Хичээлийн шинэ жилийг угтсан үзэсгэлэн худалдаа зохион байгуулах нь
2024-2025 оны хичээлийн шинэ жилийг угтан хичээлийн шинэ жилийн үзэсгэлэн худалдаа зохион байгуулахаар болсноо Улаанбаатар хотын Захирагчийн ажлын албанаас мэдээлэв. Нийслэлийн есөн дүүргийн 15 байршилд ийм арга хэмжээг өнөөдрөөс эхлүүлэх нь. Сурагч, оюутан, эцэг, эхчүүдэд ойрхон, хүртээмжтэй, харьцангуй хямд үнээр хичээлийн хэрэгсэл, дүрэмт хувцас, шаардлагатай бусад хэрэгслийг худалдан авах боломжийг үзэсгэлэн худалдаагаар бүрдүүлэх зорилго тавьжээ
2024-08-01
“Ачит ихт”-ийн зэсийн үйлдвэрийн далан халих эрсдэл тулгарчээ
Аж үйлдвэр, эрдэс баялгийн сайд Ц.Туваан “Эрдэнэт үйлдвэр” ТӨҮГ-ын хүдрийн овоолгыг ашиглаж байгаа “Ачит ихт” ХХК-ийн катодын зэсийн үйлдвэрийн нөхцөл байдалтай танилцсан талаар өчигдөр Засгийн газрын гишүүдэд мэдээлэл өглөө. Тус компанийн ашиглаж байгаа хүдрийн овоолго, катодын зэсийн үйлдвэрлэлийн үйл ажиллагаанд цахилгааны болон усны хязгаарлалт тавьсантай холбоотойгоор цөөрмийн дүүргэлт нэмэгдэж, далан халих, уусмалын ууршилт температурын бууралтаас хамаарч багасах зэрэг асуудал тулгарчээ
2024-08-01
Орос, Хятад, Солонгосоос хамгийн олон жуулчин иржээ
Монголд сүүлийн зургаан жилийн хугацаанд хамгийн олон иргэн нь жуулчилж ирсэн 10 орныг аялал жуулчлалын байгууллагуудаас танилцуулав. Жагсаалтын эхний таван байрт Орос, Хятад, Өмнөд Солонгос, Казахстан, Япон Улс орсон байна. Тодруулбал, энэ хугацаанд өмнөд хөршөөс хамгийн олон буюу 701 426, хойд хөршөөс 486 677, Солонгосоос 393 013, Казахстанаас 74 371, Японоос 74 138 иргэн аялал жуулчлалын зорилгоор Монголд иржээ. Харин сүүлийн байруудад Америк, Герман, Беларусь, Тайвань, Турк эрэмбэлэгдэж буй аж.
2024-08-01
Олон улсын математикийн олимпиадаас багийн төрөлдгурван мөнгөн медаль хүртэв
Бага, дунд ангийн сурагчдын олон улсын математикийн олимпиадын багийн төрөлд монгол хүүхдүүд хоёрдугаар байр эзэллээ. Эл олимпиадыг Энэтхэг улсад өнгөрсөн сарын 26-31-нд зохион байгуулсан юм. Монголын сурагчид ганцаарчилсан бодолтын төрлөөс таван мөнгө, 10 хүрэл медаль хүртэж, зургаа нь шагналт байрт шалгарав. Мөн багийн төрөлд гурван мөнгө хүртжээ.
2024-08-01
Борооноос “ургац хураах” аргаа хэзээ олох вэ
Улаанбаатар хотод өнгөрсөн сарын 20-нд орсон борооны улмаас усанд автсан гэх 20 дуудлага холбогдох байгууллагынхан нь хүлээн авчээ. Тэдгээрийн дагуу мэргэжлийн байгууллагынхан нийслэлийн 28 байршилд ажиллаж, 14 403 тонн ус соруулсан байна. Өнгөрсөн оны энэ үед ч 3000 тн борооны ус соруулж байжээ. Ийм хэмжээний ус хаачдаг вэ, дахин боловсруулж, ашигладаг уу гэдгийг албаныхнаас тодруулахад “Соруулж авсан усаа ойролцоох даланд асгадаг” гэж хариулсан юм. Дэлхий нийтээр усны хомсдолд орох эрсдэл ойрхон байгааг сануулсаар атал манайд ийнхүү тонн тонноор нь усаа асгасаар буй нь харамсалтай.
