Цахим спортын дэлхийн аварга шалгаруулах “Perfect world Shanghai major-2024” тэмцээн энэ сарын 5-15-нд БНХАУ-ын Шанхай хотод болж байна. Уг тэмцээнд “Mon-golZ” багийнхан огт ялагдалгүйгээр 13 хожилтойгоор хошуучилж байгаа юм. Түүнчлэн ийм өндөр түвшний тэмцээний хасагдах буюу сүүлийн шатанд тунаж үлдсэн Азийн анхны баг болж, түүхэн амжилт үзүүлээд байна. Эл тэмцээний аваргыг шалгаруулах сүүлийн шатны тоглолтууд энэ сарын 12-15-нд болох аж. Сүүлийн шатанд найм баг үлдсэн бөгөөд одоогоор тоглолтын хуваарь тодорхой болоогүй.
Дэлхийн аварга шалгаруулах тэмцээний шагналын сан 1.2 сая ам.доллар агаад ялагчид 500 000 ам.долларын эзэн болох юм. “MongolZ” багийн гишүүн М.Содбаяр “Биднийг дэмжиж буй монголчууддаа баярлалаа. Дэмжсээр л байгаарай. Бидний аялал цаашаа ч үргэлжлэх болно” хэмээн ялалтынхаа талаарх сэтгэгдлээ хуваалцжээ.
А.ҮҮЛ
