеийн цэргийн мөргөлдөөний Монголын ахмад дайчдын өндөр албан тушаалын төлөөлөгчид байв.
Баяр хүргэсэн илтгэлийг ОХУ-аас Монгол Улсад суугаа Онц бөгөөд Бүрэн эрхт Элчин сайд А.Н. Евсиков, мөн ЭСЯ-ны цэрэг, Агаарын цэргийн атташе, хошууч генерал П.В. Петрунин нар тавьсан юм. Монгол Улсын Зэвсэгт Хүчний Жанжин штабын дарга, хошууч генерал С.Ганбямба гол зочноор оролцож үзэгчдэд хандаж үг хэллээ.
Хүлээн авалтын дараа Монголын ахмад дайчдад "Халхын голын ялалтын 85 жил" дурсгалын тэмдэг гардууллаа. Мөн оролцогчдод Желтура музейгээс авчирсан маршал К.К. Рокоссовскийд зориулсан үзэсгэлэнг толилуулсан байна. Хоёрдугаар сарын 23-ны өдөр ОХУ-д Эх орноо хамгаалагчдын баяр тохиох юм.
