2000-аас дээш сонгогчтой хэсгийн хороонд бүртгэлийн хоёр ажилтан байх нь
Сонгуулийн ерөнхий хорооны дарга П.Дэлгэрнаран, гишүүн Д.Баяндүүрэн нар нийслэл, дүүргийн Сонгуулийн хорооны хуралдаанд оролцож, УИХ-ын ээлжит сонгуулийн үйл ажиллагааг зохион байгуулах бэлтгэл ажлын явцын талаар мэдээлэл солилцлоо. Хуралдаанд нийслэлийн болон есөн дүүргийн сонгуулийн хороо, нийслэлийн Улсын бүртгэлийн газар, Цагдаагийн удирдах газар, Онцгой байдлын газар, “Улаанбаатар цахилгаан түгээх сүлжээ” ТӨХК-ийн удирдлагууд оролцож, бэлтгэл ажлын талаар мэдээлэв.
2024-06-20
“Сонгогч хэнд санал өгснийг регистрийн дугаараар нь мэдэх боломжгүй”
УИХ-ын энэ удаагийн ээлжит сонгуулиар сонгогч саналаа нууцаар, чөлөөтэй өгөх эрхээ эдлэхтэй холбоотой асуудлаар Хүний эрхийн үндэсний комиссын гишүүн Б.Энхболд, Захиргаа удирдлагын хэлтсийн дарга Д.Ёндонжамц нар мэдээлэл хийв. Сурталчилгаа эхэлснээс хойших ес хоногт иргэдийн овог, нэр, регистрийн болон утасны дугаар, гэрийн хаяг зэрэг хувийн мэдээллийг нь худалдаж авах тухай зар цахим орчин, олон нийтийн дунд тарааж, цуглуулж байгаа зөрчил, гомдлын талаарх мэдээллийг тус комисст ирүүлж байгаа гэнэ.
2024-06-20
“Алтай групп” ХХК-д давуу байдал олгосон гаалийн даргыг яллах дүгнэлт үйлдүүлнэ
Дорнод аймгийн Гаалийн газрын даргаар ажиллаж байсан Б.Винтовт холбогдох, Х.Бат-Эрдэнийн үүсгэн байгуулсан “Алтай групп” ХХК-д давуу байдал олгосон гэх хэргийг АТГ-ын Мөрдөн шалгах хэлтсийнхэн нэмж шалгаж дуусжээ. Улмаар яллах дүгнэлт үйлдүүлэхээр НПГ-т шилжүүлсэн байна. Улаан буудайг зохих зөвшөөрөлгүй улсын хилээр нэвтрүүлж болохгүйг мэдсээр байж Монгол Улсын хилээр саадгүй нэвтрүүлэх хууль бус үйлдлийг далдлах зорилгоор албан тушаалаа урвуулж, 2017 оны арваннэгдүгээр сард “Алтай групп”-ын 50 тонн арвайнд экспортын бүрдүүлэлт хийхийг зөвшөөрсөн албан бичиг хийж өгсөн.
2024-06-20
Хөнгөн хүнсний үйлдвэрлэлийн хөгжлийн түүхийг өгүүлсэн ном бүтээжээ
“Монгол үндэсний хөнгөн хүнсний үйлдвэрийн хөгжил-90 жил” хэмээх номыг ШУА-ийн Олон улсын харилцааны хүрээлэнгийн профессор Р.Буянжаргал эмхэтгэн хэвлүүлжээ. Эл номоор1934-2024 онд хөнгөн хүнсний үйлдвэрийн хөгжил хэрхэн явагдсан тухай түүхийг олон нийтэд танилцуулж буй аж. Ялангуяа үндэсний үйлдвэрлэлийн суурийг тавьсан Аж үйлдвэрийн комбинатын тухай голчлон өгүүлсэн байна. Эл бүтээлд хөнгөн хүнсний үйлдвэрлэлийн талаар үе үеийн эрдэмтэн судлаачдын байр суурийг ч багтааснаараа онцлогтой болжээ.
