Парламент хоорондын хамтын ажиллагааг ахисан түвшинд хүргэхээр санал солилцлоо
Үүний хүрээнд УИХ-ын гишүүдийн тоо болоод хяналт шалгалтын хэм хэмжээ, чиг үүргийг нэмэгдүүлээд байна. Бид БНСУ-ын Үндэсний ассамблейн нийтийн сонсгол хийж буй туршлагаас судалж, Монгол Улсад нэвтрүүлж буй. Мөн Үндэсний ассамблейн өндөр албан тушаалтнуудын томилгооны сонсгол, нийтийн хяналт шалгалт, хиймэл оюун ухааны чиглэлээр туршлага судалж байгаа юм. Манай хоёр улсын хууль тогтоох дээд байгууллага хоорондын хамтын ажиллагаа, тэр дундаа УИХ болон Үндэсний ассамблей дахь парламентын бүлэг, Тамгын газрын хамтын ажиллагааг ахисан түвшинд хүргэх сонирхолтой байна” хэмээн илэрхийлэв.
2023-09-15
Яармагийн замын нэгдүгээр эгнээг чөлөөлсөнтэй холбоотойгоор богино эргэлт гаргаж, автобусны тоог нэмээд байна
Наадамчдын өргөн чөлөө буюу Яармагийн замын нэгдүгээр эгнээг нийтийн тээврийн хэрэгсэл зорчиход зориулан чөлөөлсөн. Учир нь нийтийн тээврээр үйлчлүүлэгчдийн 10 гаруй хувийг тус чиглэлийн зорчигчид эзэлдэг. “Хүннү” их дэлгүүрийн автобусны буудал өглөө 07.20 цагт хүн багатай, зорчилт хөдөлгөөн хэвийн байв. Дээрх зохицуулалтыг хийхээс өмнө тус автобусны буудал хүн ихтэй байдаг байжээ. Харин нэгдүгээр эгнээг чөлөөлснөөр автобусны хүлээх хугацаа багасаж, буудал орчмын хөдөлгөөн сийрэг болсныг албаныхан хэлж байв. Гэсэн хэдий ч нэгдүгээр эгнээгээр зорчих автомашины тоо буурахгүй байгаа юм.
2023-09-15
Мазаалай хамгаалах үндэсний хөтөлбөр батлахаар хэлэлцэж эхлэв
Ерөнхийлөгчийн санаачилгаар байгуулсан Мазаалай баавгайг хамгаалах цогц арга хэмжээний төлөвлөгөө боловсруулах, хэрэгжүүлэх чиг үүрэг бүхий ажлын хэсгийнхэн хэд хэдэн асуудал хэлэлцэж байгаа талаар БОАЖЯ-наас мэдээллээ. Тодруулбал, мазаалай хамгаалах үндэсний хөтөлбөр батлах, бахархалт амьтнаар өргөмжлөх, жил бүрийн хоёрдугаар сарын 28-ныг говийн баавгайн өдөр болгох санаачилга гаргаж, холбогдох албаны хүмүүс, судлаач, мэргэжилтнүүдийг оролцуулсан хэлэлцүүлэг өрнүүлж буй гэнэ. Мөн Олон улсын баавгай судлалын нийгэмлэгийн ээлжит хурлыг 2025 онд Монголд зохион байгуулж, дэлхийд нэн ховордсон эл амьтныг сурталчлах талаар санал солилцож байгаа аж.
2023-09-14
Нэхмэлийн үйлдвэрлэлийн технологийн чиглэлээр суралцаж буй оюутнуудад тэтгэлэг олгов
Европын Холбооны санхүүжилттэй “Монгол Улсад тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төсөл болон НҮБ-ын Хөгжлийн хөтөлбөрийн “Монголын тогтвортой ноолуурын платформ” төслөөс санхүүжүүлэн 2023-2024 оны хичээлийн жилд ШУТИС-ийн Үйлдвэрлэлийн технологийн сургуульд “Нэхмэлийн үйлдвэрлэлийн технологи” бакалаврын хөтөлбөрийн 13, магистрын хөтөлбөрийн гурван оюутанд сургалтын төлбөрийн тэтгэлэг олгосныг ХХААХҮЯ-наас мэдээлэв.
