Төрөлт 12.6 хувиар буурлаа
Манай улсын 1000 хүнд ногдох төрөлт энэ оны эхний хагаст 8.4 болж, өмнөх жилийн мөн үеийнхээс 1.1 нэгжээр буурсныг Үндэсний статистикийн хорооноос өнгөрсөн баасан гарагт танилцуулсан “Монгол Улсын нийгэм, эдийн засгийн байдал” тайланд дурджээ. Тодруулбал, энэ хугацаанд улсын хэмжээнд 28 635 эх амаржиж, 28 846 хүүхэд мэндэлсэн байна. Амаржсан эхийн тоо 2023 оны эхний хагасынхаас 4170 буюу 12.7, төрсөн хүүхдийнх 4158 буюу 12.6 хувиар тус тус буурчээ.
2024-07-23
Эрэн сурвалжлагдаж байсан 19 этгээдийг олжээ
Цагдаагийн байгууллагынхан өнгөрсөн долоо хоногт буюу энэ сарын 15-22-ны өдөр хэрэг бүртгэлтийн 32 360, мөрдөн байцаалтын 2585 хэрэгт мөрдөн шалгах ажиллагаа явуулжээ. Үүнээс 65-ыг нь шүүхэд шилжүүлэх саналтай прокурорын байгууллагад хүргүүлсэн байна. Энэ хугацаанд 44 828 зөрчилд 44 430 хүнийг холбогдуулан шалгажээ
2024-07-23
Эрүүл мэндийн багшийг МУБИС, АШУҮИС-д бэлдэхээр болов
“Эрүүл монгол хүн” үндэсний хөдөлгөөний хүрээнд ерөнхий боловсролын сургуулиудад эрүүл мэндийн багш бэлдэх хөтөлбөрийг энэ жилээс хэрэгжүүлэхээр болжээ. Өөрөөр хэлбэл, эрүүл мэндийн хичээлийг хэн дуртай нь заах бус, мэргэжлийн багштай болох гэнэ. Үүний хүрээнд орон даяар эрүүл мэндийн багшийн элсэлт авч буй аж. Биологи болон нийгмийн ухааны хичээлээр элсэлтийн шалгалт өгч, 450-иас дээш оноо авсан хүүхдүүд эрүүл мэндийн багшаар суралцах боломжтой. Мөн түүх, монгол хэлний хичээлээр шалгалт өгсөн байж болох гэнэ
2024-07-23
Улаанбаатар хотын замын 70 хувь нь ус зайлуулах шугам сүлжээгүй
Аадар бороо орсонтой холбоотойгоор нийслэлд цөөнгүй асуудал тулгарав. Тухайлбал, Яармагийн зам уржигдар усанд автлаа. Тиймээс онцгой байдлын алба хаагчид авто замд тогтсон усыг соруулжээ. Улаанбаатар хотын тухайд ус зайлуулах шугам сүлжээ хангалтгүйгээс нийтийн эзэмшлийн зам, талбай усанд автаад байна. Нийслэл 1250 км авто замтайгаас 70 хувь нь ус зайлуулах шугам сүлжээгүй аж.
