Харилцаа, хандлагын доголдлоороо “онцгойрогчид”
Дарга нар нь дуугарч ядан сэтгүүлчдийг үл тоодог, зохисгүй харилцдаг, удирдлагад нь буй хүмүүс “Бид мэдээлэл өгөх боломжгүй, даргаас асуу” хэмээн өөрсдөөсөө зайлуулдаг явдал хаа сайгүй боллоо. Өмнө дурдсан тохиолдлын хувьд гэхэд сэтгүүлч нийслэлийн төсөвтэй холбоотой мэдээллийг холбогдох албан тушаалтнаас тодруулсан.
2023-12-13
Он гарснаас хойш 22 хүн ДОХ-оор өвчилснийг илрүүлжээ
Улсын хэмжээнд энэ оны эхний 11 сард 22 хүн ХДХВ/ДОХ-оор өвчилснийг илрүүлжээ. Үүнээс нэг нь өнгөрсөн сард бүртгэгдсэн аж. Энэ онд илрүүлсэн тохиолдлуудыг өнгөрсөн жилийн мөн үеийнхтэй харьцуулахад зургаагаар нэмэгдсэн юм байна. Тэдгээрийн хоёрыг нь Баян-Өлгий аймагт, 20-ийг нь Улаанбаатар хотод илрүүлсэн гэнэ. Харин эл халдварын улмаас нас барсан тохиолдол энэ онд гараагүй аж. Манай улсад анх 1992 онд ХДХВ/ДОХ бүртгэгдэж байв. Түүнээс хойш халдвар авсан хүний тоо одоогоор 368-д хүрчээ. Манай улсад илрүүлсэн бүх тохиолдол нь бэлгийн замаар дамжсан халдвар юм байна.Ташрамд дурдахад, “Глобаль” сангийн дэмжлэгтэйгээр манай улсад хэрэгжүүлж буй ДОХ, сүрьеэгийн төслийн 20 жилийн ой энэ онд тохиож буй аж. Уг төслийн үр дүнд халдварын тархалтыг хязгаарлаж чадсан бөгөөд шинэ тохиолдол 6000-д хүрч, 2000 гаруй хүн нас барахаас сэргийлж чадсан хэмээн Эрүүл мэндийн яамнаас онцоллоо. Мөн өнгөрсөн хугацаанд ХДХВ-тэй 20 эх амаржсан бөгөөд тэднээс хүүхдэд халдвар дамжаагүй гэнэ.
2023-12-12
АНУ-д ажилгүйдлийн түвшин буурчээ
АНУ-д өнгөрсөн сард ажилгүйдлийн түвшин 3.7 хувь болж буурсан үзүүлэлт гарснаас шалтгаалж голлох валютуудын эсрэг ам.долларын ханш баасан гарагт чангарлаа. Тодруулбал, эл өдөр ам.долларын индекс 0.3 хувиар дээшлэн 104.13-т хүрсэн байна. Тус улсад арваннэгдүгээр сард 199 мянган ажлын байр бий болсныг Хөдөлмөрийн яамнаас нь мэдээлсэн юм. Эл дүнг 180 мянга байна хэмээн шинжээчид өмнө нь таамаглаж байсан билээ. Дээрх мэдээлэл цацагдахаас өмнө Японы Төвбанк мөнгөний зөөлөн бодлогоо өөрчилнө гэх хүлээлт үүссэнтэй холбоотойгоор “ногоон”-той харьцах иений ханш чангараад байсан юм. Японы мөнгөн тэмдэгтийн ханш 200 өдрийн дунджийг давж чангарсан тухай шинжээчид дурдаж байв. Тухайлбал, ам.долларын эсрэг ханш нь пүрэв гарагт бараг сүүлийн нэг жилд байгаагүй өндөр дүнгээр өссөнийг тэд онцолж байлаа. Харин дээрх мэдээлэл цацагдсаны дараа иений ханш ам.долларын эсрэг 0.15 хувиар суларч 144 болсныг “Reuters” дамжуулав.
