YOJ LOL-ын хамт олон анхны тайзны бүтээл болох "ШИДЭТ ЧУЛУУНЫ ЭРЭЛД" хүүхдийн зохиолоо шинэчлэн бичжээ. Өнөө жил тэд үзэгч хүүхдүүдийг илүү олон үлгэрийн баатартай уулзуулахаар шамдан ажиллаж буй гэсэн. Адал явдалт "ШИДЭТ ЧУЛУУНЫ ЭРЭЛД" жүжиг ирэх бямба гарагт хөшгөө нээнэ. УБ паласт 12.00, 15.00 цагуудаас тоглох эл жүжиг сюрприз дүүрэн байх нь. Нэг нууц задлахад жүжиг үзсэн хүүхдүүдээс 10 авьяаслаг сурагчдыг сонгож, "Ноён талх ба түүний найзууд"-тай нэг өдрийг зугаатай өнгөрүүлэх боломж олгоно. Нэг өдрийн аяллаар хүүхдүүд жүжигчдийн хамт блог хийж, үлгэрийн баатруудтай тоглож, өөрсдийгөө хөгжүүлэх нь ээ. Хамгийн гол нь бүтэн өдрийн аяллын бүх зардлыг "Саанжий & Мөөнжий болон YOJ LOL-ын ах эгч нар нь даана.
Жүжиг үзэхээр зорин очсон хүүхдүүдийг олон сонирхолтой адал явдал, үлгэрийн баатрууд хүлээж байна. Ташрамд дурдахад, Шидэт чулууны эрэлд хүүхдийн жүжиг нь Нийслэлийн соёл урлагийн газрын нэрэмжит өргөмжлөл гардсан хүүхдэд урам өгөх, өгөөжтэй, танин мэдэхүйн жүжиг юм.
