Үндэсний номын сангийн салбар энэ сарын 15-наас зуны цагийн хуваарьт шилжинэ
Үндэсний номын сангийн төв байрны уншлага, үйлчилгээ энэ сарын 1-нээс зуны цагийн хуваарьт шилжсэн. Тэгвэл салбар номын сан буюу саяхан ашиглалтад оруулсан байр нь энэ сарын 15-наас зуны цагийн хуваарьт шилжжээ. Ингэснээр ажлын өдрүүдэд 09.00-17.00 цагт нээлттэй байна. Харин амралтын өдрүүдэд ажиллахгүй. Зуны цагийн хуваарьт шилжих хүртлээ даваагаас баасан гарагт 09.00-20.00, амралтын өдрүүдэд 09.00-17.00 цагт ажиллах нь. Зуны цагийн хуваарь есдүгээр сар хүртэл үргэлжилнэ.
2024-06-04
“Ид шидийн орон” шинжлэх ухааны тоглоомын талбайтай болжээ
Монголд анхдагч шинжлэх ухааны тоглоомын талбайг “Garage team” болон “Дү дү” хүүхдийн музейн хамт олон “Ид шидийн орон” төвийн Улиастай дахь салбарт байгуулж, ашиглалтад орууллаа. Тус тоглоомын талбай болон шинжлэх ухааны танхимыг “Grand circle” кампанийн санхүүжилтээр хүүхдэд ээлтэй, биед сөрөг нөлөөгүй материалаартохижуулжээ. “Garage team” болон “Дү дү” хүүхдийн музейн хамт олон тоглоомын талбай гэхээр гулсдаг, гүйдэг гэх хэвшмэл ойлголтыг халсан байна. Үүний оронд хүүхдүүд тоглоомоор дамжуулан суралцаж, аливаа зүйлсийг танин мэдэх боломжтой гэх уриалгыг олон нийтэд хүргэхээр зорьж буй гэнэ.
2024-06-04
ХСҮТ-ийн цэвэр ус түгээх системийг иж бүрэн шинэчиллээ
Япон Улсын Засгийн газрын “Өвсний үндэс-Хүний аюулгүй байдлыг хангах” буцалтгүй тусламжийн хөтөлбөрийн санхүүжилтээр Хавдар судлалын үндэсний төв (ХСҮТ)-ийн цэвэр ус түгээх системийг бүрэн шинэчилжээ. 1982 онд ашиглалтад оруулсан ХСҮТ-ийн барилгын ус хангамжийн систем нь зэвэрч муудан тусламж, үйлчилгээний чанарт сөргөөр нөлөөлөх болоод байжээ. Харин өнгөрсөн оны гуравдугаар сараас хэрэгжүүлсэн, 217.1 мянган ам.долларын өртөг бүхий уг төслийн хүрээнд тус эмнэлгийн 10 блок барилгын 20 000 ам метр талбайтай, цэвэр усны 9000 м урт шугам сүлжээг иж бүрэн шинэчлэн сольсон байна.
2024-06-04
Паркийн тоглоомуудыг будах бус, шинэчлэх цаг болжээ
Олон улсын хүүхдийн эрхийг хамгаалах өдөр өнгөрөгч бямба гарагт тохиолоо. Эл өдрөөр нийслэлийн төв талбай болон хүүхэд зориулсан үйл ажиллагаа явуулдаг газрууд олны хөлд дарагдсан юм. Хүүхэд багачуудын хувьд баяр тэмдэглэх, чөлөөт цагаа зөв боловсон өнгөрөөж, ая тухтай үйлчлүүлэх газар манай улсад ховор гэдэгтэй маргах хүн гарахгүй. Тэдний хувьд тоглож наадах боломжтой, олноороо зорин очдог газруудын нэг нь Үндэсний соёл, амралтын хүрээлэн буюу олны нэрлэж заншсанаар хүүхдийн парк юм. Үндэсний соёл амралтын хүрээлэн өнөө жилийн хүүхдийн баяраар ч олны хөлд дарагдаж, хүн зөрөх зайгүй болов.
