“Уран, нүүрс хоёр адилхан” гээд Улсын дээд шүүх тогтоочихсон уу
“Монгол Ураниум Ресурс” ХХК нь Сүхбаатар аймгийн Эрдэнэцагаан сумын нутагт уран хайж яваад хүрэн нүүрсний орд илрүүлсэн. Хуулиар үүнийг төрд шилжүүлэх ёстой. Учир нь ураны буюу цацраг идэвхт ашигт малтмалын хайгуул, ашиглалтын үйл ажиллагаа нь нүүрс буюу ердийн ашигт малтмалынхаас тусдаа хуулиар зохицуулагддаг.
2023-11-28
Нурууны дурангийн мэс заслыг нэвтрүүлжээ
Гэмтэл согог судлалын үндэсний төв (ГССҮТ) нурууны дурангийн мэс заслыг эмчилгээндээ нэвтрүүлжээ. Тус төв нурууны дурангийн аппарат болон мэс заслын багаж, тоног төхөөрөмжтэй болсноор уг шинэ эмчилгээг хийж эхэлсэн аж. Үүний хүрээнд Нурууны мэс заслын тасгийн эмч нар нь нурууны нугалам хоорондын жийргэвч мөгөөрсийг авч, мэдрэл дарагдлыг чөлөөлөх мэс засал амжилттай хийсэн байна. Мэс заслын багт ГССҮТ-ийн Нурууны мэс заслын тасгийн эрхлэгч Л.Бат-Эрдэнэ, их эмч Б.Баттөгс, Улсын хоёрдугаар төв эмнэлгийн нурууны мэс заслын их эмч Т.Дэлгэрхүү нар багтжээ. Үений дурангийн хамгийн сүүлийн үеийн уг технологийг мэс засалд ашиглаж эхэлснээр өвчтөнийг шарх болон зовуурь багатайгаар эмчлэх боломж бүрдэж буй юм. Мөн эмчлүүлсэн хүний хөдөлмөрийн чадвар богино хугацаанд сэргэх давуу талтай юм байна.
2023-11-28
Унци алтны ханш 2000 ам.доллар давлаа
“АНУ-ын энэ оны гуравдугаар улирлын эдийн засгийн өсөлт зэрэг статистикийг ойрын өдрүүдэд танилцуулах бөгөөд тэдгээр нь унци алтны ханш 2000 ам.доллароос дээш хэвээр байх, үгүйг шийдэхэд голлон нөлөөлөх болов уу” хэмээн Capital. com-ын санхүүгийн зах зээлийн шинжээч Кайл Родда дурдсан байна. Трейдерүүдийн олонх нь АНУ-ыг бодлогын хүүгээ ирэх сард өөрчлөхгүй хэмээн таамаглаж байгаа аж. Мөн зарим нь ирэх тавдугаар сараас бууруулна хэмээн төсөөлж буйгаа илэрхийлсэн гэнэ. Ташрамд дурдахад, манай улс 2023 оны эхний 10 сарын байдлаар 638.9 сая ам.долларын 10.21 тонн алт экспортолсныг УУХҮЯ-ны тайланд дурдсан юм. Энэ нь өмнөх жилийн мөн үеийнхээс үнийн дүнгээр 201.6 сая “ногоон” буюу 24, биет хэмжээгээр 4.33 тонн буюу 29.8 хувиар буурсан үзүүлэлт юм. Эл бүтээгдэхүүний 88.1 хувийг Швейцар, 11.9-ийг нь БНСУ руу нийлүүлжээ.
2023-11-28
Ногоон байшинд амьдрах нь зардал хэмнэнэ
Эрчим хүчний хэмнэлттэй, нарны эх үүсвэрээс дулаан, цахилгаанаа шийдсэн амины орон сууц, хорооллыг олноор барих, иргэдийн амьдралд нэвтрүүлэхийн ашиг тус, байгаль орчинд үзүүлэх эерэг нөлөөллийн талаар бид өмнөх нийтлэлүүддээ дурдсан. Тэгвэл энэ удаа өрхийн болон улсын эдийн засагт үзүүлэх эерэг нөлөөний талаар хөндлөө. Ингэхдээ эрчим хүчний хэмнэлттэй, дулаалсан болон дулааны алдагдалтай байшин, мөн гэрт амьдардаг айл өрхийн зардлыг харьцуулсан юм.
