Дугуйчид багтаа 25 оноо авчирлаа
Монголын дугуйн спортын үндэсний шигшээ багийнхан Төвөдийн өндөрлөгт болсон “Tour of Qinghai lаke” олон улсын тэмцээнд хурд сорьж, багтаа 25 оноо авчрав. Энэ нь Олон улсын дугуйн холбооноос зохион байгуулдаг, чансаа өндөр тэмцээнүүдийн нэг юм. Манай тамирчдаас долоо дахь өдрийн уралдаанд дэлхийн аварга Б.Тэгшбаяр II байрт орсон. Тэрбээр найман өдрийн нийлбэр дүнгээр 22-т жагсаж, ОУХМ Б.Идэрболд 25-д бичигдлээ
2024-07-18
Мастеруудын наадмаас хоёр мөнгөн медаль хүртэв
АНУ-ын Охайо мужийн Кливленд хотод Пан-Америкийн мастеруудын наадам энэ сарын 12-нд эхэлсэн. Ес хоног үргэлжлэх тус наадамд спортын 24 төрөлд 50 орны 10 гаруй мянган тамирчин хурд хүч, авхаалж самбаагаа сорьж байна. Монголын зургаан харваач байт харвааны төрөлд 17 орны 300 гаруй тамирчинтай таван насны ангилалд цэц сорьсон. Эрэгтэйчүүдээс энэ удаа рекурв төрөлд ОУХМ Г.Мягмардорж 30-аас дээш насныхны ангилалд, С.Төртогтох 60-аас дээш насныхад тус бүр мөнгөн медаль хүртжээ
2024-07-18
Манай харваачид дэлхийн нүүдэлчдийн их наадамд цэц сорино
“Хан-Монгол” морьт харвааны клубийн сургалтын төвд дэлхийн нүүдэлчдийн их наадамд оролцох тамирчдыг сонгон шалгаруулах сорилго тэмцээн зохион байгууллаа. Уг тэмцээн нь морьт харвааны ази төрөл, турк харваа, цамхаг харваа, зоос намнаа гэсэн төрлөөр болсон юм. Олон харваач оролцож, өрсөлдөөн ихтэй болсон дээрх тэмцээнд дөрвөн төрлийн нийлбэр дүнгээр “Намнаа” академийн харваач Н.Алтанхуяг түрүүлж, шилдгээр тодров
2024-07-18
Азийн өвлийн наадамд оролцох багийн ахлагчаар Б.Жавхланг томилов
МҮОХ-ны Гүйцэтгэх зөвлөлийн хурлаар “Парис-2024” зуны олимпын наадмын мэдээлэл, баг тамирчдын зохион байгуулалтын талаар хэлэлцсэн байна. Мөн ирэх жилийн хоёрдугаар сарын 7-14- нд өмнөд хөршийн Харбин хотод болох Азийн өвлийн IX наадамд оролцох манай баг тамирчдын ахлагчаар Монголын хоккейн холбооны ерөнхийлөгч Б.Жавхланг томилжээ. Тэгвэл “Милан, Кортина 2026” өвлийн XXV олимпын наадамд өрсөлдөх багийн ахлагчаар Соёл, спорт, аялал жуулчлал, залуучуудын сайд Ч.Номин ажиллахаар болло
2024-07-18
П.Энхманлай, Ц.Баттулга нар Францыг зорино
“Парис-2024” зуны паралимпийн наадамд оролцох тамирчдын нэр тодорчээ. Пара хөнгөн атлетикийн ОУХМ П.Энхманлай нь “Парис-2024” зуны паралимпийн наадмын T-53 ангиллын тэргэнцэртэй гүйлтийн 100 метрийн зайд эх орноо төлөөлж оролцоно. Тэрбээр “Токио-2020” зуны паралимпийн XVI наадамд өрсөлдөж байв. Түүнээс гадна ОУХМ Ц.Баттулга F-40 ангиллын бөөрөнцгийн төрөлд оролцох юм. Тэрбээр өнгөрсөн жил Азийн зуны спортын “Ханжоу-2022” наадмаас тухайн төрөлд хүрэл медаль хүртсэн билээ
2024-07-18
Буудлагын тамирчид бүх дасгалдаа өрсөлдөхөөр болжээ
“Парис-2024” зуны олимпын наадмын буудлагын төрөлд өрсөлдөх тамирчдын мэдүүлгийг Монголын үндэсний олимпын хороо (МҮОХ)-ныхон дутуу бөглөж явуулснаас үүдэн О.Есүгэн, Н.Баяраа нарын эрх зөрчигдсөн талаар бид өмнөх дугаартаа мэдээлсэн билээ. Тодруулбал, тэд буудлагын 50 метрийн 3х20 дасгалд “Парис-2024” олимпод оролцох эрхээ авсан