2024-06-19
Монголын анхны капсул зочид буудлыг Улаанбаатар хотод нээлээ
Монголын анхны капсул зочид буудлыг Улаанбаатар хотод “Ubpod”-ынхон нээлээ. Уг капсул зочид буудлын тохижилт нь сансар огторгуйг дүрслэлтэй. Мөн капсул бүрийг сансрын пуужинтай төстэй байдлаар интерьерийг нь бүрдүүлжээ. Тус зочид буудал нь нэг дор 32 хүн хүлээн авах боломжтой. Төлбөр нь 68 000-128 000 төгрөг гэнэ. Капсул зочид буудлын бусдаас ялгарах онцлог нь нэг хүн л багтах боломжтой өрөөтэй байдгаараа онцлогтой. Энэ нь гадаадын орнуудад түгээмэл ашиглагддаг бөгөөд жуулчид түлхүү хэрэглэдэг аж. Тухайн өрөөнд нь хүний хэрэгцээний ихэнх зүйл багтсан. Тодруулбал, зурагт, интернэт төхөөрөмж, утас, компьютороо цэнэглэх боломжийг ч бүрдүүлсэн байна.
2024-06-19
“Хурд” хамтлагийнхан романтик, мелодрам төрлийн кино бүтээнэ
“Хурд” хамтлагийнхан 30 жилийн ойдоо зориулж романтик, мелодрам төрлийн кино бүтээх нь. Тэд өнгөрсөн жил 30 жилийн ойн баярын тоглолтоо хийж байсан билээ. Тэгвэл энэ удаа уран сайхны кино бүтээхээр дүрийн сонгон шалгаруулалтаа эхлүүлээд буй. “Бүсгүй” дууныхаа клипийн ээдрээтэй төгсгөлийн тайлал болгож уг киног бүтээхээр шийдсэнээ тус хамтлагийнхан тодотгов. Мөн киногоороо 1980-1995 оны нийгмийг харуулахыг зорьж буй гэнэ. Бас“Хурд” хамтлагийн тухай олон нийтийн мэдэхгүй түүхийг ч уг киногоороо харуулах аж.
2024-06-19
Ажлын ширээндээ цэцэг байршуулах нь ой тогтоолтыг сайжруулдаг
Хөгжингүй орнуудад ажлын байрандаа цэцэг байршуулах нь анхаарал төвлөрөхөд тусалж, ажлын бүтээмжийг нэмэгдүүлдэг гэдэгтэй санал нэгдээд буй. Тухайлбал, ажлын ширээнийхээ дэргэд цэцэг байршуулах нь сэтгэл түгших эмгэгийн үед ч сайнаар нөлөөлдөг гэнэ. Мөн сөрөг бодлоос ангижрахад тусалж, ой тогтоолтод сайнаар нөлөөлдөг юм байна. Гоёмсог ургамлаар өөрийгөө хүрээлүүлэх нь ядаргаа болон бусад төрлийн сэтгэл зүйн өвчлөлийг 30 хүртэлх хувиар бууруулдгийг судлаачид онцолжээ. Түүнчлэн тасалгааны төдийгүй мандлын цэцэг нь нэгэн хэвийн ажлын байранд өнгө нэмж, ажилчдад шинэ санаа олоход нь тусалдаг байна. Ялангуяа зохиолч, зураач, дизайнер зэрэг ажил эрхэлдэг хүмүүст энэхүү шийдэл зохимжтой гэнэ.
2024-06-19
Нийслэлийн хэмжээнд энэ хавар 471.292 мод тарьжээ
Улаанбаатар хотын хэмжээнд хаврын мод тариалалтаар шилмүүст болон навчит төрлийн 12 зүйлийн 471 292 мод тариад буйг нийслэлийн Байгаль орчны газраас өчигдөр мэдээлэв. “Бүх нийтийн мод тарих өдөр”-өөр л гэхэд 59 846 үрсэлгээ суулгасан байна. Тухайлбал, Баянзүрх дүүргийн 28 дугаар хороо “IGM” цэцэрлэгт хүрээлэнд 12 995, Түргэний гол дагуух “Ногоон хэрэм” зурваст 6000 мод тарьжээ. “Шинэ Налайх цэцэрлэгт хүрээлэн”-д 14 811, “Баянгол цэцэрлэгт хүрээлэн”-д 5574, “Инчон мөрөөдлийн төгөл”-д 12 000-ыг тарьж, арчилж буй гэнэ. Мөн нийтийн эзэмшлийн 41 410 ам метр талбайг зүлэгжүүлжээ. Харин 110 125 ам метр талбайд цэцгийн мандал байгуулсан аж.
