Богд хааны ордон музейг зоригсод цоожтой хаалга мөргөж байна
Нийслэлийн түүхэн гэж онцлох цөөн барилгын нэг нь Богд хааны ордон музей билээ. Энэхүү ордонд Богд хаан хатан Дондогдуламтайгаа 20 гаруй жил амьдарсан нь түүхэнд үлдсэн. Тус музейд XVII-XX зууны эхэн үеийн Монголын хаант төр, шашны түүх, урлаг соёлын давтагдашгүй хосгүй үнэт дурсгал цөөнгүй бий. Тухайн үед амьдарч байсан нэрт дархчууд болон анхдугаар Богд өндөр гэгээн Занабазарын бүтээсэн цутгамал бурхад, торгон зураг, шороон будаг, цаасан шуумал энэ музейд хадгалагддаг.
2024-08-14
ТҮК-ийнхан хэдий болтол дэрсэн шүүрээ ашиглах вэ
“ТҮК-ийн ажилчид шүүр барьж зогсохоо болино. Ажилчдын шүүрийг том тоос сорогчоор солино” гэж нийслэлийн Засаг дарга Х.Нямбаатар өнгөрсөн дөрөвдүгээр сард мэдэгдэж байлаа. Ингээд төд удалгүй буюу тавдугаар сарын 2-нд нь 20 ширхэг тоос сорогч оруулж ирснээ зарлан, төв талбайд сүртэй гэгч нь байрлуулан, олон нийтэд танилцуулж, бас хог соруулах “сургуулилалт” ч хийсэн. Гэвч энэ нь сонгууль угтсан шоу байсан нь төд удалгүй тодорхой болсон билээ. Тодруулбал, сүр дуулиантай гэгч нь авсан тоос сорогчуудынх нь сураг алдарч, ТҮК-ийн ажилчид өмнөх янзаараа дэрсэн шүүрээ барьж, хотын зам, талбайгаар тоос, шороо татуулсаар байв.
2024-08-14
Дуу цахилгаантай, аадар бороо орохыг анхааруулав
Манай орны зарим хэсэгт өнөөдрөөс эхлэн дуу цахилгаантай, аадар бороо орохыг цаг уурын байгууллагаас мэдээлэв. Тухайлбал, төвийн болон говийн аймгуудын нутгаар өнөөдөр, маргааш аадар бороо орох нь. Өмнөговь, Дундговь, Төв аймгийн зарим сумын нутаг үүнд хамаарч байна. Энэ үеэр мөндөр орж, аянга буун, нөөлөг салхи гарах эрсдэлтэй гэнэ. Мөн үер усны аюулаас сэрэмжлэхийг анхаарууллаа. Түүнчлэн Улаанбаатарт өнөөдрөөс энэ сарын 18 хүртэл дуу цахилгаантай, аадар бороо орох төлөвтэйг нийслэлийн Онцгой байдлын газраас сэрэмжлүүлэв. Иймд иргэдийг аюулгүй байдлаа хангах, үер, аянга цахилгааны аюулаас сэргийлэхийг зөвлөсөн байна.
2024-08-14
Аюулт үзэгдэл, ослын улмаас 229 хүн амиа алджээ
Улсын хэмжээнд энэ оны эхний долоон сард гамшиг, аюулт үзэгдэл, ослын 3338 дуудлага, мэдээлэл бүртгэгджээ. Тэдгээрийн улмаас 229 хүн амиа алдаж, 121 иргэн бэртэж гэмтсэн байна. Мөн 571 гэр, орон сууц, барилга эвдэрчээ. Түүнчлэн 448 гэр, орон сууц, барилга сүйдэж, нийт 26.8 тэрбум төгрөгийн хохирол учирсан аж. Дуудлагын дагуу төв, орон нутгийн онцгой байдлын байгууллагын алба хаагчид үүрэг гүйцэтгэн, 5287 хүний амийг авран, 208 тэрбум төгрөгийн өмч хөрөнгийг хамгаалсан гэнэ
2024-08-14
Худалдааны салбарын орлого 35.7 хувиар өслөө
Худалдааны салбарын борлуулалтын орлого энэ оны эхний хагаст 36.1 их наяд төгрөгт хүрч, өнгөрсөн жилийн мөн үеийнхээс 9.4 их наяд төгрөгөөр буюу 35.7 хувиар өссөнийг Үндэсний статистикийн хорооноос мэдээлэв. Үүний 21.6 хувь нь хүнсний бүтээгдэхүүний, 78.4 хувь нь хүнсний бус бүтээгдэхүүний борлуулалтын орлого аж. Нийт орлогын 46.4 хувийг бөөний, 53.6 хувийг жижиглэн худалдаанаас төвлөрүүлжээ.