2024-07-23
Допинг илэрсэн гурван бөхийг баяр наадмын комиссынхон дуудаж уулзжээ
Үндэсний их баяр наадамд амжилт гаргасан 32 бөх, 16 харваачаас допингийн шинжилгээ авсан билээ. Шинжилгээний хариуны талаар Үндэсний бөхийн салбар хороо, Монголын үндэсний допингийн эсрэг байгууллагаас энэ сарын 17-нд мэдээлэл өгсөн. Ингэхдээ ХБНГУ-ын Дресден хот дахь лабораторид 48 сорьц илгээснээс дөрөв нь сэжигтэй гарсан талаар дурдсан юм. Тэгвэл гурван бөхөөс допинг илэрсэн нь баталгаатай болсон гэх мэдээлэл цахим орчинд тархаад байна. Тодруулбал, шинжилгээний хариу ирээгүй байсан тамирчид буюу гурван бөхийн сорьцоос допингийн төрлийн бодис илэрсэн нь тогтоогдсон гэнэ. Харин нэг тамирчны хариу ирээгүй байгаа аж. Үндэсний бөхийн салбар хорооныхон өчигдөр хориотой бодис илэрсэн гурван бөхийг дуудан уулзаж, шинжилгээний хариуг нь танилцуулсан аж
2024-07-23
У.Бямбажаргал Челтенхемийн урлагийн наадамд оролцохоор шалгарлаа
Залуу уран бүтээлч У.Бямбажаргал Челтенхемийн урлагийн наадамд нийтийн ханын зураг зурахаар шалгарсан байна. Уг наадмыг Их Британи Умард Ирландын Нэгдсэн Хаант Улсад энэ сарын 27-28-нд зохион байгуулах юм. Британийн төдийгүй олон улсын ханын зураачид эл наадамд оролцож, нийтийн гудамж, талбайд бүтээлээ туурвидаг. Энэ жил уг наадамд 100 гаруй уран бүтээлч оролцохоор шалгарчээ.
2024-07-22
Ахмад настны асаргаа, сувилгаанд туслах үйлчилгээ нэвтрүүлэв
Ахмад настны болон мэс заслын дараах асаргаа, сувилгаанд туслах үйлчилгээг “DTM home care” компанийнхан нэвтрүүлжээ. Тус байгууллагынхан хагалгааны дараах, өндөр настны, хавдартай өвчтөнийг асрах үйлчилгээ үзүүлдэг. Мөн хэвтрийн дэглэмтэй хүнд гэрээр асаргаа хийдэг юм байна. Шаардлагатай тохиолдолд тухайн үйлчлүүлэгчид эмчийн зөвлөмжийн дагуу эм, тариа хийдэг аж
2024-07-22
Байгалийн мөөгийг зөв таних, түүх сургалт зохион байгуулав
ШУА-ийн Ботаникийн цэцэрлэгт хүрээлэнгийн 50 жилийн ойд зориулсан байгалийн мөөгийг зөв таньж тодорхойлох, түүн бэлтгэх танхимын болон хээрийн сургалт өнгөрсөн бямба гарагт боллоо. Олон нийтэд зориулсан, үнэ төлбөргүй үйл ажиллагаанд 30 гаруй хүн оролцож, мөөгний талаарх ойлголт, мэдлэгээ тэлжээ. Хээрийн сургалтыг Богдхан уулын Зайсангийн амны баруун хойд энгэрт явуулсан бол танхимынхыг нь ХААИС-ийн Биотехнологийн сургуульд зохион байгуулсан аж.
2024-07-22
Д.ТҮВШИНТӨР: Монгол мастерын чадварыг дэлхийд таниулах зорилготой
Хөгжмийн зэмсэг урлаач Д.Түвшинтөртэй ярилцлаа. Тэрбээр амьдралынхаа 35 жилийг хөгжмийн зэмсэг урлахад зориулсан, Монголын хамгийн анхны дипломтой, албан ёсны хөгжмийн мастер юм. Түүний урласан бүтээлүүд өдгөө мэргэжлийн урлагийн бүх байгууллагад бий. Мөн тэрбээр “Сеттимо” хөгжим урлалын компанийн захирлаар ажилладаг билээ.