2024-06-19
Японы Засгийн газрыг болзооны аппликэйшн бүтээхийг иргэд нь дэмжив
Судалгаанд оролцогчдын 54 хувь нь уг санааг нь дэмжиж буйгаа илэрхийлжээ. Түүнчлэн “Засгийн газраас явуулж буй үйл ажиллагаа тул илүү найдвартай байх болно” гэж судалгаанд оролцогчид хариулсан гэнэ. Оролцогчдын насны бүлгийг харахад 18-29 насныхны 64 хувь нь дэмжихээр саналаа өгчээ. Мөн 30-аас дээш насныхны 74 хувь нь болзооны аппликэйшн бүтээхийг дэмжсэн байна. Гэхдээ оролцогчдын 57 хувь нь энэхүү арга нь үр дүнд хүрэхгүй гэж үзсэн аж. Харин 39 хувь нь эерэг үр дүнд хүрнэ гэж найдаж байгаагаа илэрхийлжээ.
2024-06-19
Хүрэл зэвсгийн үеийн олдвор худалдахыг завдсан хүмүүсийг шүүхэд шилжүүллээ
Монголын нүүдлийн соёл иргэншил бүрэлдэн тогтох буюу хүрэл зэвсгийн үе (НТӨ-III-I мянган)-д хамаарах эд зүйлийг олж, худалдахыг завдсан хэрэгт Чингэлтэй дүүргийн Прокурорын газраас яллах дүгнэлт үйлдэн тус дүүргийн Эрүүгийн хэргийн анхан шатны шүүхэд шилжүүллээ. Иргэн Э.Цэрэнтогтох Завхан аймгийн нутаг дэвсгэрээс металл хайгч багаж ашиглан хүрэл хутга олсон аж. Улмаар нийслэлд авчран иргэн С.Төгсбаяр, Т.Гантулга нартай хамтарч бусдад худалдахыг завдсан гэнэ. ЭЦА-ны Түүх, соёлын дурсгалт зүйлийн хууль бус эргэлттэй тэмцэх тасагт тэднийг шалгаад Эрүүгийн хуулийн 25.4-1-ийн хууль бусаар археологи, палеонтологийн хайгуул, малтлага хийсэн, 25.5-1 дэх хэсгийн соёлын биет өвийн хууль бус худалдааг зохион байгуулж, зуучилсан гэх заалтын дагуу яллагдагчаар тооцон гэм буруутай, эсэхийг нь дэнслүүлэхээр дээрх шүүхэд хүргүүлээд байна.
2024-06-19
Анхны сенсаац, Мбаппегийн хугархай хамар
Украины хөлбөмбөгийн түүхэн дэх хамгийн шилдэг үеийн нэг энэ удаагийн “Евро”-д оролцохоор ирсэн. 2000 онд хэсгийн сүүлийн тоглолтдоо Английг ялж, Европын АШТ-ий түүхэн дэх цор ганц ялалтаа байгуулсан даруухан Румынийн багийг Премьер лиг, Ла Лигийн оддоос бүрдсэн Украины шигшээ ялах нь бараг тодорхой байлаа. Гэвч талбай дээр байдал өөрөөр эргэв.
2024-06-19
Импортын барааны үнэ өссөн нь инфляц 5.7 хувьтай гарахад нөлөөлжээ
Үндэсний статистикийн хорооноос 2024 оны эхний таван сарын Монгол Улсын нийгэм, эдийн засгийн үзүүлэлтийг өчигдөр танилцууллаа. Тодруулбал, улсын нэгдсэн төсвийн нийт орлого, тусламжийн хэмжээ эхний таван сарын урьдчилсан гүйцэтгэлээр 12.7 их наяд төгрөгт хүрчээ. Энэ нь өнгөрсөн онтой харьцуулахад 3.8 их наяд төгрөгөөр өссөн үзүүлэлт юм.
