Өнөөдөр гадаа 6 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 85 дахь өдөр бөгөөд он дуусахад 280 хоног үлдлээ.
- Цаг агаар өдөртөө 6 хэмийн дулаан бол шөнөдөө 6 градус хүйтэн байх нь ээ.
- Билгийн тооллын 16, Тэргүүн дагуул одтой, шарагчин үхэр өдөр. Өдрийн наран мандах, жаргах цаг нь 6:42-19:13. Тухайн өдөр тахиа, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, угаал үйлдэх, мал арилжих, гэр бүрэхэд сайн. Улааны үйлд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 09:30 цагт Засгийн газар, Боомтын Сэргэлтийн Үндэсний хороо, Хилийн боомтын захиргаа хамтран “Боомтын сэргэлт үндэсний форум -2024”-ыг хоёр дахь өдрөө Шангрилад үргэлжилнэ.
- 10:00 цагт МҮХАҮТ-д Сангийн яам, татвар, гааль, ШӨХТГ-ын удирдлага, төлөөлөл оролцсон “НӨАТ-ын баримт бүртгүүлэхэд тулгамдаж буй асуудал” хэлэлцүүлэг болно.
- УИХ-ын Байнгын хороодын хуралдаан Төрийн ордонд болно.
- 14.00 цагт: Төрийн ордонд: Эмийн үнийн өсөлтийн шалтгаан, нөхцөлийг хянан шалгах Түр хороо хуралдана.
“Монгол Ньюс” мэдээллийн төвд:
5. 11.00 цагт: “Оном” сангийн ТУЗ-ийн дарга, Шинжлэх ухааны доктор Д.Наранбаатар нэр бүхий хүмүүстэй холбогдох их хэмжээний авлига, хээл хахуулийн талаар мэдээлнэ.
6. 11.30 цагт: “Монголын геологи, хайгуул-2024” чуулга уулзалтын хүрээнд УУХҮЯ, Үндэсний Геологийн алба зэрэг байгууллагаас мэдээлэл хийнэ.
-“Шинэ сэргэлтийн бодлогын хурдасгуур төв”-өөс эдийн засгийн сэтгүүлчидтэй уулзаж хөгжлийн зарим суурь судалгааг танилцуулна.
Энэ өдөр дэлхийн түүхэнд:
- 1913 онд - Балканы дайн: Болгарын цэргүүд Адрианополь хотыг эзэлжээ.
- 1915 онд - Номхон далайн эргийн хоккейн лиг болон Үндэсний хоккейн холбооны хооронд болсон Стенлийн цомын анхны тэмцээнд Ванкувер Миллионерсчүүд түрүүлжээ.
- 1917 - Дэлхийн I дайн: Британийн арми 17 000 Туркийн цэргийн довтолгоог хамгаалав.
- 1922 - Польш улсад Германы социал-демократ нам байгуулагджээ.
- 1931 - Вьетнам улсад Хо Ши Миний нэрэмжит коммунист залуучуудын холбоо байгуулагджээ.
- 1934 - Их Британи улсад автомашины жолооны курсууд байгуулагдаж, жолоочдыг сургаж эхлэв.
- 1939 - Испанийн иргэний дайн: Үндэсний үзэлтнүүд дайны сүүлчийн довтолгоог эхлүүлжээ.
- 1942 - Дэлхийн II дайн: Нацистын Германы эзэлсэн Польш улсын Аушвицийн бөөнөөр хорих лагерт эмэгтэйчүүдийг анх удаа хорьж эхлэв.
- 1945 - Дэлхийн II дайн: Америкийн цэргүүд Иво Жима арлын тулаанд бүрэн ялалт байгуулж, арлыг бүрэн хяналтдаа авчээ.
- 1958 - АНУ-ын арми алсын тусгалтай "Эксплорер 3" пуужинг харвав.
- 1970 - Өмнөд Вьетнамын ерөнхийлөгч Нгуен Ван Тьеу газрыг нийгэмчлэх бодлого хэрэгжүүлэх зарлиг гаргажээ.
- 1975 - Биологийн зэвсгийн конвенц батлагдаж олон улс даяар хэрэгжиж эхлэв.
- 1982 - АНУ-ын нийслэл Вашингтон хотод Вьетнамын дайнд оролцсон ахмад дайчдын дурсгалын цогцолбор нээгджээ.
- 2005 - БНХАУ-ын боловсруулсан салан тусгаарлах үзэлтэй тэмцэх тухай хуулийг эсэргүүцэж, Тайванийн нийслэл Тайпей хотод 200-300 мянган хүнийг хамарсан жагсаал болжээ.
- 2017 - ОХУ-ын 99 хотод авлига, хээл хахуулийг эсэргүүцсэн жагсаал зохион байгуулагджээ. Оросын судалгаан "Левада" төвөөс явуулсан судалгаагаар нийт иргэдийн 38 хувь нь тус эсэргүүцлийг дэмжиж байсан бол 67 хувь нь ерөнхийлөгч В.Путиныг энэ асуудалд хариуцлага хүлээх ёстой гэж үзсэн байна.
