Инновацын төслийг улсын төсвөөс санхүүжүүлэхээр боллоо 

Манай улс 2012 онд Инновацын тухай хууль­тай болсон ч Дэлхийн инновацын индек­­сээр өдгөө 133 орноос 67 дугаар байрт эрэм­бэлэгдсэн хэвээр. Энэ нь инновацын бүтээгдэхүүний экспорт, гарааны бизнесийн хөгжил хангалтгүй байгааг харуулж буйг албаныхан хэлсэн. Тиймээс шинэ, шилдэг са­нааг дотоодын зах зээлд хөгжүүлж, бү­тээгдэхүүн үйлдвэрлэлийг дэмжих зорилгоор Цахим хөгжил, инновац, харилцаа холбооны яамнаас инновацын экосистемийг бэхжүүлэх ажлыг эхлүүлж, энэ чиглэлийн төслийг улсын төсвөөс санхүүжүүлэх, грант олгох журмыг шинэчлэн батлуулснаа өчигдөр мэдээллээ. Ингэснээр инновацын шийдэл бүхий биз­­нес санааг хөгжүүлэх болон технологийн хөг­­жүүлэлтэд улсын төсвөөс санхүүгийн дэмж­­лэг үзүүлэх хууль, эрх зүйн орчин бүрдæээ. Үүний хүрээнд салбарын яамнаас ин­новацын шийдэл бүхий бизнес санаанд сан­хүүжилт олгох уралдаан тэмцээнийг тун удахгүй зохион байгуулах гэнэ. Зах зээлд нэвтрүүлсэн шил­дэг инновацын бүтээгдэхүүн, үйл­чилгээнд шагнал олгох, гарааны бизнес эрх­лэгчдэд татварын дэмжлэг үзүүлэхдээ Засгийн газ­рын холбогдох тогтоолуудыг үндэслэх àæ. Түүнчлэн инновацын экосистемийг бэхжүү­лэх ажлын хүрээнд гарааны бизнес эрхлэгч, инновац, судалгаа хөгжүүлэгчдэд зориулсан хөнгөлөлттэй зээл, төрийн өмчийн их сургуулиудыг судалгааны төвтэй болгох замаар академик эрх чөлөөг нь хангах, шинжлэх ухаан, технологийн арга хэмжээний зард­лыг дотоодын нийт бүтээгдэхүүний нэг хувьд хүргэхээр төлөвлөжээ. Инновацын ший­­дэл бүхий шинэлэг санаа, стартапуудыг дэмж­­сэнээр нийгэмд тулгамдаж буй олон асууд­лыг шийдвэрлэхийн зэрэгцээ гадаадын зах зээлд өрсөлдөх чадварыг нэмэгдүүлэх сайн талтай гэв.

М.Гэгээ