2024-07-18
“Монгол бичгийн гарын авлага”-ыг цахимаар үзээрэй
Монгол бичгийн үндэсний хөтөлбөр III болон Төрийн албан хаагчдад зориулсан үндэсний бичгийн сургалтын хөтөлбөрийн дагуу бичиж боловсруулсан “Монгол бичгийн гарын авлага”-ын цахим хувилбарыг төрийн албан хаагчдад зориулан гаргасан талаар Боловсролын ерөнхий газраас мэдээллээ. Уг гарын авлагыг ШУА-ийн Хэл зохиолын хүрээлэнгээс МОНЦАМЭ агентлаг, МУИС, МУБИС, ШУТИС-ийн эрдэмтэн, судлаачидтай хамтран бэлтгэжээ. Гэхдээ зөвхөн төрийн албан хаагч бус, монгол бичиг сурч, зөв уншиж, бичих, дүрмийн мэдлэгээ дээшлүүлэх хүсэлтэй хүн бүр цахим номыг хэрэглэх боломжтой
2024-07-18
Нийслэлийн 18 байршилд дулааны шугам хоолойг шинэчилж эхэллээ
Улаанбаатар хот дахь орон сууц, аж ахуйн нэгж, байгууллагын тоо нэмэгдэж, дулааны хэрэглээ өссөнтэй холбогдуулан шугам сүлжээг өргөтгөх шаардлагатай болжээ. Тиймээс энэ жил засварын ажлыг гүйцэтгэхдээ шугам хоолойг өргөтгөхөөр болсон гэнэ. Нийслэлийн хэмжээнд дулааны нийт 390 км гаруй урт шугам сүлжээ бий аж. Эдгээрийн ихэнх нь 30-60 жилийн настай юм байна
2024-07-18
Хүүхдүүдийг дахиад л түрээсийн цэцэрлэгт хүлээн авах нь
Засгийн газар 2022 оноос эхлэн 2-5 настай бүх хүүхдийг цэцэрлэгт хамруулах зорилт тавьж буй билээ. Харамсалтай нь, уг зорилтоо биелүүлэхийн тулд хүүхдүүдийг зориулалтын бус байранд хүлээн авах, нэг ангид хэт олноор нь сургах зэрэг асуудал өнгөрсөн жилүүдэд тулгарч байв. Эл нөхцөл байдал 2024-2025 оны хичээлийн жилд ч давтагдах төлөвтэй байна. Ялангуяа нийслэлд цэцэрлэгүүдийн нөхцөл хүнд хэвээр байх бололтой.
2024-07-18
13 хүүхэд хурдан мориноос унаж гэмтжээ
Үндэсний их баяр наадмын амралтын өдрүүд буюу энэ сарын 10-16-ны хооронд Гэмтэл согог судлалын үндэсний төв (ГССҮТ)-ийн Яаралтай тусламжийн тасагт 3506 хүн тусламж, үйлчилгээ авчээ. Тэдний 1393 нь 0-18 насныхан. Мориноос унаж гэмтсэн шалтгаанаар 125 хүн тус төвд хандсан байна. Тэдний 27 нь арав хүртэлх, 53 нь 10-18 насны хүүхэд аж. Харин 13 хүүхэд хурдан мориноос унаж гэмтжээ. Мөн энэ өдрүүдэд зам, тээврийн ослын улмаас 483 хүн яаралтай тусламж авсан байна. Тэдний 304 нь насанд хүрсэн бол 179 нь хүүхэд гэнэ. Түүнчлэн ахуйн хүрээнд архидан согтуурч, зодоон цохион, гэр бүлийн хүчирхийлэлд өртсөн 36 хүнд тусламж үзүүлсний хоёр нь хүүхэд байжээ
2024-07-18
Төв цэнгэлдэх хүрээлэнг маргаашаас иргэдэд нээлттэй болгоно
Төв цэнгэлдэх хүрээлэнг маргаашаас эхлэн ирэх сарын 1 хүртэл олон нийтэд нээлттэй болгоно. Иргэд 06.00-23.00 цагт уг хүрээлэнд очих боломжтой. Түүнчлэн 16 дугаар хаалгаар нь үнэ төлбөргүй дотогш нэвтрэх юм. Тэнд дасгал хөдөлгөөн хийх, чөлөөт цагаа өнгөрүүлэх боломжтой гэнэ. Мөн ариун цэврийн өрөөг нь ашиглаж болох аж. Иргэд дотор талбайд тамхи татахгүй, хог хаяхгүй байхыг Төв цэнгэлдэх хүрээлэнгийнхэн уриаллаа.
