Арьс, шир, ноос, ноолуурын үйлдвэрлэлд ашигладаг химийн бодисыг хязгаарлана 

Нэмүү өртөг шингэсэн бүтээгдэхүүн үйлд­вэр­­лэлийг дэмжих зорилгоор санаачилсан “Ца­гаан алт” үндэсний хөтөлбөрийн хүрээнд Бай­галь орчин, уур амьсгалын өөрчлөлтийн бо­лон Хүнс, хөдөө аж ахуй, хөнгөн үйлдвэрийн яам хамтран хэд хэдэн ажил хийж байгаагаа та­нилцуулав. Нэгдүгээрт, арьс, шир, ноос, ноо­луурын үйлдвэрлэлд ашигладаг хи­мийн хор­той, аюултай бодисын хэрэглээг буу­руу­лахад ан­хаарч байгаа гэнэ. Үүний хүрээнд химийн бодис ашиглалтын мэдээллийн сан бий болгох, шинж­лэх, хянах лабораторийн чадавхыг сайж­руулах, зарим төрлийн бодисыг орлуулах тех­нологи нутагшуулах, хаягдлыг багасгаж, дахин ашиг­лалтыг дэмжих цогц хөтөлбөрийг хэрэг­жүүлж эхэлжээ. Хоёрдугаарт, боловсруулах үйлдвэрлэлийн усны ашиглалтад анхаарч, хяналт тавьж буй аж. Энэ ажилтай холбогдуулан Ариут­гах татуургын сүлжээнд нийлүүлэх бо­хир ус, ерөнхий шаардлага MNS 6561 стан­дар­тыг шинэчлэн баталжээ. Үйлдвэрлэл, үйл­чил­гээний явцад бий болсон усыг өмнө нь нэг ангилалд багтааж, бүгдэд нь ижил төрлийн шаардлага тавьдаг байсан бол шинэчилсэн жур­маар найрлагаас нь шалтгаалан 12 ангилж, хо­ногт гарах бохирын агууламж, хэмжээнээс ха­маараад цэвэрлэгээний түвшний шаардлага, үзүүлэлтийг нь нарийвчлан тусгажээ. Эдгээр зо­хицуулалт нь Ус бохирдуулсны төлбөрийн тухай хуулийг хэрэгжүүлэхэд, мөн аж ахуйн нэгжүүдийг урьдчилан цэвэрлэх байгууламжтай бол­гоход чухал хөшүүрэг болох гэнэ.

Түүнчлэн бай­галь орчинд нөлөөлөх байдлын үнэлгээг орон нутгийн түвшинд батлуулдаг болгох, хи­мийн хортой, аюултай бодисын зөвшөөрлийн сис­темийг ашиглалтад нэвтрүүлэх чиглэлээр дээрх хоёр яамныхан хамтран ажиллаж байгаа аж.

Н.Мишээл