“Жоби” хочит Б.Түвшинжаргал их хэмжээний мансууруулах бодис хадгалж байгаад дахин баригдлаа
Хар тамхины хэрэгт удаа дараа холбогдож, гадаад, дотоодын хууль сахиулах байгууллагад шалгуулж байсан “Жоби” хочтой Б.Түвшинжаргалыг их хэмжээний мансууруулах бодис хадгалж, борлуулахыг завдсан үндэслэлээр гурав дахь удаагаа саатуулан шалгаж эхэллээ. Тэрбээр өнгөрсөн долоо хоногт улсын хилээр нэвтрүүлсэн нэг кг орчим мансууруулах бодисоо авч явахад нь хууль сахиулагчид баривчлан ШШГЕГ-ын харьяа Цагдан хорих 461 дүгээр ангид албадан саатуулжээ. Б.Түвшинжаргалтай хамт Б.Батмонголыг баривчилсан . Тэрбээр Б.Батмонгол мүүсийн хамт мансууруулах бодистой холбоотой хэрэгт яллагдагчаар татагдаж, Баянзүрх дүүргийн Эрүүгийн хэргийн анхан шатны шүүх эргийг хэлэлцэхээр товлосон ч элдэв шалтгаар хурлаа хойшлуулаад байгаа билээ.
2023-12-11
Зэвсэгт хүчний офицер нь ахлагчаа хутгалжээ
Завхан аймгийн цагдаагийн газарт 2023 оны 12 дугаар сарын 07-ны өдөр Зэвсэгт хүчний ...... дугаар ангийн үүдэнд хутгалуулсан хүн байна гэх дуудлага, мэдээлэл бүртгэгдсэн. Тус аймгийн цагдаагийн газраас хойшлуулшгүй мөрдөн шалгах ажиллагаа явуулахад шалган нэвтрүүлэх байрны орчим тус ангийн ажилтан, ахмад "Э" нь ахлах ахлагч "Н"-г хувийн таарамжгүй харьцааны улмаас хутгалж, мөн өөрийгөө гэмтээсэн нөхцөл байдал тогтоогдож, эмнэлгийн тусламж, үйлчилгээнд хамрагдсан байна. Мөрдөн шалгах ажиллагаа хуулийн дагуу явагдаж байгаа ба олон нийтийн цахим сүлжээнд хүний амь хохирсон гэх андуурсан мэдээлэл явж байгааг үүгээр залруулж байна
2023-12-08
Б.Оюундэлгэр нар торгох ялаа эдлэхээр болов
Сүхбаатар дүүргийн Эрүүгийн хэргийн анхан шатны шүүхээс Б.Оюундэлгэрийг албан тушаалтан хээл хахууль өгөгчийн ашиг сонирхлын үүднээс албан үүргийн хувьд гүйцэтгэх ёсгүй үйлдлийг хийхээр урьдчилан амлах буюу амлахгүйгээр бусдаар дамжуулан хээл хахууль авсан гэм буруутайд тооцож, төрийн албанд томилогдох эрхийг хоёр жил хасаж, 12 сая 480 мянган төгрөгөөр торгожээ. Улмаар түүнээс гэмт хэрэг үйлдэж олсон орлого болох 1.5 саяыг гаргуулж, улсын төсөвт шилжүүлэхээр шийдвэрлэсэн.
2023-12-08
Албан тушаалтнууд хүүхдийн нэрээр төсвийн хөрөнгө завшсаар байх уу
Төсвийн хөрөнгийг завшсан хэрэгт Ховд аймгийн Хүүхэд, гэр бүлийн хөгжил, хамгааллын газрын дарга Б.Баяртуяаг бас шалгаж дууссан байна. Тэрбээр удирдаж буй байгууллагынхаа харьяанд байдаг “Баянбулаг” хүүхдийн амралтын газарт Худалдаа, аж үйлдвэрийн танхимын баруун бүсийн сургалт семинарыг зохион байгуулж, амралтын зардал 3.5 сая төгрөгийг хувийн дансандаа шилжүүлэн авч өөртөө зарцуулсан хэрэгт буруутгагдсан юм билээ.
2023-12-08
Ж.Сүхбаатарыг хилээр гарахыг хязгаарласнаар ногоон автобусны дуулиан үргэлжлэх нь
Тодруулбал, улс төрд нөлөө бүхий нэг, нийслэлийн ЗДТГ, Худалдан авах ажиллагааны газар, Нийтийн тээврийн газрын албаны 18, хувийн компанийн удирдах, гүйцэтгэх гурван албан тушаалтан, гадаадын дөрвөн иргэнийг яллагдагчаар татжээ. Дээрх яллагдагч нараас нэг хүнд цагдан хорих, 24 хүнд хилээр гарахыг хязгаарлах таслан сэргийлэх арга хэмжээ авсан” хэмээн мэдээлсэн юм.
