З.Энхболд нарын гэм бурууг шүүх хурал хойшиллоо
УИХ-ын болон Ерөнхийлөгчийн Тамгын газрын даргаар ажиллаж байсан З.Энхболд, Зам, тээврийн хөгжлийн сайд асан, УИХ-ын Аюулгүй байдал, гадаад бодлогын байнгын хорооны дарга Б.Энх-Амгалан
2023-12-27
Химийн хор, аюултай бодис ашигласан “Блюскай кашемир” компанид ял шийтгэлээ
Хан-Уул дүүргийн Эрүүгийн хэргийн анхан шатны шүүхийн шүүгч Т.Алтантуяа даргалан, улсын яллагч НПГ-ын хяналтын прокурор Э.Энх-Эрдэнэ, шүүгдэгч “Блюскай кашемир” компани, түүний эцсийн өмчлөгч И.Дариймаа, холбогдогч аж ахуйн нэгжийн хууль ёсны төлөөлөгч, өмгөөлөгч, хохирогч байгууллагын төлөөллийг оролцуулан өчигдөр гэм буруутай, эсэхийг нь дэнсэлсэн юм. Шүүхээс тус компани болон эцсийн өмчлөгчийг нь хууль бусаар химийн хорт болон аюултай бодис ашиглаж, хадгалж байсан гэм буруутайд тооцож, “Блюскай кашемир” компанийг 20 сая, И.Дариймааг 5.4 сая төгрөгөөр торгох ял шийтгэв.
2023-12-27
“Монголын төмөр зам” ХК-ийн газрын дарга Д.Банзрагчийг 30 хоног хорино
Төрийн өмчит “Монголын төмөр зам” ХК-ийн Эдийн засаг, хөрөнгө оруулалтын газрын дарга Д.Банзрагчийг АТГ-ын Мөрдөн шалгах хэлтсийнхэн шалгаж эхэлсэн талаар бид өмнө нь мэдээлсэн. “Зүүнбаян төмөр зам” компанийн гүйцэтгэх захирал асан түүнийг энэ сарын 21-нд болсон “Нүүрсний” хэргийн сонсголд гэрчээр дуудаж байв. Д.Банзрагчийг БНХАУ-ын хөрөнгө оруулалттай “Дуньрихуй” ХХК-ийн менежер Л.Түвшинбаатараас 37 сая төгрөгийн хахууль авсан хэмээн буруутгаж буй юм. Бидний авсан мэдээллээр “Монголын төмөр зам” ХК-иас зарласан 9.8 тэрбум төгрөгийн өртөгтэй тендерт өмнөд хөршийн иргэн Ли гэх захиралтай дээрх гадаадын аж ахуйн нэгжийг шалгаруулсан аж. Ингэхдээ Д.Банзрагч уг компанид давуу байдал олгохын тулд “Монголын төмөр зам”-ын ерөнхий инженер Т.Батзоригт нөлөөлсөн байж болзошгүй гэж үзэж буй юм билээ.
2023-12-26
Хуульчдын холбогдсон хэргүүдийн хувь заяа хэрхэн шийдэгдэх нь тодорхойгүй болсоор
Тэгвэл өдгөө ч хээл хахууль, авлига Монголын нийгэмд амь бөхтэй оршсоор байна. Үүний уршгаар бид газар нутгаа ч алдах эрсдэлтэй болж, зорчих эрхээ ч боомилуулан, байгалийн баялгийнхаа үр өгөөжийг ч тэгш хүртэж чадахгүй, өрнөөс өр, зээлээс зээлийн хооронд амьдарч буй билээ. Хууль сахиулах, хянах байгууллага нь албан тушаалаа урвуулагч, хахууль халааслагчдын хэргийг илрүүлэн шалгаж, шийдвэр гаргах эрх бүхий байгууллагад шилжүүлсээр байгаа.