2024-08-01
Украин тамирчны гэнэтийн медаль
Парисын олимпоос Украины багийн эхний медалийг туялзуур сэлмийн нэрт тамирчин О.Харлан хүртлээ. Тэрбээр эмэгтэйчүүдийн сэйбрийн ганцаарчилсан төрөлд хүрэл медалийн эзэн болсон юм. Украин тамирчин БНСУ-ын Чой Сэ-Бинд 11:5-ын харьцаатай хожигдож байсан ч “барьж”, 14:15-аар ялснаар олимпоос гурав дахь хүрэл медалиа хүртэв. Үүнээс гадна түүнд ДАШТ-ий дөрвөн алтан медаль, 2008 оны олимпоос багийн төрөлд хүртсэн алтан медаль бий.
2024-07-31
Парисаар тэнэсэн учир шигшээ багаасаа хөөгдөв
Зарим тамирчин олимпын наадмын үеэр өөрийн тав тухын үүднээс тамирчдын тосгонд амьдардаггүй. Уг нь ихэнх тамирчин заавал шигшээ багтайгаа хамт байх ёстой. Тэгвэл Бразилын усанд сэлэлтийн шигшээ багийн удирдлага усанд сэлэгч А.Каролина Виейраг гэрт нь хариулах шийдвэр гаргасан байна. Учир нь тэрбээр шигшээ багийн тамирчин, найз залуу Г.Сантосын хамт дасгалжуулагчдаасаа зөвшөөрөл авалгүйгээр шөнийн Паристай танилцахаар нууцаар гарч зугаалсан аж.
2024-07-31
Р.Надаль, Н.Жокович нарын түүхэн тулаан
Талбайн теннисний амьд домгууд болох Испанийн Р.Надаль (“Их дуулга” тэмцээний 22 удаагийн аварга), Сербийн Н.Жокович (“Их дуулга”-ын 24 түрүүтэй) энэ удаагийн зуны олимпын наадмын ганцаарчилсан төрөлд таарч өрсөлдлөө. Тэдний 60 дахь удаагийн дуэль хоёр агуу тамирчны сүүлчийн өрсөлдөөн байх магадлалтай учраас Филипп Шатрьегийн нэрэмжит теннисний талбай үзэгчдээр дүүрсэн байв. Хоёр супер од өмнө нь хоорондоо 59 удаа таарч тоглоход 30-д нь Н.Жокович ялж байсан юм. Энэ удаад ч тэрбээр эртний өрсөлдөгчөө 6:1, 6:4-өөр илүүрхэн хожлоо.
2024-07-31
Медалийн чанараар манай улс 20 дугаар байрт бичигдэж байна
Зуны олимпын наадам тав дахь өдрөө үргэлжилж байна. Манай улсын хоёр тамирчин уржигдар дагах барилдаанд хүч үзсэн. Тухайлбал, жүдо бөхийн эмэгтэйчүүдийн 57 кг-ын жинд ДАШТ-ий хошой хүрэл медальт, Гавьяат тамирчин Л.Энхрийлэн өрсөлдлөө. Тэрбээр эхний хэсэгт Косовогийн бөх Нора Гяховатай таарч, торгуулиар ялалт байгуулсан. Дараагийн шатанд ХБНГУ-ын тамирчин Паулина Штаркег ялсан юм. Гэвч дараагийн шатанд БНСУ-ын тамирчин Хө Мимид дийлдэв. Улмаар дагах барилдаанд Гүржийн тамирчин Липартелиани Этерид ялагдсанаар тэмцээнээ өндөрлүүлсэн билээ. Липартелиани Этери нь өдгөө 24 настай бөгөөд “Их дуулга”-ын алт, мөнгө, хүрэл медальт тамирчин юм
2024-07-31
Олон үндэстний хоолыг нэг дороос амтлах боломжтой
Олон үндэстний хоолыг нэг дороос амтлах боломж олгодог “Улаанбаатар” хоолны фестивалийг ирэх сарын 23-25-нд уламжлал ёсоор зохион байгуулна. Монгол үндэсний хоол хүнсийг олон улсад таниулах, хоолны үйлдвэрлэл эрхлэгчдийг дэмжих нь эл үйл ажиллагааны зорилго билээ. Гудамжны хоолны үйлчилгээ эрхлэгчид төдийгүй рестораны мэргэжлийн тогооч нарын “урласан” бүтээгдэхүүнийг нэг дороос хямд үнээр худалдан авах боломжтойгоороо онцлог. Зөвхөн нийслэлд үйл ажиллагаа явуулдаг байгууллагууд бус, орон нутгийнхан ч ирж, үүнд оролцдог.