2023-12-11
Хотын төсвийн 228 тэрбум төгрөг цаасан дээрээ л үлдэх вий
Бидний төлсөн татварын мөнгөнөөс ирэх онд 228 тэрбум төгрөгийг “цаас болгон” замхруулах гэж байна. Тодруулбал, ийм хэмжээний мөнгийг зөвлөх үйлчилгээ, зураг төсөл, сургалт зэрэг 47 ажилд зарцуулахаар Улаанбаатар хотын төсөвт тусгажээ. Дээрх ажлуудын 14 нь тэрбумаас давсан төсөвт өртөгтэй. 31-ийнх нь ирэх онд санхүүжүүлэх дүн 100 сая төгрөг давсан байгаа юм. Нийт мөнгөн дүн нь нийслэлийн төсвийн хөрөнгө оруулалтын зардлын 20 орчим хувь буюу бараг тав хуваасны нэгтэй тэнцэх хэмжээ. Бодит байдалд манай хот иргэн, аж ахуйн нэгжүүдийн татварыг нэмсний үндсэн дээр хөрөнгө “босгож”, улмаар түүнийгээ салхинд хийсгэнэ гэсэн үг. Учир нь хотын төсөв бараг л бидний төлсөн татвараас бүрддэг гэхэд болно.
2023-12-11
Автобусны жолооч хүрэлцээгүйгээс өдөрт 16 цаг ажиллаж байна
Жолооч нар өдөр бүр 06.00-22.00 цагт ажилладаг. Үүний тулд гэрээсээ 04.00 цагт хүүхдүүдээ унтаж байхад нь гардаг. Харин ажлаа тараад 00.00 цагт гэртээ харьдаг гэнэ. Түүний нэг өдөр ингэж өнгөрдөг. Ингээд бодохоор гэр бүлдээ зарцуулах цаг түүнд маш хомс. Харамсалтай нь, тэдний цалин тиймч хангалттай биш.
2023-12-08
Энэ жилийн хоёр дахь удаагийн элсэлтийн шалгалт эхэллээ
Шалгалтын дүн гарсны дараа оролцогчид жилд хоёр удаа элсэлт авдаг их, дээд сургуульд суралцах боломжтой. Одоогоор улсын томоохон их, дээд сургуулиудаас МУИС бакалаврын түвшний хаврын улирлын элсэлтээ эхлүүлжээ. Үүнд тэнцсэн тохиолдолд ирэх оны нэгдүгээр сараас тус сургуулийн оюутан болох нь. Түүнчлэн хувийн хэвшлийн хэд хэдэн сургууль ч бакалаврын түвшиндээ элсэлт авч эхэлсэн байна. Энэ удаад шалгалт өгсөн төгсөгчдийн дүн хоёр жил хүчинтэй. Тийм учраас 2024-2025 оны хичээлийн жилд, түүний дараа онд нь ч их, дээд сургуульд элсэх боломж нь нээлттэй байх аж.
2023-12-08
Нөөцийн мах бэлтгэхэд анхаарч ажиллахыг Засаг дарга нарт даалгалаа
Засгийн газрын ээлжит хуралдаан өчигдөр болж, ирэх хаврын хүнсний хэрэгцээнд зориулж нөөцийн мах бэлтгэхтэй холбогдуулан стандартын шаардлага хангасан мал, махыг малчдаас худалдан авах ажиллагааг зохион байгуулж ажиллахыг аймаг, нийслэлийн Засаг дарга нарт даалгав. Мөн үүнд шаардлагатай санхүүжилтийн эх үүсвэрийг шийдвэрлэх боломжийг судалж, Засгийн газрын хуралдаанд танилцуулахыг Хүнс, хөдөө аж ахуй, хөнгөн үйлдвэрийн болон Сангийн сайдад үүрэг болголоо. Үүнээс гадна нөөцийн махны бэлтгэн нийлүүлэлт, түгээлт, борлуулалтын чанар, аюулгүй байдалд хяналт тавьж ажиллахыг албаны хүмүүст анхааруулсан юм. Нийслэлийн хүн амын 2024 оны хаврын хүнсний хэрэгцээнд 8000 тонн мах бэлтгэж, нөөцлөхөөр салбарын яам, Улаанбаатар хотын Захирагчийн ажлын албаныхан хамтран ажиллаж буй.