2023-11-27
Монгол шог зураач дэлхийн аварга боллоо
Олон улсын шог зураачдын нийгэмлэгийн 32 дахь чуулган АНУ-ын Лос-Анжелес хотод болжээ. Уг чуулганы үеэр дэлхийн хамгийн хурдан зурдаг шог зураач шалгаруулах уралдаан болжээ. Манай улсаас зураач, яруу найрагч Л.Мөнхтөр уг уралдаанд түрүүлж, дэлхийн хамгийн хурдан шог зураач цол, аваргын цом гардсан байна. Олон улсын 250 гаруй зураачтай өрсөлдсөнөөр тэрбээр тэргүүлсэн аж. Оролцогчид 30 минутад мэргэжлийн шаардлага хангасан 12 зураг зурах даалгавар авсан байна. Эл хугацаанд Л.Мөнхтөр даалгавраа давуулан биелүүлж, 44 зураг зурснаар тэргүүн байрт шалгарсан гэнэ.
2023-11-27
Гандантэгчэнлин хийдийн үйлчилгээг сайжруулах чиглэлээр санал авч эхлэв
Монголын аялал жуулчлалын холбооноос “Монголд зочлох жил” санаачилгын хүрээнд жуулчид олноороо зорин очдог урлаг соёлын болон үзвэр үйлчилгээний газруудын үйл ажиллагааны чанарыг сайжруулах зорилготой аяныг эхлүүлээд байна. Тус холбооныхон үүний хүрээнд аялал жуулчлалын салбарынхнаас үйлчилгээний байгууллагуудтай холбоотой санал асуулгыг авсны үндсэн дээр тухайн газруудад зөвлөмж хүргүүлэх аж. Эхний ээлжид Гандантэгчэнлин хийдийн үйлчилгээтэй холбоотой санал асуулгыг авч эхэлжээ.
2023-11-27
Нийслэлийн ХҮН намын хорооны даргаар Э.Золзаяаг сонгожээ
Нийслэлийн ХҮН намын хорооны тэргүүлэгчид өчигдөр хуралдаж, шинэ даргаа сонгосон байна. Сонгуульд Э.Золзаяа, Ц.Лут-Очир, Л.Одсүрэн нарын гурван хүн нэрээ дэвшүүлэн өрсөлджээ. Улмаар Тайванийн Дунхуа их сургуулийг төгссөн, байгалийн ухааны магистр, урбанист Э.Золзаяа 60 хувийн саналаар нийслэлийн ХҮН намын хорооны даргаар сонгогдсон байна. Тэрбээр хотын хөгжил, бодлого, төлөвлөлт, дизайны “Creative 100” төслийн санаачлагч бөгөөд “Сийкс плас” ХХК-ийн гүйцэтгэх захирал, “Climate campaign” ТББ-ын Удирдах зөвлөлийн гишүүнээр ажилладаг аж.
2023-11-24
Төрөөс мөнгөний бодлогын талаар баримтлах үндсэн чиглэл батлав
Мөн банкны салбарын тогтвортой байдлын хүрээнд гадаадын банкны бие даасан салбар, нэгжийг дотоодын санхүүгийн салбарт нэвтрүүлж, санхүүгийн хүртээмжийг нэмэгдүүлж, тус салбарын тогтвортой өсөлтийг хангана гэв. Банкуудын зохистой засаглалыг сайжруулж, эрсдэлийн удирдлагыг оновчтой болгох хүрээнд банкны үйл ажиллагаанд учирч болзошгүй голлох эрсдэлүүдийг дотооддоо үнэлэх тогтолцоо бүрдүүлэх юм байна. Мөнгө угаах, терроризмыг санхүүжүүлэхтэй тэмцэх үндэсний хөтөлбөр, үйл ажиллагааны төлөвлөгөөний хэрэгжилтийг хангахад бусад холбогдох байгууллагатай хамтран ажиллах нь. Банкнаас жижиг, дунд бизнес эрхлэгчид олгосон зээлийг ангилах, ангилал дээшлүүлэх, бүтцийг нь өөрчилж, дахин санхүүжүүлэх зохицуулалтыг эрсдэлд суурилсан хяналт шалгалтын зарчимд тулгуурлан уян хатан болгох ажлыг судлан шийдвэрлэх аж.