2024-07-31
Хүүхдэд зориулсан уран бүтээл туурвих залуусыг дэмжинэ
Хүүхдэд зориулсан уран бүтээл туурвих хүсэлтэй залуу уран бүтээлчдийг дэмжих зорилготой “Next generation Mongolia-2024” хөтөлбөрийг тун удахгүй эхлүүлэх гэж байна. Уг хөтөлбөрийг Олон улсын хүүхэд, залуучуудын театрын холбооны Монгол дахь үндэсний төвөөс хэрэгжүүлдэг аж. Хөтөлбөрт оролцогчдыг уран бүтээлийн судалгаа хийж, төсөл бичих чадварт сургах нь
2024-07-31
“Харанга” хамтлаг 35 жилийн ойн наадмаа Төв цэнгэлдэх хүрээлэнд хийхээ зарлав
Төрийн шагналт “Харанга” хамтлагийнхан “Амьдрал 35” гэх амьд хөгжмийн наадмаа ирэх сарын 24-нд Төв цэнгэлдэх хүрээлэнд толилуулна. Тус хамтлагийн 35 жилийн ойг угтсан энэхүү амьд хөгжмийн наадам нь есөн цагийн турш үргэлжлэх бөгөөд Монголын рок попын шилдгүүдийг нэг дор цуглуулах гэнэ. “Амьдрал 35” наадмын тасалбарыг худалдаанд гаргаад буй бөгөөд 79-129 мянган төгрөгөөр борлуулж байна.
2024-07-31
Алдарт тенор Пласидо Доминго Монголд анх удаа дуулахаар боллоо
Дэлхийн алдарт гурван тенорын нэг, удирдаач, Лос-Анжелесийн Дуурийн театрын ерөнхий захирал Пласидо Доминго АПУ компанийн урилгаар манай улсад ирж, ДБЭТ-ын тайзнаа тоглох гэж байна. Тус компанийнхан түүнийг Ардын жүжигчин Э.Амартүвшингээр зуучлуулан урьсан аж.
2024-07-31
Шилдэг эмэгтэй эрдэмтнийг шалгаруулах нь
Шилдэг эмэгтэй эрдэмтдэд олгодог “OWSD-Elsevier foundation award” шагналын эзнийг Дэлхийн хөгжиж буй орнуудын эмэгтэй эрдэмтдийн байгууллага (OWSD)-аас шалгаруулдаг. Шинжлэх ухааныг хөгжүүлэхэд онцгой хувь нэмэр оруулсан эмэгтэй эрдэмтдийн ололт амжилтыг сайшаан урамшуулах зорилгоор 2012 оноос уг шагналыг олгож эхэлжээ. Латин Америк ба Карибын тэнгис, Зүүн болон Зүүн өмнөд Ази, Номхон далайн бүс нутаг, Төв ба Өмнөд Ази, Сахар орчим болон Африк гэсэн таван бүсээс тус бүр шилдэг нэг эрдэмтнийг шалгаруулдаг аж
2024-07-31
“Нүүдэлчин” соёлын фестивалийг ирэх сарын 16-18-ндзохион байгуулна
“Нүүдэлчин” соёлын фестиваль Налайх дүүргийн нутаг дахь Тайж хайрхны бэлдирэх сарын 16-18-ндболно. Уг наадмыг Соёл, спорт, аялал жуулчлал, залуучуудын яам болон Соёл урлагийн газар хамтран зохион байгуулах юм. Өв соёлоо жуулчдадболон залуу үеийнхэндээтанилцуулах, уламжлуулахаар эл фестивалийг жил бүр уламжлал болгон хийж байгаа. Мал маллах арга ухаан, эсгий урлал, зүү ороох, уламжлалт тоглоом наадгай зэргийг энэфестивалиар танилцуулдаг. Ингэхдээөв соёлоо хадгалж үлдэхээр хичээж буй өв тээгчдийг оролцуулдгаараа онцлогтой
2024-07-31
Жаргалантын аманд үерийн далан барих ажлыг эхлүүлжээ
Хан-Уул дүүргийн 21 дүгээр хорооны нутаг дэвсгэр буюу Жаргалантын аманд нэг км үерийн далан барих ажлыг өчигдрөөс эхлүүлжээ. Тухайн хэсэгт байрладаг Эх, нярай, эмэгтэйчүүдийн үндэсний төв, Архивын ерөнхий газар, Иргэний нисэхийн ерөнхий газар орчмын айл өрх, аж ахуйн нэгжүүд өмнөх жилүүдэд үерт авдаг байсан аж. Тиймээс үерийн далан барих ажлыг 2022 оноос эхлүүлж, өнгөрсөн хугацаанд 800 метр байгууламж бий болгосон гэнэ. Тэгвэл өдгөө даланг нэг км-ээр уртасгаж, өргөтгөх ажлыг сарын хугацаанд хийж дуусахаар төлөвлөснөө “Геодез, усны барилга, байгууламжийн газар” ОНӨААТҮГ-аас мэдээлэв.