2024-08-14
Хүүхэд хамгааллын төсвийн зардлыг ил тод болгох үүрэг өгөв
Гэр бүл, хөдөлмөр, нийгмийн хамгааллын сайд Л.Энх-Амгалан өчигдөр Хүүхдийн төлөө үндэсний зөвлөлийн гишүүдтэй уулзжээ. Хүүхэд хамгаалах тухай хуулийн шинэчилсэн найруулгыг ирэх сарын 1-нээс хэрэгжүүлж эхэлнэ. Үүнтэй холбоотойгоор хуулийг хэрэгжүүлэхэд анхаарах, хүүхдийг болзошгүй эрсдэл, гэмт хэрэг, зөрчлөөс хамгаалах чиглэлд салбар бүрд дундын уялдааг ханган ажиллахыг сайд Л.Энх-Амгалан дээрх зөвлөлийнхөнд үүрэг болжээ. Түүнчлэн салбар бүр хүүхэд хамгааллын нэгдсэн бодлого хэрэгжүүлэх, эцэг, эхийн үүрэг хариуцлагыг нэмэгдүүлэх зэрэг ажлыг нэн даруй эхлүүлэх ёстойг онцолсон байна
2024-08-14
Сумын наадмаар 20 орчим гар утас, хөөрөг хулгайлсан бүлэг этгээдийг саатуулав
Энэ онд 102 сумын 100 жилийн ой тохиож буй. Сумын баяр наадмын үеэр хулгайд эд зүйлсээ алдах тохиолдол цөөнгүй гарч, цагдаагийн байгууллагад бүртгүүлсэн байна. Тухайлбал, Өмнөговь аймгийн Цогтцэций сумынхан 100 жилийн ойн баяраа энэ сарын 7, 8-нд тэмдэглэсэн юм. Энэ үеэр 20 орчим иргэн гар утас, хөөргөө хулгайд алджээ. Цагдаагийн алба хаагчид хулгай хийсэн этгээдүүдийг шуурхай илрүүлсэн байна. Тодруулбал, 22-41 насны М, У, Э, М, А нарын бүлэг этгээд тус сумын тэмдэглэлт ойн үеэр иргэдийн гар утас, хөөрөг зэргийг хулгайлжээ
2024-08-14
Судлаачид Хөвсгөл нуурын атлас зохиох ажлыг эхлүүлжээ
ШУА-ийн Газар зүй, геоэкологийн хүрээлэнгийн эрдэмтэн, судлаачид манай орны цэвэр усны нөөцийн 70 орчим хувийг агуулдаг, ЮНЕСКО-гийн Шим мандлын нөөц газруудын дэлхийн сүлжээнд бүртгэгдсэн Хөвсгөл нуурын атласыг зохиохоор ажиллаж байна. “Хөвсгөл нуур” атласыг 100 гаруй сэдэвчилсэн зургийн агуулгатайгаар энэ онд цахим хэлбэрээр, 2025 оны эхний хагаст хэвлэмэл хувилбараар олон нийтэд хүргэх зорилт тавьжээ.
2024-08-14
Энэ оны эхний долоон сард 15 хүн ДОХ-оор өвчлөв
Энэ оны эхний долоон сард 15 хүн ДОХ-оор өвчилснийг тогтоожээ. Тэр дундаа өнгөрсөн сард хоёр хүн ХДХВ-ийн халдвар авсан нь батлагдсан аж. Энэ онд илрүүлсэн тохиолдлууд нь өмнөх жилийн мөн үеийнхээс гурваар нэмэгдсэн бөгөөд бүгдийг нь Улаанбаатар хотод илрүүлжээ. Манай улсад анх 1992 онд ХДХВ/ДОХ бүртгэгдэж байв. Түүнээс хойш халдвар авсан хүний тоо одоогоор 383-т хүрээд буй юм. Уг өвчний улмаас нас барсан тохиолдол энэ онд бүртгэгдээгүй гэнэ.