2024-06-04
“The MongolZ”-ынхон Европын багуудыг хожиж, аваргаар тодорлоо
Монголын электрон спортын холбооноос 100 мянган ам.долларын шагналын сантай “Nomadic masters” тэмцээн зохион байгуулав. Тус тэмцээний финалын тоглолт “Степпе арена”-д боллоо. Дээрх тэмцээнд Монголоос гурав, Европоос дөрөв, өмнөд хөршөөс нэг баг оролцсон юм. Алтан медалийн төлөө манайхаас “The MongolZ”-ынхон сингапур эзэнтэй, Европт төвтэй “Bleed esports” багийнхантай тоглосон. Хоёр баг өмнө нь дээд бүсийн финалд ч таарч байсан тул тэмцээний уур амьсгал өрсөлдөөнтэй байв.
2024-06-04
АНУ руу шууд нислэг үйлдэхээр аудитын шалгалтад бэлтгэж байна
Монголоос шууд нислэгээр АНУ-д очих боломжийг нээхээр ажиллаж буйгаа Зам, тээврийн хөгжлийн яамнаас мэдээлэв. Үүний хүрээнд “The Wicks group consulting” компанийн есөн хүний бүрэлдэхүүнтэй баг зөвлөх үйлчилгээ үзүүлж буй аж. Тэд АНУ-ын Холбооны нисэхийн захиргааны IASA аудитын шалгалтад бэлтгэхэд нь Иргэний нисэхийн ерөнхий газрынханд дэмжлэг үзүүлж байгаа юм. Монгол Улсаас АНУ руу шууд нислэг үйлдэх хэлэлцээрийг Засгийн газар өнгөрсөн онд баталсан. Ингэхдээ “Энэ оны II улиралд багтааж нислэг үйлдэнэ.
2024-06-04
Боловсролын систем сурагчдад эргэцүүлэх чадвар олгохгүй байна
Удахгүй болох их, дээд сургуульд элсэх шалгалтдаа чөлөө завгүй бэлтгэх өсвөр үеийнхэн, уншиж, бичиж, нэмж, хасаж сурсандаа баяр нь бялхаж, том давааны ард гараад буй зургаан настнууд, эцэг, эхчүүд, уул шиг бичиг, цаасаа эмхэлж, дүнгээ “өрөх” багш нарын хувьд сэтгэл тэнийж, завсарлага авах үе ирээд байна. Сүүлийн жилүүдэд манай улс олон салбартаа хөндлөнгийн зүгээс дүн тавиулаад буй. Тэдний нэг нь сурлагын амжилтын олон улсын PISA үнэлгээ. “Математик, физик л амьдралд хэрэгтэй. Дуу хөгжим, уран зохиол, дүрслэх урлагийн хичээлийг ер нь заахгүй байхад ч яах вэ дээ” хэмээн ярилцах эцэг, эхчүүд байдаг. Ерөнхий боловсролын сургуулийн хичээлийг цөөлөх сураг өнгөрөгч сард дуулдах төдийд дээрх хичээлүүд толгой дарсан.
2024-06-04
Аюулт үзэгдэл, ослын улмаас хоёр хүн нас барж, зургаан иргэн гэмтэв
Нийслэлийн найман дүүрэг, 18 аймгийн 28 сумд өнгөрсөн долоо хоногт аюулт үзэгдэл, ослын 88 удаагийн дуудлага бүртгэгджээ. Үүнийг өмнөх долоо хоногийнхтой харьцуулахад 10 тохиолдоор буурсан байна. Аюулт үзэгдлийн улмаас хоёр иргэн нас барж, зургаан хүн түлэгдэж гэмтжээ. Харин нийслэл, орон нутгийн онцгой байдлын байгууллагын алба хаагчид хоёр хүний амь аварсан аж. Нийт дуудлагын 51 нь гал түймэр, 10 нь хүний үйл ажиллагаатай холбоотой осол байж. Ус, цаг уурын болон геологи, биологийн гаралтай аюулт үзэгдэл долоон удаа тохиолдсон байна. Тодруулбал, хүний үйл ажиллагаатай холбоотой буюу өндрөөс унах, шаварт суух, зам, тээвэр, усны болон бусад төрлийн осол 10 удаа гарсан бол зоонозын халдварт боом өвчний нэг тохиолдол бүртгэгджээ.