2023-12-22
Сайд асан Д.Эрдэнэбат, Цэцийн гишүүн Д.Сугар тэргүүтнийг дахин шалгуулахаар шийдвэрлэв
Сүхбаатар дүүргийн Эрүүгийн хэргийн анхан шатны шүүхийн шүүгч Д.Дарьсүрэн удирдан хийгээд, нэмэлт мөрдөн шалгах ажиллагаа хийлгэхээр прокурорын хяналтад буцаалаа. Эрүүгийн хэрэг хянан шийдвэрлэх тухай хуулийн 33.3-1.1 дэх хэсэгт заасан хэргийг буруу тусгаарласан, 33.3-1.2 дахь хэсгийн шүүх хуралдаанаар нөхөн гүйцэтгэх боломжгүй ажиллагааг хийлгэх шаардлагатай гэж үзэн ийнхүү шийдвэрлэснээ шүүгч Д.Дарьсүрэн танилцуулсан юм. Өөрөөр хэлбэл, Ч.Сайханбилэг, Д.Эрдэнэбилэг, Б.Мөнхбаатар тэргүүтэй зарим яллагдагч хилээр гарч явсантай холбогдуулж, хэргийг нь тусгаарлан шийдвэрлүүлэхээр болсныг шүүгч буруу гэж үзсэн аж.
2023-12-22
Д.Эрдэнэбат нарын нэр бүхий яллагдагч нарт холбогдох эрүүгийн хэргийг прокурорт буцаажээ
Нийслэлийн Прокурорын газраас яллагдагч Д.Эрдэнэбат, Д.Доржханд, Б.Минжбадам, Д.Ганбат, Л.Санжаадорж, Б.Болор, Г.Ганзориг, Д.Батжавхлан, Р.Мөнхтуул, Б.Мөнхсоёл, Д.Эрэвгийлхам, Д.Сугар, Д.Энхтунгалаг, О.Орхон, Н.Батбаяр, Ц.Пүрэвтүвшин, Ч.Энхболд, Ц.Нанзаддорж, Э.Шижир, С.Уранчимэг нарын 20 хүн, Төмөр замын зураг төслийн институт ХХК, Кью Эс Си ХХК нарын хоёр хуулийн этгээдэд холбогдуулан яллах дүгнэлт үйлдэж хэргийг Сүхбаатар дүүргийн Эрүүгийн хэргийн анхан шатны шүүхэд ирүүлсэн.
2023-12-21
Ноён уулын тусгай хамгаалалттай бүсэд ашигт малтмал олборложээ
ЦЕГ-ын Экологийн цагдаагийн албаныхан Сэлэнгэ, Төв, Булган аймгийн уул уурхайн бүс нутгуудад өнгөрсөн сарын сүүлчээр хийсэн хяналт шалгалтынхаа үр дүнг өчигдөр танилцуулав. Тэд шалгалтын явцад хууль бусаар ашигт малтмал олборлож байсан дөрвөн бүлэг, найман этгээдийг илрүүлж, экскаватор, алт угаах төхөөрөмж, цахилгаан үүсгэгч мотор, автомашин зэрэг нийт 26 техник хэрэгсэл хураан авч, битүүмжилжээ. Ашигт малтмал хууль бусаар олборлогчдын байгаль орчинд учруулсан хохирлын хэмжээг тогтоох, мөрдөн шалгах ажил өдгөө үргэлжилж буй гэнэ.
2023-12-21
Өвөрхангай аймагт 28 иргэн угаартлаа
Тус орон сууцын дөрөвдүгээр давхарт оршин суудаг иргэн Э.Б нь гэртээ халуун тогоонд мах чанаж үлдээсний улмаас уг осол гарсан гэнэ. Тогоонд байсан мах түлэгдэж шатсанаас утаажилт үүссэн байна. Байрны 3-5 дугаар давхарт утаажилт үүссэн тул онцгой байдлын алба хаагчид 12 айлаас насанд хүрсэн 18 хүн, 10 хүүхдийг гаргасан аж. Өвөрхангай аймгийн Онцгой байдлын газраас үүний талаар тодруулахад “Гэмтэж бэртсэн хүн байхгүй. Угаарын хэмжээ бага зэрэг байсан. Таван давхар барилгад утаажилт үүссэн. Тэнд байсан иргэдийг гаргаж, угаартах үеийн заавар, зөвлөгөө өгсөн” гэсэн юм.