2024-08-14
Хүй долоон худаг хогонд дарагджээ
Үндэсний их баяр наадмын хурдан морины уралдаан, уяачдын баяр, шашин, соёлын уламжлалт “Даншиг” гээд өв соёлын аль томоохон арга хэмжээнүүдийг зохион байгуулдаг Хүй долоон худгийн ногоон хөндийг наадамчин олон хогийн цэг болгож орхижээ. Хажуугаар нь өнгөрсөн, анзаарсан улс “Хүй мандлын дэнжээ хогийн хөндий болгочхож” хэмээн толгой сэгсрэн, шогширч байна
2024-08-14
Гадаадад хоригдсон иргэдээ буцааж авахад Жо Байден, Владимир Путин нар биечлэн оролцож байв
Анкара хотын нисэх онгоцны буудалд энэ сарын 1-нд долоон улс хоригдлуудаа солилцох түүхэн үйл явдал болов. Герман, Норвег, Польш, Словени, АНУ-аас Орос руу найман хүн ирсний хоёрыг нь Ерөнхийлөгч Путин өөрийн биеэр угтсан байна. Тэдний дотор Чечений хээрийн цэргийн командлагчийг алсны улмаас Германы шүүхээс насаараа хоригдох ял авсан Вадим Красиков байв. Өрнөдийн орнууд руу Оросоос буцааж өгсөн 16 хүн дунд Эван Гершкович, Пол Уилан нар байсан бөгөөд тэднийг сольж авахыг АНУ-ын Ерөнхийлөгч Жо Байден өөрийн чухал зорилт гэж хэлсэн байдаг. Ийн солилцох тухай яриа хөөрөө жил хагас гаруй үргэлжилжээ.
2024-08-13
“Хүүхдийн нас бага байх тусам сэтгэл зүйн гэмтэл авах магадлал нэмэгддэг”
АНУ-ын Миннесотагийн их сургууль сэтгэл судлал, тэр дундаа хүүхдийн сэтгэл зүйн хөтөлбөрүүдээрээ алдартай. Тус сургуулийнхан олон жилийн турш хүүхдийн хөгжил, зан төлөв, тэдний сэтгэцийн эрүүл мэндтэй холбоотой бусад асуудалд анхаарал хандуулсаар ирсэн. Энэ удаад тэд хүүхэд насны траума буюу сэтгэлийн шарх, сэтгэл зүйн гэмтэл голчлон ямар шалтгаанаар үүсдэгийг тодруулахыг зорьсон байна. Бас хүүхдэд тохиолдсон таагүй үйл явдал, түүнээс улбаатай сэтгэлийн шархыг тоохгүй явснаар цаашдын амьдрал, харилцаанд нь ямар сөрөг нөлөө үзүүлдгийг судалжээ.
2024-08-13
Улаан бурхнаар дөрвөн хүн өвчилж, нэг сэжигтэй тохиолдол бүртгэгдэв
Манай улсад улаан бурхан өвчний эхний тохиолдол өнгөрсөн сарын 31-нд батлагдсан. Үүнээс хойш дөрвөн хүн өвчилжээ. Өвчлөлийн хоёр тохиолдол нь гадаад улсаас зөөвөрлөгдсөн юм. Харин хоёр хүн нь дотоодоос халдвар авчээ. Эх сурвалжийн мэдээлснээр Казахстан улсаас Улаанбаатар хотод ирсэн иргэнээс уг өвчин анх илэрсэн бөгөөд тэдэнд үйлчилгээ үзүүлсэн хоёр хүн халдвар авсан гэнэ. Мөн улаан бурхны сэжигтэй нэг тохиолдол бүртгэгджээ. Одоогоор лабораторийн шинжилгээгээр эцэслэн батлаагүй байна. Ойрын хавьтал болсон иргэдээс шинжилгээ авсан бөгөөд хариу сөрөг гарсан тул гэрийн хяналтад байлгаж буй гэнэ.
2024-08-13
Азийн шинжлэх ухааны паркуудын холбооны хурал болно
Азийн шинжлэх ухааны паркуудын холбоо(ASPA)-ны 27 дугаар их хурал энэ сарын 19-21-нд Улаанбаатар хотод болно. Энэ удаагийн хурлыг тус холбооны гишүүн байгууллагуудын стратегийн үүрэг, нийгэм, эдийн засгийн нөлөө, ногоон шилжилт, экосистемийг бүрдүүлэх зэрэг сэдвээр “Шинжлэх ухаан, технологийн паркуудын бүс нутгийн хөгжилд хүлээх үүрэг, үзүүлэх нөлөө” уриан дор зохион байгуулахаар болжээ. Үүнд оролцохоор тус холбооны гишүүн байгууллагуудын төлөөлөл 200 гаруй хүн манай улсад хүрэлцэн ирэх нь.
