“ДЦС-4”-ийн ажилчид өөрсдөө тоноглолоо үйлдвэрлэж байна
“ДЦС-4” 1400 гаруй ажиллагсадтай бөгөөд инженер, техникийн 298 ажилтантай аж. Үүнээс 60 орчим хувийг нь 35-45 насныхан эзэлж буй гэнэ. Гэвч 2022 оноос хойш мэргэжилтнүүд ажлаас гарах нь нэмэгджээ. Энэ нь боловсон хүчний хомсдолд орох аюул учруулж болзошгүйг ЭХЯ-наас мэдээлэв. Тэнд 30 гаруй жил ажилласан ахмад мэргэжилтнүүд тэтгэвэртээ гарахад 35-45 насныхан үргэлжлүүлэн ажиллаж, дараа үеийн залуустаа ажлаа хүлээлгэн өгөх үүрэг хүлээх учиртай. Гэвч ийм нөхцөл үүсээд байгааг “ДЦС-4”-ийн инженер Д.Тулга хэлжээ
2024-01-26
“Осолдсон автомашинд 60 бус, 15.4 тонн хий тээвэрлэж явсан”
Хий тээвэрлэж явсан автомашин нь осолдсон асуудлаар “Дашваанжил” компанийнхан өчигдөр мэдээлэл хийв. Осолдсон тээврийн хэрэгсэл нь энэ сард авсан, шинэ машин байсан гэдгийг тус компанийнхан хэллээ. Мөн хот хооронд дөрөв дэх удаагийн тээвэрлэлтээ хийж байсан гэв. Осолдох үедээ Замын-Үүд рүү хийн түлш хүргэхээр явж байжээ. Тус компанийн ерөнхий захирал Н.Баатаржав “Манай компанийн жолооч 62 настай, архи, тамхи хэрэглэдэггүй, онц тээвэрчин, шилдэг ажилтан. Тэрбээр мэргэшсэн жолоочийн үнэмлэхтэй, хий тээвэрлэх сургалтад хамрагдсан байсан. Гэнэтийн осол гарсанд гүнээ харамсаж байна” хэмээв
2024-01-26
1961-1990 оны дунджаас 1.9 градусаар дулаарчээ
2023 он дэлхийн түүхэн дэх хамгийн халуун, уур амьсгалын өөрчлөлтөөс үүдэлтэй олон гамшиг, осол тохиосон жил болсныг олон улсын цаг уурын байгууллагууд мэдээлээд буй. Тэгвэл Монгол орны уур амьсгал, цаг агаар өнгөрсөн онд ямар байсныг Ус, цаг уур, орчны судалгаа, мэдээллийн хүрээлэнгээс тоймлон танилцуулав. Дэлхийн агаарын дундаж температур өнгөрсөн онд 1.46 хэмд хүрсэн бол Монгол орных 1.3 градус байсан аж. Энэ нь уур амьсгалын өөрчлөлт харьцангуй сул илэрч байсан 1961-1990 оны дундаж үзүүлэлтээс 1.9 градусаар дулаан, сүүлийн 83 жилийн түүхэн дэх хамгийн халуун долоон оны нэг болжээ
2024-01-26
Гандангийн дэнжийн гэр хороолол балгас болжээ
Улаанбаатар хотын төвийн сүүлчийн гэр хороолол нь Баянгол дүүргийн 16 дугаар хороо буюу Гандантэгчэнлин хийдийн ойр орчмын айл өрхүүд гэхэд болно. Энэхүү хэсгийн гэр хорооллын дэд бүтцийг шийдэж, дахин төлөвлөнө гэж холбогдох албаныхан сүүлийн 10 гаруй жил ярьсаар ирсэн ч өнөө хэр үр дүн гарсангүй. Гандан орчмын гэр хороолол харин ч улам навсайсаар байна. Дахин төлөвлөх гэхээр иргэд нь газраа өндрөөр үнэлдэг, тиймээс өөрсдөө ч нүүхгүй, хүнд ч зарахгүй өдий хүрчээ. Гандангийн дэнжийн гэр хорооллын өнөөгийн нөхцөл байдлыг сурвалжиллаа
2024-01-26
Аялал жуулчлалын салбарынхан Хустайд цасны баяр тэмдэглэнэ
Монголын аялал жуулчлалын холбооныхон Хустайн байгалийн цогцолборт газрын хамгаалалтын захиргаатай хамтран энэ сарын 26-нд аялал жуулчлал, зочлох үйлчилгээний салбарынхны дунд “Эрүүл агаар-туризм тайм” цасны баяр зохион байгуулахаар болжээ. Энэхүү арга хэмжээ нь аялал жуулчлалын салбарынхны харилцаа, хамтын ажиллагааг өргөжүүлэх зорилготой юм байна
2024-01-25
Нийслэлийн ИТХ-ын ээлжит хуралдааныг түр хойшлуулжээ
Өнөөдөр зохион байгуулахаар товлосон нийслэлийн ИТХ-ын ээлжит XXI хуралдааныг түр хойшлуулахаар болжээ. Баянзүрх дүүргийн 26 дугаар хорооны нутаг дэвсгэрт гарсан ослын хор уршгийг арилгах, тусламж үзүүлэх, сэргээн босгох ажлыг нийслэлийн Онцгой комисс болон нутгийн захиргааны холбогдох байгууллагууд зохион байгуулж, бүрэн бүрэлдэхүүнээрээ ажиллаж буй тул ийнхүү шийдвэрлэснийг ИТХ-ын дарга Ж.Батбаясгалангийн захирамжид дурдсан байна
2024-01-25
Тахь сэргээн нутагшуулж буй газруудад биотехникийн арга хэмжээ зохион байгууллаа
Монгол Алтайн нурууны улсын тусгай хамгаалалттай газрын хамгаалалтын захиргааны алба хаагчид Алтай таван богд, Сийлхэмийн нурууны тусгай хамгаалалттай хэсэг болон түүний орчны бүсэд биотехникийн арга хэмжээ зохион байгуулж, 260 боодол өвс, есөн тонн давс байршуулжээ. Тодруулбал, Шивээт хайрхан, Талдгийн их уул, Сонгинот, Мухар, Хүрэн хайрхан, Хар магнай зэрэг газарт зэрлэг амьтдад зориулж, зургаан удаа өвс, тэжээл тавьсан байна.