2023-09-14
Бумбатын булгийг орон нутгийн тусгай хамгаалалтад авна
Ингэснээр иргэдийн хэрэглээний болон ундны усан хангамжийг орчны бохирдлоос урьдчилан сэргийлэх аж. Түүнчлэн ус бүрэлдэн тогтох эхийг цэвэр байдлаар хадгалах нөхцөл бүрдэж, цаашлаад байгалийн аясаар нөхөн сэргэх боломж нь хангагдах гэнэ. Мөн тухайн хэсгийн ургамал, амьтны өсөж үржих таатай нөхцөлийг хангах, хөрс хамгаалах зэрэг үйл ажиллагаа явуулах боломж бүрдэхийг төлөөлөгчид онцоллоо. Тогтоолын төслийг нийслэлийн ИТХ-аар хэлэлцэн баталснаар хэрэгжүүлэх боломж бүрдэх юм.
2023-09-14
Фото: Ногоон нуур орчмын газар цементэн ширэнгэд ноёлуулсаар байна
Сүхбаатар дүүргийн IX хороо бол Улаанбаатар хотын төв хэсэгт оршдог. Олны ярьж заншсанаар хуучнаар Ногоон нуур, одоогийн “Дөлгөөн нуур” орчмын газар эл хороонд харьяалагддаг. 600 мянган ам метр талбайтай хэдий ч 10 мянга гаруй оршин суугчтай тус хороонд өнөөдөр цэцэрлэгийн насны 1165 хүүхэд амьдарч байна. Гэтэл тэнд улсынганц ч цэцэрлэг байхгүй. Мөн хорооны нутагт байрлах IV сургууль 850 хүүхдийн хүчин чадалтай ч өдгөө 2000 гаруй сурагч номын дуу сонсож байгаа юм. Энэ жил л гэхэд уг сургуулийн босгоор208 хүүхэд шинээр алхан оржээ.
2023-09-14
“Хүннү молл” дэлгүүрийн урд байрлах гэрлэн дохиог шилжүүлжээ
Ингэснээр зам хөндлөн гарч буй иргэдийн аюулгүй байдлыг хангаж, Яармаг орчмын зорчих хөдөлгөөний урсгал сайжрах юм” хэмээсэн байв. Буулгасан гэрлэн дохиог хаана байрлуулсныг нийслэлийн Замын хөгжлийн газрын Замын хөдөлгөөн төлөвлөлтийн хэлтсийнхнээс тодруулахад “Хүннү молл” их дэлгүүрийн урд байрлах гэрлэн дохиог Яармагийн 118 дугаар цэцэрлэгийн зохицуулгагүй явган хүний гарц руу шилжүүлсэн. Учир нь шинээр ашиглалтад орсон нүхэн гарцаар явган зорчигчид нэвтрэх нь бага байсан” гэлээ.
2023-09-14
Баян хөндийн ордоос 2025 онд алт олборлохоор төлөвлөж байна
Төслийн үргэлжлэх хугацаа найм, үүнээс нэг жил нь бүтээн байгуулалт, Баян хөндийн ордын ашиглалтын хугацаа зургаан жил есөн сар байх бол уурхайн хаалтыг нэг жилээр төлөвлөжээ. Мөн уурхайн ашиглалтын хугацаанд ААНОАТ, АМНАТ болон бусад татвар, хураамжид 143 сая ам.доллар төлж, Баянхонгор аймагт 500 гаруй ажлын байр бий болно гэсэн тооцоо гаргасан байна. Сонирхуулахад, “Эрдэнэ ресурс девелопмент корпорац” нь Баян хөндийн ордоос зүүн зүгт 30 орчим км-т орших молибден-зэсийн “Зуун мод”, зэсийн “Хөвийн хар” төслийг 100 хувь эзэмшдэг билээ.
2023-09-14
Эхний ээлжид Сан-Франциско хот руу шууд нислэг хийнэ
Хэлэлцээрийн хүрээнд АНУ-ын аль ч хот руу нислэг үйлдэх боломж нээлттэй ч эхний ээлжид Сан-Франциског онцолсон байна. Энэ талаар Зам, тээврийн хөгжлийн сайд С.Бямбацогт “Ковид” гарахын өмнө хоёр улсын хооронд жилд 60 мянган хүн 30-50 цаг нисдэг, тасалбарын үнэд 2000-4000 ам.доллар зарцуулдаг байсан. Харин одоо 10-12 цаг зарцуулан АНУ-д хүрэх боломжтой болж байна. Тасалбарын үнэ 1000-1500 ам.доллар болж буурна” гэлээ. Шууд нислэг үйлдэхийн тулд АНУ-ын зүгээс тодорхой шаардлага тавьж, шалгалт хийдэг аж. Үүнд бэлтгэх ажлын хэсгийг Засгийн газрын ХЭГ-ын дарга Д.Амарбаясгалангаар ахлуулан байгуулсан байна.
