Т.Ариунзаяа дэлхийн, Э.Буян-Өлзий Азийн аваргаар тодров
Перу улсын Лима хотод өнгөрсөн сарын 27-31-нд зохион байгуулсан өсвөр үеийнхний жүдо бөхийн ДАШТ-д дасгалжуулагч Д.Энхбаатар, Х.Цагаанбаатар, Д.Алтансүх, Ц.Хулан нарын удирдлагад Монголын 20 тамирчин оролцов. Тэмцээний эхний өдөр эмэгтэйчүүдээс 48 кг-ын жинд “Женко” клубийн тамирчин Ж.Анударь мөнгөн медаль хүртлээ. Тэрбээр үүнээс өмнө Европын хоёр цуврал тэмцээнд түрүүлж байв. Гурав дахь өдрийн барилдаанд “Гүрү дожо” дэвжээний тамирчин Т.Ариунзаяа -57 кг-ын жинд түрүүлж, дэлхийн аварга болсон юм.
2024-09-02
Монголын баг паралимпийн наадмаас нэг алт, хоёр мөнгөн медаль хүртээд байна
“Парис-2024” зуны спортын паралимпийн наадмыг өнгөрсөн сарын 28-нд нээсэн. Энэ удаа манай улсаас спортын зургаан төрөлд 12 тамирчин ур чадвараа сорьж буй. Эх ний өдөр Монголын пара таеквондогийн үндэсний шигшээ баг, “Алдар” спорт хорооны тамирчин, ОУХМ У.Сүрэнжав -52 кг-ын жинд K44 ангилалд шагналын салхи хагалж, алтан медаль хүртэв.
2024-09-02
Э.Буджав, Б.Ундрах, Э.Ирээдүй нар дэлхийн аваргаар тодорлоо
Зэвсэгт хүчний алба хаагчид Киргиз улсад болсон туухай өргөлтийн ДАШТ-д 13 орны 700 гаруй тамирчинтай өрсөлдлөө. ОХУ-ын Кострома хотын Цацраг, хими, биологиос хамгаалах цэргийн академийн IV дамжааны сонсогч, дэд ахлагч Э.Буджав 68 кг-ын жинд огцом, түлхэлттэй өргөлтөөр хошой алт, мэргэжлийн төрлийн өргөлтөд хүрэл медаль хүртэв.
2024-08-29
Б.БАЯСГАЛАН: ДАШТ-д оролцсон тамирчдаас хамгийн залуу нь би байсан
Нисэх загварын спортын УАШТ-ий жолоодлогот уран нислэгийн өсвөр үеийнхний ангилалд өнгөрсөн жил оролцож, тэргүүн байрт шалгарсан Б.Баясгалан энэ удаа Улаанбаатарт болсон нийслэлийнаваргашалгаруулахтехник, технологийн олимпиадад түрүүлж, нисэх загварын спортын хотын АШТ-ээс хүрэл медаль хүртсэн юм. АНУ-ын Индиана мужийн Манси хотод энэ сарын 11-17-нд зохион байгуулсан ДАШТ-д ур чадвараа сорьсон Ази, Европын тамирчдаас хамгийн залуу оролцогч нь тэр байсан. 12 насандаа эх орноо төлөөлж, дэлхийн шилдгүүдтэй өрсөлдсөн түүнийг “Шинэ танил” буланд онцолъё.
2024-08-29
Б.Даариймаа дэлхийн нүүдэлчдийн V их наадмын шүүгчээр ажиллана
Казахстаны Астана хотод ирэх сарын 8-13- нд болох дэлхийн нүүдэлчдийн V их наадамд 89 улсын 2500 гаруй тамирчин спортын 21 төрөлд өрсөлдөх нь. Тус наадмын модон барилдааны тэмцээнд манай улс долоон тамирчнаа оролцуулах аж. Тухайлбал, эрэгтэйчүүдийн 65, 70, 80, 90, 105, эмэгтэйчүүдийн 55, 75 кг-д манай тамирчид өрсөлдөнө. Монголоос олон улсын шүүгч Б.Даариймаа модон барилдааны тэмцээнийг анх удаа шүүхээр боллоо. Тэрбээр олон улс, тивийн тэмцээнийг цөөнгүй дэнсэлсэн ур чадвараараа дэлхийн туршлагатай шүүгчдийн тоонд зүй ёсоор багтаж буй
2024-08-08
Б.Мөнгөнзул ДАШТ-ээс хүрэл медаль хүртэв
Казахстаны Астана хотод зохион байгуулсан, шатрын блиц (түргэн) болон рапид (түргэвчилсэн) тоглолтын багийн ДАШТ-д Монголоос “Hunnu air” багийнхан улсаа төлөөлж анх удаа оролцлоо. Манайхан энэ удаа дэлхийн чансааг тэргүүлэгч Магнай Карлсен, дэлхийн аварга Дин Лирэн нартай өрсөлдсөн. Тэднээс тавдугаар ширээнд тоглосон Б.Мөнгөнзул түргэн тоглолтын ангилалд хувийн дүнгээр хүрэл медаль хүртлээ. Манай улсын багийн бүрэлдэхүүнд их мастер С.Билгүүн, олон улсын мастер М.Амилал, Ү.Агьбилэг, Олон улсын шатрын холбооны мастер С.Чингүүн, Б.Мөнгөнзул, дэд мастер А.Эрхэмбаяр нар багтсан юм