2023-12-07
Өнгөрсөн сард олон тооны тээврийн хэрэгсэл хулгайлсан 17-19 насны дөрвөн залууг баривчилжээ
Эрүүгийн цагдаагийн албанаас Баянзүрх, Баянгол, Сүхбаатар, Сонгинохайрхан, Чингэлтэй дүүргийн нутаг дэвсгэрт энэ оны 11 дүгээр сард гудамж талбай, орон сууцны ил зогсоолд байрлуулсан олон тооны тээврийн хэрэгслийг удаа дараагийн үйлдлээр хулгайлсан “П” нарын 1 бүлэг 4 этгээдийг баривчилж, тээврийн хэрэгслүүдийг олж тогтоон хохирогч нарт хүлээлгэж өгчээ.
2023-12-07
Авлигын хэргүүдийг шүүх “завааруулж”, прокурор эсэргүүцсээр байна
Улсын дээд шүүх прокурорын бичсэн эсэргүүцлүүдийг хүлээж авсан нь цөөнгүй. Тэр дундаа олны анхаарал татсан, УИХ-ын гишүүн асан Д.Кёкүшюүзанбатбаяр, УИХ-ын гишүүн, Барилга, хот байгуулалтын сайд асан З.Баянсэлэнгэ нарын холбогдсон хэргүүдийг анхан шатны шүүх цагаатгаж, давж заалдах шатны шүүх үндэслэлгүй гэж дүгнэснийг Дээд шүүх хайныг нь хагалж, анхан шатны шүүхээр дахин хэлэлцүүлэхээр болоод буй билээ.
2023-12-07
Баянзүрх дүүргийн Газар зохион байгуулалтын албаны ажилтнуудад яллах дүгнэлт үйлджээ
Ташрамд дурдахад, прокурорын байгууллага өнгөрсөн долоо хоногт хэрэг бүртгэлтийн 30 458, мөрдөн байцаалтын 4138 хэрэгт хяналт тавьснаас 284-т нь яллах дүгнэлт үйлдэн шүүхэд шилжүүлжээ. Тэдгээрт эрүүл мэндийн халдашгүй байдлын эсрэг 151, өмчлөх эрхийн эсрэг 69, хөдөлгөөний аюулгүй байдал, тээврийн хэрэгслийн ашиглалтын журмын эсрэг 30, хүрээлэн буй орчны эсрэг 15, хүний бэлгийн эрх чөлөө, халдашгүй байдлын эсрэг 10, мөрийтэй тоглоом зохион байгуулсан тав, авлига, албан тушаалын гурван хэрэг багтсаны дотор Баянзүрх дүүргийн Газар зохион байгуулалтын албаныхантай холбоотой үйлдэл багтсан юм.
2023-12-06
“Түгжрэл”-ийн сайдын хамаарал бүхий компанийн галт тэрэг осолдсон хэргийг шүүхэд шилжүүллээ
Дорноговь аймгийн Сайншанд сумын V баг буюу олны нэрлэж заншсанаар Зүүнбаянгаас Хулан шанд зөрлөг хүрэх замд 2022 оны есдүгээр сарын 28-ны 00.59-01.01 цагийн үед ачааны галт тэрэг осолдож, гурван хүн гэмтсэн билээ. ИХ-ын гишүүн, сайд, нийслэл Улаанбаатар хотын авто замын түгжрэлийг бууруулах Үндэсний хорооны дарга Б.Дэлгэрсайханы хамаарал бүхий “Болдтөмөр Ерөө гол” ХХК-ийн охин компани болох “Монголиан транс ложистик”-ийн эзэмшлийн ачааны 6022 дугаар галт тэрэг тухайн үед 17 вагонтой явснаас 16 нь замаасаа гарсан байдаг. Энэ үеэр тус галт тэрэгний машинч, туслах машинч, вагон үзэгч гэсэн гурван хүн гэмтсэн юм. Эл хэргийг ТЦА-ны Мөрдөн шалгах газарт шалгаж дуусаад яллах дүгнэлт үйлдүүлэхээр Тээврийн прокурорын газарт шилжүүлсэн аж.
2023-12-06
ЦЕГ: Дотоодын цэргийн 05 дугаар ангийн алба хаагч өөрийгөө хашаанаас боомилж, нас баржээ
Дотоодын цэргийн 05 дугаар ангийн алба хаагч хашаанаас боомилж, амиа хорлосон гэх мэдээлэл цахим орчинд болон хэвлэл мэдээллийн хэрэгслүүдээр тарсан. Энэ талаар цагдаагийн байгууллагаас тодруулахад "2023 оны арванхоёрдугаар сарын 2-ны өдөр буюу өнгөрөгч амралтын өдөр СХД-ийн нутаг дэвсгэр “Залуус” хорооллын орчимд амиа хорлосон байдалтай эрэгтэй хүн нас барсан байна гэх дуудлага мэдээлэл ирсэн. Тухайн иргэн нь дотоодын цэргийн 05 дугаар ангид харъяалалтай, Цахилгааны станцад харуул хамгаалалтын ажилтай, дэд ахлагч цолтой 34 настай М байсан нь тогтоогдсон. Урьдчилсан байдлаар ил харагдах гэмтэл шархгүй, хувийн асуудлаас болж ийм харамсалтай үйл явдал болсон байна. Мөрдөн шалгах ажиллагаа явагдаж байгаа тул дэлгэрэнгүй мэдээлэл өгөх боломжгүй” гэлээ.
