“Үдшийн музей 2024”-тэй ирэх даваа гарагт танилцаарай
“Үдшийн музей 2024”-ийг энэ сарын 8-ны 20.00-00.00 цагт үзэгчдийн хүртээл болгоно. Чойжин ламын сүм музейгээс 13 дахь удаагаа зохион байгуулж буй эл арга хэмжээ нь соёлын бүтээлч үйлдвэрлэлийг хөгжүүлэх, биет ба биет бус өвийг олон нийтэд сонирхолтой хэлбэрээр сурталчлан таниулах, бүх нийтийн соёл урлагийн боловсролыг дээшлүүлэх зорилготой аж. Мөн музейн хосгүй үнэт бүтээлүүдийн дээжээс бүрдсэн “Бурхдын чуулган” үзэсгэлэн зэрэг соёл, урлагийн сонирхолтой хөтөлбөр багтсаныг зохион байгуулагчид онцоллоо.
2024-07-03
Номын тэмдэглэлийн уралдаанд оролцох нь “Хол биш”
Ч.Ганжавхлангийн “Хол биш” ном “Интерном”-ын бест селлер жагсаалтыг таван долоо хоногийн турш тэргүүлээд буй. Уншигчдын гарт хүрсэн цагаасаал талархлыг нь хүлээн авсан эл бүтээлийн зохиолч болон “Bookcafe Mongolia” бүлгэмийнхэн хамтран номын тэмдэглэл, фото зургийн уралдаан зарласан байна. Уралдаанд оролцох бүтээлүүдийг энэ сарын 20 хүртэл хүлээн авах аж.
2024-07-03
Олон улсын математикийн зуны сургалтын хаалтын олимпиадаас мөнгөн медаль хүртлээ
Олон улсын математикийн зуны хоёрдугаар сургалтын хаалтын олимпиадын дүн өчигдөр гарлаа. Уг олимпиадыг БНХАУ-ын Бээжин хотод зохион байгуулж буй бөгөөд 30 орны 38 баг оролцож байгаа юм. Маргааш өндөрлөх угсургалтынхаалтынолимпиададманай улсаас “IMO” багийнхан оролцож оюунаа сорьсон гэнэ. Тэднээс Д.Энэрэлт мөнгө, Т.Билгүүнгэрэлт, О.Тэнгис хүрэл медалийн эзэн болжээ. Түүнчлэн Х.Нурсолтан, Б.Билгүтэй, С.Манлай нар тусгай байр эзэлснийг Монголын математикийн олимпиадын хорооноос мэдээллээ.
2024-07-03
Элон Маск Чингис хааны тухай өгүүлсэн номыг нийтэд санал болгов
“Tesla”, “SpaceX”-ийг үүсгэн байгуулагч Элон Маск “Х” буюу twitter хуудсандаа Жак Уэтерфордийн “Чингис хаан” номыг онцоллоо. Тэрбээр цахим хуудсандаа 188.5 сая дагагчтай юм. Элон Маск нийт11 ном санал болгосон бөгөөд тэдгээрийн нэгт эл ном багтжээ. Тодруулбал, Чингис хаан тэргүүн зэргийн одонт, монголч эрдэмтэн Жак Уэтерфорд нь “Чингис хаан: Эрхэм дээд үнэний эрэлд”, “Өнөөгийн ертөнцийг үндэслэгч Чингис хаан” зэрэг бүтээлийг бэлтгэжээ
2024-07-03
Дэлхий зөвхөн хүнд зориулагдаагүй
Гэрийн тэжээвэр амьтныг гэр бүлийн гишүүн гэж үзэх хүн цөөнгүй байдаг. Амьтан тэжээх нь хүмүүсийн амьдралын нэг хэсэг болоод удаж буй. Гэвч манай улсад одоог хүртэл зоогийн газар, зочид буудал зэрэг үйлчилгээний байгууллагад тэжээвэр амьтантай орохыг тэр бүр зөвшөөрдөггүй. Дүрэм, журамдаа хориглох заалтгүй боловч тухайн албан байгууллагын соёлоос шалтгаалан тэжээвэр амьтан оруулдаг нь гарын таван хуруунд багтана.
