Д.Амарбаясгалан: Эрдэнэс-Тавантолгой ХК-ийн үйл ажиллагааг сайжруулахаар БЭТ дахин томиллоо
Мэдээллийн эхэнд Хөдөлмөр, нийгмийн хамгааллын салбарт процессын дахин инженерчлэл хийсэн талаар, Гэр бүлийн тухай хуулийн шинэчилсэн найруулгын төсөл, “Эрдэнэс таван толгой” ХК-д тогтоосон онцгой дэглэмийн хугацаанд хэрэгжүүлсэн ажлын тайлан, өвлийн аялал жуулчлал, ирээдүйн өв сантай холбоотой авч хэрэгжүүлэх зарим арга хэмжээний талаар, шүүх байгуулах тухай хуулийн шинэчилсэн найруулгын төслийн талаар зэрэг 25 асуудал хэлэлцсэнийг онцоллоо.
2023-11-01
ТАЗ-ийн дэргэд ажиллах Ёс зүйн хорооны гишүүдийг томиллоо
Төрийн албан хаагчийн ёс зүйн тухай хуулийг өнгөрсөн тавдугаар сард баталж, долдугаар сарын 3-наас мөрдөж буй. Тус хуулийн хэрэгжилтэд хяналт тавих, ёс зүйн зөрчлөөс урьдчилан сэргийлэх, соён гэгээрүүлэх чиг үүргийг Ёс зүйн хороо биелүүлэх ёстой. УИХ-ын Ёс зүй, сахилга хариуцлагын байнгын хорооны өчигдрийн хуралдаанаар эл хорооны орон тооны бус гишүүнээр Ш.Батсүх, Ч.Эрдэнэчимэг, М.Цэрэнбат нарыг томиллоо. Тус албан тушаалд зургаан хүн нэрээ дэвшүүлснээс Ёс зүйн хорооны орон тооны бус гишүүнийг сонгон шалгаруулах ажлын хэсгийнхнээс олонхын санал авсан нь тэд аж.
2023-10-25
Хоёр түр хороо байгуулаад ч хоосон хоцрох нь
УИХ-ын тогтоол ёсоор бол өмнөх түр хороо нь хүний эмийн чанар, стандарт, үйлдвэрлэл, нийлүүлэлт, хяналт шалгалтыг сайжруулах, үр дүнтэй болгох үүрэгтэй байв. Тэгвэл энэ удаагийн түр хороо нь зайлшгүй шаардлагатай эмийн чанар, аюулгүй байдал, чанарын баталгаажуулалт, үнийн өсөлтийн бодит шалтгаан, нөхцөл, хүртээмж, хяналт шалгалтын тогтолцоог сайжруулах, үр дүнтэй болгох аж. Гишүүний тоо өмнө дурдсанаар долоо бөгөөд дарга Ж.Чинбүрэнгээс гадна олонхыг төлөөлөн Д.Батлут, Б.Жаргалмаа, М.Оюунчимэг, Ц.Сандаг-Очир, цөөнхөөс Б.Бейсен, Ц.Туваан нар багтжээ. Тэдний олонх нь өмнөх түр хорооны гишүүн. Тэгэхээр танин мэдэхүйн чанартай зүйлд цаг зарцуулалгүйгээр зорьсон ажлуудаа шууд эхлүүлэх шаардлага байна.
2023-10-25
Киргиз улсаар дамжин Төв Азийн бүс рүү мах экспортолно
Монгол Улсын Ерөнхий сайд Л.Оюун-Эрдэнэ Киргиз Улсад хэрэгжиж буй айлчлал үргэлжилж байна. Хоёр улсын Засгийн газрын тэргүүн нар албан ёсны хэлэлцээ хийж, Монгол, Киргизийн харилцаа, хамтын ажиллагааны өнөөгийн байдалд үнэлэлт, дүгнэлт өгч, улс төр, худалдаа, эдийн засаг, тээвэр, логистик, хөдөө аж ахуй, соёл, аялал жуулчлал зэрэг салбарын харилцааг өргөжүүлэн хөгжүүлэх, олон улс, бүс нутгийн талбар дахь хамтын ажиллагааг гүнзгийрүүлэн хөгжүүлэх талаар санал солилцов.
