Өнөөдөр гадаа 27 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 211 дахь өдөр бөгөөд он дуусахад 155 хоног үлдлээ.
- Цаг агаар өдөртөө 27 хэмийн дулаан бол шөнөдөө 15 градус дулаан байх нь ээ.
- Билгийн тооллын 24, Нэгэн эхийн зургаан хөвгүүн одтой, хөх морь өдөр. Өдрийн наран мандах, жаргах цаг нь 5:25-20:32. Тухайн өдөр бар, нохой жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3391.00 төгрөг, зарах нь 3394.00 төгрөг байна. Харин рублийн авах ханш 38.90, зарах ханш 39.30, юанийн авах ханш 470.00, зарах ханш 471.50, вонийн авах ханш 2.44, зарах ханш 2.46 төгрөг байна.
Өнөөдөр болох онцлох үйл явдлууд:
- 09:00 цагт: Монгол хэл бичгийн дахин шалгалтын бүртгэл орон даяар эхэлнэ.
- 10:00 цагт: “МРМ Hall” (“Монполимет”)-д:“Шинэ Хархорум" хотын ерөнхий төлөвлөгөөний олон улсын нээлттэй сонгон шалгаруулалтын II шатанд тэнцсэн шилдэг 36 багийн бүтээлийг танилцуулах Хот төлөвлөлтийн олон улсын үзэсгэлэнгийн нээлт болно.
- 10:00 цагт: Ногоон автобусны гэх тодотголтой А.Ганхуяг нарын 24 хүнд холбогдох хэргийн шүүх хуралдаан болно.
Энэ өдөр дэлхийн түүхэнд:
- 1883 оны энэ өдөр Италийн Ерөнхий сайд Бенито Муссолини мэндэлжээ.