2023-12-07
“Стрийт фото” гэрэл зургийн үзэсгэлэн нээнэ
“Сүүдэр” агентлагийн дэргэдэх “Pixels” нэгдэл, “Гудам” фото клубээс хамтран “Стрийт фото” гэрэл зургийн үзэсгэлэнг өнөөдөр Монголын уран зургийн галерейд нээнэ. Энэ сарын 11-нийг дуустал үргэлжлэх уг үзэсгэлэн нь залуу гэрэл зурагчдыг дэмжих зорилготой аж. Үүнд 27 оролцогчийн нийт найман сэдвээр авсан шинэ бүтээлүүдийг дэлгэх юм байна. Санаачлагчид гудамжны гэрэл зургийг алдаршуулж, үүгээр нийгмийн тусгалыг харуулахыг зорьжээ. Тус үзэсгэлэнд Монголын гэрэл зурагчдын нэгдсэн холбооныхон болон олон улсын хэвлэлийн гэрэл зурагчин Максим Мармур оролцож, залуу уран бүтээлчидтэй чөлөөт ярилцлага өрнүүлэх гэнэ.
2023-12-06
Токио, Сөүл, Бээжин рүү 12 хүртэлх насныхныг үнэгүй тээвэрлэх нь
МИАТ, “Хүннү эйр” зэрэг агаарын тээврийн компани өвлийн аялал жуулчлалыг дэмжих зорилгоор Хөвсгөл, Казахстан, Бээжин зэрэг олон улс, дотоодын нислэгийн зарим чиглэлд бага насны хүүхдийг үнэ төлбөргүй тээвэрлэх урамшуулалт хөтөлбөр зарласан. Тэгвэл “Аэро Монголиа” авиа компани Токио, Сөүл, Хөх хот чиглэлд 12 хүртэлх насны хүүхдийг үнэгүй зорчуулах шийдвэр гаргажээ. Ерөнхий боловсролын сургуулийн сурагчдын II улирлын амралт угтсан энэ хүү урамшууллаа тус компани ирэх оны хоёрдугаар сар дуустал үргэлжлүүлэх гэнэ. Эл урамшуулалд хамрагдсан хүүхдүүдийг тийзийн төлбөрөөс 100 хувь чөлөөлөх бөгөөд зөвхөн нислэгийн такс (онгоцны буудлын хураамж зэрэг багтдаг)-ыг нь төлүүлэх аж.
2023-12-06
Тоглоомын талбайн зураг төсөл боловсруулах уралдаан зарлав
Хүүхдийн тоглоомын талбайн зураг төсөл боловсруулах уралдааныг “Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл”-ийг хэрэгжүүлэх нэгжээс зарлажээ. Энэ нь Засгийн газар, нийслэлийн ЗДТГ, Азийн хөгжлийн банкнаас хамтран хэрэгжүүлж буй төсөл юм. Дээрх уралдааныг оюутан залуусын дунд зарласан бөгөөд оролцогчдыг энэ сарын 22-ныг дуустал бүртгэх нь. Улмаар уралдааныг энэ сарын 25-наас эхлэн хоёр сарын хугацаанд зохион байгуулах гэнэ. Оюутан залуусын зураг төслөөр дамжуулан эко хороолол, ногоон орон сууцын стандарт болон тэдгээрт тоглоомын талбай ямар байх ёстойг сурталчлах зорилго тавьснаа уралдаан зохион байгуулагчид онцлов.
