“Их тойруу” төвд улсын бүртгэлийн үйлчилгээний цэг нээжээ
Сүхбаатар дүүргийн IX хорооны нутаг дэвсгэрт байрладаг “Их тойруу” худалдааны төвийн нэгдүгээр давхарт улсын бүртгэлийн үйлчилгээний цэг нээжээ. Тус цэг ирэх даваа гаргаас эхлэн иргэдэд үйлчилж эхлэх нь. Улсын бүртгэлийн ерөнхий газраас мэдээлснээр төрийн үйлчилгээг иргэдэд ойртуулах үүднээс уг ажлыг хэрэгжүүлжээ. Түүнчлэн уг цэг нь амралтын өдөр буюу бямба гарагт 10.00-18.00 цагт ажиллахаараа онцлогтой аж. Харин лхагва, ням гарагт амрах юм байна. Иргэд эндээс улсын бүртгэлтэй холбоотой бүх төрлийн үйлчилгээг авах боломжтой. Ташрамд дурдахад, нийслэлийн хэмжээнд одоогоор улсын бүртгэлийн 30 цэг бий гэнэ.
2023-09-21
“Чингис хаан” музей мягмараас бусад гарагт нээлттэй
“Чингис хаан” үндэсний музей өвлийн цагийн хуваариа гаргажээ. Эднийх ирэх оны тавдугаар сарын 14 хүртэл мягмараас бусад гарагт 09.00- 17.00 цагийн хооронд ажиллах аж. Тасалбарыг 16.00 цаг хүртэл худалдана. Хуулийн хүрээнд 0-16 насны хүүхдүүд музей үнэ төлбөргүй үздэг. Ахлах ангийнхан, оюутнууд, ахмад настнууд, хөгжлийн бэрхшээлтэй иргэдэд 15, том хүнд 30 мянган төгрөгөөр үйлчилдэг. Гадаадынхан мөн 30, харин хүүхдүүд нь 15 мянган төгрөгөөр үзэх боломжтой. Музейн мэргэжлийн тайлбарлагч авах бол тухай бүрт нэмэгдэл үнэ төлнө.
2023-09-20
Автотээврийн хэрэгслийн нэр шилжүүлэх үйлчилгээг киоск машинаар авах боломж бүрдлээ
Үүний дагуу киоск машинд суурилуулсан төрийн үйлчилгээний ХУР системд 650 гаруй мэдээлэл эргэлдэж буйн нэг нь авто тээврийн хэрэгслийн гэрчилгээний цахим хувилбар юм. Киоск машинаар дамжуулан Авто тээврийн үндэсний төвд уг мэдээллийг шилжүүлдэг болсноор төрийн үйлчилгээний ачаалал буурч, иргэдэд түргэн шуурхай хүрч ажиллах боломж бүрдэж байгаа” гэлээ. Мөн эл үйлчилгээг цахимжуулснаар тоон гарын үсгийг иргэний үнэмлэхээс өөр зүйлд нэвтрүүлсэн анхны тохиолдол болж байгаа юм. Киоск машиныг “Да хүрээ”, Төв шуудан, Нисэхийн тойрог, Чингэлтэй дүүргийн нэг цэгийн үйлчилгээний төв болон Улаанбаатар их дэлгүүр зэрэг 10 байршилд тавихаар шийдвэрлэжээ.
2023-09-19
Агаараас эрэн хайх, аврах ангитай боллоо
Агаараас эрэн хайх, аврах 111 дүгээр ангийн алба хаагчид өнөөдрийг хүртэлх хугацаанд 86 удаагийн дуудлагаар 237.3 цагийн нислэг үйлдэж, ослын улмаас бэртэж гэмтсэн, эрүүл мэндийн хүнд заалттай, газраар тээвэрлэх боломжгүй, амиа алдах өндөр эрсдэлтэй 120 хүний аюулгүй байдлыг хангаж, эмнэлгийн байгууллагад цаг алдалгүй хүргэжээ. Төслийн хүрээнд манай улсын онцгой байдлын байгууллагад евро стандартын шаардлага хангасан нислэгийн болон аврах ажиллагааны техник, тоног төхөөрөмж, иж бүрэн дэд бүтэц бүхий, эмнэлгийн анхан шатны тусламж үзүүлэх боломжтой нисдэг тэргүүдийг нийлүүлсэн байна. Мөн 12 хүнийг нисгэгчээр бэлтгэжээ.