2024-07-22
Азийн эко аялал жуулчлалын сүлжээ байгууллагын ээлжит хурлыг Монголд зохион байгуулна
“Монголын аялал жуулчлалын холбоо” төрийн бус байгууллага тогтвортой аялал жуулчлалыг хөгжүүлэх зорилготой Азийн эко аялал жуулчлалын сүлжээ (AEN) бүс нутгийн байгууллагад 2024 онд гишүүнээр элссэн билээ. Ингэснээр байгаль орчныг хамгаалах, нутгийн иргэдэд түшиглэсэн тогтвортой аялал жуулчлалыг дэмжих, хүний нөөцийг хөгжүүлэхэд чиглэсэн сургалт, судалгааны ажлуудыг зохион байгуулах, сонирхогч талуудын хоорондын сүлжээ, хамтын ажиллагааг өргөжүүлэх зэрэг олон төрлийн үйл ажиллагааг хамтран хэрэгжүүлэх нөхцөл бүрдсэн юм
2024-07-22
Л.Энх-Амгалангийн балгийг П.Наранбаяр баллуурдах уу
Шинээр бүрдсэн Засгийн газарт ХҮН намыг төлөөлөн орсон хоёр гишүүний нэг П.Наранбаяр маш хүнд салбар хүлээн авав. Харин сайдын “авшиг”-тай Л.Энх-Амгалан хоёр дахь яамаа даргалахаар явж, боловсролын салбар нь бахь байдгаараа үлдлээ. Улсын хамгийн чухал уг салбарын сайдын тамгыг сүүлийн гурван жил атгасан ч тэрбээр удаан хугацаанд ужгирсан асуудлуудыг төдийлөн нимгэлж чадсангүй. Тэгсэн атлаа дэвшээд ч байгаа юм шиг дараагийнхаа яамыг удирдах нь зөв үү.
2024-07-22
Бурхан буудай уулыг анх удаа тахив
Говь-Алтай аймгийн Бигэр, Цогт, Халиун сумын нутагт орших Бурхан буудай хайрхан уулыг тайх ёслол өнгөрсөн бямба гарагт буюу долоодугаар сарын 20-нд боллоо. Монголчууд эртнээс бурхан хэмээн хүндэтгэж, дээдлэн шүтэж ирсэн хоёр их хайрхны нэг болох Алтайн нурууны салбар Бурхан буудай уулын унаган төрх, ургамал, амьтан, түүх соёлын дурсгалыг хамгаалах зорилгоор Ерөнхийлөгч У.Хүрэлсүх 2023 онд зарлиг гаргаж, төрийн тахилгатай болгосон юм. Тэгвэл тус уулыг тахих ёслолыг XVII жарны хилэнт эх хэмээх модон луу жилийн зуны адаг цагаагчин хонь сарын хөхөгчин тахиа өдөр ийнхүү анх удаа зохион байгуулав
2024-07-22
Усны ослоор амиа алдсан иргэдийн 14 хувь нь сэлж чаддаг байжээ
Сүүлийн 10 жилийн хугацаанд манай улсад 1044 хүн усанд осолдож, амиа алдсаныг ОБЕГ-ын Урьдчилан сэргийлэх газраас мэдээллээ. 2016 онд хамгийн олон буюу 141 хүн усны ослоор амиа алдсан байна. Өнгөрсөн онд 66 хүн ийм байдлаар энджээ. Усанд осолдсон иргэдийн 32 хувь нь морь, мотоцикль, автомашинаар гол гатлах гэж байжээ. Амиа алдагсдын 14 хувь нь сэлэхээр, дөрвөн хувь нь хүн аврахаар, долоон хувь нь согтууруулах ундаа хэрэглэсэн үедээ усанд орж энджээ. Энэ оны эхний зургаан сарын байдлаар 12 хүүхэд усанд осолджээ
2024-07-22
Солонгос эмч нар бохир багажаар үзлэг хийж, иргэдийг хохироожээ
Хэнтий аймгийн Биндэр сумын Эрүүл мэндийн төвийн гэрээт эмч Х.Хонгорзул цахим хуудсандаа шүгэл үлээсэн нь олны анхаарлыг татаж буй. Тодруулбал, тус сумд сайн дурын ажил хийхээр ирсэн солонгос шүдний эмч нар багажаа ариутгалгүй, салфетикаар арчиж хэрэглэсэн. Мөн шүлс сорогчийг солилгүйгээр дараагийн хүнд үйлчилж байсан тухай бичжээ.
