Өнөөдөр гадаа 17 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 18-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 138 дахь өдөр бөгөөд он дуусахад 227 хоног үлдлээ.
2. Цаг агаар өдөртөө 17 хэмийн дулаан бол шөнөдөө 3 хэмийн хүйтэн байх нь ээ.
3. Билгийн тооллын 29, Гоё хүүхэн одтой, улаан хулгана өдөр. Тухайн өдөр луу, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лусыг тахих, хүүхэд үрчлэн авах, хур оруулах, дархны үйлд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар зүүн зүгт одогсод мөрөө гаргавал зохистой. Үс шинээр үргээлгэх буюу засуулахад тохиромжгүй.
4. Манай улсын голлох валют болох ам.долларын ханш авах нь 3461.00, зарах нь 3465.00 төгрөгтэй тэнцэж байгаа бол бусад валют болох рубль авах нь 42.60, зарах нь 43.50, харин юань авах нь 496.50, зарах нь 498.50, вон авах нь 2.60, зарах нь 2.62 төгрөг байна.
Өнөөдөр болох онцлох үйл явдлууд:
- 09.00 цагт “Улаанбаатар” галерейд: Монголын Банкны холбоо, арилжааны банкууд, Монголбанк хамтран өнгөрсөн онд байгуулсан “Тэрбум мод сан”-гийн 2022-2023 оны төслийн нээлттэй сонгон шалгаруулалтаар шалгарсан төслүүдийг танилцуулж батламж гардуулна. Утас: 8868-4470.
- 09.00 цагт Төрийн ордонд: “Хөдөлмөрийн аюулгүй байдал, эрүүл ахуйн Үндэсний чуулган-II" болно.
- 09.00-13.00 цагт: ХААИС-д: “Барагшуны судалгаа ба орчин үеийн хэрэглээ” эрдэм шинжилгээ-онол, үйлдвэрлэлийн бага хурал болно.
- 10.00 цагт Улаанбаатар хот дахь Хятадын соёлын төвд: “Цайны ертөнц” үзэсгэлэн гарч, Хятадын соёл, аялал жуулчлалын өдөрлөг болно.
- 10.00 цагт МУИС-ийн Багш оюутны хөгжлийн төвд: “ШИНЭ ҮЕИЙН ЗАЛУУ СУДЛААЧ-2023” эрдэм шинжилгээний хурал зохион байгуулна. Утас: 9458-2204.
- 10.00 цагт Монголын Хөрөнгийн биржид: Худалдаа, хөгжлийн банк (ХХБ) хувьцаагаа арилжиж эхэлнэ.
- 11.00 цагт Төрийн ордонд: Засгийн газар, МҮХАҮТ-аас хамтран Монгол Улсын ТОП-100 аж ахуйн нэгжүүдийг тодруулсныг өргөмжлөх үйл ажиллагаа болно.
- 11.30 цагт “Чингис хаан”-ы музейд: "Музей тогтвортой байдал ба сайн сайхны төлөө" Олон улсын музейн өдрийн нээлтийн ёслол болно.
- 12.00 цагт Хэвлэлийн хүрээлэнд: Дундговь аймгийн Сайхан-Овоо сумын нутагт нүүрсний давхаргын метан хийн хайгуул хийж буй “Тахь ресурс ХХК” хууль бус үйл ажиллагаа явуулж буй гэх нутгийн иргэд эсэргүүцэлд хариу тайлбар мэдээлэл өгнө.
- 13.30 цагт ХНХЯ-ны үүдэнд: Ээжүүдийн төлөөлөл хүүхдийн мөнгөний талаар ХНХ-ын сайд Х.Булгантуяад шаардлага хүргүүлнэ.
Энэ өдөр дэлхийн түүхэнд:
- 332 - Аугаа Константин Константинополь хотын иргэдэд үнэгүй хоол, хүнс тараав.
- 872 - Ромын хаан ширээнд Италийн II Луй 47 насандаа хоёр дахь удаагаа суув. Тэрээр 28 насандаа 844 онд хаан ширээнд сууж байсан билээ.
- 1388 - Буйр нуурын тулаан: Хятадын генерал Лан Юүгээр удирдуулсан цэргүүд Умард Юань улсын хаан Төгс Төмөр хааны цэргүүдийг буулган авав.
- 1499 - Испанийн нэрт аялагч Алонсо де Охеда Кадизаас Венесуэль хүрэх анхны аялалдаа гарчээ.
- 1631 - АНУ-ын Массачусетс мужийн анхны амбан захирагчаар Жон Уинтроп томилогдов.
- 1652 - АНУ-ын Роүд Айленд муж боолчлолыг хууль бус гэж үзсэн Умард Америкийн анхны муж болжээ.
- 1756 - Их Британи улс Францын эзэнт гүрэнд дайн зарласнаар "Долоон жилийн дайн" эхлэв.
- 1783 - Хаант засгийн төлөөх нэгдсэн хүчний шийдвэрэрээр Канадчууд АНУ-ын захиргаанаас гарчээ.
- 1803 - Наполеоны дайн: Их Британи "Амьены гэрээ"-г цуцлан Франц улсад дайн зарлав.
- 1804 - Наполеон Бонапарт Францын Сенатын танхимд өөрийгөө эзэн хаан хэмээ зарлажээ.
- 1812 - Их Британийн Ерөнхий сайд Спенсер Персевалийн амь насанд халдсан Жон Беллингемд дүүжлэн хороох ял оноов.
- 1848 - Германын Үндэсний ассамблейн анхдугаар хуралдан Франкфурт хотноо эхэлжээ.
