Улаанбурхан өвчнөөр 590 иргэн өвджээ
Халдварт өвчин судлалын үндэсний төвөөс Улаанбурхан өвчний нөхцөл байдлын талаар мэдээлэл өглөө. Тус өвчний лабораториор батлагдсан 590 тохиолдол бүртгэгдснээс 90 нь эмнэлэгт хэвтэн эмчлүүлж байгаа бол 7 нь гэрээр эмчлүүлж байна. Одоогийн байдлаар сэжигтэй 38 тохиолдол бүртгэгдээд байгаа бол хавьтал болсон нийт 11539 тохиолдол бүртгэгджээ.
2025-04-18
Өнөөдөр монгол хэл, бичгийн шалгалт эхэллээ
Монгол хэл бичгийн шалгалтад 84969 шалгуулагч шалгалт өгөхөөр бүртгүүлжээ. Тодруулбал, шалгалтад 12 дугаар ангийн 39164, 11 дүгээр ангийн 30824, 10 дугаар ангийн 12909 сурагч мөн өмнөх оны төгсөгч 2108 гаруй шалгуулагч бүртгүүлсэн байна. Шалгалтыг улсын хэмжээнд 52 шалгалтын төвд зохион байгуулахаар бэлтгэл ханган ажиллаж байгаа аж. Шалгалтын комисс болон зохион байгуулах багт нийт 3301 багш ажилчид ажиллана.
2025-04-18
ЭХЭМҮТ: Амьд донороос нэг настай хүүхдэд элэг шилжүүлэн суулгажээ
ЭХЭМҮТ-ийн Хүүхдэд элэг шилжүүлэн суулгах баг, УНТЭ-ийн элэг шилжүүлэн суулгах хамтарсан багийн Монгол Улсад 11 дэх удаагийн , ЭХЭМҮТ-д 5 дахь удаагийн Хүүхдэд элэг шилжүүлэн суулгах эмчилгээ амжилттай хийгдлээ. Энэ удаагийн хүүхдэд элэг шилжүүлэн суулгах эмчилгээний онцлог нь Монгол Улсад хамгийн бага настай буюу 1 настай хүүхдэд Амьд донороос элэг шилжүүлэн суулгалаа.
2025-04-18
Увс аймгийн эмч нар элэгний хорт хавдрын мэс заслыг амжилттай хийжээ
Увс аймгийн нэгдсэн эмнэлгийн эмч нар элэгний хорт хавдар тайрах мэс заслыг анх удаагаа бие даан хийж амжилттай гүйцэтгэсэн сайхан мэдээ байна.
МУЗГ, ЭМЯ, Увс аймгийн ЗДТГ-с хэрэгжүүлж буй “Бүсчилсэн хөгжлийг дэмжиж төвлөрлийг сааруулах бодлогын хүрээнд Увс аймгийн Нэгдсэн эмнэлэг нь баруун бүсийн элэг, ходоод, улаан хоолойн хорт хавдрын мэс заслын төв болох юм. Энэхүү ажлын хүрээнд Увс аймгийн нэгдсэн эмнэлгийн баг хамт олон “Элэгний хорт хавдрын мэс засал”-ийг орон нутагтаа бие дааж амжилттай хийж гүйцэтгэсэн аж. Тухайн үйлчлүүлэгч нь элэгний зүүн дэлбэнгийн том хэмжээний хорт хавдартай (15 см), элэгний в, д вирусийн халдвартай, элэгний хатуурал оноштой байсан. Улмаар тухайн үйлчлүүлэгчид элэгний хавдар бүхий зүүн дэлбэн тайрах мэс заслыг хийлээ.
2025-04-17
Ховд аймгийн Зэрэг суманд 3.5 магнитудын хүчтэй газар хөдлөлт болжээ
Ховд аймгийн Зэрэг суманд өчигдөр газар хөдөлжээ. Тодруулбал, Зэрэг сумын Эхэн багийн “Буурал” гэдэг газар /аймгийн төвөөс баруун зүгт 170 км, сумын төвөөс зүүн урд зүгт 33 км/ 04.16-ны өдрийн 17:24:00 цагт 3.5 магнитудын хүчтэй газар хөдлөлт болсон тухай мэдээллийг мөн өдрийн 17:46 цагт ООГХ-ээс цахим шуудангаар ирүүлсэн байна. Тухайн газарт нутагладаг малчдаас тодруулахад газар хөдлөлтийн чичирхийлэл мэдрэгдээгүй бөгөөд учирсан хохиролгүй хэмээн мэдээлжээ.
2025-04-17
Зайсангийн гүүрний дам нурууг угсарч эхэллээ
Зайсангийн хуучин гүүрийг 225 метр, дөрвөн эгнээ бүхий төмөрбетон хос гүүрээр өргөтгөн шинэчлэх ажлын хүрээнд баруун гүүрийг 2023 оны есдүгээр сард ашиглалтад оруулсан.
