Азийн наадмын тэмцээн сагсан бөмбөгийн тоглолтоор эхлэв  

“Айчи-Нагоя 2026” Азийн 20 дахь удаагийн наадмын нээлтийн ёслол энэ сарын 19-нд болох ч спортын заримтөрлийн тэмцээн үүнээс өмнө эхлэх гэж байна. Тухайлбал, багийн спортоос саг­сан бөмбөгийн эрэгтэйчүүдийн багийн тог­лолт өчигдөр эхэлж, 20-ыг хүртэл үргэлжилнэ. Эмэг­тэйчүүдийнх 17-26-ны хооронд болох юм. 

Өмнөх “Ханжоу 2022” Азийн наадмын сагсан бөмбөгийн төрөлд Филиппинийн эрэгтэйчүүдийн баг түрүүлсэн бол эмэгтэйчүүдээс БНХАУ-ын шиг­шээ аваргаар шалгарсан. Энэ удаа манай ул­сын эрэгтэй тоглогчид C хэсэгт БНСУ, Тайвань, Малайзын багтай нэг хэсэгт багтжээ. Эмэг­тэй та­мирчид эхний тоглолтоо Тайванийн шигшээ­тэй энэ сарын 18, дараагийнхыг БНСУ-ынхтай 21, Малайзынхтай 22-нд хэсгийн шатны тоглолтоо хийнэ. Тэмцээн Улаанбаатарын цагаар 12:00, Японыхоор 13:00 цагт “Айчи олон улсын арена”-д эхлэх аж.