2024-07-31
Цаг уурчид БНСУ-д сургалтад хамрагдаж байна
Монгол, БНСУ-ын цаг уурын байгууллагууд хамтран “Монгол Улсад цаг уурын ажиглалтын мэдээ, мэдээллийн нэгдсэн системийг суурилуулах төсөл” хэрэгжүүлж буй. Үүний хүрээнд манай улсын Цаг уур, орчны шинжилгээний газар, тус орны Цаг уурын алба хамтран “Цаг уурын ажиглалтын мэдээ, мэдээллийг ашиглах чадавхыг бэхжүүлэх нь” сэдэвт сургалтыг Өмнөд Солонгост зохион байгуулж байна. Сургалтад Ус, цаг уур, орчны судалгаа, мэдээллийн хүрээлэн, Цаг уур, орчны шинжилгээний газар болон Байгаль орчин, хэмжил зүйн төв лабораторийн найман мэргэжилтэн хамрагдаж буй аж
2024-07-31
Чингэлтэй дүүргийн зарим хороонд цахилгаан нэг цаг гаруй тасалдав
Чингэлтэй дүүргийн 2-3 дугаар хороонд өчигдрийн 17.40-19.00 цагт цахилгаан тасрав. Урьдчилан мэдэгдэлгүйгээр ийнхүү цахилгаан тасалснаас дээрх хороодод байрладаг байгууллагуудын үйл ажиллагаа саатахад хүрсэн юм. Цахилгаан яагаад гэнэт тасарсан талаар “Улаанбаатар цахилгаан түгээх сүлжээ” компанийнхнаас тодруулахад “Гэмтэл хаана гарсныг тогтоож чадаагүй байна
2024-07-31
Аянга буусны улмаас 17 бог мал хорогдлоо
Өвөрхангай аймгийн Тарагт сумын Их булаг багийн нутагт уржигдар аянга буусны улмаас 17 бог мал хорогджээ. Аянга бууж, зургаан хонь, 11 ямаа хорогдсон тухай дуудлага онцгой байдлын алба хаагчдад тухайн өдрийн 21.00 цагийн орчимд ирсэн аж. Алба хаагчид үүний дагуу газар дээр нь ажиллаж, сэг зэмийг өчигдөр устгасан гэнэ.
2024-07-31
Цагдан хоригдох явцдаа нас барсан иргэний асуудлаар Хүний эрхийн дэд хороо хуралдлаа
ШШГЕГ-ын харьяа цагдан хорих 461 дүгээр ангид саатуулагдаж байхдаа бие нь муудаж, Улсын гуравдугаар төв эмнэлэг (УГТЭ)-т хүргэгдэн ирээд нас барсан, 21 настай Б.О-ын асуудлаар УИХ дахь Хүний эрхийн дэд хорооны өчигдөр Төрийн ордонд хуралдлаа. Хуралдааныг УИХ-ын гишүүн Х.Тэмүүжин даргалсан юм. ХЗДХ-ийн сайд О.Алтангэрэл, Бодлогын хэрэгжилтийг зохицуулах газрын дарга Л.Нямгэрэл, ХЭҮК-ын дарга Д.Сүнжид болон холбогдох албан тушаалтнууд, ЦЕГ-ын дарга Т.Сүхболд, ШШГЕГ-ын дарга Б.Нандинболор, тэргүүн дэд дарга бөгөөд Хорих ял эдлүүлэх албаны дарга А.Намсаманд, АТГ-ын Мөрдөн шалгах хэлтсийн албаны дарга Ж.Жаргаланбаатар тэргүүтэй эрх бүхий хүмүүсийг Хүний эрхийн дэд хорооноос дуудаж, албан тайлбар авсан юм
2024-07-31
