АНУ-ын Элчин сайдын яамнаас АНУ-Монгол Улсын нөхөрлөлийг уран бүтээлээрээ илэрхийлж, тэмдэглэх боломж танд байна. Шалгарсан шилдэг бүтээлийг Элчин сайд Ричард Буанганы баярын мэндчилгээний ил захидал дээр гаргах бөгөөд ТАНЫ нэрийг уран бүтээлчээр нь дурдах аж.
Бүтээлийн сэдэв нь баярын уур амьсгалыг илэрхийлэх гэнэ. Тодорхой хэлбэл, Зул сарын баяр, Шинэ жилийн сэдэвтэй байж болох нь ээ.
Шалгарсан нэг ялагчид АНУ-ын Элчин сайдын яамны гарын бэлэг гардуулах юм байна. Мөн таны уран бүтээл ямар ч хэлбэрийн хэрэгсэл дээр байж болох бөгөөд АНУ, Монгол Улсын нөхөрлөлийг тодотгох учиртай аж. Мөн мэндчилгээний хуудсан дээр хуулбарлаж, хэвлэх боломжтой байх ёстой.
Материал хүлээн авах эцсийн хугацаа аравдугаар сарын 18-нд 11:59 цаг хүртэл юм байна.
Оролцохыг хүсвэл PAO@usembassy.mn хаягаар "Arts Competition 2024" гэсэн гарчигтай материалаа илгээхэд хангалттай. И-мэйл дээрээ бүтэн нэр, гэрийн хаяг, утасны дугаараа оруулахаа бүү мартаарай.