2024-06-04
МАН-ын бүлэг дөрвөн жилд 126 удаа хуралджээ
УИХ дахь бүлгүүд өчигдөр хуралдав. АН-ынхан мэдээлэл хийсэнгүй. Харин МАН-ын бүлэг өнгөрсөн дөрвөн жилд хийсэн ажлаа тайлагнасан юм. Тэд нийт 126 удаа хуралдаж, 320 гаруй асуудлыг хэлэлцэн шийджээ. Парламент дөрвөн жилийн хугацаанд 2000 гаруй хууль, тогтоолын төслийг хэлэлцэж, шийдвэрлэсэн аж. Үндсэн хуулийн нэмэлт өөрчлөлт, Улс төрийн намын, Боловсролын багц, УИХ-ын сонгуулийн, Эрүүл мэндийн багц, Баялгийн сангийн тухай зэрэг чухал хуулийг мөн баталсан. Тус намын бүлгийн дарга Н.Тогтохсүрэн “Эдгээр хуулийн төслийн хэлэлцүүлгийг хийж, батлах гол ачааллыг манай намын бүлэг үүрсэн.
2024-06-04
Нийслэлийн төсвийг дахин тодотгох нь
Нийслэлийн 2024 оны төсөвт өөрчлөлт оруулах тухай тогтоолын төслийг Засаг дарга Х.Нямбаатар өчигдөр нийслэлийн ИТХ-ын дарга Ж.Батбаясгаланд өргөн барилаа. Улаанбаатарын энэ оны төсвийг хоёр дахь удаагаа тодотгох гэж буй нь энэ юм. Нийслэл 500 хүртэлх тэрбум төгрөгийн үнэт цаасыг дотоодын зах зээлд 2024 онд багтаан арилжихаар болсон. Үүнтэй холбоотойгоор төсөвт дахин өөрчлөлт оруулах гэж буй аж.
2024-06-04
30 тамирчин олимпод өрсөлдөх эрх авчээ
Манай улсаас спортын найман төрөлд 30 тамирчин одоогоор “Парис-2024” зуны олимпод өрсөлдөх эрх аваад байгааг Биеийн тамир, спортын улсын хорооноос өчигдөр мэдээлэв. Тухайлбал, жүдо, чөлөөт бөх, буудлага, бокс, дугуй, хөнгөн атлетик, байт харваа, хүндийг өргөлтөөр манай тамирчид олимпод өрсөлдөнө. Эдгээрээс жүдогийн төрөлд хамгийн олон буюу 11 тамирчин оролцох аж. Эмэгтэй тав, эрэгтэй зургаан жүдоч олимпын эрх аваад буй юм. Түүнчлэн чөлөөт бөхийн найман тамирчин “Парис-2024”-т оролцохоор болсон. Уг төрөлд эмэгтэй тав, эрэгтэйчүүдээс гурван тамирчин хүч үзэх нь. Мөн буудлагын гурван тамирчин олимпод өрсөлдөнө.
2024-06-04
УИХ-ын хаврын чуулган маргааш завсарлана
УИХ-ын хаврын чуулганыг маргааш буюу энэ сарын 5-нд завсарлуулахаар болжээ. Үндсэн хууль болон Улсын их хурлын тухай хуульд зааснаар ээлжит чуулган хагас жил тутам ажлын 75-аас доошгүй өдөр хуралдах ёстой байдаг. Үүний дагуу наадмын өмнө хаврын чуулган завсарлах учиртай. Гэвч сонгуулийн жилд уг жишгийг эвдэж, арай эрт завсарлуулдаг юм. Хаврын чуулганыг энэ жил тавдугаар сарын сүүлчээр завсарлуулахаар ярилцаж байсан ч ийнхүү хойшлуулсан аж.
