Монгол-Оросын хамтарсан гуравдугаар дунд сургуулийн цайны газрын ахлах тогооч Д.Баасандоржийг Ганцхудаг дахь Урьдчилан хорих төвд уржигдар саатууллаа. Түүнийг эрүүл ахуйн шаардлага хангаагүй хүнсний бүтээгдэхүүн бэлтгэж, худалдсан гэсэн үндэслэлээр цагдан хорьжээ. Д.Баасандорж нь сургуулийн цайны газрын ахлах тогоочоор ажиллахын зэрэгцээ “Баяндаш” компанийн захирал албан тушаалтай аж. Тус сургуулийн сурагчид хоолноос хордсон хэргийг Сүхбаатар дүүргийн цагдаагийн хэлтсээс шалгаж байгаа бөгөөд хүүхдүүдээс мэдүүлэг, тайлбар авч дуусжээ.