2024-08-07
Олон улсын шүүгчдийн сургалт зохион байгуулж байна
Монголын хөл бөмбөгийн холбооны дээд лигийн тэмцээн энэ сарын 16-нд эхэлнэ. Үүнтэй уялдуулан тус холбооны шүүгчид бэлтгэлээ базааж буй. Дээд лигийн тоглолтын өмнө Олон улсын хөл бөмбөгийн холбоо (ОУХБХ)-ны шүүгчдийн онол, практик, фитнес сургалт Монголд үргэлжилж байна. Энэ удаагийн сургалтыг ОУХБХ-ны туршлагатай сургагч багш Мохамед Розали Баг Яакүб, техникийн багш Видьяа Хабиба Бинти Шамсури, БНХАУ-ын фитнесийн багш Жан Лин Лин нар удирдан явуулж байгаа
2024-08-05
Э.Батнайрамдал жагсаалтыг тэргүүлж байна
Монголын авто мастеруудын холбооноос зохион байгуулсан УАШТ-ий чансааны оноо олгох зургаан цуврал буюу “Мастер ралли” уралдааны дараах байдлаар шилдэг 15 тамирчин жагсаалтыг тэргүүлж эхэлсэн. Тэднээс 50 дугаартай, спортын мастер, улсын аварга Э.Батнайрамдал бусдыгаа хошуучилж, тэргүүн байрт бичигдлээ. Түүний ард 68 дугаартай, “Аваргууд” клубийн тамирчин Ш.Гомбодорж, 12 дугаартай, “VX motors” клубийн Б.Ган-Од нар нэхэж буй. Архангай аймагт өнгөрсөн сарын сүүлчээр болсон “АРА мастер кросс” тэмцээний оноог нэгтгэн дүгнэсний дараа долоон цуврал уралдааны шинэчилсэн чансааг танилцуулах нь.
2024-08-02
Н.Батбилгүүн Азийн хошой аварга болов
Тайландын Срирача хотод үргэлжилж буй бөхийн төрлүүдийн 20 хүртэлх насныхны Ази тивийн АШТ-д зодоглосон Монголын тамирчдаас эрэгтэйчүүдийн 86 кг-ын жинд ОУХМ Н.Батбилгүүн эхний тойрогт Энэтхэгийн тамирчин Сачин Сачиныг 10:0, дараагийнхад Туркменистаны бөх Парахат Атаевыг мөн 10:0-ээр хожсон. Тэрбээр хэсгийн аваргын төлөө Казахстаны Науруз Ахмедхановыг 11:0-ээр ялж, алтан медалийн төлөөх барилдаанд Ираны Рахмани Фироузжайеиг 6:3-аар буулган авснаар Ази тивийн аваргаар шалгарав
2024-07-26
Д.БУЯНДОРЖ: ДАШТ-д улсаа төлөөлж оролцохын тулд сургуулиасаа чөлөө авсан
Монголд үүсэж хөгжөөд 59 жилийн нүүр үзэж буй нисэх загварын спортоор сонирхож хичээллэдэг залуус олон бий. Тэдний нэг нь “Зуун билэг” клубийн тамирчин, спортын мастер Д.Буяндорж. Түүнийг амжилтад хөтөлсөн ачтан нь дасгалжуулагч, улсын шүүгч Д.Мөнхмандах. Багшийнхаа удирдлагад цөөнгүй жил хичээллэсэн тэрбээр дотоодынтэмцээний олон түрүүтэй. 2021 онд ОХУ-ыг зорьж, нисэх загварын олон улсын тэмцээнээс алтан медальтай ирж, БНХАУ-д зохион байгуулахад нь IV байр эзэлж байв
2024-07-26
Монголын тамирчдын тэмцээний салхийг Б.Отгонболд хагалах нь
Хүн төрөлхтний эв найрамдлын бэлгэ тэмдэг болсон зуны спортын 33 дугаар олимпын нээлтийн ёслол маргааш болно. Тус наадмын нээлтийн өмнөх өдөр (долоодугаар сарын 25-нд) байт харвааны төрөл урьдчилсан чансаа тогтоох харваагаар эхэлж, наймдугаар сарын 4 хүртэл үргэлжлэх юм. Монгол Улсаас Азийн наадмын аварга Б.Отгонболд үндэсний шигшээ багийн дасгалжуулагч Ю.Ганзоригийн удирдлагад шилдэг 64 харваачийн чансаа тогтоох харваанд оролцож, энэ сарын 29-нд хасагдах шатанд цэц сорих нь.
