Өнөөдөр гадаа 27 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 200 дахь өдөр бөгөөд он дуусахад 166 хоног үлдлээ.
- Цаг агаар өдөртөө 27 хэмийн дулаан бол шөнөдөө 15 градус дулаан байх нь ээ.
- Билгийн тооллын 12, Эрхтэний тэнгэрт одтой, харагчин хонь өдөр. Өдрийн наран мандах, жаргах цаг нь 5:12-20:45. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3388.00 төгрөг, зарах нь 3394.00 төгрөг байна. Харин рублийн авах ханш 38.20, зарах ханш 38.60, юанийн авах ханш 466.50, зарах ханш 469.00, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- Төв цэнгэлдэх хүрээлэн 06:00-23:00 цагийн хооронд иргэдэд нээлттэй үйлчилнэ.
- Сэлэнгэ аймгийн Шаамар, Баруунбүрэн сумын 100 жилийн ойн баяр наадам болно.
- Төв аймгийн Баян сумын 100 жилийн ойн баяр наадам болно.
- Дундговь аймгийн Сайнцагаан сумын 100 жилийн ойн баяр наадам болно.
- Швейцар улсын Бил хотноо “Biel open” олон улсын фестивальд ҮШБ-ийн тамирчид оролцож байна.
Энэ өдөр дэлхийн түүхэнд:
- 1918 онд Өмнөд Африкийн бүрэн төлөөллийн ардчилсан сонгуулиар сонгогдсон анхны ерөнхийлөгч Нелсон Мандела мэндэлжээ.
- 1993 онд БНСУ-ын дуучин, бүжигчин, жүжигчин И Тэ-минь мэндэлжээ.