2023-10-24
Ерөнхий сайд Л.Оюун-Эрдэнэ Киргизийн Ерөнхийлөгч С.Жапаровтой уулзана
Монгол Улсын Ерөнхий сайд Л.Оюун-Эрдэнэ Бүгд Найрамдах Киргиз Улсад ажлын айлчлал хийж байна. Ерөнхий сайд Л.Оюун-Эрдэнэ өнөөдөр Бүгд Найрамдах Киргиз Улсын Сайд нарын танхимын дарга бөгөөд Ерөнхийлөгчийн Тамгын газрын даргатай уулзан албан ёсны хэлэлцээр хийж, хоёр орны хамтын ажиллагааны баримт бичгүүдэд гарын үсэг зураг ёслолд оролцоно.
2023-10-24
Л.Оюун-Эрдэнэ Киргиз Улсад ажлын айлчлал хийхээр мордлоо
Ерөнхий сайд Л.Оюун-Эрдэнэ Бишкек хотноо 2023 оны аравдугаар сарын 24-26-нд болох ШХАБ-ын гишүүн орнуудын Засгийн газрын тэргүүн нарын зөвлөлийн өргөтгөсөн хуралдаанд оролцож, Монгол Улс, ШХАБ хоорондын харилцаа, хамтын ажиллагааны асуудлаар манай улсын баримталж буй байр суурийг танилцуулж, ШХАБ-ын гишүүн болон ажиглагч, түнш орнуудтай нягт хамтын ажиллагааг өргөжүүлэх, бүс нутагт өрнөж буй худалдаа, эдийн засаг, дэд бүтэц, зам, тээврийн олон талт үйл явцад идэвхтэй, үр бүтээлтэй оролцох эрмэлзэлтэй байгааг нотолно.
2023-10-23
Нийслэлд тулгамдсан асуудлуудыг шийдэхийн тулд 20 гаруй хуульд өөрчлөлт оруулна
Иргэний хэрэг шүүхэд хянан шийдвэрлэх тухай хуульд нэмэлт оруулах төслийг баталснаар иргэдэд шуурхай, хялбар, үр дүнтэй үйлчлэх шүүхийн хүртээмж дээшилнэ гэж үзэж буй. Энэ тухайд сайд Б.Энхбаяр “Шаардсан мөнгөн дүнгээсээ их хэмжээний зардал үүсгэн, хэт урт хугацаагаар маргахаас халширч, шүүхийн үйлчилгээг авахаас татгалзах явдлыг багасгана. Нэгэнт шүүхэд хянан шийдвэрлэх процесс эхлүүлсэн иргэд, хуулийн этгээдийн зөрчигдсөн эрхийг богино хугацаанд шударгаар сэргээх боломж нэмэгдэнэ” гэв.
2023-10-19
Д.Амарбаясгалан: Монголын үндэсний допингийн эсрэг байгууллагыг ил тод болгоно
Засгийн газрын ээлжит хуралдаанаас гаргасан шийдвэрийг танилцуулж байна. Энэ удаа ЗГХЭГ-ын дарга Д.Амарбаясгалан мэдээлэл хийлээ. Тэрбээр "Олон улсын тэмцэн уралдаанд оролцох таван шаардлагыг хангахын тулд Допингийн үндэсний төвтэй хамтран ажиллана. Тиймээс шинэ удирдлага сонгосон. Монголын үндэсний допингийн эсрэг байгууллага (MONADA)-ын ерөнхийлөгчөөр Ц.Уугангэрэл, Гүйцэтгэх захирал М.Мөнхболдыг сонгосон.
2023-10-18
Монгол, Солонгосын Залуу манлайлагчдын уулзалт боллоо
Монгол Улс, БНСУ-ын Залуу манлайлагчдын уулзалт Монгол Улсын Гадаад харилцааны яаманд зохион байгуулагджээ. Солонгосын талын төлөөлөгчдийг БНСУ-ын Гадаад хэргийн яамны Зүүн хойд Азийн газрын захирал Чой Юун Жүн ахалж, бүрэлдэхүүнд Солонгосын Гадаад хэргийн яамны залуу дипломатчид, улс төрийн намын төлөөлөл болон Их, дээд сургуулийн монгол судлалын залуу эрдэмтэн судлаачид багтсан байна.
2023-10-17
Агаарын харилцааны тухай Засгийн газар хоорондын хэлэлцээрийг үзэглэлээ
Иргэний нисэхийн ерөнхий газрын дарга Ч.Мөнхтуяа, Бүгд Найрамдах Ардчилсан Лаос Ард Улсын Иргэний нисэхийн ерөнхий газрын төлөөлөлтэй аравдугаар сарын 16-ны өдөр Агаарын харилцааны тухай Монгол Улсын Засгийн газар, Бүгд Найрамдах Ардчилсан Лаос Ард Улсын Засгийн газар хоорондын хэлэлцээрийн төслийг тохирч, үзэглэлээ.
2023-10-17