2023-09-18
Эхний ээлжид Сан-Франциско хот руу шууд нислэг хийнэ
Хэлэлцээрийн хүрээнд АНУ-ын аль ч хот руу нислэг үйлдэх боломж нээлттэй ч эхний ээлжид Сан-Франциског онцолсон байна. Энэ талаар Зам, тээврийн хөгжлийн сайд С.Бямбацогт “Ковид” гарахын өмнө хоёр улсын хооронд жилд 60 мянган хүн 30-50 цаг нисдэг, тасалбарын үнэд 2000-4000 ам.доллар зарцуулдаг байсан. Харин одоо 10-12 цаг зарцуулан АНУ-д хүрэх боломжтой болж байна. Тасалбарын үнэ 1000-1500 ам.доллар болж буурна” гэлээ. Шууд нислэг үйлдэхийн тулд АНУ-ын зүгээс тодорхой шаардлага тавьж, шалгалт хийдэг аж. Үүнд бэлтгэх ажлын хэсгийг Засгийн газрын ХЭГ-ын дарга Д.Амарбаясгалангаар ахлуулан байгуулсан байна.
2023-09-14
Хэлмэгдэгсдийн дурсгалыг хүндэтгэх өдөрт зориулсан тусгай үзэсгэлэн нээлээ
Тус үзэсгэлэнг зохион байгуулж буй “Чэжү 4.3 Энхтайвны сан”-гийн тэргүүн Ко Хи Бум “1948 оны дөрөвдүгээр сарын 3-нд болсон түүхийн үйл явдлын үнэнийг марталгүй хойч үедээ үргэлж сануулж байх хэрэгтэй” хэмээсэн юм. Цагаатгалын улсын комиссын ерөнхий нарийн бичгийн дарга Г.Төгөлдөр “Зүүн Азид улс төрийн хэлмэгдүүлэлт болсон хоёр орон байдаг нь Монгол болон БНСУ. Монгол Улстай ижил төстэй гашуун үйл явдал БНСУ-д 1948 онд болсон. Солонгосын ард иргэд төрийн бодлогын эсрэг бослого гаргаж, түүнийг нухчин дарсан гашуун түүхтэй.
2023-09-11
Эзэнгүй муур, нохойг ивээлдээ авдаг “Хөөрхөн зулзага”
Манай улсад гэрийн тэжээвэр амьтны эрхийг хамгаалах, үүнтэй холбоотой аливаа харилцааг зохицуулах хууль, эрх зүйн орчин бүрдээгүйгээс эзэнгүй муур, нохойн асуудал санаа зовоох хэмжээнд хүрээд буй. Золбин буюу гудамжинд амьдардаг тэжээвэр амьтны тоог хязгаарлах чиглэлээр төрөөс дорвитой, үр дүнтэй шийдэл хэрэгжүүлдэггүй, нохой, муур тэжээдэг хүмүүст тодорхой үүрэг хариуцлага ногдуулж, хяналт тавьдаггүй учраас тэд улам олуулаа болсон. “Азтай савар”, “Тэжээвэр амьтны эрхийн төлөө сан” зэрэг цөөн байгууллага тэжээвэр амьтныг асран хамгаалах, эмчлэх, үрчлүүлэх чиглэлээр үйл ажиллагаа явуулж, төрийн ажлыг өмнөөс нь хийж ирсэн юм. Тэгвэл яг ийм чиглэлээр ажилладаг бас нэг төрийн бус байгууллага манай улсад үүдээ нээгээд хоёр жил болжээ. Энэ бол “Хөөрхөн зулзага” төрийн бус байгууллага.