2023-12-06
Ундны усаа шинжлүүлж, аюулгүй байдлаа хангахыг анхаарууллаа
Засгийн газрын хэрэгжүүлэгч агентлаг Усны газрынхан төвлөрсөн ус хангамжийн сүлжээнд холбогдоогүй, бие даасан эх үүсвэртэй орон сууцын хотхон, хорооллууд, зуслангийн айлуудын усыг шинжлэхэд нян, халуунд тэсвэртэй гэдэсний бүлгийн савханцар нийтлэг илэрчээ. Түүнчлэн нитрат, ионы агууламж стандартын зөвшөөрөгдөх дээд хэмжээнээс давсан үзүүлэлттэй гарсан тохиолдол цөөнгүй гэнэ. Иймд тус агентлагаас нийслэлийн иргэд, аж ахуйн нэгж, байгууллагуудыг итгэмжлэгдсэн лабораториудад ундны усаа шинжлүүлж, аюулгүй байдлаа хангахыг анхааруулсан мэдэгдлийг өчигдөр гаргалаа.
2023-12-06
Баянзүрх дүүргийн Газар зохион байгуулалтын албаны ажилтнуудад яллах дүгнэлт үйлджээ
Ташрамд дурдахад, прокурорын байгууллага өнгөрсөн долоо хоногт хэрэг бүртгэлтийн 30 458, мөрдөн байцаалтын 4138 хэрэгт хяналт тавьснаас 284-т нь яллах дүгнэлт үйлдэн шүүхэд шилжүүлжээ. Тэдгээрт эрүүл мэндийн халдашгүй байдлын эсрэг 151, өмчлөх эрхийн эсрэг 69, хөдөлгөөний аюулгүй байдал, тээврийн хэрэгслийн ашиглалтын журмын эсрэг 30, хүрээлэн буй орчны эсрэг 15, хүний бэлгийн эрх чөлөө, халдашгүй байдлын эсрэг 10, мөрийтэй тоглоом зохион байгуулсан тав, авлига, албан тушаалын гурван хэрэг багтсаны дотор Баянзүрх дүүргийн Газар зохион байгуулалтын албаныхантай холбоотой үйлдэл багтсан юм.
2023-12-06
Сард 100 хурал хийдэг завтай, мөнгөтэй улс уу
Манай улсад сард 100 гаруй хурал зохион байгуулж байна. Тухайлбал, өнгөрсөн арваннэгдүгээр сард улсын хэмжээнд хурал, хэлэлцүүлэг, зөвлөгөөн, чуулган, семинар гээд янз бүрийн тодотголтой, олон нийтийг цуглуулсан 103 арга хэмжээ болжээ. Эдгээр нь зөвхөн олон нийт, иргэдийг хамруулсан хурлын тоо гэдгийг санах хэрэгтэй. Харин ИХ, Засгийн газар болон төрийн бусад албаныхны дотоод үйл ажиллагааны, олон нийтэд төдийлөн нээлттэй бус, зөвхөн тухайн байгууллагынхан өөрсдөө оролцдог хурлыг энд оруулаагүй. Тийм атал маш өндөр тоо гарсан нь Монгол яах аргагүй “хурлын” орон гэдгийг илэрхийлэх биз ээ. Тэр дундаа арваннэгдүгээр сарын 10-нд хамгийн олон буюу есөн хурал зохион байгуулсан нь нэг өдрийн “дээд амжилт” байлаа. АНУ-ын Элчин сайд Жон Дингер “Монгол шиг ингэж их хурал, семинар хийдэг улсыг би хаана ч үзээгүй” гэж 2003 онд сонинд ярилцлага өгөхдөө дурдаж байж. Тэрхүү нөхцөл байдал 20 жилийн дараа ч өөрчлөгдсөнгүй, харин ч улам газар авах шинжтэйг тоон мэдээ, жишээгээр тайлбарлан хүргэе.