2024-01-25
Сурагчдад ногдох хувьсах зардлын дундаж хэмжээг баталлаа
Засгийн газрын ээлжит хуралдаанаар “Сургуулийн өмнөх боловсрол эзэмшүүлэхэд нэг суралцагчид ногдох хувьсах зардлын дундаж хэмжээ, түүний бүрэлдэхүүн”, “Ерөнхий боловсрол эзэмшүүлэхэд нэг суралцагчид ногдох хувьсах зардлын дундаж хэмжээ, түүний бүрэлдэхүүн”, “Төрийн болон орон нутгийн өмчит цэцэрлэг, ерөнхий боловсролын сургуулийн нэг суралцагчид ногдох хувьсах зардлын байршил, хүүхдийн тооноос хамаарсан өсөн нэмэгдэх итгэлцүүр”, “Хувьсах зардал болон үр дүнгийн үнэлгээнд үндэслэн төсөв тооцох аргачлал, санхүүжүүлэх журам”-ыг тус тус баталлаа.
2024-01-25
Г.Ариунбуян: Иргэдийн түрээсийн зардалд 1.4 тэрбум төгрөг зарцуулна
Баянзүрх дүүргийн 26-р хороонд болсон дэлбэрэлтийн үеэр 60 айлын орон сууц өртсөн. Эдгээр иргэний байрыг нь засварлах хүртэлх түрээсийн зардалд 1.4 тэрбум төгрөгийг зарцуулна. Үүнийг Засгийн газрын нөөц сангаас гаргахаар өнөөдрийн ээлжит хуралдаанаар шийдэрлэлээ.
2024-01-25
Том машины жолоочийг баривчлах зөвшөөрөл олгожээ
Тээврийн Прокурорын газраас 2024 оны нэгдүгээр сарын 24-ний өдрийн 18 цаг 45 минутад Р-ийг сэжигтнээр баривчлах тухай саналыг Баянзүрх дүүргийн Эрүүгийн хэргийн анхан шатны шүүхэд ирүүлжээ.
2024-01-25
ХУД-ийн 18-р сургуулийн өргөтгөл ашиглалтад оржээ
Азийн хөгжлийн банкны санхүүжилтээр Боловсрол, шинжлэх ухааны яамнаас хэрэгжүүлж буй "Эдийн засгийн хүндрэлийн үед боловсролын чанар, хүртээмжийг сайжруулах" төслийн хүрээнд нийслэлийн Хан-Уул дүүргийн гуравдугаар хорооны 18-р сургуулийн 320 хүүхдийн суудалтай өргөтгөлийн барилга ашиглалтад орлоо.
2024-01-25
Монгол хэл, бичгийн асуудлаар чуулжээ
ШУА-ийн Хэл зохиолын хүрээлэнгээс МУИХ, МУЗГ, БШУЯ, СЯ, ЦХХХЯ, ХБҮЗ-тэй хамтран “Монгол хэл, бичгийн асуудал, шийдэл-2024” үндэсний чуулганыг зохион байгууллаа. Чуулганд монгол хэл, бичгийн эрдэмтэн судлаачид, яам, тамгын газрын ажилтнууд, их, дээд болон ЕБС-ийн багш нар, радио, телевиз, хэвлэл мэдээллийнхэн, зохиолч, яруу найрагчид гээд 450 гаруй хүн оролцлоо. Монгол Улсын Ерөнхийлөгч Ухнаагийн Хүрэлсүх, УИХ-ын дарга Г.Занданшатар, Монгол Улсын Ерөнхий сайд Л.Оюун-Эрдэнэ нар мэндчилгээ илгээж, УИХ-ын гишүүн, Засгийн газрын гишүүн, Цахим хөгжил, харилцаа холбооны сайд Н.Учрал мэндчилгээ дэвшүүлэв. Үндсэн илтгэлийг УИХ-ын гишүүн, Монгол хэл, бичгийн үнэлэмж, хэрэглээ, эрх зүйн орчныг боловсронгуй болгох асуудлаар зөвлөмж, санал, дүгнэлт гаргах үүрэг бүхий ажлын хэсгийн ахлагч Г.Мөнхцэцэг, УИХ-ын гишүүн, Засгийн газрын гишүүн, БШУ-ы сайд Л.Энх-Амгалан нар тавилаа.
2024-01-25
Иргэн: Хулгай хийдэг шигээ ажлаа хийгээд өгөөч
БЗД-ийн 13-р хорооны иргэд 14 дүгээр сургуулийн дэргэд байрладаг “Шунхлай” ШТС-ын үйл ажиллагааг зогсоохыг шаардаж байна. Арав гаруй жилийн өмнө баригдсан тус ШТС-ын асуудлыг эхнээс нь хөндөж, хөөцөлдсөн боловч үр дүн гараагүй байна.
2024-01-25