2023-09-06
Тэргэнцэртэй иргэд Дорнодоос нийслэл хүртэл аяллаа
Тиймээс тэргэнцэртэй аялснаар илүү олон хүн анхаарч, үр дүнд хүрэх болов уу гэж бодсон. Би аймагтаа хөгжлийн бэрхшээлтэй иргэдийн ТББ-д 16 жил ажиллаж байна. Цалин урамшуулал авдаггүй, сэтгэлээрээ ажилладаг. Гэтэл дүүрэг, сум, багуудад ажилладаг хэсгийн ахлагч бүр цалин авдаг шүү дээ. Ер нь хөгжлийн бэрхшээлтэй иргэдэд тулгамдсан асуудал маш олон бий.
2023-08-30
Энэ зун Монголд хэн хэн ирсэн бэ
Засгийн газраас 2023-2025 оныг “Welcome to Mongolia” уриан дор “Монголд зочлох жил” хэмээн зарлаж, нэг сая жуулчин хүлээн авах зорилт дэвшүүлсэн. Түүнчлэн Монгол Улсыг дэлхийн хэмжээнд сурталчлан таниулах бодлого хэрэгжүүлж байгаа билээ. Одоогоор 424 934 жуулчин Монголд ирсэн байна. Тэдний дотор олон улсад танигдсан, онцлох ямар хүмүүс байсан талаарх мэдээллийг хүргэе.
2023-08-29
Жуулчдын 76 хувь нь орос, солонгос, хятад байна
Энэ сарын 27-ны байдлаар манай улсад 424 934 жуулчин иржээ. Ингэснээр 2023 оны зорилтоо 42.4, жуулчлалын оргил үеийнхийг 44.3 хувиар биелүүлэв. Цар тахлын өмнөх үе буюу 2019 онд Монголд ирсэн жуулчдын 77 хувьтай тэнцэхүйц тооны жуулчдыг энэ оны эхний найман сард хүлээн авлаа. Жуулчдыг улсаар нь ангилбал Орос, Солонгос, Хятадынх давамгайлж байна. Эдгээр орноос ирсэн иргэд нийт жуулчдын 76 орчим хувийг эзэлж буй юм.
2023-08-29
Олон улс, орон нутгийн нислэгийн өвлийн цагийн хуваарийг батлав
2023-2024 оны өвлийн улирлын нислэгийн төлөвлөлтийг 2022-2023 оныхтой харьцуулахад ОХУ-ын “Красавиа”, “Ираэро эйрланс”, БНСУ-ын “Чэжү эйр”, БНСВУ-ын “VietJet air” буюу Вьетнамын үндэсний авиа компани шинээр нэмэгдсэн аж. Мөн Вьетнамын НаТранг, БНХАУ-ын Манжуур, Хайлаарын чиглэлд шинээр нислэг үйлдэхээр төлөвлөжээ.
2023-08-28
Түрээсийн дугуй нийслэлд “дахин төрөв”
Түрээсийн дугуйн үйлчилгээ Улаанбаатарт “дахин төрөв”. Тодруулбал, дугуйн түрээсийн “Hi sainuu” үйлчилгээг өчигдрөөс нийслэлд нэвтрүүллээ. Иргэд ухаалаг утасныхаа “PlayStore” болон “Appstore”-оос “Hi sainuu” аппликэйшнийг татан авч, хэтэвчээ цэнэглэснээр дугуй унах боломж бүрдэх нь. Түрээслэх үнийн хувьд 15 минут нь 1000 төгрөг юм байна. Мөн 30 минут нь 2000, 45 минут 000, нэг цаг нь 4000 төгрөг байхаар тогтоожээ. Уг үйлчилгээг эрхлэгчид нийт 1000 дугуйг үйлчилгээнд гаргаад буй бөгөөд автобусны буудлуудад байршуулжээ. Түрээсийн дугуйн үйлчилгээний “Ubikе” төслийг нийслэлд өмнө нь 2018-2019 онд хэрэгжүүлж байсан.
2023-08-25
“Мөнх, Тунх”-ын дүрүүдтэй уулзуулах нь
Тоглоомын “Kaidu world” төвөөс циркийн урлагийн шилдэг үзүүлбэрүүд бүхий, “Мөнх, Тунх” хүүхэлдэйн киноны дүрүүдийг багачуудтай уулзуулах шоу тоглолтыг Бөхийн өргөөнд ирэх сарын 2-нд зохион байгуулахаар болжээ. Хоёр цагийн турш үргэлжлэх уг энтертайнмент арга хэмжээнд дуучин хүүхдүүдийн төлөөлөл Ц.Мичидмаа, Энжи буюу А.Эрдэнэцэцэг, “Том толгойт” хамтлагийнхан оролцох юм байна. Тасалбарын үнэ 40-70 мянган төгрөг. хүүхэд бүрт бэлэг өгч, “Kaidu world” төвд нэг цаг тоглох эрх олгох аж.