2024-06-04
Сонсголын бэрхшээлтэй оюутнуудад зориулсан хөтөч ажиллуулж байна
Ийм үйлчилгээ үзүүлснээр оюутан нь лекц, семинар, багшийн тайлбар, яриаг бичгээр хүлээн авч, хичээлийн агуулгыг бүрэн дүүрэн ойлгож чадаж буй гэнэ. Ингэснээр сурах, хөгжих боломж нь ч нэмэгдэж, боловсролын үйлчилгээг чанартай авах боломж бүрдсэн аж. Үүнээс гадна их, дээд сургуулийн оюутнуудад сайн дурын ажил хийх шинэ сонголт, боломж гарч иржээ. Ташрамд дурдахад, мэргэжлийн болон их, дээд сургуулиудад энэ хичээлийн жилд хөгжлийн бэрхшээлтэй 1126 оюутан суралцаж буй гэнэ. Тэдний 44 нь сонсголын бэрхшээлтэй аж.
2024-06-03
Хүүхдийн баярын арга хэмжээ иргэдийг бухимдуулав
Тус марафонд нийт 550 орчим хүүхэд оролцсон аж. Түүнчлэн нийслэлийн төв талбай болон түүний ойр орчимд олон арга хэмжээ болов. Харамсалтай нь, төв талбайн өнгө төрх иргэдийг бухимдуулав. 72 дахь удаагийн хүүхдийн эрхийг хамгаалах өдөр төв талбайн энд тэндгүй ундаа, үлээ дэг хөөсний сав хаяж, хогоор дүүргэсэнд иргэд унтууцлаа. Тодруулбал, баярын өдрөөр төв талбайд “Нарантуул” зах “нүүн иржээ”. Худалдаа эрхлэгчид энд тэндгүй идэж уух зүйлс, тоглоом, нүдний шил борлуулахаар бичил лангуу зассан байв. Нэгэн иргэн цахим хуудсандаа “Нарантуул” төв талбайд нүүгээ д ирж. Хүүхдээ хөтөлсөн монголчууд бичил “Нарантуул” болсон талбайг тойрон холхилдох аж.
2024-06-03
“Balenciaga”-гийн загварын шоунд монгол модель оролцжээ
“Balenciaga” брэндээ с хаврын коллекцын загварын шоугаа БНХАУ-ын Шанхай хотод өнгөрсөн сарын 30-нд зохион байгуулжээ. Уг загварын шоунд монгол модель Г.Гансүх оролцсон байна. Тэрбээр өдгөө 50 настай аж. “Absolute pictures”, “Merik” электрониксийн хамтын бүтээл “95 зүүдний хүн” уран сайхны кинонд дүрээ мөнхөлснөөр түүнийг зарим хүн эчнээ таних биз ээ . “Balenciaga” брэндээс энэ удаа 25 загвараа танилцуулсан аж. Г.Гансүх Нидерланд улсад ажиллаж, амьдарч байгаад Монголдоо суурьшаад удаагүй юм байна.
2024-06-03
1.5 км дугуйн зам ашиглалтад оруулжээ
Мөн 6150 ам метр газарт ногоон байгууламж бий болгож, 247 автомашины зогсоол барьж, ашиглалтад оруулсан аж. Нийтийн эзэмшлийн эл талбайг тохижуулах ажлыг өнгөрсөн оны долоодугаар сард эхлүүлснээ дуусгасан нь энэ юм байна. Уг хэсэгт өмнө нь зөвшөөрөлгүй үйл ажиллагаа явуулж байсан ТҮЦ болон зарим объект байрлаж байжээ. Тэдгээрийг өнгөрсөн онд нүүлгэн шилжүүлж, газар чөлөөлснөөр нийтийн эзэмшлийн талбайг нөхөн сэргээх, тохижуулах боломж бүрдсэн гэнэ. Цаашид уг ажлыг үргэлжлүүлж, I хорооллыг бүтэн тойрсон дугуйн болон явган хүний зам тавихаар төлөвлөжээ.
