“Ташаа мэдээлэл тараасан этгээдийг олж тогтоон, хариуцлага тооцно”

Нэг гэр бүлийн зургаан хүн угаартаж амиа алд­сан хэрэг Баянгол дүүргийн 22 ду­гаар хороонд өнгөрсөн сарын 23-24-нд шил­жих шөнө гарсан юм. Цэргийн алба хаах ху­­га­­­цаандаа гэр бүлийнхнээ ийнхүү алд­сан О.Од­баяр өнгөр­сөн пүрэв гарагт хэв­лэ­лийн­хэнд хандсан. Харам­салтай нь, тухайн өдрийн 21.00 цагийн орчимд түүний гэр бүлийнхний хувийн, эмзэг мэдээлэл нийгмийн сүлжээгээр тархав. Тодруулбал, тухайн гэр бүлийнхэн угаа­рын хий мэдрэгчээ ажил­луулаагүйн ул­маас амиа алдсан, бас О.Од­баярыг хулгайн гэмт хэрэгтэн, ээжийг нь архины хамааралтай гэх мэт мэдээллийг олон нийтийн сүлжээгээр тараасан нь иргэдийг бухимдуулаад байна. Сайжруулсан түлшнээс болж нэг бүлийнхэн угаарт­чихаад байхад хол­богдох албаныхан хариуцлага хүлээх нь битгий хэл, иргэдээ буруутгах зорилгоор ийм мэдээлэл тараасан гэж олон нийт шүүмжилж буй билээ. 
Үүнтэй холбоотойгоор Хууль зүй, дотоод хэргийн сайд О.Алтангэрэл өнгөрсөн баасан га­рагт мэдээлэл хийв. О.Одбаяр болон ээжийнх нь та­лаар олон нийтийн сүлжээгээр та­раасан мэ­дээ­лэл нь ташаа гэдгийг тэр­бээр он­цолсон. “Хо­хи­рогчдын хувийн, эмзэг мэ­дээл­лийг агуулсан, цагдаагийн бай­гуул­лагын илтгэх хуудас хэл­бэрээр бичсэн мэдээлэл олон нийтийн сүл­жээнд тараад байна. Энэ нь Хүний хувийн мэ­дээлэл хамгаалах тухай хуулийг ноцтой зөрч­сөн гэмт хэрэг. Мэдээлэл тараасан этгээд албан тушаалын эрх мэдлээ ашигласан бол Эрүү­гийн хуулийн дагуу тав хүртэлх жилийн хорих ялтай. Талийгаач архины хамааралтай бай­гаагүй. Байлдагч О.Одбаяр сахилгын зөр­чилгүй, хугацаат цэргийн албаа нэр төртэй, хариуц­лагатайгаар хааж байсан. Тиймээс ташаа мэ­дээллийг зориуд тараасан гэж үзэж байна. Уг мэдээллийг цацсан этгээдийг олж тогтоон, ха­­риуц­лага тооцно” гэж сайд О.Алтангэрэл хэл­сэн юм.

М.Оч