2023-09-14
“Эрдэм транс” ХХК-ийн удирдлагыг ЭЦА-наас шалгаж эхэллээ
Үүнээс өмнө нэг бус нийтлэл бичиж хүргэсэн ч тухайн үеийн нийслэлийн Нийтийн тээврийн газрын удирдлага, АТҮТ-ийнхөн ямар нэг ашиг сонирхлын үүднээс эл асуудлыг үл ойшоож дарагдуулж өнгөрөөсөн удаатай. Тэгвэл ЭЦА-ныхан “Эрдэм транс” ХХК-ийнхан 2013 оноос хойш нийт 180 гаруй автобус оруулж ирэхдээ хуурамчаар баримт бүрдүүлж, оныг нь өөрчлөн улс, нийслэлийн төсөв буюу татвар төлөгчдийн мөнгөнөөс их хэмжээний татаас авч байсан үйлдлийг дахин шалгаж эхэллээ. Түүгээр ч зогсохгүй БНСУ-ын “Хьюндай” компанийнхнаас автобуснуудын арлын дугааруудаар лавлагаа авч, нарийвчилсан үзлэгээ үргэлжлүүлж буй гэнэ.
2023-09-14
Хакеруудад мөнгө төлөв
Хөлбөмбөгчдийн хувийн мэдээллийг хулгайлсан хакеруудад Нидерландын хөлбөмбөгийн холбоо мөнгө төлсөн тухай AD мэдээлэв. Тус улсын мэргэжлийн тоглогчдын гэрийн хаяг, цалингийн мэдээлэл зэргийг хакерууд хулгайлсан аж. Гэхдээ мөнгийг авсан ч олж авсан мэдээллээ хакерууд бусдад тараахгүй гэдэгт хөлбөмбөгийн холбооны зарим гишүүн эргэлзэж байгаа юм. Хакеруудад хэдий хэмжээний мөнгө төлсөн нь тодорхойгүй байна.
2023-09-13
Залуу теннисчид Н.Жоковичтой өрсөлдөх ёстой
“Залуу тоглогчид Новакт дарамт үзүүлж, түүнийг ялахыг хичээх ёстой. Гэтэл одоо тэдэнд тийм чадвар алга. Тийм учраас Новак теннисний спортын оргилд Р.Федерер, Р.Надаль шиг их удаан байх болно. Түүний спортын амжилт үнэхээр гайхалтай. Нэгэн үе солигдож байна гэж Уимблдоны үеэр бүгд ярьж байсан ч тийм биш гэдгийг би мэдэж байлаа. Үүнийг Новак Америкт харуулж чадлаа. Залуу тоглогчид түүнтэй өрсөлдөхийн тулд ур чадвараа ахиулах хэрэгтэй” хэмээн Э.Маррей ВВС-д ярьсан байна.
2023-09-13
Өмнөд хөршийн шилдэг циркчид Монголд тоглоно
Энэ нь Аньхуй мужийн циркчдийн манай улсад хийх гэж буй хоёр дахь тоглолт нь юм байна. Тэд анх 2003 онд Монголын хүүхэд багачуудтай “уулзаж” байжээ. Хоёр дахь удаагийн тоглолтын зохион байгуулагчаар Соёлын яам, “Улаанбаатар” театрын харьяа “Улаанбаатар цирк” болон “Даймонд цирк”, “Enter media” агентлаг хамтран ажиллаж буй гэнэ.
2023-09-13
Хүүхдийн хөгжлийн цогц судалгаа хийжээ
Хүүхдүүдийн биеийн жингийн индексийг амьдарч буй байршлаар нь ангилан үзсэн аж. Тэгэхэд нийслэлд амьдарч буй хүүхдүүд бага болон хэвийн жинтэй байсан гэнэ. Харин аймгийн төвд амьдарч буй хүүхдүүдийн 0.8, сумд амьдардгийнх нь 1.2 хувь нь жингийн илүүдэлтэй байжээ. Судалгаанд хамрагдсан хүүхдүүдийн 37.9 хувь нь орон сууцад, 52.2 хувь нь гэр хороололд буюу цэвэр, бохир усны шугамд холбогдоогүй орчинд амьдарч байсан гэв. Түүнчлэн нийслэлд амьдарч буй хүүхдүүдийн цээжний тойрог 54.6, аймаг, сумд амьдарч буйнх нь 55.3-55.6 см байжээ. Өөрөөр хэлбэл, орон нутагт амьдарч байгаа хүүхдүүдийн цээжний тойрог нь нийслэлд амьдарч буй хүүхдүүдийнхээс 1-1.3 см-ээр илүү байсан аж.