2025-04-17
Зөвшөөрөлгүй барьсан гүүрийг буулгаж 180 метр үерийн хамгаалалтын даланг шинээр барьж байна
Хан-Уул дүүргийн 3 дугаар хороо, Яармагаас Станцын замыг холбосон шинэ гүүрний баруун талд зөвшөөрөлгүй барьсан гүүрийг энэ сарын 10-ны өдөр буулгаж дууссан. Байршил дээр нь Дунд голын үерийн хамгаалалтын даланг 180 метрт шинээр барих, 100 метрт нөхөн сэргээх ажлыг хийж байна. Энэ талаар ГУББГ-ын Засвар, ашиглалтын албаны дарга Ж.Батдоржоос тодрууллаа.
2025-04-17
"Уналт таталтын эсрэг зарим эм орон нутагт байнга тасалддаг"
ХЭҮК, ХНХЯ-тай хамтарсан 2023 онд гүйцэтгэсэн нээлттэй хяналт шалгалтаар хөгжлийн бэрхшээлтэй хүүхдийн сурах, эсэн мэнд амьдрах, хөгжих эрх хангагдахгүй, хүүхэд хамгааллын үйлчилгээ авч чадахгүй тогтолцооны гадна “орхигдож” байна гэж дүгнэсэн.
2025-04-17
И-баримт аппликэйшн-д гэмтэл гарсан, засахаар шуурхай ажиллаж байна гэв
НӨАТ-ын баримтыг бүртгэж, тохирлын азтан шалгаруулдаг Ebarimt аппликэйшн болон албан ёсны вэбсайт руу нэвтрэх боломжгүй болсон. Энэ талаар мэдээллэхдээ "Цахим төлбөрийн баримтын системд гэмтэл гарсан тул хэрэглэгчдээсээ хүлцэл өчье. Манай инженер техникийн баг шуурхай ажиллаж байгаа ба систем хэвийн болгомц мэдэгдэх болно" гэлээ.
2025-04-17
Аж ахуйн нэгжийн худалдан авсан нүүрсийг тусгай гарцаар нэвтрүүлнэ
Нүүрсний экспортыг нэмэгдүүлэх талаар авах арга хэмжээний тухай Засгийн газрын тогтоол гаргав. Тус тогтоолоор "Эрдэнэс Тавантолгой" ХК-тай урт хугацаат "Нүүрс худалдах, худалдан авах гэрээ" байгуулсан аж ахуйн нэгжийн худалдан авсан нүүрсийг цаг алдалгүй, тусгай гарцаар нэвтрүүлэх ажлыг шуурхай зохион байгуулахыг Монгол Улсын сайд, Боомтын сэргэлтийн Үндэсний хорооны дарга Б.Тулга, Зам, тээврийн сайд Б.Дэлгэрсайхан болон холбогдох албан тушаалтнуудад даалгалаа. Мөн гэрээ байгуулсан аж ахуйн нэгжүүдэд борлуулах нүүрс бэлтгэх, олборлолтыг нэмэгдүүлэх, ачилтыг саадгүй, шуурхай гүйцэтгэж ажиллахыг "Эрдэнэс Тавантолгой" ХК-ийн удирдлагад даалгав.
2025-04-16
ДЭЛГЭРЭНГҮЙ: Хангайн бүсийн талаар Засгийн газрын хуралдаанаас гаргасан шийдвэрүүд
Монгол Улсын бүсчилсэн хөгжлийн үзэл баримтлалыг хэрэгжүүлэх хүрээнд Хангайн бүсийн зөвлөлийн өргөтгөсөн хуралдааныг Архангай аймгийн Цэцэрлэг хотноо энэ сарын 14-нд зохион байгуулсан. Бүсийн зөвлөлийн хуралдаанаас гарсан саналын хүрээнд Засгийн газрын үйл ажиллагааны хөтөлбөртэй уялдуулан дараах шийдвэрүүдийг гаргалаа.
2025-04-16
Хангайн бүсийн аялал жуулчлалыг хөгжүүлэх хүрээнд “Хөгжлийн гүүр” төсөл хэрэгжүүлнэ гэв
Засгийн газрын ээлжит хуралдаанаас гаргасан зарим мэдээллийг ЗГХЭГ-ын дарга Н.Учрал мэдээлэл өглөө. Тэрбээр, "Засгийн газар 4-р сарын 14-нд хангайн бүсийн зөвлөгөөний үеэр Архангай аймагт хуралдаан зохион байгуулагдсан. Хангайн бүсийн зөвлөгөөнийг Архангай, Өвөрхангай, Баянхонгор аймгийг хамруулан зохион байгуулсан. Тус зөвлөгөөнд хангайн бүсээс сонгогдсон УИХ-ын гишүүд, тус аймгуудын ИТХ-ын төлөөлөгчид, аймаг, сумдын Засаг дарга нар, мэргэжлийн холбоод, ААН-үүд, хувийн хэвшлийнхний төлөөлөл оролцлоо.
2025-04-16