2024-07-22
Мухартын гол ширгэх дөхжээ
Завхан аймгийн Эрдэнэхайрхан сумын нутаг дахь Мухартын гол нь жуулчдын зорин очих дуртай газруудын нэг. Гэтэл сүүлийн жилүүдэд уг голыг зорин очих хүний тоо улам нэмэгдсэний хэрээр байгалийн унаган төрхийг нь алдагдуулах болжээ. Тухайлбал, тэнд очсон хүмүүс цанаар гулгаж, элсийг нь нураадаг, ойр орчимд нь хог тарьж, бие засах зэргээр явсан газартаа балаг тарьдаг байна.
2024-07-22
Олон улсын хэмжээний таван тэмцээн зохион байгуулна
Манай улсад энэ жил спортын салбарт тив, дэлхийн чанартай, чансаа өндөр найман тэмцээн зохион байгуулахаар төлөвлөжээ. Тэдгээрээс одоогоор хоёр нь болоод байна. Тухайлбал, энэ он гарснаас хойш мөсний загасчлалын ДАШТ, бодибилдинг, фитнесийн Ази тивийн аварга шалгаруулах тэмцээн манайд болсон. Тэгвэл ойрын хугацаанд олон улсын таван томоохон тэмцээнд манайд болох нь. Тун удахгүй буюу энэ сарын 22-28-нд чөлөөт нисэх загварын Ази, Номхон далайн орнуудын аварга шалгаруулах тэмцээнтэй. Мөн ирэх сарын 6-11-нд олон улсын хүүхдийн X наадмыг манай улс зохион байгуулна
2024-07-19
Өсвөр үеийнхний сэтгэл зүйн эрүүл мэндийг дэмжих нь
Өсвөр үеийн хүүхдийн хөгжлийг зуны амралтынх нь хугацаанд дэмжих “Positive youth” хөтөлбөр үргэлжилж байна. “Positive dadal” болон “HabiDo” аппликэйшн хөгжүүлэгч залуус хамтран дээрх хөтөлбөрийг санаачилжээ. Үүнд оролцогчдыг өдгөө бүртгэж буй аж. Бүртгэлийг энэ сарын 21-нийг дуустал үргэлжлүүлэх бөгөөд 16-19 насныхан хамрагдах боломжтой
2024-07-19
Морин хуурын наадамд 168 уран бүтээлч оролцож байна
Морин хуурын олон улсын VII наадмыг Өмнөговь аймагт зохион байгуулж буй бөгөөд 168 уран бүтээлч оролцож байна. Мэргэжлийн, сонирхогчдын, морин хуур урлаачдын гэсэн төрөлд оролцогчид өрсөлдөж буй юм. Сонирхогчдын төрөлд Монгол, АНУ, БНХАУ, Япон зэрэг улсаас 9-62 насны 77 оролцогч өрсөлдөж байна. Морин хуур урлаачдын нэгдүгээр шатны дүн өчигдөр гарсан бөгөөд 46 хүн оролцсоноос 23 нь цааш өрсөлдөхөөр шалгарчээ.
2024-07-19
Их, дээд сургуулиуд элсэгчдээ хүлээн авч эхлэв
Элсэлтийн шалгалтын онооны жагсаалт гарч, сурагчид үүний дагуу их, дээд сургуульд элсэх үйл ажиллагаа үргэлжилж байна. Тухайлбал, МУИС-д элсэх эрх олгох үйл ажиллагаа энэ сарын 22 хүртэл үргэлжлэх юм. Энэ хугацаанд бүртгүүлэгчид онооны жагсаалтын дагуу хамгийн өндөр үзүүлэлттэйгээсээ эхлээд мэргэжлээ сонгоно. Онооны үзүүлэлтээр эхэнд бичигдсэн бүртгүүлэгчид өөр мэргэжил сонгосон тохиолдолд дараагийн хүүхдэд элсэх эрх нээгдэнэ
2024-07-19