2023-12-21
“Ногоон автобус”-ны хэргийг шалгаж дуусжээ
Тиймээс яллагдагч нарыг хавтаст хэрэгтэй нь танилцуулж, гарын үсэг зуруулж буй бөгөөд энэ долоо хоногтоо багтааншүүхэд шилжүүлэх саналаа илэрхийлж прокрорын хяналтад хүргүүлэх гэнэ. Тэднийг нийслэлийн Засаг даргын 2022 оны арванхоёрдугаар сарын 23-ны А/1620 дугаартай “Улсын төсвийн хөрөнгөөр 2023 онд Улаанбаатар хотын авто замын түгжрэлийг бууруулах ажлын хүрээнд 318 тэрбум төгрөгөөр нийтийн тээврийн автобус худалдан авах” тендерт “Тэнүүн-Огоо” ХХК-ийг хууль бусаар шалгаруулж эдийн засгийн давуу байдал бий болгон, төсөвт их хэмжээний хохирол учруулсан хэмээн буруутгаж буй билээ.
2023-12-21
Цэцийн гишүүн асан Д.Сугар, Н.Нанзаддорж тэргүүтэй 20 хүний хэргийн урьдчилсан хэлэлцүүлгийг хийж эхлэв
Төв аймагт тавьсан авто замуудын шинэчлэлийн ажлын төсвийг зохиомлоор нэмэгдүүлж, тухайн ажлыг гүйцэтгэсэн компанид давуу байдал бий болгосон гэх хэрэгт холбогдсон Зам, тээврийн хөгжлийн сайд асан Д.Ганбатын үйлдэлтэй ЗТХЯ-ны Авто замын бодлогын хэрэгжилтийг зохицуулах газрын дарга Д.Доржханд, ахлах мэргэжилтэн Б.Минжбадам, “Ялгуусан” компанийн захирал Л.Санжаадорж нарын хэргийг нэгтгэн шилжүүлээд буй юм.
2023-12-20
Нүүрсний үнийн зөрүүнээс 826.4 сая ам.доллар алдсан гэв
Ингэхдээ Ганцмодны боомт дахь коксжих нүүрсний үнээс татвар, тээврийн зардлыг хасаж тооцдог байж. 2020 онд 63.4, 2021 онд 74.6 ам.доллароор тогтоосон байна. Өнгөрсөн 12 жилийн хугацааны дундаж үнийг сар бүрээр тооцон “Эрдэнэс Тавантолгой”-гоос тогтоосон доод болон гэрээний үнэтэй харьцуулахад зөрүүтэй байсныг шинжээч дурдаад, дүн нь 826.4 сая ам.долларт хүрснийг онцлов. Өөрөөр хэлбэл, тус компаниас хамгийн доод үнэ гэж тогтоосноос багаар гэрээ хийснээс эл зөрүү үүссэн гэсэн үг. Тэрбээр үүнийг “алдагдсан боломж” хэмээн тодотгосон бөгөөд манай улсын нүүрсний нийт экспортын 27.4 хувийг “Эрдэнэс Тавантолгой” хийж буй аж.
2023-12-20
Авлига, албан тушаалын 757 хэрэг шалгагдаж байна
Авлигатай тэмцэх газрын Мөрдөн шалгах хэлтэс 2023 оны 12 дугаар сарын 11-15-ны өдрүүдэд гэмт хэргийн шинжтэй 114 гомдол, мэдээллийг шалгав. Үүнээс 21 гомдол, мэдээлэлд хэрэг бүртгэлтийн хэрэг нээж, 40 гомдол, мэдээлэлд хэрэг бүртгэлтийн хэрэг нээхээс татгалзах, 2 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 51 гомдол, мэдээллийг хянан шалгаж байна.
2023-12-19