2023-08-25
Сонгинохайрхан дүүрэгт бэлгэвчийн АТМ байршуулна
Уулзалтаас гаргасан залуусын санал, дүгнэлтийг холбогдох албаны хүмүүс, байгууллагад уламжлах юм байна. еэр “Бийлог техноложиес” ХХК-ийн захирал Б.Давгасүрэн илтгэл тавьсан бөгөөд залуучуудын бэлгийн замын халдварт өвчин, гэр бүл төлөвлөлтийн асуудлыг шийдэхэд хувь нэмрээ оруулахын тулд ирэх сард багтаан Сонгинохайрхан дүүргийн нутагт бэлгэвчийн 10 ширхэг АТМ байршуулах болсноо хэлэв. Засгийн газрын дэмжлэгтэйгээр Сонгинохайрхан дүүргийн Гэр бүл, хүүхэд, залуучуудын хөгжлийн газартай хамтран уг ажлыг хэрэгжүүлэхээр болсон аж.
2023-08-25
Үндэсний цэцэрлэгт хүрээлэнд “Аз жаргалын хотхон” нээлээ
Хүүхэд багачуудын аюулгүй байдал, стандартыг хангасан, гурван төрлийн тоглоом, гэр бүлийн бүх гишүүд салхилах сүүдрэвч, зугаалах талбай, скэйтбоард болон роликоор гулгах зориулалтын зам, залуу уран бүтээлчдийг дэмжих тоглолтын тайз зэргийг бүрдүүллээ. Хүүхдийн тоглоомын талбай нь битүү резинэн шалтай. Хиймэл уулнаас хэн нэгэн унаж болзошгүй тул нэмэлт хамгаалалтын олснуудтай. Бидний санаачилсан төсөл амжилттай хэрэгжиж, “КFC-Аз жаргалын хотхон”-ыг уржигдар “Үндэсний цэцэрлэгт хүрээлэн” ОНӨТҮГ-ын холбогдох албаныханд хүлээлгэн өглөө. Тус хотхоны цаашдын арчилгаа, хамгаалалт, хүүхдийн тоглоомын аюулгүй байдлыг эл байгууллагынхан бүрэн хариуцах юм” гэв.
2023-08-18
Гал унтраах техникийн ДАШТ-д 10 тамирчин өрсөлдөнө
Туркийн Истанбул хотод энэ сарын 31-нээс есдүгээр сарын 6 хүртэлх хугацаанд гал унтраах техникийн олон талт спортын ДАШТ болно. Тус тэмцээнд манай улсаас онцгой байдлын байгууллагын хоёр дасгалжуулагчийн удирдлагад 10 тамирчин оролцохоор бэлтгэлээ базааж байна.
2023-08-15
Осол бууруулдаг товчлуур
Эдгээр тоо нь манайх шиг цөөхөн хүн амтай улсад нэн тэргүүнд анхаарах асуудал нь явган зорчигчийн аюулгүй байдал болсныг илтгэнэ. Нийслэлд явган хүний 200 гаруй гарц байдаг. Үүнээс 40 гаруй нь гэрлэн дохиотой аж. 2018 онд Яармагт явганаар зам хөндлөн гарч яваад 10 хүн осолд өртсөн байдаг. Тэгвэл 2019 онд тухайн замын гарцын гэрэл дохиог удирдах товчлууртай болгосноор дахиж явган зорчигч осолдоогүй байна. Удирддаг товчлуурыг дарснаар 10 секундийн дараа ногоон гэрэл асдаг. Явган зорчигч товчлуур дараагүй үед гэрлэн дохио нь жолооч нарыг саатуулахгүй, чөлөөтэй явах боломж бүрджээ.
2023-08-10
