Улаанбурханы халдвар авсан хүний тоо өдрөөс өдөрт нэмэгдсээр байна. Халдварт өвчин судлалын үндэсний төвийн мэдээлснээр, халдварын батлагдсан тохиолдол 185 байна. Харин уг өвчний хавьтлын тоо 7220-д хүрчээ. Одоогоор, эмнэлэгт 120 хүн эмчлүүлж байна. Харин эдгэрсэн 51 хүн байна.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой гэдгийг зөвлөлөө.