2024-07-03
Уур амьсгалын өөрчлөлтийн “сүүдэр”
Уур амьсгал, хүрээлэн буй орчны тандалт судалгаа хийдэг олон улсын байгууллагынхан, судлаач, шинжээчид 2024 оныг өмнөх жилийнхээ “дээд амжилт”-ыг эвдсэн, түүхэнд байгаагүй халуун, цаг агаарын хувьд ихээхэн тогтворгүй, хүн төрөлхтнийг сандаргасан жил болно хэмээн таамаглаж байв. 2023 оныг дэлхийн түүхэнд хамгийн халуун жил хэмээн тэмдэглэсэн. Хэт халуунаас үүдэлтэй цаг агаарын эрс тэс үзэгдэл дэлхийн өнцөг булан бүрд тохиож, мянга мянган хүн амь, эрүүл мэнд, эд хөрөнгөөрөө хохирч, олон орон байгалийн давагдашгүй хүчин зүйл хэмээх хатуу сорилттой нүүр тулсан билээ
2024-07-03
Тарьсан мод, бутаа хамгаалахыг уриалав
“Оюутолгой”, “Эрдэнэс Тавантолгой”, “Эрдэнэс алт ресурс”, “Саусгоби сэндс” зэрэг уул уурхайн томоохон 20 гаруй компани “Тэрбум мод” үндэсний хөдөлгөөний хүрээнд Богдхан уулын дархан цаазат газарт сүүлийн хоёр жилд 200 мянга гаруй мод тариад буй аж. Сүүлийн үед хотын ногоон бүс, ялангуяа Богдхан уулын амнууд руу адуу, мал олноороо орж, тарьсан бут, сөөгийг сүйтгэж буйтай холбоотойгоор дээрх аж ахуйн нэгжүүдийн зарим нь холбогдох байгууллагын зөвшөөрөлтэйгөөр хамгаалалтын хашаа татах болжээ.
2024-07-03
“Даншиг наадам-Хүрээ цам”-ыг ирэх сард зохион байгуулах нь
“Даншиг наадам-Хүрээ цам”-ыг ирэх сарын 3-4-нд Хүй долоон худагт зохион байгуулахаар болжээ. Наадмын үеэр өмнөхжилүүдийнадилаарОчирваанийн тахилга болохоос гадна урлагийн тоглолт, гурван насны хурдан морины уралдаан, 256 бөхийн барилдаан зохион байгуулахаар төлөвлөсөн аж. Тус наадмыг нийслэлийн Засаг даргын Тамгын газар, нийслэлийн Аялал жуулчлалын газар болон Монголын бурхан шашинтны төв Гандантэгчэнлин хийд хамтран зохион байгуулах юм.
2024-07-02
Дахин боловсруулах хаягдлыг дуудлагаар авдаг байгууллагуудтай танилцаарай
Хог хаягдлын 85 орчим хувийг дахин боловсруулах боломжтой гэдгийг судлаачид онцолдог. Хогийг хаягдал гэж харах биш, эдийн засгийн эргэлтэд оруулах гарц бий. Тухайлбал, дахин боловсруулах үйлдвэрүүдэд хаягдлаа өгч, мөнгө болгох боломжтой. Дахин боловсруулах хог хаягдлыг дуудлагын дагуу очиж авдаг байгууллагуудын мэдээллийг хүргэе.
2024-07-02
Э.Энхцогт, Г.Энхжин нар самбо бөхийн төрөлд аварга боллоо
ОХУ-ын Саха улсын Якутск хотод үргэлжилж буй “Азийн хүүхдүүд” олон улсын спортын VIII наадамд 39 улсын 2000 гаруй тамирчин спортын 24 төрөлд өрсөлдөж байна. Энэ сарын 7-нд өндөрлөх тус наадмын модон бөмбөгийн тэмцээнд Монголын тамирчдаас 50 кг-ын жинд Н.Дагвадорж, 80 кг-д Ё.Өсөх-Ирээдүй нар хүрэл медаль гардсан. Энэ удаа ерөнхий шүүгчээр С.Тэлмэн ажиллаж, олон улсын шүүгч Б.Даариймаа, шүүгч Т.Галцэцэг нар тэмцээнийг дэнсэлж буй.
2024-07-02
Эвалд Жосеф Еркерийг аялал жуулчлалын элчээр өргөмжлөв
“Баян Монгол ресорт”-ыг үүсгэн байгуулагч, Австралийн иргэн Эвалд Жосеф Еркерийг Монгол Улсын аялал жуулчлалын элчээр өргөмжилжээ. Тэрбээр жуулчны баазаараа дамжуулан монгол өв соёл, уламжлал, нүүдэлчдийн аж байдлыг олон улсад сурталчлан таниулах, экспортыг нэмэгдүүлэхэд үнэтэй хувь нэмэр оруулж буй хөрөнгө оруулагчдын нэг аж.
2024-07-02
Төрийн албанд ажилладаг 47.2 мянган хүний ХАСХОМ-ийг цахим системд байршуулжээ
Төрийн албан хаагчид буюу нийтийн албанд сонгогдсон, томилогдсон хүмүүс жил бүрийн хоёрдугаар сарын 15-ны дотор өмнөх жилийнхээ хувийн ашиг сонирхол, хөрөнгө орлогын мэдүүлэг (ХАСХОМ)-ийг гаргадаг. Үүнийг нь АТГ-ынхан нэгтгэн Мэдүүлгийн ил тод байдлын цахим системд нээлттэй байршуулдаг билээ. Тэгвэл 2023 оны ХАСХОМ-ийг тус системд нэгтгэн оруулжээ.