2023-09-13
Дурсгалын зооснууд худалдаанд гаргалаа
Дурсгалын зоосыг алт, мөнгө, цагаан алт зэргээс гадна зэс, никель, гууль зэрэг өнгөт төмөрлөгөөр хийсэн байна. Энэ удаад Төвбанк 12 жилийн дурсгалын зооснуудаас луу жилийг онцолжээ. Өнгөрсөн онд туулай жилийн зоосыг гаргасан бөгөөд үргэлжлүүлэн луу жилийнхийг гаргасан нь энэ аж. Түүнчлэн ирэх онд луу жил гарахыг бэлгэджээ. Мөн үндэсний бахархалт шувуу шонхрыг онцолсон байна. Үүнээс гадна Гавьяат жүжигчин, дуучин Д.Оюунтүлхүүр намтар түүхээсээ бичсэн “Оюун түлхүүр” номоо гаргасныг дурсгалын зоосонд ийнхүү мөнхжүүлэв. Ташрамд дурдахад, Монгол Улсын банк 1971 онд Ардын хувьсгалын 50 жилийн ойд зориулан, нэг төгрөгийн нэрлэсэн үнэтэй алт, мөнгө, гууль, никель дурсгалын зоос анх гаргаж байжээ.
2023-09-13
Ерөнхийлөгч Куба улсыг зорих нь
Тус бүлгийг энэ онд Куба улс даргалж байгаа юм. “Өнөөгийн хөгжлийн сорилтууд: Шинжлэх ухаан, технологи, инновацын үүрэг” сэдвийн хүрээнд болох дээд түвшний уулзалтад манай Төрийн тэргүүн оролцож, дээрх асуудлаарх Монгол Улсын байр суурийг илэрхийлэн, үндэсний түвшинд хэрэгжүүлж буй бодлого, үйл ажиллагааг танилцуулах аж. Үүний зэрэгцээ Ерөнхийлөгч Мигель Диаз-Канел Бермудестэй уулзаж, хоёр улсын харилцаа, хамтын ажиллагааны талаар санал солилцохоор төлөвлөжээ. Манай улс Бүгд Найрамдах Куба Улстай 1960 онд дипломат харилцаа тогтоосон байна.
2023-09-13
Монголоос Италийн хөлбөмбөгийн академид суралцах гурван хүүхэд тодорлоо
Италийн хөлбөмбөгийн холбооны зүгээс уг сургалтыг дэлхийн 37 оронд жил бүрийн зун зохион байгуулдаг бөгөөд улс болгоноос гурван хүүхэд сонгон шалгаруулж, хөлбөмбөгийн академидаа үнэгүй суралцуулдаг аж. Энэ удаагийн сонгон шалгаруулалтад Монголын хөлбөмбөгийн лигийн DM, “Дэрэн”, “Хоромхон” клубт тоглодог Д.Анхням, Ч.Энхсүлд, М.Тэмүүн нар сонгогдож, Италийн хөлбөмбөгийн академид суралцахаар боллоо.
2023-09-13
Мансуурсан иргэн цагдаагийн гарыг хазаж гэмтээв
Хар тамхитай тэмцэх газарт шалгуулж, хэрэг нь шүүхэд шилжсэн Е.Сугарчулуун гэх 29 настай залуу дээрх хоёр газар байрладаг байранд амралтын өдөр очсон агаад жижүүрийн цагдаа шаардлага тавихад тэрбээр эсэргүүцэн, биед нь халдаж гарыг нь хазаад зогсохгүй хэд хэдэн удаа цохиж гэмтэл учруулжээ. Тэр даруйд түүнийг саатуулан Чингэлтэй дүүргийн Цагдаагийн I хэлтэст хууль сахиулагчийг эсэргүүцсэн гэх үндэслэлээр хэрэг бүртгэлтийн хэрэг нээн шалгаж эхэлсэн гэнэ. Түүнээс биологийн дээж авч шинжилгээ хийхэд мансууруулах, сэтгэцэд нөлөөт нэг бус бодис илэрсэн аж.
2023-09-13
Хотын төвөөс Хөшигийн хөндий рүү явдаг нийтийн тээврийг зогсоожээ
Хөшигийн хөндий-120 мянгат чиглэлд нийтийн тээврийн унаа хүртээмжтэй, тогтмол явуулж чаддаггүйн шалтгааныг дээрх байгууллагынхан зорчих хөдөлгөөний урсгал бага байдагтай холбон тайлбарладаг. Тус чиглэлд зорчигч тээвэрлэдэг автобусны тоог нэмэх хүсэлтийг аялал жуулчлалын байгууллагуудаас өнгөрсөн зун удаа дараа гаргасан ч хүлээж аваагүй. Тэгэхээр эл шийдвэр жуулчдын урсгал саарсантай холбоотой байж болзошгүй юм.
2023-09-13
