Өнөөдөр гадаа 0 хэм байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдугаар сарын 3-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 307 дахь өдөр бөгөөд он дуусахад 58 хоног үлдлээ.
- Цаг агаар өдөртөө 0 хэмийн хүйтэн бол шөнөдөө 7 хэм хүйтэн байх нь ээ.
- Билгийн тооллын 21, Өглөгт охин одтой, хөхөгчин үхэр өдөр. Өдрийн наран 7 цаг 39 минутад мандан, 17 цаг 32 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, мал арилжих, гэр бүрэхэд сайн. Улааны үйлд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3450.00 төгрөг, зарах нь 3456.00 төгрөг байна. Харин рублийн авах ханш 35.50, зарах ханш 36.00, юанийн авах ханш 472.00, зарах ханш 473.70, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- 09.50 цагт: Нийслэлийн Засаг дарга Х.Нямбаатар Урт цагааны дахин төлөвлөтийн талаар тус байршилд мэдээлэл өгнө.
- 10.00 цагт: “Новотел” зочид буудалд: “Барилгын материал, үйлдвэрлэлийн технологи” эрдэм шинжилгээ, онол практикийн хурал болно.
- 10.00 цагт: “Тавантолгой түлш” ХХК-ийн Баруун үйлдвэрт барьцалдуулагч үйлдвэрлэгч дотоодын ААН-үүдийг дэмжих өдөрлөг болно.
- 10.00 цагт: Өмнөговь аймгийн Ханбогд сумын Соёлын төвд: Говийн ноён хутагт Д.Данзанравжаагийн 220 жилийн ойн “Дэмчогийн эгшиг” яруу найргийн наадам болно.
- 11.00 цагт: Улаанбаатар дахь Русский дом-д: ОХУ-ын бизнес эрхлэгчдийн уламжлалт “Ворота в Азию-2023” үзэсгэлэн Монгол-Оросын бизнес эрхлэгчдийн уулзалтаар гурав дахь өдрөө үргэлжилж байна. Утас: 9908-1347.
- 11.30 цагт “Зууны мэдээ” сонины “Үндэсний мэдээллийн төв”-д Хятадын цагдаа, прокурор, шүүх гомдол хүлээж авахгүй хөөсөн тухай Эдийн засагч Н.Дашзэвэг мэдээлэл хийнэ.
- 12:00 цагаас Монгол Улс дахь тархины харвалтын өнөөгийн байдал, тусламж үйлчилгээг сайжруулахад авч хэрэгжүүлж байгаа арга хэмжээний талаар Улсын Нэгдүгээр Төв эмнэлгийн Мэдрэлийн эмнэлзүйн төвийн дарга Л. Энхсайхан, Монголын харвалтын нийгэмлэгийн тэргүүн Р.Амарбаясгалан, Улсын Гуравдугаар төв эмнэлгийн зөвлөх эмч Ж.Ариунаа нар мэдээлэл хийнэ.
- 12.30 цагт: Монголын “Хүний Төлөө нам”-аас цаг үеийн асуудлаар мэдээлнэ.
- 12.00 цагт: “Могул тауэр”-т: “ШИНЭ” намаас хэвлэлийн бага хурал зарлажээ.
- 10.17.30 цагт: “Скай гарден резиденс” хотхон, Winter garden-д “Тэтчерийн Британи” номын нээлт болно.
Энэ өдөр дэлхийн түүхэнд:
- 1912 онд Оросын Засгийн газрын бүрэн эрхт төлөөлөгч Иван Коростовец Монгол Улсын Богд хааны Засгийн газрын Ерөнхий сайд, Сайн ноён хан Намнансүрэн болон түүний Засгийн газрын таван сайдтай нийслэл хүрээнд Найрамдлын гэрээ байгуулан шинэ тутам байгуулагдсан Монгол Улс, Орос улсын харилцаа ямар байхыг тодорхойлов.
- 1936 онд АНУ-ын Ерөнхийлөгчийн сонгууль явагдаж Ф.Рузвельт хоёр дахь удаагаа ялалт байгуулсан.
- 1957 онд Зөвлөлт улс сансар огторгуйд Спутник-2 хөлгийн бүхээгт “Лайка” нохойг хөөргөсөн нь дэлхийн түүхэнд анхны амьтан сансар руу илгээсэн тохиолдол болсон юм.
- 1964 онд АНУ-ын Ерөнхийлөгчийн сонгуульд ардчилагч Линдон Жонсон ялжээ.
- 1978 онд Доминикан тусгаар улс болов.
- 2014 онд Дэлхийн худалдааны төвийн шинэ барилгын нээлт болжээ.
- 2007 онд Оросын нэрт жүжигчин Александр Дедюшко нас баржээ.
- Арваннэгдүгээр сарын 3-ны энэ өдрийг Японд Соёлын өдөр, АНЭУ-д Төрийн далбааны өдөр, Мальдивд Ялалтын өдөр хэмээн тэмдэглэдэг.
