Монголын ерөнхий боловсролын дунд сургуулиудын багш нарын холбоо, “Hugo and color” клубээс хүүхдийн гар зургийн улсын XIV нээлттэй олимпиадыг энэ сарын 22-29-нд зохион байгуулна. Соёлын яамны дэмжлэгтэйгээр улсын хэмжээнд зохиох уг уралдаанд ерөнхий боловсролын сургууль, МСҮТ, коллеж болон сургалтын төвүүдийн сурагч, багш нар хамрагдах боломжтой. Олимпиадад шилдгээр шалгарсан бүтээлүүдээр цуврал үзэсгэлэн гаргах аж. Мөн шилдэг 20 оролцогчид МУБИС, Дүрслэх урлагийн их сургууль, “Ихзасаг” олон улсын их сургуульд тэтгэлгээр суралцах эрх олгох гэнэ. Уламжлал болгон зохиож буй уг уралдаанд оролцогч багш, сурагчдаас шилдгийг шалгаруулахдаа эерэг хандлагыг бүтээлдээ тусгасан, эсэхийг нь харгалзан үзэх гэнэ.
Бэлтгэсэн: Б.Очгэрэл