2024-07-17
“Буудлагын холбооныхны ирүүлсэн мэдүүлгийг л бид баталгаажуулсан”
“Парис-2024” зуны олимпын наадмын буудлагын төрөлд өрсөлдөх тамирчдын мэдүүлгийг Монголын үндэсний олимпын хороо (МҮОХ)-ныхон дутуу бөглөж явуулсан гэх шүүмжлэл олон нийтийн анхаарлыг татаад байна. Буудлагын тамирчин О.Есүгэн анх цахим орчинд энэ талаар мэдээлсэн юм. Тэрбээр “Монгол Улсын буудлагын спортын үндэсний шигшээ багийн тамирчин Оюунбатын Есүгэн миний бие 2023 оны дэлхийн аварга шалгаруулах тэмцээний50 метрийн 3х20 дасгалд оролцож, “Парис-2024” олимпод өрсөлдөх эрхээ авсан
2024-07-17
Олон улсын биологийн олимпиадаас хос хүрэл медаль хүртлээ
Монгол сурагчид 35 дахь удаагийн олон улсын биологийн олимпиадаас хос хүрэл медаль хүртлээ. Олон улсын биологийн олимпиадыг Казахстан улсын Астана хотод энэ сарын 7-14-нд зохион байгуулсан юм. Уг олимпиадаас “Шинэ-Үе” сургуулийн 12 дугаар ангийн сурагч Г.Мишээл, МУИС-ийн “Байгаль-Эх” лицей сургуулийн сурагч Г.Ирээдүй нар хүрэл медаль хүртжээ. Г.Мишээл нь Азийн бүсийн биологийн олимпиадаас өнгөрсөн сард мөнгөн медаль хүртэж байсан билээ.
2024-07-17
Дархан аваргатай, даяар дуурсах мэргэнтэй наадам
Үндэсний цэнгэл баяслын илэрхийлэл, монголчуудын дэлгэр зуны улиралд хурд, цэц мэргэн, бяр хүчээ алдаршуулдаг баяр наадам өргөн дэлгэр болж өндөрлөлөө. Энэ л үед тархай бутархай монголчууд нэг дор цуглаж, хөөрч, баярлаж, үндэсний хэмээх ижилсэл, омогшил бий болчихдог. Үндэсний их баяр наадам бол бэлгэдлийн утгаараа ч тусгаар тогтнол, төрт улсыг агуулдаг. Нэгэн цаг хугацаанд ижил зан үйлийг нийтээрээ тэмдэглэж байна гэдэг нь хүмүүсийг соёл, үнэт зүйл, үзэл санааны хүрээнд нэгтгэж байгаа явдал хэмээх нь ч бий. Наадмын өдрүүдэд нийслэл сэлүүхэн, намуухан болчихдог ч Төв цэнгэлдэх хүрээлэн хөл хөдөлгөөн ихтэй, басхүү сонин, содон үйл явдалтай өнгөрөв.
2024-07-17
Хар-Ус нуурыг шим мандлын нөөц газрын сүлжээнд бүртгэв
Мароккогийн Хаант Улсын Агадир хотод болсон ЮНЕСКО-гийн Хүн ба шим мандлын хөтөлбөрийн олон улсын зохицуулах зөвлөлийн 36 дугаар хуралдаанаар Хар-Ус нуурын байгалийн цогцолборт газрыг Шим мандлын нөөц газрын сүлжээнд бүртгэжээ. Ингэснээр манай улсаас дэлхийн шим мандлын нөөц газрын сүлжээнд бүртгүүлсэн газрын тоо 10 болов.
