Өнөөдөр гадаа 14 хэм хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
1 дүгээр сарын 27-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 27 дахь өдөр бөгөөд он дуусахад 338 хоног үлдлээ.
- Цаг агаар өдөртөө 14 хэмийн хүйтэн бол шөнөдөө 27 хэм хүйтэн байх нь ээ.
- Билгийн тооллын 6, Дэлгэрүүлэгч одтой, хөхөгчин тахиа өдөр. Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хагалгаа хийлгэх, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвөлгөөн хийх, байшингийн суурь тавих, угаал үйлдэхэд муу. Үс шинээр үргээлгэх буюу засуулбал өнгө зүс сайжирна.
- Валют арилжааны төвд ам.долларын авах ханш 3486.00 төгрөг, зарах нь 3492.00 төгрөг байна. Харин рублийн авах ханш 49.20, зарах ханш 49.50, юанийн авах ханш 512.00, зарах ханш 515.00, вонийн авах ханш 2.82, зарах ханш 2.85 төгрөг байна.
Өнөөдөр болох онцлох үйл явдлууд:
-
09:00 цагт “Блью Скай” зочид буудалд “Ёс зүйн үнэ цэнэ: Эрх чөлөөгөө хадгалж, итгэлийг олж авах нь” сэдэвт сэтгүүл зүйн ёс зүйн форум болно. Утас: 7000-0160, 9907-4459, 9535-1127.
-
11:00 цагт “ЗМ” сонины мэдээллийн төвд: Иргэдийн төлөөллөөс “Цагаан сараас өмнө “Эрдэнэс таван толгой” ХК-ийн 1072 хувьцааны ногдол ашгаа авья” сэдвээр хэвлэлийн бага хурал зарлаж байна.
-
11:30 цагт Улсын дээд шүүхэд АН-ын даргаар сонгогдсон Л.Гантөмөрийг бүртгүүлэх материалыг хүргүүлнэ. Утас: 9595-1385.
-
12.00 цагт Монголын Хэвлэлийнг хүрээлэнд Иргэний үзэл бодлоо илэрхийлэх эрх чөлөө, мэдэх эрхийг хуулиар хязгаарлаж буй талаар хүний эрхийн 50 гаруй ТББ-ын форумаас хэвлэлийн хурал хийнэ.
-
13:00 цагт Нийслэлийн “Хангарди” ордонд Улаанбаатар хотын ерөнхий менежер цаг үеийн ажлын талаар мэдээлнэ. Утас: 99037310
-
19:30 цагт “Степпе Арена”-д: Монгол болон Япон улсын хооронд дипломат харилцаа тогтоосны 50 жилийн ойн хүрээнд зохион байгуулж буй “Тал нутгийн мөсөн шоу” уран гулгалтын тоглолт эхэлнэ. Утас: 9100-3472, 8900-3472.
Энэ өдөр дэлхийн түүхэнд:
- Өнөөдөр Канадад Гэр бүлийн Бичиг үсгийн өдөр тохиож байна.
- 1989 оын энэ өдөр Испанийн алдарт хөлбөмбөгийн тамирчин Alberto Botнa мэндэлжээ.
- 1931 оны энэ өдөр сүмогийн 25 дахь ёкозүна II Нишиноүми Кажиро таалал төгсчээ.
- 1996 онд Германд анх удаа Галд амь үрэгдэж нас барсан хүмүүсийн дурсгалыг хүндэтгэх олон улсын өдөр болгон зарлажээ.