2024-07-02
“МАН төрийн сүлжээ ашиглаж, өөрсдөдөө давуу байдал бий болгох замаар сонгуульд ялсан”
Иргэдийн оролцооны нэгдэл намын дэргэдэх Үнэт зүйлийн зөвлөл МАН-ыг энэ удаагийн сонгуулиар төрийн сүлжээ ашиглаж, өөрсдөдөө давуу байдал бий болгосон гэж үзэж буй аж. Тус намын дарга Ц.Оюунгэрэл Үнэт зүйлийн зөвлөлөөс гаргасан мэдэгдлийг өчигдөр олон нийтэд танилцуулав. Тэрбээр “МАН төрийн сүлжээ, улсын бүртгэлийн мэдээллийг онцгой эрхтэйгээр ашиглан, бусдад хуулиар олгогдоогүй давуу байдлыг өөртөө бий болгож, иргэдийг дарамт, эрхшээлдээ оруулан санал авах замаар сонгуульд ялсан. Тэд чухам ямар сүлжээ, технологи ашигласныг иргэдэд үнэн, зөвөөр мэдээлэх нь улс төрийн үүрэг гэж үзэж байна. Нэгдүгээрт, МАН-д үйлчилдэг төрийн албан хаагчид төрийн утасны төлбөр, цалин, хангамж зэрэг төрийн зардлыг ашиглан нарийвчилсан судалгаа авч, сонгогчдын улс төрийн хандлагыг сонгуулийн жил эхэлснээс сурталчилгаа дуусах өдөр хүртэл тандлаа
2024-07-02
Бага насны охинтой бэлгийн харилцаанд орсон цагдаа нарыг шүүхэд шилжүүлэв
Сэлэнгэ аймгийн Цагдаагийн газарт ажиллаж байгаад холбогдсон хэргийнхээ улмаас чөлөөлөгдөөд буй О.Э, Н.Э, О.Э, Л.Б нарт Эрүүгийн хуулийн 12.1-4 дэх хэсгийн “Хүчиндэх гэмт хэргийг бага насны хүүхдийн эсрэг үйлдсэн” гэх заалтын дагуу НПГ-аас яллах дүгнэлт үйлдэн тус аймаг дахь Сум дундын эрүүгийн хэргийн анхан шатны шүүхэд шилжүүллээ. Мөрдөн байцаах албаны Тусгай субъектийн үйлдсэн гэмт хэрэг мөрдөн шалгах хэлтэст анх шалгаж эхэлсэн хэргийг иргэдийн хардлага, хохирогчийн ар гэрийнхний хүсэлтээр УЕПГ-аас өнгөрсөн дөрөвдүгээр сард харьяалал тогтоож, АТГ-т шалгуулахаар болсон билээ.
2024-07-02
Өсвөрийн хөгжимчдийн тоглолтыг хоёр дахь жилдээ зохион байгуулав
Монгол болон БНХАУ дипломат харилцаа тогтоосны 75 жилийн ойг тохиолдуулан Хятад дахь Монгол Улсын ЭСЯ “Өсвөрийн хөгжимчдийн сонгодог хөгжмийн хоёр дахь удаагийн тоглолт”-ыг Бээжин хотноо зохион байгууллаа. Жил бүр уламжлал болгон зохион байгуулж буй эл тоглолтод Монгол Улсын Консерватори болон Бээжин хотын төв Консерваторийн сурагчид оролцжээ. Түүнчлэн тэд Монголын нэрт хөгжмийн зохиолчдын бүтээлээс гадна дэлхийн сонгодог хөгжмийн суут зохиолчдын уран бүтээлийг хамтран эгшиглүүлсэн гэнэ.
2024-07-01
“Save mazaalai” түр үзэсгэлэн дэлгэлээ
“Save mazaalai” түр үзэсгэлэнг зорин очсоноор дэлхийд цор ганц мазаалай баавгайн чихмэлийг дэргэдээс нь харж болно. Мөн мэргэжлийн уран бүтээлчдийн мазаалай сэдвийн хүрээнд туурвисан бүтээлийн дээжис болон мазаалай судлаачдын камерт өртсөн говийн баавгайн сонирхолтой фото зурагтай танилцаж, илүү их мэдлэг хуримтлуулах боломжтой гэнэ.
2024-07-01
“Google translate” орчуулгын үйлчилгээнд 110 хэл шинээр нэмэгджээ
“Google” компани өнгөрсөн пүрэв гарагт “Google translate” орчуулгын үйлчилгээндээ 110 хэл шинээр нэмжээ. Үүнд ОХУ-ын бүрэлдэхүүнд багтдаг 12 үндэсний цөөнхийн хэл багтсан гэнэ. Тухайлбал, Абхаз, Авар, Башкир, Чечень, Чуваш, Крымийн Татар, Коми, Оссет, Тува, Удмурт, Якут зэрэг хэл нэмэгджээ.
Тэд энэ удаагийн шинэчлэлээ хиймэл оюун ухааны тусламжтай хийсэн хэлний хамгийн том өргөтгөл гэж тодорхойлж байна.
2024-07-01
