Одод ямар дутагдалтай вэ 

NBA-ийн түүхэн дэх хамгийн дуулиант со­лил­цооны нэгийг хийсэн “Даллас маверикс” ба­гийн ерөнхий менежер Н.Харрисон яагаад ийм шийдвэр гаргах болсон талаар тайл­бар­лахдаа Л.Дончичийн хэд хэдэн алдаа дутагд­лын талаар үг унагасан билээ. Хоолны дэглэм барьдаггүй, илүүдэл жинтэй хэмээн тэрбээр Лу­каг “гоочилсон”. Гэвч сагсан бөмбөгийн агуу тоглогчдод ч өө сэв байдаг агаад тэд үүнээс үл шалтгаалан талбайд гялалз­сан тог­лол­тоо үзүүлсээр ирснийг да­раах оддын карьер харуулдаг.

Майкл Жордан

Төгс тамирчин, түүхэн дэх хам­гийн агуу сагсан бөмбөгч хэ­мээх алдар нэрийн эзэн бол “нис­дэг хүн” билээ. Талбай дээрх агуу тоглолтоороо тэр­бээр өр­сөл­дөгчид, хөгжөөн дэм­жигч­дийн бахархлыг эрх­гүй төрүүлдэг байсан. Гэвч агуу Майклд ба­га­гүй дутагдал байс­ныг бид мэднэ. 
Тэрбээр тоглолтод ирэх бүрдээ ма­шиндаа навчин тамхи татдаг байсан бө­гөөд энэ нь тайвшрах, тоглолтдоо бэлтгэх боломж олгодог гэж ярьж байв. Түүнээс гадна Майкл ялахыг дэндүү их хүсдэг бай­лаа. Энэ нь талбай дээр түүнд ам­жилт авчирдаг бай­сан бол тал­байн гадна олон таагүй явдлын үн­дэс бол­сон түүхтэй. М.Жордан казинод олон сая доллар алдаж байснаас гадна гольф, ши­рээний теннис, хөзөр тог­лох бүрдээ заавал бооцоо тавихыг хичээдэг бай­жээ.

Ларри Берд

Түүхэн дэх хамгийн шилдэг цагаан арьст тоглогч гэгддэг Л.Берд олон сул талтай байлаа. Тэрбээр 1985 оны тавдугаар сард, “Дор­нод” бүсийн аваргын төлөө “Фи­ладельфи” багтай өрсөл­дөж байх үеэр том хэрэг тарьсан. Л.Берд тоглолтгүй өдөр бааранд нэгэн хүнтэй зодолдож гараа гэм­тээж байлаа. Ларри уг явдлаас нэг жилийн дараа “Би буруу үедээ буруу газраа байж таарсан юм” хэмээн тайлбарлаж байв. 
Л.Берд шар айраг уух тун дуртай талаар 1992 оны олимпын наадамд хамтдаа оролцож байсан Ч.Баркли дурсан ярьж байлаа. Л.Бердийг хэдэн лонх шар айраг урдаа тавиад ууж байхад нь Ч.Баркли таар­сан гэдэг. Тэрбээр уг үйл явд­лын талаар саяхан өгсөн ярил­цлагадаа “Би лав Ларри Бердтэй шар айраг ууж чадахгүй юм би­лээ. Дэлхийн хамгийн хатуу “Bud­weiser” шар айрганд тэр дуртай. Түүн­тэй хамт ууснаас болоод миний толгой хоёр өдөр өвдсөн” гэж дурссан.

Шакил О`Нил

Хэрэв хөдөлмөрч, шаргуу бол хамгийн агуу саг­сан бөмбөгчөөр нэрлэгдэх байсан хэмээн К.Брайант нэгэн удаа Ш.О`Нилийн тухай өгүүлж байв. Харин Шак өөрөө бэлт­гэл дээр өөрийгөө бүрэн дай­чилдаггүй, залхуурдаг байсан гэдгээ өчсөн билээ. 
Харин 2004 онд “Лейкерс” түүнийг “Майами” руу явуулсны дараа зарагддаггүй тоглогч гэж бай­даг­гүйг тэрбээр ойлгосон. Тухайн үед өөрийг нь шүүмжлэгчдийг чимээгүй болгох, дахин авар­га­лахын тулд илүү их хөдөлмөрлөж эхэлсэн хэмээн өгүүл­сэн байдаг.