2024-06-18
“I Carly” цувралыг монголчууд “I Misheel” нэрээр бүтээнэ
Манай улс алдарт “I Carly” цувралын албан ёсны эрхийг авч, “I Misheel” нэрээр үзэгчдийн хүртээл болгох нь. Одоогоор дүрийн сонгон шалгаруулалт эхэлсэн бөгөөд2026 онд үзэгчдийн хүртээл болгоно гэдгийг зохион байгуулагчид онцоллоо. Түүнчлэн уг цувралд оролцох сонирхолтой залуусыг бүртгэж эхэлсэн байна. Дүрийн сонгон шалгаруулалтад оролцох сонирхолтой 10-25 насны хүүхэд, залуус “I Misheel” цахим хуудсанд хандан бүртгүүлэх боломжтой гэнэ. Зохион байгуулагчдын зүгээс жүжиглэх сонирхолтой, үгийн баялаг сайн, хариуцлагатай байх зэрэг шаардлага тавьж буй. Бүртгэл энэ сарын 25-ныг дуустал үргэлжлэх юм байна.
2024-06-18
Зуны амралтаараа программчлал, инженерчлэлд суралцаарай
Мэдээлэл технологийн үндэсний паркаас “Өсвөрийн сансрын инженер” сургалтыг өнөөдөр эхлүүллээ. Программчлал, инженерчлэлийн суурь ойлголтыг уг сургалтаар дамжуулан хүүхдүүдэд олгох гэнэ. Зохион бүтээгч, инженер эсвэл байгалийн шинжлэх ухааны мэргэжилтэн болох мөрөөдөлтэй хүүхдүүдэд энэхүү сургалт нээлттэй. Бүтээлч сэтгэлгээгээ хөгжүүлж, орчин үеийн технологитой танилцаж, танин мэдэхүйн цар хүрээгээ нэмэгдүүлэх боломжийг хүүхдүүдэд олгохыг Мэдээлэл технологийн үндэсний паркийнхан онцлов.
2024-06-18
Улиасны унгирлаа яах вэ
Улиасны унгирал нь 6-7 дугаар сард агаарт дэгддэг. Үүнээс үүдэн нүүр загатнах, нус гоожих, найтаах зэрэг харшлын шинж тэмдэг илэрч буйг иргэд ярьж байна. Улиасны унгирал нь харшил үүсгэдэг эсэх, талаар мэргэжилтнүүдийн байр суурь хуваагдаад буй. “Улиасны унгирал харшил үүсгэгч хүчин зүйл биш. Биед наалдаснаас загатнуулдаг. Тиймээс амны хаалт болон нүдний шил зүүх хэрэгтэй. Агаар хуурайшилттай үед унгирал ихээр тархдаг” хэмээн НЭМҮТ-ийн Орчны эрүүл мэнд, нөлөөллийн үнэлгээний албаны эрдэм шинжилгээний ажилтан О.Оюун-Эрдэнэ мэдээллээ. Харин Улсын нэгдүгээр төв эмнэлгийн Уушиг, харшил судлалын төвийн их эмч Г.Анхболд“Улиасны унгирал нь модлог ургамлын харшлыг үүсгэдэг” гэв. Тиймээс гадуур гарахдаа нүдний шил, амны хаалт хэрэглэх нь чухал аж.
2024-06-18
Хүүхдийн төв номын санд орос хэлний ярианы клуб хичээллэнэ
Хүүхдийн төв номын сангаас орос хэлний ярианы клубыг энэ сарын 20-ноос хичээллүүлж эхлэхээр болжээ. Уг ярианы клубын үйл ажиллагаанд урьдчилан бүртгүүлэхгүйгээр, үнэ төлбөргүй оролцох боломжтой юм. Орос хэлний ярианы клуб нь долоо хоног бүрийн пүрэв гарагт хичээллэх юм байна. Ярилцах сэдэв нь чөлөөтэй бөгөөд өөрийн сонирхсон зүйлсийнхээ талаар бусадтай хуваалцахад нээлттэй гэнэ. Хүн бүрийг заавал ярихыг шаардахгүй агаад ярианы клубийн үйл ажиллагааг сонирхохоор ирэхэд ч нээлттэй байх нь.
