Торхтой моднууд хогийн сав болж хувирчээ

Нийтийн эзэмшлийн гудамж, тал­байд байрлуулсан торхтой гоё­лын моднууд эзэнгүй, хогийн сав болж хувирчээ. Моддыг навчсаа гөвс­ний дараа торхыг нь арчилж торддог хүн бараг байдаггүй. “Зуны гурван сар үүр­гээ гүйцэтгэсэн, одоо хэрэггүй” гэж бай­гаа мэт л модон торхнуудыг “хог дээр хая­даг” байна. Үүний уршгаар моднууд хугарч гэмтэн, торх нь тамхины иш, ар­хины шил, хог, шороогоор дүүрчээ. Өдгөө га­даа хаврын урь орж, хэзээ мөд­гүй мод, бут гөлөглөх нь. Иймд хол­бог­дох бай­гуул­лагууд гоёлын моддыг нахиа­лахаас нь урь­таж арчилж, хог, шорооноос нь салгах хэ­рэгтэй болов уу. 
Эргэн сануулахад, Улаанбаатар хо­тын Захирагчийн ажлын албанаас ний­тийн эзэмшлийн гудамж, талбайд торх­той гоёлын моднууд байршуулах ажлыг та­ван жилийн өмнөөс эхлүүлжээ. Торхтой моддыг зүлэг ногоо, бут, сөөг тарих бо­ломж­гүй газруудад байр­шуу­лахаар төлөв­лөсөн байдаг. Үүний дагуу 2020 оны хоёрдугаар сард торх­той модны сав ний­лүүлэх тендер зарлаж, ул­маар арав­дугаар сард ажлыг гүй­цэт­гэсэн байна. Ал­ба­ных­ны мэ­дээлс­нээр ний­­тийн эзэмш­лийн, мод тарих бо­ломж­гүй 84 байр­­шилд 1200 ширхэг торх байр­шуул­жээ. Торхонд мөнх но­гоон гацуур, монос, голт бор, даланхальс, гүйлс, буйлс зэ­рэг гоё­лын мод тарьсан аж.
Гэвч иргэд соёлгүйгээс эвдэлж сүйт­гэн, бохирдуулснаас болж өнгөрсөн хуга­­цаанд цөөнгүй нь үрэгдэж, хул­гайд хүртэл алдагдан, нийтээрээ хог шо­роонд дарагдаж. Уг нь торхонд мод тарьж, байршуулах нь нийслэлийн өнгө үзэмжийг нэмэгдүүлэхээс гадна ин­женерийн шугам сүлжээг гэмтээхгүй байх, зөөж сэлгэх боломжтойгоороо давуу талтай. Иймд Улаанбаатар шиг утаа, тоостой, ногоон байгууламж муутай газар иргэн бүр мод, зүлгийг гэмтээхгүй, ар­чилж, хамгаалбал тустай сан.

О.Ундрах