Эрүүл мэнд-Эрхэм баян

Үений дурангийн мэс засал эмчилгээ шинэ түвшинд хүрлээ

Гэмтэл согог судлалын үндэсний төв /ГССҮТ/-ийн салбар эмнэлгийн Спортын гэмтлийн тасгийн эмч, мэргэжилтнүүд Монгол Улсад анх удаа мөр эргүүлэгч шөрмөсний сэргээх боломжгүй урагдалд үений дурангийн мэс заслын аргаар гуяны шөрмөс шилжүүлэн нөхөн сэргээх эмчилгээ хийлээ.

2024-03-20

Улсын хэмжээнд 15 мянга гаруй өрх толгойлсон эцэг бий

Монгол Улсын нийт хүн амын 50.9 хувийг эзэлдэг эрэгтэйчүүдийн нийгмийн хөгжилд оруулах хувь нэмрийг чухалчлан үзэж, тэдэнд чиглэсэн бодлого, үйл ажиллагааг шинэ түвшинд авчрах зорилгоор “Монгол Улсын Нийгмийн хөгжилд эрэгтэйчүүдийн оролцоо, манлайлал” үндэсний чуулганыг Монгол Улсын Ерөнхийлөгч У.Хүрэлсүхийн ивээл дор хоёр дахь удаагаа зохион байгуулж байна.

2024-03-16

Төрийн нууцыг үрэгдүүлсэн албан тушаалтанд торгох ял оноолоо

Хууль зүй, дотоод хэргийн яам (ХЗДХЯ)-ны Мэдээллийн технологийн газрын даргаар ажиллаж байсан Д.Ган-Эрдэнэд холбогдох хэргийг Чингэлтэй дүүргийн Эрүүгийн хэргийн анхан шатны шүүхэд хэлэлцлээ. УИХ-ын Тамгын газрын Мэдээллийн технологийн газар, ХЗДХЯ, УБЕГ зэрэг төрийн хариуцлагатай байгууллагад ажиллаж байгаад эдүгээ Засгийн газрын Хяналт хэрэгжүүлэх газрын Менежментийн болон Дотоод хяналтын багийн даргын албан тушаалыг давхар хаших болсон түүнийг Тагнуулын ерөнхий газрын Мөрдөн шалгах газарт шалгасан.

2024-03-13

Эмийн үнийн өсөлтийн талаар нээлттэй сонсгол хийнэ

Монгол Улсын эмийн үнэ, хүртээмж, худалдан авах боломж, үнэ бүрдлийн судалгаа, эмийн үнийн өсөлтийн шалтгаан, нөхцөлийг шалгах шаардлагыг харгалзан Үндсэн хууль болон УИХ-ын хяналт шалгалтын тухай хуулийн холбогдох заалтуудыг үндэслэн “Эмийн үнийн өсөлтийн шалтгаан, нөхцөлийг хянан шалгах” түр хороог УИХ-ын өнгөрсөн оны 60 дугаар тогтоолоор байгуулсан.

2024-02-20

Осол гэмтэлтэй тэмцэх аяныг эхлүүлэв

Осол гэмтэлтэй тэмцэх аяныг ЭХЭМҮТ-өөс өчигдөр эхлүүллээ. Энэ сарын 25-ныг дуустал үргэлжлэх аяны хүрээнд сэрэмжлүүлэг, зөвлөмж мэдээллийг цахим хуудсаараа дамжуулан олон нийтэд хүргэх нь. Улсын хэмжээнд жилд дунджаар 138 мянган осол гардгийн 30 орчим хувьд нь хүүхдүүд өртдөг байна. Цагдаагийн байгууллагын мэдээллийн санд өнгөрсөн онд ахуйн болон бусад төрлийн ослоор 66 хүүхэд амиа алдсан гэх дуудлага, мэдээлэл бүртгэгджээ. Ерөнхий боловсролын сургуулийн сурагчдын амралт өдгөө үргэлжилж буй. Амралтын хугацаанд гэртээ асран хамгаалагчгүй үлдсэнээрээ тэд ахуйн хүрээний осолд өртсөн гэх дуудлага ГССҮТ-д ирэх нь ихэссэн гэнэ. Мөн цана, чарганаас унаж гэмтэх тохиолдол нэмэгдэх хандлагатай байгаа аж.