2023-12-06
“Баавгайн хөндий”-г үзэгчдэд хүргэнэ
Олон улсын наадмуудаас 20 гаруй шагнал авч, баримтат киноны төрөлд түүхэн дээд амжилт тогтоосон “Баавгайн хөндий”-г монгол үзэгчдэд хүргэх нь. Дэлхийн “уушги” болсон таван тивийн онгон байгаль, ойн санг хүн төрөлхтөнд өвлүүлэн үлдээхийн төлөө тэмцэж яваа байгаль хамгаалагчдын амьдралыг уг кинонд үзүүлжээ. Гол үзэл санаа нь уур амьсгалын өөрчлөлтийн эсрэг бид юу хийж чадах вэ гэсэн асуултад хариулт эрэлхийлж, хүн төрөлхтөн, ялангуяа шийдвэр гаргагчид байгаль хамгаалалд анхаарлаа хандуулах ёстойг ойлгуулахад чиглэсэн аж. Францын ARTE телевизийн найруулагч Хамид Сардар ерөнхий найруулагчаар ажилласан уг киноны гол дүрийг Байгаль орчны гавьяат ажилтан, Улаан тайгын улсын тусгай хамгаалалттай газрын байгаль хамгаалагч Ж.Төмөрсүх бүтээсэн юм. Эл бүтээлийг энэ сарын 8-нд “Шангри-Ла” дахь “Өргөө” кинотеатрт гаргах гэнэ.
2023-12-05
Э.МӨНХ-ЭРДЭНЭ: Хип хоп урлагт хүний тэрслүү сүнс оршдог
реппер Young Mo’G буюу Э.Мөнх-Эрдэнийг уншигчидтайгаа уулзуулж байна. Хип хоп, R&B уран бүтээлчдийн шилдгийг шалгаруулах “Triple X hit awards” хөгжмийн наадамд түүний “Наадъя” дуу оны шилдэг уран бүтээлээр шалгарсан юм. Түүнчлэн тэрбээр энэ жилийн Үндэсний их баяр наадмын нээлтэд оролцсон нь энэ түүхэн дэх анхны хип хоп уран бүтээлч болж тэмдэглэгдсэн бөгөөд шинэлэг өнгө төрх, хэмнэлээрээ цойлсныг уншигчид андахгүй биз. Хип хоп хөгжмийн урсгал, нийгэм, улс төрийн бодол, эх орон, хувь хүн, хайр зэрэг олон зүйлийн талаар бид ярилцлаа.
2023-12-05
“Органик бүтээгдэхүүн” гэрчилгээ олгожээ
“Юргана индастри” компанийн “Ургана” брэндийн гарын шингэн саван, үс арчилгааны бүтээгдэхүүн, хужиртай аяга, таваг угаагч, бактерийн эсрэг шал угаагч, жамц давстай шүдний оо зэрэг нь байгаль орчинд ээлтэй, хүн, амьтанд сөрөг нөлөөгүй, химийн орц найрлагагүй, органик бүтээгдэхүүн аж. Үйлдвэрлэлийн менежмент, чанарын үзүүлэлтүүд нь органик бүтээгдэхүүнд тавих шаардлагыг хангаж байгаа тул МҮХАҮТ-аас өчигдөр “Органик бүтээгдэхүүн” гэрчилгээ олгожээ. Тус компани нь 50 гаруй нэр, төрлийн бүтээгдэхүүн үйлдвэрлэж дотоодын зах зээлд нийлүүлж буй аж. Мөн зарим нэр, төрлийн бүтээгдэхүүнээ Хятад, Казахстанд нийлүүлж байгаа бөгөөд ойрын хугацаанд Европын зарим оронд худалдах гэнэ. Ташрамд дурдахад, органик бүтээгдэхүүн гэж үйлдвэрлэхэд нь орж буй орц, түүхий эдийг тарьж, ургуулах, боловсруулах явцад ямар нэг химийн гаралтай (пестицид) болон нийлэг бордоо, ионжуулах туяа, генетикийн өөрчлөлттэй организм ашиглаагүйг хэлдэг аж.
