“Tesla”, “SpaceX”-ийг үүсгэн байгуулагч Элон Маск “Х” буюу twitter хуудсандаа Жак Уэтерфордийн “Чингис хаан” номыг онцоллоо. Тэрбээр цахим хуудсандаа 188.5 сая дагагчтай юм. Элон Маск нийт 11 ном санал болгосон бөгөөд тэдгээрийн нэгт эл ном багтжээ. Тодруулбал, Чингис хаан тэргүүн зэргийн одонт, монголч эрдэмтэн Жак Уэтерфорд нь “Чингис хаан: Эрхэм дээд үнэний эрэлд”, “Өнөөгийн ертөнцийг үндэслэгч Чингис хаан” зэрэг бүтээлийг бэлтгэжээ. Эл бүтээлд Чингис хааны төр барих нарийн арга ухааныг онцолсон байна. Мөн 20 гаруй орны хэлээр хэвлэсэн бөгөөд дэлхийн шилдэг бүтээлийн жагсаалтыг өнөө ч тэргүүлсээр байна.
Бэлтгэсэн А.Үл-олдох