2024-07-25
М.Цэлмэг Зүүн Азийн аваргаар тодорлоо
Малайзын Пенан хотод болсон Зүүн Азийн өсвөр үеийн шатарчдын АШТ-д манай улсаас 39 тамирчин оюунаа сорьсон. Дээрх тэмцээний 14 хүртэлх насныхны хөвгүүдийн ангиллын стандарт төрөлд Г.Зэв хүрэл, 16 насныхад Б.Алдар аваргын төлөө тоглож, мөнгөн медаль хүртлээ. Охидоос 14 хүртэлх насныхад Дэлхийн шатрын холбооны мастер Д.Цэлмүүн, 16 насныхад А.Марал нар алтан медалийн төлөө өрсөлдсөн ч аман хүзүүдэв
2024-07-24
Б.ЗОРИГТБААТАР: Ойрын 10 гаруй жил давтагдаагүй амжилт гаргалаа
Жил бүрийн наадмаар сурын харвааг сонирхож үзэхээр жуулчид олноор ирдэг. Буриад сурын тэмцээн халх харвааны өмнө болдог тул харваачдад сэтгэл зүйн бэлтгэл болдог талтай. Монголд буриад харваагаар Дорнод аймгийнхан хамгийн олон амжилт гаргасан. Тэдний нэг бол Цагаан-Овоо сумын уугуул, АПУ хувьцаат компани, “Хасбуу” сурын холбооны харваач, спортын мастер Б.Зоригтбаатар. Тэрбээр 64 сумнаас 63 онож, буриад сурын улсын мэргэн цол хүртсэн юм.
2024-07-23
Т.ГАЛХҮҮ: Түрүүлэхэд нутгийнхан минь их баярласан
Өвөг харваа буюу урианхай сур нь эзэн богд Чингис хааны үеэс улбаатай хамгийн эртний харваа юм. Дайн байлдаанд анх ашигладаг байх үеэс тоглоом наадмын хэлбэрт оруулахыг урианхайчууд эхэлжээ. Урианхай овгийн онцлог болох дайнч, тулаанч шинжийг илтгэсэн эртний ёс дэглэм бүхий эл харвааг өнөөг хүртэл хадгалан цэц сорьж ирсэн нь өдгөө Үндэсний их баяр наадмын харвааны төрөлд багтах болсон юм
2024-07-23
Д.ЭРДЭНЭХҮҮ: Нум эвшээлгэхэд бодол цэгцэрч, төвлөрдөг
Халх сурын байг “ханан” болон “хасаа” харваа гэж хоёр ангилдаг. Ханан харваанд гурван метр өргөн, 40 сантиметр өндөр хэц татаж, дотор талд нь сум орвол оносонд тооцно. Хасаа харваанд зөвхөн эрчүүд 20 сум тавьдаг. Эрэгтэйчүүд 75 метр газраас 40 сум, эмэгтэйчүүд 60 метрт 20 сум харвана
2024-07-23
Н.АЛТАНСҮХ: Ээжийнхээ бэлэглэсэн нумаар харваж түрүүллээ
Жил бүрийн наадмаар хүчит бөх, хурдан хүлэг, эрхий мэргэн харваачдыг нутгийнх нь уулс даган ирж нааддаг гэх яриа бий. Аавын хүү болгон цэц сорьдог ч түрүү харваачаар тэр бүр тодордоггүй. Алтан шар зурхайд нутгийнхаа хийморийг сэргээн, ур чадвар, мэдрэмжээрээ олноос од шиг гялалзсан нэгэн харваач бол Монгол Улсын мэргэн цол хүртсэн Н.Алтансүх байв. Тэрбээр сурын талбайд азтай агшин, торгон мөч, баярын нулимсаа наадамчин олонтой хуваалцсан
2024-07-19
Б.ПУНСАЛДУЛАМ: Сэтгэл догдлолоо барьж, тайван байхыг хичээсэн
Тэрбээр сурын талбайд цэц сорьж түрүүлчихээд алтан шар зурхайдаа талархсан. Шавиа Монгол Улсын даяар дуурсах мэргэн цол хүртэхэд багш нь хамгийн түрүүнд гүйж ирээд урам хайрлаж байлаа. Түүнийг энэ спортод хөл тавихад зааж зөвлөн, амжилтад хөтөлсөн ачтаны нэг бол үндэсний сур харвааны хүндэт мэргэн Б.Жалбаа. Бэлтгэл хийхээр ирсэн шавилхан охиныг дүүгийнх нь хамт угтан авч, мэддэг, чаддаг бүхнээсээ харамгүй заасан гэдэг
2024-07-19