2023-12-05
Фунтийн ханш 4400 төгрөгтэй тэнцлээ
Дээрх захад өнгөрсөн наймдугаар сарын 20-нд Британийн мөнгөн тэмдэгтийг 4400 төгрөгөөр авч, 4430-аар ч худалдаж байв. Монголбанкны зарласан ханшаар өчигдөр уг валютын ханш 4345.75 төгрөгтэй тэнцлээ. Энэ оны эхний өдөр эл тоо 4156.6 байжээ. Тэгвэл нэгдүгээр сарын 11-нд 4203.7, 23-нд нь 4318, зургадугаар сарын 19-нд 4402.91 төгрөгтэй дүйж байсныг статистикаас харж болно. Фунтийн ханш нэгдүгээр сард 4200, 4300 төгрөг давсан нь эндээс харагдаж буй. Түүнчлэн долдугаар сарын 17-нд дээрх валютын ханш 4504.13 төгрөгтэй тэнцсэн удаатай. Энэ нь 2023 он гарснаас хойших хамгийн өндөр үзүүлэлтэд тооцогдсон юм.
2023-12-05
“Ногоон автобусыг буцаах бараг боломжгүй гэж ойлгосон”
Улаанбаатар хотын авто замын түгжрэлийг бууруулах үндэсний хорооны дарга, сайд Б.Дэлгэрсайхан нийслэлийн нийтийн тээвэрт тулгамдсан асуудал, тэдгээрийг шийдвэрлэх арга замын талаар өчигдөр мэдээлэл өгөв. Юуны өмнө шинээр авах 600 автобусны тендертэй холбоотой мэдээллийг тэрбээр танилцуулсан юм. “Улаанбаатар хотод автобус худалдан авах тендертэй холбоотой гомдол, санал энэ долоо хоногт гарахгүй бол баталгаажна. Ингэснээр энэ сарын 11-нд тендерт шалгарсан компанитай гэрээ байгуулж, автобус нийлүүлэх ажлыг эхлүүлэх боломжтой” гэж “түгжрэл”-ийн сайд онцлов.
2023-12-05
“Алтыг нь аваад авдрыг нь хаяж болохгүй”
Хүнсний захад талх, нарийн боовны лангуу ажиллуулдаг эмэгтэй цахим орчинд “Орой ажлаасаа буух болж, бараагаа хураахаар урд эгнүүлж тавьсан зөөлөн боовны уут заримдаа цоорчихсон харагддаг. Ажиглаад байх нь ээ, эмээ, өвөө нар урдуур нь гарахдаа гурилан бүтээгдэхүүний уутыг сэм цоолж, ганц нэгийг сугалаад амандаа хийдэг юм билээ. Харсан ч хараагүй мэт өнгөрдөг. “Зүгээр ав аа” гээд хэлчихвэл өндөр настай эмээ, өвөө нар ичиж зовоод нүүр хийх газаргүй болох биз. Ямар аргатайдаа ингэж явах вэ дээ. Зарим залуус аав, ээжийнхээ тэтгэврийг жил, сараар нь зээлүүлж аваад, хуу хамчихдаг гэж банкныхан ярихыг сонссон. Аав, ээжийнхээ тэтгэврийн мөнгийг авдаг нь, нийтлэг тохиолдол. Ер нь залууст хэлэхэд аав, ээжийгээ баярлуулж гийгүүлдэггүй юм гэхэд дуртай амттаныг нь аваад өгчихөж байгаасай. Өтөлж, бууралтсан тэд талхны зах ч даахгүй” хэмээн бичжээ.
2023-12-04
“Алтан үзэг” наадамд давхардсан тоогоор 333 оюутан оролцов
13 дахь удаагийн “Алтан үзэг” улсын наадам уржигдар боллоо. Тус наадамд оролцох оюутнуудын бүтээлийг өнгөрсөн сарын 24 хүртэл хүлээн авсан аж. Энэ удаад ерөнхий боловсролын сургуулийн сурагчид өрсөлдсөн нь наадмын оролцогчдын хүрээ тэлж буйг харууллаа. Оролцогчид таван төрөлд өрсөлддөг билээ. Тэдгээрт давхардсан тоогоор 333 оюутан оролцсон байна. Мультмедиа нийтлэлийн төрөлд 26, радиогийнход 21, телевизийн нэвтрүүлгийн 24, нийтлэлийн 67, нийгмийн рекламын 35 бүтээл хүлээн авч, шилдгүүдээ шалгарууллаа.
2023-12-04