2024-07-17
Цэцэрлэгт хамрагдах хүүхдүүдийг ирэх сарын 1-нээс бүртгэнэ
2024-2025 оны хичээлийн жилд цэцэрлэгт хамрагдах хүүхдүүдийг ирэх сарын 1-нээс бүртгэх талаар Боловсролын ерөнхий газраас мэдээлэв. Бүртгэлийг цахимаар буюу “E-Mongolia” болон боловсролын салбарын мэдээллийн “Esis” системээр явуулах аж. Боловсролын ерөнхий хуулийн 28.8-д “Боловсролын асуудал хариуцсан төрийн захиргааны байгууллагаас баталсан аргачлалын дагуу хамран сургах тойргийг боловсролын асуудал эрхэлсэн орон нутгийн байгууллага тогтооно” гэж заасан
2024-07-17
Оросын сонгодог бүтээлүүдийн шилдэг дуучнаар А.Отгонболд тодорчээ
Олон улсын дуурийн залуу дуулаачдын III уралдааны шилдгээр Монголын тенор А.Отгонболд тэргүүлжээ. Тус уралдааны шүүгчид түүнийг “Оросын сонгодог бүтээлийг мэргэжлийн өндөр түвшинд дуулсан” хэмээн онцолж, “Оросын сонгодог бүтээлүүдийн шилдэг дуучин”-аар өргөмжилжээ. Тэрбээр сүүлийн гурван жилийн хугацаанд олон улсын дуурийн өндөр чансаатай, томоохон уралдаанд тасралтгүй оролцож буй мэргэжлийн дуурийн дуучин юм.
2024-07-09
Александр Гетманский даамын хичээл заав
64 буудалт даамын сонгодог, блиц, рапид төрөлд болох тус тэмцээн орос, бразил дүрмээр явагдах юм. Тус тэмцээнд өрсөлдөх ОХУ-ын шилдэг даамчид ирсэнтэй холбогдуулан 100 буудалт даамын блиц тэмцээнийг нийслэлд зохион байгуулж байна. Энэ үеэр хойд хөршийн их мастер Александр Гетманский даам сонирхогч, хүүхэд залууст зориулсан гурав хоногийн сургалт явуулж, 100 буудалт, бразил, орос даамын хичээл заав. Даамтай холбоотой өөр нэг мэдээ дуулгахад, 2022 онд болсон өсвөр үеийнхний ДАШТ-ий үндсэн, рапид, блиц төрөлд тус бүр алтан медаль гардаж, Дэлхийн даамын холбооны мастер цолны болзол биелүүлсэн Н.Лхагвадолгорын цол батлагджээ.
2024-07-09
Хэт халуун өдрүүдэд стрессээ хянаж, эрүүл хооллох нь чухал
Түүнчлэн транс тос, давсны хэрэглээгээ багасгах нь чухал аж. Хэт халалтын үед архи, согтууруулах ундааг бага хэрэглэхийг анхааруулав. Мөн шингэн зүйлийг ойрхон хугацаанд бага багаар уух нь зүйтэй гэнэ. Хэт халалтын нөлөөгөөр бүх биеийн судас тэлснээр цусан хангамж муудаж, тархины цус харвалтад өртөх эрсдэлийг нэмэгдүүлдэг. Тиймээс зүрх судасны өвчтэй хүмүүсийн даралтыг тогтмол шалгаж, эмээ цаг тухайд нь уух хэрэгтэй. Ойрын өдрүүдэд 28-30 хэм хүрч халахыг цаг уурын байгууллагаас мэдээлээд буй.
2024-07-09
Япончууд санамсаргүйгээр хурдлахаас сэргийлэх төхөөрөмж нэвтрүүлнэ
Технологийн үйл ажиллагаа нь идэвхжсэн үед автомашины дэлгэц дээр “Хурдасгагчнаас хөлөө буулга” гэх мэт анхааруулга харагдах юм байна. Мөн хэт хурдлахаас сэргийлэх төхөөрөмжийг автомат кроптой бүхий л тээврийн хэрэгсэлд ашиглахыг шаардана гэж Японы Зам, тээврийн яамнаас мэдээлжээ. Ингэснээр жолоочийг тоормос болон хурдасгуурыг андуурч гишгэн эрсдэлд өртөхөөс хамгаална гэж үзжээ.
2024-07-09
