Өнөөдөр гадаа -17 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 345 дахь өдөр юм. Мөн он дуустал 20 өдөр үлдэж байна.
- Цаг агаар өдөртөө -17 хэмийн хүйтэн бол шөнөдөө -22 градус хүйтэн байх нь ээ.
- Билгийн тооллын 29, Онгоц одтой, харагчин туулай өдөр. Сумъяа гараг. Өдрийн наран 8 цаг 31 минутад мандан, 16 цаг 59 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лусыг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Сэтгэлд сэвтэй газар очих, газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3430.00 төгрөг, зарах нь 3435.00 төгрөг байна. Харин рублийн авах ханш 37.00, зарах ханш 37.60, юанийн авах ханш 480.00, зарах ханш 482.50, вонийн авах ханш 2.63, зарах ханш 2.65 төгрөг байна.
Өнөөдөр болох онцлох үйл явдлууд:
- 09.00 цагт: Төрийн ордонд: Төрийн байгууллагуудын мэдээллийн технологийн мэргэжилтнүүдийн “Админ-2023” уулзалт өдөрлөг болно.
- 09.00 цагт: “Туушин” зочид буудалд: Тогтвортой аялал жуулчлал-Ногоон хөрөнгө оруулалт” чуулган болно. Утас:8916-7728. 9918-4641.
- 09.30 цагт: Шатахууны нийлүүлэлт, хангамжийн талаар УУХҮ-ийн сайд Ж.Ганбаатар мэдээлэл өгнө. Утас: 9204-9000.
- 10.00 цагт: УИХ дахь намуудын бүлэг болон Ажлын хэсгүүд хуралдана.
- 11.30 цагт: ХҮН намаас хэвлэлийн бага хурал зарлажээ. Утас: :8608-1326.
- 12.00 цагт: УИХ-ын Хянан шалгах түр хорооноос төрийн болон орон нутгийн өмчит зарим компаниудын үйл ажиллагаанд хийсэн хяналт шалгалтын тайланг танилцуулна.
Энэ өдөр дэлхийн түүхэнд:
- 1941 — Герман, Итали улс АНУ-д дайн зарлажээ.
- 1946 — НҮБ-ын дэргэд ЮНИСЕФ байгуулагдав.
- 1972 — Южин Сернан, Харрисон Шмитт нар Аполлон-17-гоор сарны гадаргуу дээр буусан нь сар руу хийсэн зургаа дахь бөгөөд 20 дугаар зууны сүүлчийн нислэг байжээ.
- 1994 — Чеченийн нэгдүгээр дайн эхлэв.
- Олон улсын уулын өдөр.
- Аргентинд Үндэсний тангогийн өдөр.