2023-11-24
Нийслэлийн төсвийн орлогыг 2.5 их наяд төгрөг байхаар тооцжээ
Харин төсвийн нийт зарлага 2.3 их наяд төгрөг байх нь. Үүний 46.3 хувь буюу 1.1 их наядыг нь урсгал зардалд зарцуулах гэнэ. Харин 230.3 тэрбум төгрөгийг нийслэлээс улсын төсөвт татан төвлөрүүлэхээр тооцсон байна. Орон нутгийн хөгжлийн нэгдсэн сангаас нийслэлд 47.8 тэрбум төгрөг хуваарилжээ. Үлдсэн 900 орчим тэрбум төгрөгийг хөрөнгө оруулалтын зардалд зарцуулах бололтой. Төсвийн хөрөнгө оруулалтын зардлыг агаар, орчны бохирдол, замын түгжрэлийг бууруулах, гэр хорооллыг орон сууцжуулах, нийтийн тээврийн салбарт цогц шинэчлэл хийх, нийслэлтэй холбоотой хуулиудыг хэрэгжүүлэхэд зарцуулахыг хотын дарга онцлов.
2023-11-24
1.27 сая тонн зэсийн баяжмал экспортлов
Эрдэс баялгийн салбарын статистикийг энэ оны эхний 10 сарын байдлаар гаргаснаа УУХҮЯ-наас танилцуулав. Манай улс дээрх хугацаанд 1.27 сая тонн зэсийн баяжмал, 4.74 сая тонн төмрийн хүдэр, баяжмал, 14.2 тонн алт, 3.98 сая тонн газрын тос, 138.6 мянган тонн цайрын хүдэр, баяжмал, 850.1 мянган тонн хайлуур жоншны хүдэр, баяжмал экспортолсон байна. Энэ нь зэсийн баяжмалын нийлүүлэлтийн төлөвлөгөө 87.5, төмрийн хүдэр, баяжмалынх 56.3, алтных 68.6, газрын тосных 61.3 хувьд хүрсэн гэсэн үг.
2023-11-24
“Монголчууд тусгаар тогтнолынхоо төлөө 1913-1915 он” үзэсгэлэн дэлгэлээ
“Монголчууд тусгаар тогтнолынхоо төлөө 1913-1915 он” үзэсгэлэнг Монгол цэргийн музейд өчигдөр нээлээ. Тус үзэсгэлэнг Өвөр Монголыг чөлөөлөх дайныг 1913 онд Монголоос эхлүүлсний 110 жилийн ойд зориулжээ. Агуулгын хувьд таван хэсгээс бүрдэнэ. Үүнд үндэсний зэвсэгт хүчнийг байгуулсан, Баруун хязгаарыг чөлөөлж төвшитгөсөн хэсэг багтжээ. Мөн Дарьгангын газар орныг сэргийлэн хамгаалах, таван замын байлдаан, Монгол Улсын тусгаар тогтнол ба Хиагтын гурван улсын гэрээ гэсэн агуулгын хүрээнд дэглэн, үзүүлснээрээ онцлогтой.
2023-11-24
Азийн танхимын болон тулааны спортын наадам зохион байгуулна
Сонирхуулахад, Азийн танхимын спортын анхдугаар наадам Тайландад 2005, Макаод 2007, Вьетнам улсын Ханой хотод 2009 онд болсон юм. Тэгвэл Азийн тулааны спортын наадам Тайландын Бангкок хотод мөн тэр жил давхацсан. БНСУ-ын Инчон хотод 2013 онд хоёр наадмыг анх удаа хамтад нь зохион байгуулсан түүхтэй. Туркменистан улсын Ашхабат хотод 2017 онд болсон Азийн танхимын болон тулааны спортын V наадамд манайхаас спортын 12 төрөлд 72 тамирчин оролцож, таван алт, 10 мөнгө, 15 хүрэл, нийт 30 медаль хүртсэн амжилттай.
2023-11-23
Монголын дугуйчид мэргэжлийн механикчтай болох нь
Олон улсын дугуйн холбооны дэргэдэх “World cycling center-Korea” төвд олон улсын механикийн сургалт энэ сарын 20-24-нд болж буй. Манай улсаас үүнд ахмад тамирчин, 1990 онд урд хөршийн Бээжин хотод болсон Азийн наадмын мөнгөн медальт, “Эрхүү-Улаанбаатар” олон улсын олон өдрийн тэмцээний аварга, ОУХМ Д.Жаргалсайхан хамрагдлаа. Эл төвийн дугуйн спортын сургалтад өмнө нь Монголын дасгалжуулагч, тамирчид хамрагдсан аж. Энэ удаа механикийн сургалтад Монголоос анх удаа хамрагдсанаараа онцлог юм. Дугуйн спортынхны дунд “алтан гарт” хэмээн яригддаг тэрбээр дээрх сургалтад сууснаар Монголоос Олон улсын дугуйн холбооны гэрчилгээтэй мэргэжлийн анхны механикч болох нь.