2024-01-16

Он гарснаас хойш 22 хүн ДОХ-оор өвчилснийг илрүүлжээ

Улсын хэмжээнд энэ оны эхний 11 сард 22 хүн ХДХВ/ДОХ-оор өвчилснийг илрүүлжээ. Үүнээс нэг нь өнгөрсөн сард бүртгэгдсэн аж. Энэ онд илрүүлсэн тохиолдлуудыг өнгөрсөн жилийн мөн үеийнхтэй харьцуулахад зургаагаар нэмэгдсэн юм байна. Тэдгээрийн хоёрыг нь Баян-Өлгий аймагт, 20-ийг нь Улаанбаатар хотод илрүүлсэн гэнэ. Харин эл халдварын улмаас нас барсан тохиолдол энэ онд гараагүй аж. Манай улсад анх 1992 онд ХДХВ/ДОХ бүртгэгдэж байв. Түүнээс хойш халдвар авсан хүний тоо одоогоор 368-д хүрчээ. Манай улсад илрүүлсэн бүх тохиолдол нь бэлгийн замаар дамжсан халдвар юм байна.Ташрамд дурдахад, “Глобаль” сангийн дэмжлэгтэйгээр манай улсад хэрэгжүүлж буй ДОХ, сүрьеэгийн төслийн 20 жилийн ой энэ онд тохиож буй аж. Уг төслийн үр дүнд халдварын тархалтыг хязгаарлаж чадсан бөгөөд шинэ тохиолдол 6000-д хүрч, 2000 гаруй хүн нас барахаас сэргийлж чадсан хэмээн Эрүүл мэндийн яамнаас онцоллоо. Мөн өнгөрсөн хугацаанд ХДХВ-тэй 20 эх амаржсан бөгөөд тэднээс хүүхдэд халдвар дамжаагүй гэнэ.

2023-12-12

Энхийг сахиулагчид ЭХЭМҮТ-д хүүхдийн мэс заслын хагалгааны ор бэлэглэнэ

Өнөөдөр буюу арванхоёрдугаар сарын 1-ний өдрийн 10.30 цагаас Эх, хүүхдийн эрүүл мэндийн үндэсний төвд БНӨСУ-д үүрэг гүйцэтгэсэн Монгол Улсын Зэвсэгт хүчний 12 дугаар ээлжийн цэргийн багийн удирдлага, бие бүрэлдэхүүний төлөөлөл сэтгэлийн бэлэг гардуулна. Энэхүү хүмүүнлэгийн ажлын хүрээнд хүүхдийн мэс заслын хагалгааны 3 ширхэг ор болон бусад тоног төхөөрөмжийг бэлэг болгон хандивлана.

2023-12-01

Эрүүл мэндийг дэмжих санг тав дахин “томруулна” гэв үү

Уг нь монгол иргэдээ гадаад руу явуулах бус, дотооддоо зардал чирэгдэл багатайгаар эмчлэх, цаашлаад өвчлөлийг бууруулах замаар эрүүл мэндийн салбарынхаа ачааллыг хөнгөлөх бодлого боловсруулж, хэрэгжүүлэх шаардлагатай. Гэтэл манай улс үүний эсрэг бодлогыг хуулийн түвшинд батлан хэрэгжүүлэхээр парламентаараа хэлэлцэж суугаа нь харамсалтай. Нөгөө талаар хулгай хэдийн нүүрлэсэн сангаа цэгцлээгүй байж эрх мэдлийг нь нэмж, татвар төлөгчдийн мөнгийг салхинд хийсгэх ёсгүй.

2023-12-01

Хүүхдийн мэс заслын эмчилгээнд хоёр шинэ технологи нэвтрүүлжээ

Эх, хүүхдийн эрүүл мэндийн үндэсний төв (ЭХЭМҮТ)-ийнхөн энэ онд хүүхдийн мэс заслын тусламж, үйлчилгээнд шинээр хоёр төрлийн эмчилгээ, технологийг амжилттай нэвтрүүлжээ. Үүний нэг нь цөсний ерөнхий сувгийн төрөлхийн эмгэгтэй хүүхдэд дурангийн аргаар мэс засал анх хийсэн нь аж. Мөн улаан хоолой нь төрөлхийн битүү эмгэгтэй нярайд дурангийн аргаар мэс засал анх удаа хийсэн байна. Эмчилгээ хийлгэсэн хүүхдүүдийн биеийн байдал сайжирч, мэс засал амжилттай болсон гэх үр дүн гарчээ. Ингэснээр цаашид эдгээр эмчилгээг тогтмол хийх боломж бүрдүүлжээ. Шинэ технологийг ЭХЭМҮТ-ийн Хүүхдийн эмнэлгийн Ерөнхий болон Цээжний мэс заслын, Нярайн эмгэг судлалын, Нярайн эрчимт эмчилгээний зэрэг долоон тасгийн эмч, мэргэжилтнүүд хамтран нэвтрүүлсэн аж.

2023-11-30

“Нэг худгийг 40 жорлон бохирдуулж, ундны усанд аюул учруулж байна”

Гэр хороолол харьцангуй бага, хотын төвийн бүсэд тооцогддог Зайсан орчмын орон сууцын хотхон, хорооллынхны ундны уснаас ч гэдэсний савханцар илэрснийг мэргэжилтнүүд онцлоод, нүхэн жорлонгоос болж Улаанбаатарын хөрс, ус үлэмж их хэмжээгээр бохирдсоныг хэлэв. Цаашдаа стандартын бус ариун цэврийн байгууламж нэмж бариулахгүй байх, тоог нь цөөлөх, жорлонгийн бохирдлыг бордоо болгон ашиглах саналыг дээрх агентлагаас дэвшүүлсэн юм. Энэ ажилд орон нутгийн удирдлагууд, эрүүл мэндийн салбарынхныг манлайлан оролцохыг уриаллаа.

