Ирэх сард олон жилийн дунджаас хүйтэн байх нь
Цаг уур, орчны шинжилгээний газраас ирэх саруудын цаг агаарын ерөнхий төлөвийг гаргажээ. Ирэх сард нутгийн баруун хойд хэсгээр олон жилийн дунджаас хүйтэн байх нь. Мөн зүүн өмнөд хэсэгт олон жилийн дунджаас ахиу хур тунадас орох төлөвтэй байна. Харин арваннэгдүгээр сард агаарын температур нийт нутгаар дулаан, хур тунадас олон жилийн дунджийн орчим байх гэнэ.
2024-09-05
“Barilga еxpo”-гийн үеэр ипотекийн зээлээ шийдүүлэх боломжтой
Барилгын үзэсгэлэн яармагийг 36 дахь удаагаа энэ сарын 6-8-нд “Буянт-Ухаа” спорт цогцолборт зохион байгуулах нь. Өнөө жилийн экспог Монголд барилгын салбар үүсэж хөгжсөний 98 жилийн ойн хүрээнд, орон сууцын эрэлт нэмэгддэг, бүтээн байгуулалтын ажил ид өрнөж буй цаг үед зохион байгуулахаараа онцлог аж.
2024-09-04
Увс аймгийн удирдлага хамаарал бүхий хүмүүстээ газар олгодог бололтой
Увс аймгийн дарга нар нэг намын нөхөд, танил тал, хамаарал бүхий хүмүүстээ давуу байдал олгож, газраар “шагнадаг” бололтой. Тус аймгийн Засаг даргаар ажиллаж байсан Д.Батсайханыг бусдад хууль бусаар давуу байдал бий болгосон үндэслэлээр АТГ-ын Мөрдөн шалгах хэлтэст шалгаж, яллах дүгнэлт үйлдүүлэхээр болоод байна.
2024-09-04
Эг, Үүр, Орхон-Сэлэнгийн сав газраар бороотой
7-нд Алтай, Хөвсгөлийн уулархаг нутгаар, 8-нд Хангай, Хөвсгөл, Эг, Үүр, Орхон-Сэлэнгийн сав газраар бороо орно. Салхи 7-нд Алтайн салбар уулсаар, 8-нд Алтайн салбар уулс болон тал, хээрийн нутгаар секундэд 15-17 метр хүрч ширүүснэ. 5-наас ихэнх нутгаар дулаарч Монгол-Алтайн уулархаг нутаг, Завхан голын эх, Хүрэнбэлчир орчмоор шөнөдөө +1...+6 градус, өдөртөө +18...+23 градус, Их нууруудын хотгор, говийн бүс нутгийн өмнөд хэсгээр шөнөдөө +16...+21 градус, өдөртөө +29...+34 градус, бусад нутгаар шөнөдөө +9...+14 градус, өдөртөө +23...+28 градус дулаан байна.
2024-09-04
Эргүүлийн 21 чиглэл шинээр нэмснээр дуудлага, мэдээлэлд очих хугацаа багасав
Цагдаагийн байгууллагын хүлээн авч буй дуудлага мэдээлэл их, хүрч очих автомашины тоо харьцангуй цөөн байсныг ЦЕГ-ын дарга бригадын генерал Т.Сүхболд энэ онд шийдвэрлэж, нийслэлийн төвийн зургаан дүүргийн Цагдаагийн газар, хэлтсүүдэд авто эргүүлийн 21 чиглэлийг шинээр нэмэх шийдвэр гаргаж, төсөв, техник хэрэгсэл, орон тоог нь баталсан юм.
2024-09-03