2023-11-23
Бөхчүүдийн барилдааны дүрэмд өөрчлөлт орох уу
Монголын үндэсний бөхийн холбооны Барилдааны дүрмийн зөвлөлийн ээлжит хурлаар улсын баяр наадамд мөрддөг Үндэсний их баяр наадмын үндэсний бөхийн барилдааны дүрэм болон наадмаас бусад барилдаанд хэрэгжүүлдэг Монгол бөхийн барилдааны дүрмийн заалтуудыг хэлэлцүүлсэн. Барилдааны дүрмийн зөвлөлийн гишүүд үндэсний бөхийн барилдааны төгсгөлд идэвх харгалзаж хасах заалтыг өөрчлөх, барилдааныг хаялцуулж дуусгах нь зөв хэмээн санал нэгджээ. Санал тус бүрийг шүүн хэлэлцсэний эцэст улсын начин Ж.Чулуунбат, Ө.Батзул нарын гаргасан саналыг хэлэлцэж, олонхоор дэмжжээ. Ингэснээр дүрмийн өөрчлөлтийг бөхийн дэвжээд, биеийн тамирын чиглэлийн их, дээд сургуулиудад хүргүүлж, нэг сарын хугацаанд туршилтын журмаар хэрэгжүүлэхээр шийдвэрлэв.
2023-11-23
П.БОЛОРТУЯА: Органик бус нойргүйдэх эмгэг 7.2 дахин өссөн
-Архаг ядаргаа нь сэтгэл зүйн гаралтай стрессорууд буюу ойр дотно хүнээ алдах, хүчирхийлэлд өртөх, байгалийн гамшгийг нүдээр харж, биеэр туулах, бие махбодын өвчин эмгэгтэй болох, гэр бүл салах, ажилгүй болох зэрэг олон зүйлээс шалтгаалан үүсдэг. Улмаар тархины үйл ажиллагаанд өөрчлөлт орж, эмнэл зүйн шинж тэмдэг нь зургаан сараас дээш хугацаагаар үргэлжилдэг. Үндсэндээ сэтгэцийн хөнгөн өөрчлөлтөөр илэрдэг, эдгэрэх боломжтой гэж тодорхойлж болно.
2023-11-23
“Хар жагсаалт”-д 61 компанийг нэмэв
Төрийн худалдан авах ажиллагааны газраас Монгол Улсын 2024 оны төсвийн хөрөнгөөр болон аймаг, нийслэлд эрх шилжүүлэн хэрэгжүүлэх төсөл, арга хэмжээ, ерөнхий гэрээгээр худалдан авах бараа, үйлчилгээний жагсаалтыг Засгийн газар өчигдрийн ээлжит хуралдаанаараа баталлаа. Төсөл, арга хэмжээ бүрийн техникийн тодорхойлолт, ТЭЗҮ, зураг төсөл, ажлын даалгавар болон бусад шаардлагатай мэдээллийг Төрийн худалдан авах ажиллагааны газар, аймаг, нийслэлийн Засаг даргын Тамгын газарт ирэх сарын 1-ний дотор шилжүүлэхийг төсвийн ерөнхийлөн захирагч нарт даалгав. Мөн худалдан авах ажиллагааг www.tender.gov.mn цахим системээр зохион байгуулж, төлөвлөгөөнд нь тусган, тендерийн урилга, үр дүнг тухай бүрд мэдээлэхийг үүрэг болголоо.
2023-11-23
Зүүн бүсэд 3476 тонн шатахууны нөөцтэй байжээ
Тухайн үед А-80 бензиний 15, АИ-92-ын 22, АИ-95-ын 33, дизелийн түлшний 24 хоногийн ердийн хэрэглээтэй тэнцэх нөөцтэй байв. Мөн тэр үед дотоодын зах зээлд шатахууны хангамжийг тогтворжуулахаар ажиллаж буйгаа АМГТГ-аас мэдэгдсэн ч дорвитой үр дүн гараагүйг дээрх статтистикаас харж болохоор байгаа юм. Ташрамд дурдахад, энэ он гарснаас хойш манай улс 2.13 сая тонн газрын тосны бүтээгдэхүүн импортолсон дүн гарчээ. Үүний дийлэнх буюу 1.16 сая тонн нь дизелийн түлш аж. Тэгвэл А-80 бензин 20.5, АИ-92-ыг 606.6, АИ-95/98-ыг 17.9, ТС-1 (онгоцны түлш) 53.5, Жет А-1 түлш 42.9, бусад бүтээгдэхүүн 226 мянган тонныг импортолсон байна.