2023-11-21

“Эрүүл шүд, эрүүл ирээдүй” аяныг эхлүүллээ

“Эрүүл шүд, эрүүл ирээдүй” аяныг АШУҮИС-ийн Нүүр, ам судлалын сургуулийхан өчигдрөөс хэрэгжүүлж эхэллээ. Аяны хүрээнд АШУҮИС оюутнуудаа Нүүр, ам судлалын болон“АШУҮИС дент” эмнэлэгтээ амны хөндийн эрүүл ахуйн үзлэгт хамруулж, эмчилгээний зардлаас 30 хувийг нь хөнгөлнө. Түүнчлэн ажилчдынхаа төлбөрийн 15 хувийг чөлөөлөх нь. Мөн сургуульдаа шүд угаах өрөөтэй болсон байна. Цаашид салбар сургуулиуддаа ч ийм өрөө нээх нь. Улсын хэмжээнд ирэх оноос хэрэгжүүлэх “Эрүүл шүд” арга хэмжээний хүрээнд тус сургууль дээрх аяныг санаачилсан гэнэ. Энэхүү аяныг өчигдрөөс эхлээд цаашид тогтмол хэрэгжүүлэх аж.

2023-11-10

Он гарснаас хойш 54 хүн угаарын хийд хордож нас барсан байна

Энэ он гарснаас хойш угаарын хийд 2000 гаруй иргэн хордсон байна. Тэднээс 54 нь нас баржээ. Тэр дундаа Сонгинохайрхан, Баянзүрх, Чингэлтэй дүүрэгт хамгийн олон хүн угаарт өртсөн аж. Харин Налайх дүүрэгт өнгөрсөн оны аравдугаар сараас хүйтний улирал дуусталх хугацаанд 45 иргэн угаарын хийд хордсон гэсэн мэдээлэл бүртгэгдсэн гэнэ. Энэ нь бусад дүүргээс хамгийн бага нь. Үүний дагуу холбогдох мэргэжилтнүүд шалтгааныг нь тодруулахад ихэвчлэн айлууд угаарын хий мэдрэгч төхөөрөмжөө салгасан, яндангаа хөөлөөгүй, зөв галлаагүй, зуухны бүрэн бүтэн байдал алдагдсан зэрэг зөрчил илрүүлжээ. Нийслэлийн хэмжээнд гэр хороололд 200 000 орчим айл өрх бий.

2023-11-03

Сүхбаатар дүүргийн эмнэлгийн барилгын ажил 90 хувьтай байна

Орон нутгийн хөгжлийн сангийн хөрөнгө оруулалтаар тус ажлын зураг төслийг “Дукат” компанийнхан боловсруулжээ. Барилгын ажлын ерөнхий гүйцэтгэгчээр “Ванхүү” компанийнхан ажиллаж буй юм байна. Уг ажлыг 2021 оны наймдугаар сард эхлүүлсэн бөгөөд ирэх жилийн хоёр дугаар улиралд багтаан ашиглалтад оруулах аж. Эмнэлэгт шаардлагатай 149 нэр, төрлийн 652 тоног төхөөрөмжийг одоогоор худалдан авчээ. Үлдсэн тоног төхөөрөмжийг авах санхүүжилтийг дүүргийн 2024 оны төсөвт тусгахаар төлөвлөсөн гэнэ.

2023-11-02

М.Бадарчийн бие тогтворжжээ

М.Бадарч Хан-Уул дүүргийн 4 дүгээр хорооны нутаг дэвсгэр, Баясах трейд ХХК-ны хашаанаас урагш 2.5 километр зайтай Богд-Уулын ар бэлээс улсын дугааргүй UVT маркийн тээврийн хэрэгсэл жолоодож яваад онхолдсон. Улмаар Гэмтэл согог судлалын үндэсний төвд хүргэгдсэн.

2023-09-07

АШУҮИС-д гадаадын есөн орны 310 оюутан сурч байна

Монгол Улсын дээд боловсролын ууган байгууллагын нэг Анагаахын Шинжлэх Ухааны Үндэсний их сургууль 81 дэх хичээлийн жилийнхээ нээлтийг хийлээ. Нээлтэд Эрүүл мэндийн дэд сайд С.Энхболд, АШУҮИС-ийн Удирдах зөвлөлийн дарга Ц.Эрдэмбилэг, Монгол Улсын Ардын багш, Эрүүлийг хамгаалахын гавьяат ажилтан Ц.Лхагвасүрэн, Монгол Улсын Ардын багш А.Гүрбадам болон тус сургуулиас төрөн гарсан гавьяатууд, эрдэмтэн багш, оюутан сурагчид оролцов.

2023-09-02