2024-08-13
Гамшиг, аюулт үзэгдлийн улмаас найман хүн нас барж, таван иргэн гэмтсэн байна
Улсын хэмжээнд өнгөрсөн долоо хоногт нийслэлийн зургаан дүүрэг, 13 аймгийн 28 сумд аюулт үзэгдэл, ослын 118 удаагийн дуудлага бүртгэгдсэнийг Онцгой байдлын ерөнхий газраас мэдээлэв. Тухайлбал, Өмнөговь аймагт энэ сарын 9-нд үер буусны улмаас тус аймгийн Онцгой байдлын газарт нийт 69 дуудлага иржээ. Дуудлагын дагуу төв, орон нутгийн онцгой байдлын байгууллагын алба хаагчид үүрэг гүйцэтгэж, таван иргэний амийг аварсан байна.
2024-08-13
Ашиг нь багадаж, зардал нь ихэдсэн Хүүхдийн парк
Хүүхэд багачуудын хувьд баяр тэмдэглэж, чөлөөт цагаа зөв боловсон өнгөрүүлэх газар Улаанбаатарт ховор гэдэгтэй маргах хүн үгүй биз. Тэдний хувьд тоглож наадах боломжтой, хамгийн олноор зорин очдог газруудын нэг нь нийслэлийн зүрхэн талд орших Үндэсний соёл, амралтын хүрээлэн буюу олны нэрлэж заншсанаар Хүүхдийн парк юм. Хүүхдийн паркаар үйлчлүүлэгчдэд тоглоом, түр амрах сандлаас эхлээд хүрэлцээгүй зүйл их бий. Гэсэн ч урин дулаан цаг айлчлан ирсэн учир үрсээ тоглуулах эцэг, эх цөөнгүй. Харамсалтай нь, нийслэлд ганц байдаг паркийн тоглоомууд хэт хуучирсан, аюулгүй байдал хангадаггүй гэх шүүмжлэл гарсаар байна. Үүнтэй холбоотойгоор паркийн одоогийн нөхцөл байдлыг тодруулахыг зорилоо
2024-08-13
11 цэцэрлэг, 16 сургуулийн барилгын ажил удааширчээ
Нийслэлийн удирдах ажилтнуудын шуурхай зөвлөгөөнөөр нийслэлийн 2024-2025 оны хичээлийн шинэ жилийн бэлтгэл ажлын талаар хэлэлцэв. Нийслэлийн Боловсролын газрын дарга Б.Амартүвшин энэ үеэр “Нийслэлийн хэмжээнд ерөнхий боловсролын 51 сургууль 87 цэцэрлэг, зургаан спорт заалны барилгын ажил үргэлжилж байна. Зураг төсөлд магадлал хийлгэсэн, барилгын төсөв нэмэгдсэн зэрэг шалтгааны улмаас 11 цэцэрлэг, 16 сургуулийн барилга угсралтын ажил удаашралтай байна” гэж танилцууллаа.
2024-08-13
Х.Нямбаатар хотын дарга уу, хорооны дарга уу
Хотын даргаар ажиллаж буй хүн нийслэлийн иргэд биднийг ч удирдах ёстой гэсэн үг биш. Гэтэл Улаанбаатар хотын захирагч Х.Нямбаатар нийслэлд амьдарч, оршин сууж буй бүхнийг даргалж, захирч болно гээд ойлгочихсон явна. Хүн болгоныг захираад, эрхэд нь халдаад, шүүмжилсэн иргэн бүр лүү дайраад, хэрүүл хийгээд байгаа нь түүний ёс суртахууны хэмжүүрийг илэрхийлж буй болохоос бус, хуулиар хүлээн зөвшөөрсөн үйлдэл биш юм. Харин хууль, журмынхаа дагуу хотын менежментийн багийг ахлаад, иргэдээ аюулгүй, амар тайван нөхцөлд амьдруулах л үүрэгтэй албан хаагч. Харамсалтай нь, Х.Нямбаатар Улаанбаатарыг дарга төвтэй болгоод, иргэдийн үгээ хэлэх, үзэл бодлоо илэрхийлэх, шүүмжлэл хэлэх, хотын ажилд саналаа нэмэрлэх эрхийг нь боомилж байна
2024-08-13