2024-06-18
А.ОЮУНЖАРГАЛ: Сэтгэцийн эрүүл мэндээ хамгаалахад хүн хоорондын харилцаа хамгийн чухал
Хүний амьдралд сэтгэцийн эрүүл мэнд нь биеийнхтэй адил чухал үүрэг гүйцэтгэдэг. Гэвч бид үүнийг тэр бүр мэддэггүй. Сэтгэцийн хувьд тулгамдсан асуудалтай, сэтгэл гутралтай байх нь ажлын бүтээмж муудах, ядарч сульдах мөн биеийн өвчлөлд хүргэх эрсдэлтэй. Тиймээс үүнд нөлөөлж буй гол хүчин зүйл, сэргийлэх арга замын талаар Улсын нэгдүгээр төв эмнэлгийн сэтгэцийн эмч, сэтгэл засалч А.Оюунжаргалтай ярилцлаа.
2024-06-18
“Шүгэл үлээсэн” шүүгчийг эрүүгийн хэрэгт шалгах нь
Баянзүрх дүүргийн Иргэний хэргийн анхан шатны шүүхийн шүүгч Б-д 2022 оны есдүгээр сард хахууль өгөхийг завдсан хуульчдад холбогдох хэргийг НПГ-ын хяналтын прокурорын бичсэн эсэргүүцлийг үндэслэн Улсын дээд шүүхэд хянасан юм. Улмаар хяналтын шатны шүүх хуралдаанаар хэлэлцүүлэхээс татгалзсан тул хээл хахуулийн хэргийн талаар анх “шүгэл үлээсэн” шүүгчийг тэдэнд холбогдох хэрэгт шалгахаар боллоо.
2024-06-18
“Цөлжилт газрын доройтол бидний амьдралд” үзэсгэлэн толилуулав
Цөлжилттэй тэмцэх дэлхийн өдөр өчигдөр тохиолоо. Уг өдрийг “Газрын төлөө нэгдэцгээе, бидний өв, бидний ирээдүй” уриан дор тэмдэглэн өнгөрүүлэв. Үүний хүрээнд ШУА-ийн Газар зүй, геоэкологийн хүрээлэнгээс “Цөлжилт газрын доройтол бидний амьдралд” гэрэл зургийн үзэсгэлэнг өчигдөр толилуулсан юм. Энэхүү үзэсгэлэнг ШУА-ийн Газар зүй, Геоэкологийн хүрээлэнгийн нэгдүгээр байрны гадна талбайд зохион байгуулсан. Тэд үйл ажиллагааныхаа хүрээнд иргэдэд цөлжилтийн өнөөгийн нөхцөл байдлын талаар мэдээлэл хүргэсэн байна.
2024-06-18
Сонгуулийн ухуулагчаар бүртгүүлсэн хүн амиа алджээ
УИХ-ын 2024 оны сонгуулийн I тойрогт АН-аас нэр дэвшиж буй хуульч, өмгөөлөгч О.Алтангэрэлийн ухуулагчаар бүртгүүлсэн Ч гэх хүн “УАЗ-Фургон” загварын автомашин дотор амиа алдсан байжээ. “Эрдэнэт, Булганы цахилгаан түгээх сүлжээ” ТӨХК-ийн Өвөрхангай аймаг дахь салбарт ажилладаг тэрбээр ухуулагчийн ажлаа хийгээгүй, дээрх компанийнхаа засвар шинэчлэлийн ажлаар хойд сумууддаа явж байхдаа ийнхүү харамсалтайгаар нас барсан байсныг өглөө нь олсон талаар орон нутгийн эх сурвалжууд мэдээлэв
2024-06-18