2023-12-05
ЦЕГ: 15-16 насны хоёр хүүхэд 60 настай хүн зодож, амийг нь хохироожээ
Цагдаагийн байгууллагад 2023 оны арванхоёрдугаар сарын 04-ний өдрийн 07 цаг 26 минутад Баянзүрх дүүргийн 1 дүгээр хорооны нутаг дэвсгэрт “Хүн хэвтэж байна” гэх дуудлага, мэдээлэл бүртгэгджээ. Тус дүүргийн цагдаагийн газрын хоёрдугаар хэлтсээс шалгахад 60 орчим насны эрэгтэй гадны нөлөөтэй байж болзошгүй амь насаа алдсан байжээ. Цагдаагийн алба хаагчид эрэн сурвалжлах ажиллагааг шуурхай зохион байгуулж 60 настай, эрэгтэй “А”-ийн амь насыг 15-16 насны хүүхдүүд болох “О” болон “С” нар шөнийн 02 цагийн үед зодож амь насыг хохироосон байж болзошгүй үйлдлийг “Ногоон бүс” хяналтын камер, аж ахуйн нэгжүүдийн камераар шуурхай тогтоож, сэжигтэй этгээдүүдийг дайчлан баривчилж, мөрдөн шалгах ажиллагааг үргэлжлүүлж байна.
2023-12-05
Ханбогд сумын 457 га газрыг Хятад эзэмшигчтэй компаниудад олгожээ
Тодруулбал, тус нутаг дэвсгэрт “Талын ургах наран”, “Төмөр туурай”, “Их Даваа-Уул” зэрэг 40 орчим гадаадын хөрөнгө оруулалтай компанид газар олгож, эзэмшүүлсэн асуудал нүүрсний сонсголын үеэр яригдаж байна. Ингэхдээ нэг га газрыг дор хаяж нэг тэрбум төгрөгөөр үнэлсэн байгаа юм. “Энэ нь Газрын тухай хуулийг зөрчихөөс гадна Монгол Улсын Үндсэн хуулийг зөрчсөн, гэмт хэргийн шинжтэй үйлдэл” гэдгийг ХЗДХ-ийн сайд Б.Энхбаяр илэрхийлээ.
2023-12-05
“Эрдэнэс Тавантолгой” ХК-ийн албан тушаалтнуудын хахуулийн хэрэгт яллах дүгнэлт үйлдүүлэх нь
Төрийн өмчит “Эрдэнэс Тавантолгой” ХК-ийн эрх бүхий албан тушаалтнуудын авлигын хэрэгт яллах дүгнэлт үйлдүүлэхээр болжээ. АТГ-ын Мөрдөн шалгах хэлтэст шалгасан, тус компанид удирдах албан тушаал хашиж байсан хоёр ч хүний үйлдлийг шүүхээр шийдвэрлүүлэх саналаа мөрдөгч нар илэрхийлж НПГ-т хүргүүлээд буй юм. Тодруулбал, “Эрдэнэс Тавантолгой” ХК-ийн гүйцэтгэх захирлаар ажиллаж байсан Д.Ариунболдтой холбоотой нэг үйлдлийг мөрдөгчид шалгаж дууссан аж. Тэрбээр коксжих нүүрс худалдан борлуулахдаа аж ахуйн нэгжийн удирдлагаас тонн тутамд нэг ам.долларын “урамшуулал” авна хэмээн хясан боогдуулж, бусдаар дамжуулж багагүй хэмжээний мөнгө авсан хэрэгт яллагдагчаар татагдаад байгаа юм.
2023-12-05
“Д.Нямхүүгийн хэрэгт нэмэлт ажиллагаа хийлгэх шаардлагагүй”
Тодруулбал, НПГ-ын хяналтын прокурор нь уг хэрэгт нэмэлт ажиллагаа явуулах шаардлагагүй, цугларсан нотлох баримтын хүрээнд шийдвэрлэх боломжтой гэж үзэн эсэргүүцэл бичсэн гэнэ. Д.Нямхүүг хувийн эмнэлэгт ашиглаж байсан компьютер томографыг ХӨСҮТ-д өндөр үнээр авсан хэмээн буруутгаж буй юм. Өөрөөр хэлбэл, зах зээлийн үнэ нь 39 саяар тооцогдох, компьютер томографын “Philips Brilliance CT16” гэх хуучин тоног төхөөрөмжийг эмнэлэгтээ өндөр үнээр авсан. Уг аппарат нь 17 жил ашиглах хугацаатай, үйлдвэрлээд 15 жил болсон бөгөөд БНХАУ-аас 2013 онд “Суперпроб” компани Монголд оруулж ирснийг 2020 онд 300 гаруй сая төгрөгөөр худалдан авах ДУБ гэх аж ахуйн нэгжтэй гэрээ байгуулсан хэмээн буруутгаж буй билээ.
2023-12-04
