Өнөөдөр гадаа 11 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 87 дахь өдөр бөгөөд он дуусахад 278 хоног үлдлээ.
- Цаг агаар өдөртөө 11 хэмийн дулаан бол шөнөдөө 6 хэм хүйтэн байх нь ээ.
- Билгийн тооллын 7, гөрөөстэй толгой одтой, хөхөгчин тахиа өдөр. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул аливаа үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Үс шингээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3522.00, зарах нь 3526.00 төгрөгтэй тэнцэж байгаа бол бусад валют болох рубль авах нь 45.20, зарах нь 45.80, юанийн авах ханш 517.00, зарах нь 519.00, вонын авах нь 2.72, зарах нь 2.75 төгрөгтэй тэнцэж байна.
Өнөөдөр болох онцлох үйл явдлууд:
-
09.00 цагт: Төрийн ордонд: “Хүнсний хангамж, аюулгүй байдал-Хууль, эрх зүйн шинэчлэлт” сэдэвт хэлэлцүүлэг болно. Утас: 9904-5802.
-
10.00 цагт: ГЕГ-т: Гаалийн байгууллагаас ААН, иргэдэд зориулсан “Цахим гааль өдөрлөг” зохион байгуулж буй талаар болон цаг үеийн асуудлаар мэдээлнэ. Утас:9914-5985. 9910-6505.
-
10.00 цагт: УИХ-ын байнгын хороод хуралдана. Нийгмийн бодлогын байнгын хорооны хуралдаанаар Эрүүл мэндийн сайд С.Чинзориг Эрүүл мэндийн даатгалын гүйцэтгэлийн санхүүжилт, хэрэгжилтийн талаар мэдээлнэ.
-
10.00-13.00 цагт: ”Блью Скай” зочид буудалд “Дэлхийн хүний эрхийн төлөв байдал, Монгол дахь тусгал” хэлэлцүүлэг болно.
-
11:00 цагт: Монголын Банкны холбоо болон Банк, санхүүгийн академиас "Банкны харилцагчийн сэтгэл ханамжийн судалгаа" болон "Банкны салбарын 2022 оны тойм" судалгаа, банкны салбар, макро эдийн засгийн нөхцөл байдлын талаар танилцуулна.
Энэ өдөр дэлхийн түүхэнд:
- 1986 онд Греммийн наадмын зургаан удаагийн шагналт Америкийн алдарт дуучин Леди Гага мэндэлжээ.
- 2005 онд Индонезийн Суматра арлын хойд хэсэгт байж болох хэмжээнээс зургаа дахин хүчтэй газар хөдөлж 1314 хүн амиа алдаж, 1146 хүн бэртэж, гэмтжээ.
- 1990 онд АНУ-ын ерөнхийлөгч Жорж Х.В.Буш олимпын аварга Америкийн гүйгч Жесси Овенсийг Конгрессын алтан медалиар нэхэн шагнав.
- 1969 онд Нобелийн шагналт Грекын яруу найрагч Гиоргос Сеферис Английн мэдээллийн BBC агентлагч Грекыг цэргийн дархтанууд захирч байгааг эсэргүүцсэн мэдэгдэл хийв.
- 1959 онд БНХАУ-ын Төрийн зөвлөл Төвдийн засгийн газрыг тараажээ.
- 1910 онд зохион бүтээгч Анри Фабре далавчаар холбосон тэнгисийн хөлөг зохион бүтээж түүгээрээ Мартижес голд хурдалжээ.
- 1802 онд одон оронч Хайнрих Вилгельм Маттайс Олдерс солирыг илрүүлжээ.