2023-11-23
Авлига, албан тушаалын хэргийн дагнасан шүүхтэй болно
Хууль зүй, дотоод хэргийн сайд Б.Энхбаяр төслийн талаар танилцуулахдаа “Орон нутагт эрүүгийн болон иргэний хэргийн дагнасан шүүх ажиллаж байгаа. Эдгээрийг нэгтгэхээр тусгасан. Энэ шүүх нь дотроо Эрүүгийн болон Иргэний хэргийн танхимтай байна. Ингэснээр анхан шатанд ерөнхий шүүгч, Тамгын газрын дарга тус бүр хоёр ажиллаж байгааг нэг, нэг болгож, орон тоо багасна. Мөн Орхон, Дархан-Уул аймаг дахь эрүүгийн болон иргэний хэргийн давж заалдах шатны шүүхийг нэгтгэнэ. Харин давж заалдах шатны шүүхийг бүсчилсэн хэлбэрээр зургаан аймагт байгуулахтай холбоотой зохицуулалтыг хөндөхгүй” гэв.
2023-11-23
“Бэлтэсмөрөн”-гийн хэргийг нэмэлт мөрдөн байцаалтад буцаасныг хүчингүй болголоо
Чингэлтэй дүүргийн Прокурорын газраас “Бэлтэсмөрөн” компанийг үүсгэн байгуулагч С.Ганбаатар, гүйцэтгэх захирал Г.Нямдэлгэр, Г.Пүрэвсүрэн, Р.Бузмаа, Н.Уяабор, Г.Нямдалай, Ч.Очир, Д.Цэнгэнбаяр, Б.Мэндсайхан нарт Эрүүгийн хуулийн 17.3-3.1, 3.2-т заасан “олон шатлалт маркетинг, пирамид тогтолцооны луйврын аргаар залилах гэмт хэрэг үйлдэж, амьдралын эх үүсвэрээ болгосон”, 18.6-2.1, 2.2 дахь хэсгийн хууль бусаар олсон хөрөнгө, орлого гэдгийг мэдсээр байж мөнгө угаах гэмт хэргийг байнга тогтвортой үйлдсэн” гэх үндэслэлээр яллах дүгнэлт үйлдэж, энэ оны хоёрдугаар сард шилжүүлсэн билээ. Дээрх яллагдагч нар бүлэглэн Хөвсгөл аймагт тэтгэврийн болон хөгжлийн бэрхшээлтэй, группт байдаг, амьдралын түвшин доогуур гэх иргэдэд туслах нэрээр “Хамтран ажиллах санхүүгийн дэмжлэг үзүүлэх тухай гэрээ” гэгчийг байгуулж, хүмүүсийг төөрөгдүүлэн 2595 иргэнээс 45.4 тэрбум гаруй төгрөг залилан авч, мөнгө угаасныг цагдаагийнхан тогтоосон юм.
2023-11-23
Цаг агаарын улмаас Мандалговь-Даланзадгад чиглэлийн замын хөдөлгөөнийг хаав
Ойрын өдрүүдэд нийт нутгаар цастай, салхи шуургатай байна. Энэ сарын 20-22-нд Говьсүмбэр, Дархан-Уул, Дорноговь, Дундговь, Завхан, Өвөрхангай, Архангай, Сүхбаатар, Сэлэнгэ, Төв, Увс, Ховд, Хөвсгөл, Хэнтий аймагт их хэмжээний цас орж, хүчтэй салхи шуурга дэгдсэнээс орон нутгийн замд зорчиход хүндрэл үүсэв. Онцгой байдлын байгууллагын алба хаагчид автомашин цасанд суусан таван дуудлагын дагуу уржигдар үүрэг гүйцэтгэж, тээврийн хэрэгслүүдийг татан гаргаж, 11 иргэнийг болзошгүй эрсдэлээс хамгаалжээ.
2023-11-23
