Орчин үеийн ухаалаг гар утаснууд өөрсдийн эзэмшигчдийн талаарх мэдээллийг төхөөрөмж эсвэл үйлдлийн систем хөгжүүлэгчдэд тогтмол дамжуулдаг бөгөөд үүнийг хэрэглэгчид програм суулгаснаар нэг ёсондоо хүлээн зөвшөөрдөг. Гэсэн хэдий ч хэрэглэгчдийн талаархи зарим өгөгдлийг тэдний эсрэг ашиглаж магадгүй бөгөөд төхөөрөмжийн хажууд ярьсан, хэлсэн зүйл ч үүнд хамаарна гэж Group-IB дижитал шүүх эмнэлгийн мэргэжилтэн Игорь Михайлов “Прайм” агентлагт ярьжээ.
Ухаалаг гар утас эзэмшигчдийн мэдээллийг аюулгүй цуглуулж байгааг шинжээч жишээ болгон замын түгжрэлийг харуулсан үйлчилгээг дурдсан байна. "Ухаалаг утасны байршлын мэдээллийг үйлдлийн систем хөгжүүлдэг компаниудын серверт автоматаар дамжуулж, холбогдох үйлчилгээний эзэмшигчдэд худалддаг" гэж тэрбээр хэлэв.
“Харин сонсох бол өөр хэрэг. Эргэн тойрон дахийг сонсох чадвар нь хортой программуудад тааралддаг үйлдлүүд байдаг" гэж шинжээж нэмж хэлжээ.
Халдагчид таны ямар ч яриаг сонирхож магадгүй. Эцэст нь сонссон зүйлсийн ихэнх нь таны эсрэг залилан болон бусад гэмт хэрэгт ашиглагдаж болно гэж тэрбээр онцлов.
Ухаалаг гар утасны хяналтаас өөрийгөө бүрэн хамгаалах ямар ч арга байхгүй гэнэ. "Гар утасны тагнуул" нь үнэндээ үйлдлийн системийн суурилуулсан функц юм. Ухаалаг гар утас унтарсан ч мэдээлэл солилцдог. Гэсэн хэдий ч тандалтыг багасгах боломжтой гэж Михайлов тэмдэглэв.
Хэрэв таны яриаг сонсох эрсдэл байгаа гэж үзвэл төхөөрөмжийн дуу хураагч болон камерын програмын хандалтыг хязгаарлах шаардлагатай.
Мөн баталгаагүй эх сурвалжаас програм суулгахгүй байх, ашиглагдаагүй програмуудыг устгах, программуудын газарзүйн байршлын хандалтыг хязгаарлахыг мэргэжилтан зөвлөж байна.