2024-06-03
“Ноёд групп”-ийн Г.Буяндорж нарт холбогдох хэргийг анхан шатны шүүх дахин хэлэлцэнэ
“Ноёд групп”, “Сэлэнгэ ноёд” ХХК-ийн захирал Г.Буяндорж, иргэн Д.Батжаргал, “Скай тауэр Энхбуян” компанийн захирлаар ажиллаж байсан Ч.Ууганбаяр, БНХАУ-ын ӨМӨЗО-ы иргэн, “Ахон” компанийн захирал Э.Хурцаа нарт холбогдох хэргийг Улсын дээд шүүхэд хэлэлцээд анхан шатны шүүхийн шийтгэх тогтоол, давж заалдах шатны шүүхийн магадлалыг хүчингүй болгов. Чингэлтэй дүүргийн Эрүүгийн хэргийн анхан шатны шүүх өнгөрсөн оны есдүгээр сарын 29-нд дээрх хүмүүст холбогдох хэргийг хэлэлцээд Г.Буяндоржийг бусдыг хуурч, хуурамч бичиг баримт ашиглан, зохиомол байдлыг зориудаар бий болгон бодит байдлыг нуух замаар бусдыг төөрөгдөлд оруулан их хэмжээний хохирол учруулсан залилах гэмт хэргийг зохион байгуулсан, Д.Батжаргалыг уг хэргийг гүйцэтгэсэн гэм буруутайд тооцсон юм.
2024-06-03
Төсвийн ил тод байдлаар 125 орноос 36-д эрэмбэлэгджээ
“Төсвийн нээлттэй байдал-2023” олон улсын судалгаан дахь Монгол Улсын дүнг “Нээлттэй нийгэм форум”-аас өнгөрсөн баасан гарагт танилцууллаа. “Олон улсын төсвийн түншлэл” байгууллагаас хоёр жил тутамд уг судалгааны үр дүнг танилцуулдаг юм байна. “Нээлттэй нийгэм форум” нь “Олон улсын төсвийн түншлэл” байгууллагын түншээр ажиллаж, Монголын талын судалгааг хийжээ. Манай улс уг судалгаанд ес дэх удаагаа оролцсон нь энэ аж.
2024-06-03
Дотоодын цэргийн алба хаагч автомашинд дайруулж амиа алдсаны хариуцлагыг хэн хүлээх вэ
Дотоодын цэргийн 05 дугаар ангид хугацаат цэргийн алба хааж байсан Б.М өнгөрсөн сарын 30-ны 21.00 цагийн үед автомашинд дайруулж амиа алджээ. Тэрбээр Төв аймгийн Цээл сумын нутагт хөдөө аж ахуйн чиглэлээр үйл ажиллагаа явуулдаг “Чандманьбаян бүрд” ХХК-ийн талбайд ажиллахаар очоод байхдаа ийнхүү осолд өртсөн аж. Орон нутгийн эх сурвалжуудын мэдээлснээр уруу газар зогсоож байгаад инерцээр нь явуулж асаадаг хүнд даацын машинд дайруулсан гэнэ.
2024-06-03
Цэцийн даргаар Г.Баясгаланг сонголоо
Үндсэн хуулийн цэцийн нийт гишүүний хуралдаан өнгөрсөн баасан гарагт болж, даргаараа Г.Баясгаланг сонгов. Үндсэн хуулийн цэцийн тухай хуулийн 6.1-т “Цэцийн даргаар сонгох хүний нэрийг гишүүд дотроосоо дэвшүүлэн, хуралдаанаараа хэлэлцэж, саналыг нууцаар хурааж, нийт гишүүний олонхын санал авсан хүнийг сонгоно” гэж заасны дагуу тэрбээр сонгогджээ. Г.Баясгалан нь 2019 оны зургаа дугаар сард Цэцийн гишүүнээр томилогдсон юм.
2024-06-03
