"Улаанбаатар биенналь” энэ  сарын 6-20-ны хооронд үргэлжилнэ

Нийслэлийн Засаг даргын санаачилгаар, нийс­лэлийн Соёл, урлагийн газар, “Мон­го­лын урлагийн зөвлөл” төрийн бус байгуул­ла­га хамтран “Улаанбаатар бие­нналь 2025” үзэсгэлэнг энэ сарын 6-20-ны өдрүүдэд “Сар­ны дор, тэнгэрийн хаяанд” сэдвийн хү­рээнд зо­хион байгуулах гэж байна. 

Үзэсгэлэнгийн ерөнхий куратороор Тиан Жан ажиллаж байгаа бөгөөд тэр­бээр “Мон­голын урлагийн зөвлөл”-ийн гүйцэтгэх за­хи­рал О.Одгэрэл болон бусад зохион байгуулагчийн хамт өчигдөр үзэс­гэ­лэн­гийн та­лаар  мэ­дээлэл өглөө. Тиан Жан “Би олон ний­тэд хүрдэггүй, орхигдсон дуу хоо­лойд хүч нэ­мэхийг хүсэж байна. Энэ удаагийн үзэсгэ­лэнд эх орон, газар нутагтай холбоотой хүч­тэй илэрхийлэл бүхий бүтээл туурвидаг уран бүтээлчдийг оролцуулахыг зорьсон. Бү­тээлүүд нь газрын эрх, байгаль орчны до­рой­тол, соёлын алдагдал зэрэг сэдвийг хөн­дөх боловч өв соёлоо дээдлэх, ирээдүй хойчдоо гэрэлт зам үлдээх тухай уран сайх­ны өгүүлэмжийг мөн агуулна” хэмээв.

Энэ удаагийн биеннальд 25 орны 130 гаруй уран бүтээлч оролцох бөгөөд гадаадын  19, дотоодын зургаан бүтээлч уран бүтээлээ олон нийтэд танилцуулах юм. Биенналь нь “Ерөн­хий үзэсгэлэн”, “Хамтрагч үзэсгэлэн”, “Хам­рах хүрээний үзэсгэлэн” гэсэн гурван хэс­гээс бүрдэх ба нийслэлийн 19 байршилд зо­хион байгуулах аж.

Энэ үеэр болох онцлох үйл ажиллагааны нэг нь хүүхдүүдэд зориулсан “Kids museum fest” боловсролын хөтөлбөр юм. Тус хө­төлбө­рийн хүрээнд хүүхдүүд биенналийн орол­цогчидтой уулзаж, хамтран бүтээл туу­рвих за­маар урлагийн боловсрол эзэм­ших бо­ломжтой. “Kids museum fest” үйл ажиллагааг Г.Занабазарын нэрэмжит дүрс­лэх урлагийн му­зей, “Чингис хаан”, Бай­га­лийн түү­хийн му­зей, Монголын уран зур­гийн га­лерей бо­лон нийслэлийн захын дүүр­гүү­дэд зохион байгуулах аж.

Ц.ЦЭНД-АЮУШ